Në pjesën e parë të ndeshjes, futbollisti 22-vjeçar u përplas pa qëllim me një kameraman pranë vijës anësore, ndërsa ishte në duel me Luis Diaz. Pas këtij momenti, arbitri e ndëshkoi me karton të verdhë.

Sidoqoftë, vëmendjen më të madhe nuk e mori vetë incidenti, por sjellja e Khusanovit pasi ndeshja kishte mbaruar.

Futbollisti i Manchester Cityt iu afrua kameramanit për t’i kërkuar ndjesë dhe i dhuroi fanellën e tij me firmë, duke i thënë shkurt: “Më vjen keq”.

Ky veprim i mbrojtësit uzbek është përshëndetur gjerësisht nga tifozët dhe mediat, të cilët e kanë konsideruar një shembull të veçantë klase dhe respekti në debutimin historik të Uzbekistanit në Kupën e Botës.

Me këtë gjest, Khusanov dëshmoi se sportiviteti dhe humanizmi kanë po aq peshë sa edhe ajo që ndodh gjatë lojës në fushë.

The post Mbrojtësi i Cityt përplasi pa dashje një kameraman, por reagimi i tij pas ndeshjes mori vlerësime të mëdha appeared first on Albeu.com.

Figura qendrore e përballjes ishte Luis Diaz, i cili dha një asist dhe realizoi një gol, duke qenë vendimtar në sigurimin e tre pikëve të para për kolumbianët.

Takimi nisi me intensitet të madh dhe me disa duele të forta, ndërsa mundësia e parë e rrezikshme u regjistrua në minutën e 17-të, kur Arias tentoi nga largësia. Në minutën e 32-të, shumë pranë avantazhit ishte edhe Luis Diaz, por tentativa e tij u ndal nga shtylla.

Goli i parë i ndeshjes erdhi në minutën e 41-të. Ylli i Bayernit dërgoi një top mjaft të mirë në zonë, ndërsa Daniel Munoz u pozicionua saktë dhe dërgoi topin në rrjetë për 1-0.

Me nisjen e pjesës së dytë, trajneri i Uzbekistanit, Fabio Cannavaro, ndërhyri menjëherë me dy zëvendësime dhe lëvizjet e tij prodhuan efekt. Pas një ndërhyrjeje të Vargas ndaj goditjes së Shomurodovit, topi shkoi te Abbosbek Fayzulayev, i cili në minutën e 60-të barazoi në 1-1, duke elektrizuar tifozët uzbekë.

Sidoqoftë, festa e debutuesve në Kupën e Botës zgjati vetëm gjashtë minuta. Pas një kundërsulmi të shpejtë, Kevin Castano e gjeti Luis Diazin në krahun e majtë dhe sulmuesi i Kolumbisë shënoi me një goditje të saktë për 2-1.

Uzbekistani u përpoq të rikthehej sërish në ndeshje, por Kolumbia e menaxhoi mirë epërsinë. Në minutën e nëntë të kohës shtesë, Jaminton Campaz e vulosi suksesin me një gol me kokë, duke përcaktuar shifrat përfundimtare 3-1.

Në këtë mënyrë, Kolumbia e nis me fitore rrugëtimin në Botërorin 2026, ndërsa Uzbekistani, që po paraqitet për herë të parë në këtë kompeticion nën drejtimin e Fabio Cannavaros, la përshtypje të mira pavarësisht disfatës.

The post Luis Diaz shkëlqen me gol e asist, Kolumbia e nis me triumf ndaj Uzbekistanit appeared first on Albeu.com.