Dje Shqipëria mundi Zvicrën me rezultatin 1-2 në transfertë, falë dopietës së Pajazitit.

Në Zvicrën U-21 luajnë disa shqiptarë, përfshirë edhe Hajdarin. Ky i fundit nuk e përtyp dot lehtë humbjen dhe për një moment ka reaguar në mënyrë të turpshme.

Në minutën e 98 të ndeshjes, Selimaj kishte një duel trupor me futbollistin zviceran Magnin. Selimaj zgjati bërrylin dhe Magnin humbi ekuilibrin duke rënë në tokë.

Albian Hajdari, i nxitur nga frustrimi, shkoi me vrull për të hakmarrë ndaj Selimaj, duke e goditur me trup dhe e rrëzuar në tokë, ndërsa loja ishte e ndaluar dhe arbitri kishte akorduar faull.

Më e rëndësishme është se Hajdari e shikonte me mllef Selimajn pasi ky i fundit kishte rënë në tokë, duke shprehur disa fjalë ofenduese nën zë.

Këto situata dhe këto emra janë për t’u mbajtur mend, pasi nuk do të ishte ndonjë çudi që pas disa vitesh Albian Hajdari të tregojë se sa shumë e donte Shqipërinë, ndërkohë që FSHF nuk e mori si pjesë të kuqezinjëve.

E vërteta është se disa lojtarë, ndonëse veshin një fanellë tjetër, ndiejnë brenda vetes mllëf dhe vrer të ngjashëm me atë të Hajdarit, që ka treguar një urrejtje të pashpjegueshme, si të luante ndaj Serbisë dhe jo ndaj Shqipërisë.

The post VIDEO / E përplasi në tokë si të ishte lojtar serb, shikoni si Hajdari i Zvicrës godet lojtarin e Shqipërisë appeared first on Albeu.com.

23-vjeçari kuqezi ishte protagonist absolut në këtë takim, ku fillimisht realizoi një gol me shumë klas në minutën e 18-të duke i dhuruar avantazhin ekipit të tij, Beshiktash.

Një gjuajte nga jashtë zone që u pre në rrjetë.

Jo vetëm goli i shënuar, Muçi ishte një rrezik konstant duke iu afruar golit të dytë personal në të paktën edhe dy raste të tjera të pastra.

Në fund, Beshiktash doli me tre pikë pas fitores 2-0 duke mbajtur të ndezur objektivin për të siguruar një vend në Europa League.

Në përfundim të këtij takimi, Muçi u shpall lojtari i ndeshjes, ndërsa sipas SofaScore, u vlerësua me notën 8,4:

“U përpoqa të përfitoja nga hapësirat. Por ne luajtëm mirë si ekip. Duhet të mbajmë këtë standard. Duhet të vazhdojmë në këtë mënyrë deri në fund të sezonit. Tifozët kanë treguar një mbështetje të madhe për mua që nga dita e parë.

U jam falënderues. Po punojmë për të dhënë më shumë. Do të përpiqemi të fitojmë të gjitha ndeshjet dhe t’i bëjmë ata dhe veten tonë të lumtur në ndeshjet e mbetura”, u shpreh Ernest Muçi.

The post VIDEO / Realizoi golin e 3 në Turqi, Muçi shpallet lojtari i ndeshjes, notë e “çmendur” nga SofaScore appeared first on Albeu.com.

Shpresat mbajnë aktualisht vendin e katërt në grupin E, me pikë të barabarta sa Finlanda. Në përfundim të ndeshjes foli për mikrofonin e SuperSport Alban Bushi.

Trajneri i grupmoshës 21-vjeçare nuk e fshehu zhgënjimin, ndërsa përmendi se do vazhdojnë të luftojnë për 3 ndeshjet e mbetura. Po ashtu ra në sy veçimi i mesfushorit Fetai, që e konsideroi numrin 6 shqiptar më të mirë të të gjitha kohërave.

Sa i zhgënjyer? – “Ne e dinim forcën e Zvicrës. Më i fortë se ne në letër dhe fushë. Ndëshkohemi për gabimet tona. E kam te golat, i japim vetë. Nuk duhet të bëjmë gabimet individuale, pastaj le të na rrahin si na rrahën”.

Objektivi për të qenë në vendet e para? – “Na vjen keq që rrihemi. E dim që kundërshtari më i mirë, kur i sheh në letër nivelet të mëdha. Ata ishin pushim, ne luajtëm para 3 ditëve. Ne objektiv kishim për të kap vend të dytë. Kemi dhe 9 pikë në lojë, mund të ndodhë gjithçka”.

“Ne sot kishim 4 lojtarë dhe për edicionin tjetër. Duhet ta falenderoj Fetain, më i miri i gjithë kohërave në numrin 6. Mund ta krahasoj me Altin Lalën. Zvicra shumë e fortë, jemi të zhgënjyer nga kjo humbje gjithsesi”.

Tifozët? – “Na kanë mbështetur, e di ça suporti të japin. Nuk mund të them që i zhgënjyem se çunat luftuan. Duhet harruar dhe parë ndeshje tjetër”.

The post “Kemi dhe 3 ndeshje për kualifikimin”, Alban Bushi vë në piedestal Fetain: Më i miri i të gjitha kohërave appeared first on Albeu.com.

Ndeshja nisi me vrull për të besuarit e trajnerit Alban Bushit, megjithatë ata që shënuan ishin miqtë me anë të një goditje dënimi në minutën e 28-të nga Surdez.

Simon Simoni provoi t’i ndryshonte udhë topit, por nuk mundi pavarësisht përpjekjeve maksimale. Me këtë rezultat u mbyll pjesa e parë, teksa në fraksionin e dytë, kuqezinjtë reaguan dhe kërkuan me ngulm golin.

Për t’u theksuar një episod i minutës së 54, kur Pajaziti fitoi duelin e shpejtësisë me mbrojtësin kundërshtar duke shkuar i pari te topi.

Por, arbitri çuditërisht nuk e vlerësoi si një faull dhe vijoi normalisht lojën. Pesë minuta më vonë, Zvicra U21 shënoi edhe golin e dytë.

Në zhvillimet e një goditje këndi, Sanchez u gjend i lirë në zonë dhe ndëshkoi sërish Simonin. Zvicra U21 thelloi edhe më shumë diferencat teksa në të 76-tën helvetët shënuan edhe golin e tretë me Keller.

Në fund, Shqipëria shënoi me Shpendin, por që ky gol shërbeu sa për statistikë. Pas kësaj disfate, kuqezinjtë bien në vendin e katërt me 10 pikë ndërsa Zvicra ngjitet në krye me 14 pikë. /ss/

The post Shqipëria U21 “bie” në Air Albania, skuadra e Bushit nuk i reziston Zvicrës appeared first on Albeu.com.