Stojkoviç vlerësoi Kombëtaren shqiptare, duke e cilësuar si një skuadër të mirë, me lojtarë të talentuar dhe të organizuar.

Ndërkohë, Mitroviç tha se e pret një përballje të vështirë, duke e cilësuar Shqipërinë si një kundërshtar me cilësi:

“Pres një lojë të vështirë. Është një ekip i mirë, i organizuar dhe me lojtarë të mirë. Ne jemi të fokusuar në përgatitjet tona. Shpresoj që të arrijmë ta mbyllim këtë fazë të kualifikimeve në mënyrë të shkëlqyer.”

Ndeshja Shqipëri–Serbi zhvillohet të shtunën në orën 20:45, në kuadër të kualifikimeve për Kupën e Botës 2026.

/gazetablic sport/

The post Mitrovic: Pres një lojë të vështirë, Shqipëria është një ekip i mirë dhe i organizuar appeared first on Albeu.com.

Më pas, futbollistët u transportuan me autobus në një hotel në qendër të Tiranës, ku do të akomodohen përpara përballjes në stadiumin Air Albania më 7 qershor.

Policia njofton se rruga nga hoteli ku është akomoduar ekipi serb në bulevardin “Gjergj Fishta” deri në stadiumin “Arena Kombëtare” përmes bulevardit “Bajram Curri”, do të ketë kufizime të pjesshme në orën 16:30 të sotme dhe në orën 18:45 të nesërmen, në momentet kur ekipi do të eskortohet për në stërvitje dhe për ndeshje.

Policia e Shtetit, apelon për mirëkuptim nga qytetarët dhe kërkon respektimin e udhëzimeve të forcave të sigurisë në terren, duke paralajmëruar se çdo sjellje që cenon rendin dhe sigurinë do të trajtohet me tolerancë zero dhe në përputhje me ligjin.

Mbi 2000 forca policie janë angazhuar në terren, përfshirë RENEA, Forcat Kombëtare të Sigurisë, Antiterrorin dhe SHISH, për të garantuar sigurinë dhe rendin gjatë qëndrimit të ekipit serb dhe zhvillimit të ndeshjes.

Antiterrori do të kontrollojë perimetrin e stadiumit dhe do të monitorojë pikat hyrëse në territorin shqiptar, ndërsa policia do të përdorë pajisje anti-dronë për të parandaluar çdo kërcënim ajror.

Që prej një jave, në pikat kufitare janë dërguar fotot e personave me prirje ekstremiste, të cilëve nuk do t’u lejohet hyrja në Shqipëri.

Në stadiumin “Arena Kombëtare” janë instaluar sisteme moderne sigurie, duke përfshirë kamera me njohje fytyre dhe kamera të lëvizshme shtesë, që do të monitorojnë në kohë reale çdo lëvizje në tribunat dhe rreth stadiumit.

Gjithashtu, do të verifikohen në mënyrë të imtësishme biletat dhe dokumentet e identifikimit të të gjithë personave që hyjnë në stadium.

Tifozët duhet të paraqiten në hyrjen e stadiumit në orën 18:00, për shkak të fluksit të madh të sportdashësve, në mënyrë që të shmangin vonesat dhe mundësinë e moslejimit për të hyrë.

Rrugët që do të bllokohen nga ora 15:00 deri në përfundim të ndeshjes ditën e shtunë përfshijnë: Bulevardin “Dëshmorët e Kombit” (nga kryqëzimi pranë Presidencës drejt sheshit “Nënë Tereza”), rrugët “Papa Gjon Pali i II”, “Dervish Hima” pranë Ambasadës së SHBA-së, “Asim Zeneli” pranë Ambasadës së SHBA-së, “Themistokli Gërmenji”, “Gjergj Filipi”, “Lekë Dukagjini” pranë ish-Gardës së Republikës deri tek stadiumi, “Faik Konica” dhe “Skerdilajd Llagami”.

The post BLINDOHET RINASI/ Kombëtarja e Serbisë mbërrin nën masa të rrepta sigurie appeared first on Albeu.com.

Në një deklaratë për mediat, Racic theksoi se të dyja skuadrat e presin me padurim këtë ndeshje, ndërsa theksoi respektin për Kombëtaren shqiptare:

“Ata janë një ekip i mirë kombëtar, kundërshtari ynë i madh. Ata janë një kundërshtar i fortë dhe i vështirë, ata meritojnë respekt si të gjitha ekipet e tjera kombëtare. Mund të shoh se ata mezi presin ndeshjen, njësoj si ne, kështu që gjithçka do të shihet në fushë. Ata lanë një përshtypje të mirë në Kampionatin Evropian”, – tha Racic, sipas raportimit të Federatës së Futbollit të Serbisë.

Shqipëria dhe Serbia do të përballen të shtunën, në “Air Albania”, nga ora 20:45, në kuadër të kualifikimeve për Kupën e Botës 2026. Ndeshja pritet të jetë ndër më të nxehtat e grupit dhe me interes të jashtëzakonshëm në rajon. /gazetblicsport/

The post Futbollisti serb: Shqiptarët mezi po e presin ndeshjen, do ta shohim në fushë! appeared first on Albeu.com.

Stojković fillimisht u përpoq të ulte tonet për ndeshjen duke theksuar se:

“Kjo është thjesht një ndeshje futbolli. Nuk ka vend për deklarata të çmendura nga njerëz të lajthitur që duan të krijojnë tension. Ne shkojmë për sport, jo për përplasje”

Por më pas, konferenca mori një kthesë të ashpër kur trajneri serb u pyet për zgjedhjet e diskutueshme në listën e lojtarëve të grumbulluar, çështje që ka shkaktuar shumë polemika në mediat serbe.

“Kam thirrur lojtarët që mendoj se e meritojnë. Nëse dikush ka vendosur të mos vijë, është zgjedhje e tyre. Nuk do t’i lutem askujt. Nëse gaboj, jam gati të jap dorëheqjen nesër”, – tha me tone të larta Stojković.

Ai veçoi rastin e portierit Svilar, duke sqaruar se ishte vetë lojtari që zgjodhi të fokusohej te Roma, dhe gjithashtu kritikoi lojtarët që, sipas tij, vetëshkatërrohen apo nuk tregojnë profesionalizëm të mjaftueshëm për të përfaqësuar kombëtaren.

“Radonjiç? Ai po e shkatërron veten. Po e shkatërron Zvezdën dhe përfaqësuesen. Dhe më kërkoni të them që e meriton të jetë këtu? Me çfarë?” – u shpreh me indinjatë.

“Ekipi nuk ndërtohet me emra apo nga presioni i jashtëm. Lojtarët thirren në bazë të meritës dhe formës aktuale. Nuk më intereson nëse zemërohen – kjo është puna ime, dhe përgjegjësia është e imja.”

Ai i dërgoi një mesazh të qartë opinionit publik dhe lojtarëve jashtë listës:

“Për aq kohë sa jam unë këtu, do të vendos unë kush luan. Është detyra e lojtarëve të më bindin se kam pasur të drejtë që i kam thirrur.”

The post Stojkovic shpërthen para ndeshjes me Shqipërinë: Jap dorëheqjen menjëherë appeared first on Albeu.com.

Për dallim nga herët e kaluara, tani për të blerë një biletë tifozët duhet të kenë fat, pasi do të jetë me përzgjedhje duke u regjistruar dhe duke plotësuar një formular.

FSHF ka bërë me dije se afati i aplikimeve do të zgjasë deri më 30 maj.

Njoftimi i plotë nga FSHF:

FSHF thekson se bileta mund të transferohet vetëm një herë. Çdo transferim i mëtejshëm do ta bëjë biletën të pavlefshme.

The post Dalin në shitje biletat për ndeshjen Shqipëri – Serbi appeared first on Albeu.com.

Tashmë kanë filluar të përmenden emrat e parë. Informacionet nga mediat serbe thonë se kandidati kryesor për të pasuar Stojkovic është bërë trajneri i njohur gjerman Joachim Low.

Disa media kanë shkuar aq larg sa pretendojnë se negociatat mes Federatës Serbe të Futbollit dhe ish-trajnerit të Gjermanisë tashmë kanë filluar.

Në periudhën e ardhshme pritet një përgjigje zyrtare.

The post U eliminuan nga Europiani, Serbia pritet të zyrtarizojë si trajner Joachim Low appeared first on Albeu.com.

Rusia është përjashtuar nga të gjitha turnetë, derisa të ndalet gjithçka në Ukrainë.

Por rusët do të kthehen sot në fushën e blertë, pasi do të luajnë një ndeshje miqësore kundër Serbisë. Stadiumi do të jetë i tejmbushur, ndërsa Ceferin është shprehur se nuk mund t’i jap dot urdhër askujt për të mos e zhvilluar këtë miqësore pasi është jashtë kompetencave të tij. /Sport Ekspres/

The post Stadiumi do të jetë i stërmbushur, Rusia i kthehet sot futbollit dhe luan miqësoren kundër Serbisë appeared first on Albeu.com.