Shqipëria U-17 dhe Mali i Zi U-17 do të matin forcat në dy takime miqësore, të planifikuara në kuadër të përgatitjeve të ekipeve kombëtare të moshave.

Ndeshja e parë do të zhvillohet më 25 shtator, në orën 17:00, në transfertë, në Malin e Zi.

Përballja e dytë do të luhet tri ditë më pas, më 28 shtator, kur kuqezinjtë do të presin Malin e Zi U-17 në stadiumin “Loro Boriçi”. Ky takim do të nisë në orën 11:00.

Stafi teknik do ta shfrytëzojë këtë seri ndeshjesh për të vlerësuar grupin dhe për të vijuar punën me futbollistët e kësaj grupmoshe, në kuadër të përgatitjeve për aktivitetet e ardhshme ndërkombëtare.

The post Shqipëria U-17 përballet dy herë me Malin e Zi në ndeshje miqësore appeared first on Albeu.com.