Yakin duhej të mbyllte listën përfundimtare për skuadrën e Kampionatit Evropian të premten pasdite.

Sulmuesi shqiptar, Andi Zeqiri është i fundit që largohet nga kampi zviceran. 24-vjeçari i KRC Genk do të jetë në gatishmëri nëse një lojtar i sulmit nuk është i disponueshëm.

“Andi na e bëri të vështirë vendimin. Së fundmi ai ka performuar shumë mirë. Ditët stërvitore në kamp treguan se konkurrenca është shumë e fortë edhe në sulm”, deklaroi Yakin.

Zvicra të udhëton drejt Gjermanisë me tre portierë, shtatë mbrojtës dhe 16 lojtarë të mesfushës dhe sulmit.

Granit Xhaka do të jetë kapiten, ndërsa nuk diskutohet as rekordmeni Xherdan Shaqiri. Me Zvicrën do të udhëtojë edhe shqiptari nga Kumanova, Ardon Jashari.

Uran Bislimi dhe Albian Hajdari u larguan më herët nga kampi i Zvicrës. /Telegrafi/

Das sind unsere 26 EM-Fahrer 🇨🇭
Nos 26 joueurs pour l'Euro
I nostri 26 giocatori per l'Europeo

📰 ➡ https://t.co/hbEijFm84Y#natimiteuch #lanatiavecvous #lanaticonvoi #lanaticunvus #Euro2024 pic.twitter.com/GConT9v1u0

— 🇨🇭 Nati (@nati_sfv_asf) June 7, 2024

The post Yakin publikon listën e plotë për Euro 2024, largohet edhe një shqiptar, vetëm tre shkojnë në Gjermani appeared first on Albeu.com.

Por gradualisht kjo listë po shkurtohet dhe do të bie numri në 26 futbollistë që do të ftohen për Kampionatin Evropian.

Përzgjedhësi Murat Yakin ka bërë sërish reduktimin e listës, duke larguar edhe katër futbollistë, derisa në mesin e tyre ishin dy shqiptarë.

Fubollistët e larguar nga kampi zviceran janë Filip Ugrinic, Kevin Mbabu, Uran Bislimi dhe Albian Hajdari.

“Ata u përfshinë në mënyrë shembullore në grup, brenda dhe jashtë fushës dhe kontribuan për të siguruar që cilësia dhe intensiteti i dhjetë ditëve të fundit të stërvitjes të ishte shumë i lartë. Në fund të fundit, u dhashë përparësi lojtarëve të tjerë në pozicionet e tyre për arsye taktike dhe strategjike. Filipi ka shumë konkurrencë në mesfushë. Në anën e djathtë të mbrojtjes, i dhashë përparësi Leonidas Stergiou, i cili e mbylli sezonin e tij bindës në Stuttgart me një kualifikim në Ligën e Kampionëve dhe i cili mund të përdoret në mënyrë fleksibël si në mbrojtjen me tre lojtarë si qendërmbrojtës sesa në sistemet e tjera në anën e djathtë”, shpjegon Yakin për të justifikuar vendimin e tij.

E njëjta gjë vlen edhe për Uran Bislimin dhe Albian Hajdarin, të cilët ishin ende në garë të dielën me FC Luganon në finalen e Kupës së Zvicrës. “Kemi rënë dakord me ta që nuk do të udhëtojnë më në St. Gallen për ditët e mbetura të kampingut, por do të qëndrojnë individualisht në formë për të qenë gati nëse na duhen gjatë turneut”, shpjegon Yakin.

Siç ishte rënë dakord që në fillim, dje pas ndeshjes në Luzern u larguan nga skuadra edhe dy portierët Pascal Loretz dhe Marvin Keller. /Telegrafi/

The post Zvicra largon katër futbollistë nga lista e gjerë, në mesin e tyre edhe dy shqiptarët appeared first on Albeu.com.

Fillimisht ishte Steven Zuber ai i cili realizoi në minutën e 20-të për t’i dhënë epërsinë Zvicrës prej 1-0, ndërkaq në pjesën e dytë Zvicra shënoi edhe tre gola të tjerë me Zeki Amdouni (47′) për 2-0, Nico Elvedi (63′) për 3-0 dhe sulmuesi shqiptar Xherdan Shaqiri i cili në minutën e 70-të u tregua i saktë nga pika e bardhë për rezultatin përfundimtar 4-0.

Kjo ndeshje ishte një ‘test’ për ekipin e Murat Yakin para fillimit të Kampionatit Evropian ‘Euro 2024’, për të parë gjendjen e futbollistëve.

Zvicra do të ketë edhe një ndeshje tjetër para se të marrë rrugë për në Gjermani, pasi pas katër ditësh (e shtunë) do të përballen me Austrinë.

Kujtojmë se Shaqiri me shokë janë të pozicionuar në grupin A në Euro 2024, së bashku me Gjermaninë, Hungarinë dhe Skocinë.

Ndeshja hapëse për Zvicrën në Kampionatin Evropian do të jetë ajo ndaj Hungarisë, e cila do të luhet më datë 15 qershor.

The post Xherdan Shaqiri kontribuon me gol në fitoren e thellë të Zvicrës appeared first on Albeu.com.

Por shqip nuk do të flasë vetëm kombëtarja jonë, pasi edhe Zvicra do të ketë disa shqiptarë në listën e saj. Janë jo pak, por 6 të tillë që pritet të mbajnë veshur fanelën e “Helvetëve” në Euro 2024.

Në listën paraprake të publikuar të kombëtares sëe Zvicrës shihen: Granit Xhaka (Bayer Leverkusen), Xherdan Shaqiri (Chicago Fire), Ardon Jashari (Luzern), Andi Zeqiri (Genk), Uran Bislimi (Lugano) dhe Albian Hajdari (Lugano).

Lista paraprake e Zvicrës:

The post EURO 2024 / Nga Xhaka e Shaqiri te Jashari, 6 shqiptarë në listën paraprake të Zvicrës appeared first on Albeu.com.

Listën e përbëjnë lojtarë të dalluar, ndër ta edhe dy futbollistë me prejardhje shqiptare.

Xherdan Shaqiri, lojtar i shquar me një karrierë të pasur ndërkombëtare, renditet si lojtari i dytë më i mirë zviceran në këtë listë të lartë, ndërsa ajo që është më shokuese se Granit Xhaka, një tjetër yll me origjinë shqiptare që ka lënë gjurmë në skenën ndërkombëtare të futbollit, është pozicionuar në vendin e katërt.

E vendosur në majën e listës si futbollisti më i mirë zviceran është legjenda Stephane Chapuisat.

“Blick” përmblodhi arritjet e çdo lojtari dhe shtroi pyetjen nëse Xhaka e meriton të renditet më lart pas suksesit të tij të fundit në Bundesligë si kapiten që udhëhoqi klubin e tij, Bayer Leverkusenin, drejt titullit kampion dhe pa asnjë humbje deri më tani në këtë edicion, kur kanë kaluar 29 javë.

Xhaka u shpall kampion bote në vitin 2009 me ekipin U17 dhe nënkampion i Evropës me U21 në vitin 2011, shtoi dy Kupa FA në koleksionin e tij me Arsenalin, si dhe dy tituj kampion dhe një Kupë të Zvicrës me Basel.

Ai është gjithashtu rekordmen në ndeshjet e luajtura për Zvicrën me 123 paraqitje dhe ka shënuar 14 gola.

Nga ana tjetër, Shaqiri mbërriti në krye të futbollit evropian duke fituar Ligën e Kampionëve me dy klube të mëdha, Bayern Munich dhe Liverpool, dhe duke i shtuar në koleksionin e tij tituj kampioni dhe trofe të tjera të rëndësishme.

Lojtari ka një histori impresive në Kupat e Botës dhe Kampionatet Evropiane, duke shënuar në çdo turne të madh që nga viti 2014.

Tani duke luajtur për Chicago Fire në MLS, Shaqiri ka bërë 121 paraqitje për kombëtaren zvicerane dhe ka regjistruar 30 gola.

Sa i përket Chapuisat, i cili është 54-vjeçar aktualisht, ai arriti kulmin e karrierës së tij si një nga lojtarët kryesorë të Borussia Dortmund, si dhe ka luajtur për skuadra të tjera prestigjioze zvicerane.

Ai ka shënuar 21 gola në 103 ndeshje për Zvicrën dhe ka fituar dy herë Bundesligën dhe një herë Ligën e Kampionëve. /Telegrafi/

The post “Blick” shokon me listën e më të mirëve në histori të Zvicrës: Shaqiri i dyti, Xhaka renditet poshtë appeared first on Albeu.com.

Ndeshja nisi me një ritëm të qetë, por që Helvetikët ishin më këmbëngulës me kalimin e minutave.

Ishte minuta e 24-të e takimit, kur Xherdan Shaiqiri realizoi një gol të bukur nga gjuajtja e lirë, duke çuar topin në shtyllën e majtë të portierit kundërshtar.

Me gjasë kjo ndeshje do të ketë më shumë gola, me lojtarë që synojnë të tregojnë formë të mirë. /Telegrafi/

🚨 GOAL | Ireland 0-1 Switzerland | Shaqiri

WHAT A FREE KICK FROM SHAQIRI !!!!!!!pic.twitter.com/cLdc56Entx

— Tekkers Foot (@tekkersfoot) March 26, 2024

The post VIDEO / Gol fenomenal nga Xherdan Shaqiri prej gjuajtjes së lirë appeared first on Albeu.com.

Mediumet zvicerane janë marr shumë me këtë koment të përplasjes mes Xhakës dhe Hjulmand, që ndodhi në minutën e 68-të.

Danezi fillimisht e rrezikoi Xhakën e më pas e goditi atë derisa ishte shtrirë në tokë, e ku pastaj futbollisti shqiptar u përgjigj duke e kapur për fanelle.

“Nuk bëhen gjëra si ajo. Jam munduar të qëndroj i qetë gjithë sezonin dhe më pas dikush ka ndjenjën se duhet t’i tregojë trajnerit që i takon përbërjes bazë”, ka thënë Xhaka për veprimin e Hjulmandit.

Xhaka ka thënë se duhet të ketë respekt duke shtuar se pyetjet e tjera duhet t’i bëhen lojtarit danez.

Tutje kapiteni është ndalur te loja, duke thënë se synim i skuadrës ishte ta mbante portën e paprekur, pasi kundër danezëve e nisën ndeshjen me tre mbrojtës qendre.

“Synimi ishte të mbajmë portën të paprekur pas një kohe të gjatë. Dhe nuk kemi lejuar thuajse asgjë. Ishim më kompaktë, kemi treguar fytyrë tjetër dhe ishim të bashkuar sërish”.

“Nuk duam vetëm të kujdesemi që të mos pësojmë gola. Duam edhe të fitojmë”, ka thënë Xhaka.

Si pjesë e ndryshimeve të bëra nga përzgjedhësi Murat Yakini ishte edhe mbetja në stol e Xherdan Shaqirit, i cili luajti vetëm në minutat e fundit të takimit. /Telegrafi/\

Hjulmand e Xhaka em confronto. pic.twitter.com/zhMgv2xPq0

— Futebol Divertido (@FutebolDiverti) March 24, 2024

The post Gjesti që bëri Granit Xhakën ta rikthej ‘bishën’ që ka brenda, futbollisti danez e goditi pasi ai ishte i shtrirë appeared first on Albeu.com.

Sierro u ftua për herë të parë në moshën 28-vjeçare, ndërsa ka diplomë bachelor në ekonomi, flet disa gjuhë, por arritjen më të madhe e konsideron ftesën.

“Është një ëndërr që po bëhet realitet për mua. Jam krenar. Edhe si djalë i vogël, gjithmonë e shikoja kombëtaren duke luajtur”, ka thënë Sierro pas seancës së parë stërvitore në La Manga të Spanjës.

“Ishte gjithmonë një objektiv për mua dhe kam punuar shumë për ta arritur këtë qëllim,” thotë Sierro.

Mesfushori nuk dëshiron ta marrë rol drejtuesi direkt në ekipin kombëtar dhe thotë se ka shumë respekt për lojtarë si Granit Xhaka dhe Xherdan Shaqiri.

“Ata bënë histori për Zvicrën dhe unë mund të mësoj shumë nga Granit Xhaka apo Xherdan Shaqiri”, nënvizoi Sierro.

Zvicra luan ndaj Danimarkën dhe Irlandën në miqësoret e marsit. /Telegrafi/

The post “Do të mësoj nga Xhaka dhe Shaqiri” – i ftuari për herë të parë nga Zvicra me fjalë të mëdha për dyshen shqiptare appeared first on Albeu.com.

Zvicra kërkon të marrë rezultate pozitive në këto dy ndeshje, për të qenë kështu sa më të përgatitur për Europianin që mbahet në verë. Kjo kombëtare është në grup me Hungarinë, Skocinë dhe Gjermaninë.

Porta: Kobel, Mvogo, Sommer (Inter).

Mbrojtja: Akanji, Comert, Elvedi, Garcia, Mbabu, Omeragic, Rodriguez, Schar, Widmer, Zesiger.

Mesfusha: Aebischer, Freuler (Bologna), Bislmi, Sierro, G.Xhaka, Zakaria.

Sulmi: Amdouni, Kutesa, Ndoye (Bologna), Okafor, Shaqiri, Steffen, Vargas.

View this post on Instagram

A post shared by 🇨🇭Nati Men (@swissnatimen)

The post Zvicra nis përgatitjet për Europianin, trajneri publikon listën e skuadrës për miqësoret appeared first on Albeu.com.