Pas spekulimeve të shumta rreth së ardhmes së tij, gazetari Mohammed Aëaad, bëri të ditur se trajneri i portugezëve ka pohuar se data përfundimtare tashmë është vendosur.

Sulmuesi i njohur pritet ta luajë ndeshjen e lamtumirës me kombëtaren më 24 shtator, kur Portugalia do të përballet me Uellsin në Ligën e Kombeve, në stadiumin Jose Alvalade të Lisbonës.

Ky përfundim është i përshtatshëm edhe për trajnerin e ri Jorge Jesus, i cili nuk synon të ndërmarrë ndryshime të befasishme në grupin e futbollistëve.

“Njerëzit mund të mendojnë se trajneri i ri do të vijë dhe do të ndryshojë shumë lojtarë, por kjo nuk do të ndodhë sepse unë nuk jam budalla dhe nuk kam kohë të mjaftueshme për të thirrur lojtarë që nuk ishin në listë këtë herë”, deklaroi Jesus për Canal 11.

Në këtë mënyrë, futbollistit legjendar i krijohet mundësia të largohet me dinjitet nga Portugalia, pasi ka regjistruar 233 paraqitje mbresëlënëse dhe 146 gola për vendin e tij.

Pavarësisht se është 41-vjeç, Ronaldo vijon të luajë në nivel klubesh për Al-Nassr, skuadër me të cilën ka kontratë deri në verën e vitit 2027.

Pasi të mbyllë angazhimet ndërkombëtare, përqendrimi i tij i plotë do të kalojë te objektivi historik për të mbërritur në shifrën magjike të 1,000 golave.

The post Ronaldo pranë lamtumirës me Portugalinë, zbulohet data e ndeshjes së fundit appeared first on Albeu.com.

Për Cristiano Ronaldon, ky eliminim pati një peshë të veçantë emocionale.

Sulmuesi portugez, që para duelit me Spanjën kishte bërë të ditur se kjo do të ishte Kupa e tij e fundit e Botës, nuk mundi të përmbante emocionet pas vërshëllimës së fundit të arbitrit.

Mbyllet një kapitull në Kupën e Botës

Në konferencën për shtyp përpara ndeshjes, Ronaldo kishte sqaruar se turneu në Shtetet e Bashkuara, Meksikë dhe Kanada do të ishte pjesëmarrja e tij e fundit në një Botëror.

“Dua ta shijoj sa më shumë që të jetë e mundur, sepse kjo do të jetë Kupa ime e fundit e Botës. Por shpresoj që nesër të mos jetë ndeshja ime e fundit në këtë turne”, ishte shprehur ai.

Por disfata përballë Spanjës jo vetëm që ndali rrugën e Portugalisë, por njëherazi vulosi edhe fundin e aventurës së Ronaldos në garën më të madhe të futbollit në botë.

Gjashtë Botërorë dhe një arritje unike

Ky ishte Botërori i gjashtë në karrierën e Ronaldos, pas pjesëmarrjeve në vitet 2006, 2010, 2014, 2018, 2022 dhe 2026.

Në ndeshjet e fazës së grupeve të këtij edicioni, ai hyri në histori si lojtari i parë që shënon në gjashtë Kupa Bote të ndryshme. Ronaldo realizoi ndaj Uzbekistanit, ku shënoi dy gola, ndërsa më pas gjeti rrjetën edhe me penallti kundër Kroacisë në raundin e 16-të.

Goli ndaj Kroacisë ishte i pari i tij në fazën me eliminim direkt të një Kupe Bote.

Bilanci i tij në Kupat e Botës

Ronaldo e përfundon rrugëtimin e tij në Botëror me 27 ndeshje dhe 11 gola. Më shumë paraqitje në këtë kompeticion ka vetëm Lionel Messi, me 30.

Përveç golave të shënuar, kapiteni i Portugalisë ka regjistruar edhe dy asistime përgjatë historisë së tij në Kupat e Botës.

Ndonëse Portugalia nuk ia doli të arrinte deri në fund, Ronaldo e lë këtë turne si një nga figurat më të mëdha që futbolli botëror ka njohur ndonjëherë.

World Cup heartbreak for Ronaldo 💔 pic.twitter.com/Atb5rocBiw

— B/R Football (@brfootball) July 6, 2026

The post VIDEO/ Ronaldo në lot pas humbjes së Portugalisë, Spanja kalon në çerekfinale appeared first on Albeu.com.

Takimi po shkonte drejt vazhdimeve, por në minutat shtesë spanjollët gjetën golin vendimtar.

Në pjesën e parë, Portugalia iu afrua disa herë avantazhit. Në minutën e 37-të, Cristiano Ronaldo u ndal nga një ndërhyrje shumë e mirë e Unai Simón, ndërsa katër minuta më vonë, në të 41-ën, Nuno Mendes goditi shtyllën pas një aksioni të rrezikshëm nga krahu i majtë.

Edhe Spanja pati rastet e saj para pushimit. Álex Baena tentoi nga largësia, por Diogo Costa ishte i saktë në reagim, ndërsa Mikel Oyarzabal dhe Dani Olmo nuk mundën t’i kthenin në gol mundësitë që patën.

Në fraksionin e dytë, Luis de la Fuente ndërhyri te formacioni duke hedhur në fushë Ferran Torres, Fabián Ruiz dhe Mikel Merino.

Ishin pikërisht dy prej lojtarëve të ardhur nga stoli që vulosën sfidën: Torres dha asistin, ndërsa Merino shënoi golin që e çoi Spanjën mes tetë skuadrave më të mira të turneut. Goli i Merino (VIDEO)

Tashmë Spanja vijon aventurën e saj në Kupën e Botës dhe do të synojë kualifikimin në gjysmëfinale, ndërsa Portugalia e mbyll rrugëtimin në raundin e 16-të.

The post VIDEO/ Merino çon Spanjën në çerekfinale, Portugalia dhe Ronaldo i thonë “lamtumirë” Botërorit appeared first on Albeu.com.

Kapiteni i Portugalisë luajti rol kyç në triumfin ndaj Kroacisë, teksa shënoi nga pika e bardhë dhe ndihmoi skuadrën e tij të siguronte kalimin në çerekfinale.

Ky realizim kishte një peshë të veçantë, sepse ishte hera e parë që Ronaldo gjente rrugën e rrjetës në një takim të fazës eliminatore të Botërorit, duke vendosur kështu edhe një tjetër moment të rëndësishëm në historinë e tij personale.

Njëkohësisht, me këtë gol ai e çoi në 976 totalin e realizimeve në karrierën profesioniste, duke iu afruar edhe më shumë shifrës historike prej 1,000 golash.

Ylli portugez ka tashmë 11 gola në Kupën e Botës, ndërsa penalltia e shënuar kundër Kroacisë ishte e para e tij në ndeshjet me eliminim direkt, një tjetër arritje që i shtohet CV-së së tij mbresëlënëse.

Në një turne ku Harry Kane, Harry Kane, Lionel Messi dhe Kylian Mbappe kanë spikatur, Ronaldo vijon të mbetet një nga emrat më të mëdhenj dhe më përcaktues në futbollin botëror.

The post CR7 vendos një tjetër rekord në Botëror, gjen për herë të parë golin në fazën eliminatore appeared first on Albeu.com.

Përballja mes Portugalisë dhe Kroacisë në Kupën e Botës 2026 ka nxitur një interes të jashtëzakonshëm, duke bërë që në tregun e rishitjes çmimet e biletave të shkojnë në nivele marramendëse.

Sipas CTV News, për ndeshjen e 1/16 së finales që luhet më 2 korrik në Toronto, disa bileta po ofrohen deri në 30 mijë dollarë kanadezë, që përkthehen në rreth 18,500 euro. Ndërkohë, edhe në platformat SeatGeek dhe StubHub, shumë bileta të tjera janë nxjerrë në shitje për mijëra euro.

Edhe opsionet më të lira në tregun sekondar kalojnë shifrën e 2,600 dollarëve kanadezë, megjithëse kur FIFA i nxori në shitje gjatë vitit 2025, çmimet zyrtare luhateshin nga 335 deri në 875 dollarë.

Vëmendja e madhe ndaj kësaj sfide nuk lidhet vetëm me faktin se bëhet fjalë për një ndeshje të fazës eliminatore, por edhe me mundësinë që ky të jetë takimi i fundit në një Kupë Bote për Cristiano Ronaldon ose Luka Modriçin.

Ekipi që humbet do t’i japë fund rrugëtimit në Kampionatin Botëror, ndërsa skuadra fituese do të sigurojë një vend në çerekfinale.

Kërkesa për bileta është shtuar ndjeshëm edhe për shkak të pranisë së madhe të komuniteteve portugeze dhe kroate në zonën e Torontos. Në këtë rajon banojnë rreth 140 mijë persona me origjinë portugeze dhe afro 35 mijë me origjinë kroate.

Rritja e fortë e çmimeve po ndodh edhe pse provinca kanadeze e Ontarios ka miratuar një ligj që ndalon rishitjen e biletave mbi vlerën e tyre nominale. Megjithatë, vetë platformat e rishitjes kanë pranuar se zbatimi i këtij ligji është i vështirë, pasi mbetet e ndërlikuar të verifikohet çmimi fillestar me të cilin është blerë secila biletë.

Ndeshja mes Portugalisë dhe Kroacisë do të luhet më 2 korrik në stadiumin e Torontos dhe pritet të jetë një nga përballjet më të ndjekura të fazës eliminatore në Kupën e Botës 2026.

The post Biletat për sfidën Portugali-Kroaci kapin deri në 18,500 euro në tregun e zi appeared first on Albeu.com.

Në kohën shtesë, mbrojtësi Davinson Sanchez e dërgoi topin në rrjetë dhe shkaktoi entuziazëm te kolumbianët, të bindur se kishin vulosur triumfin përballë Portugalisë.

Megjithatë, arbitri e anuloi realizimin për pozicion jashtë loje, ndërsa kontrolli me VAR e la në fuqi këtë vendim.

Nga pamjet e përsëritura u pa se Sanchez ndodhej shumë afër vijës së fundit të mbrojtjes portugeze, ndërsa sistemi gjysmë i automatizuar për pozicionin jashtë loje konstatoi se ai ishte në pozitë të parregullt me vetëm pak centimetra.

Edhe pse goli nuk u pranua, ndeshja u mbyll në barazim 0-0 dhe Kolumbia e siguroi vendin e parë në Grupin L me 7 pikë.

Portugalia e mbylli në vendin e dytë me 5 pikë dhe po ashtu kaloi në fazën e 1/16 së finales.

Goli i pavlefshëm i Sanchezit mbetet një prej episodeve më të diskutuara të fazës së grupeve, duke nënvizuar edhe një herë se në futbollin modern, fati i një ndeshjeje mund të përcaktohet nga vetëm disa centimetra.

The post VIDEO/ VAR-i i mohon Kolumbisë fitoren ndaj Portugalisë, goli i Sanchezit u anulua për disa centimetra jashtë loje appeared first on Albeu.com.

Kolumbianët e përfunduan grupin në krye me shtatë pikë, ndërsa Portugalia e mbylli në pozitën e dytë me pesë pikë.

Takimi ishte i fortë dhe prodhoi raste në të dyja krahët, por asnjëra skuadër nuk arriti ta dërgonte topin në rrjetë.

Rastet më të mira për Kolumbinë i pati Jhon Córdoba, që fillimisht devijoi me kokë pak mbi traversë, ndërsa më pas u ndal nga një ndërhyrje shumë e mirë e Diogo Costës pas një veprimi individual.

Pas pushimit, Richard Ríos dhe Gustavo Puerta iu afruan golit, por goditjet e tyre përfunduan pranë shtyllës.

Në anën tjetër, Portugalia kërcënoi me Bruno Fernandes dhe João Félix, por Camilo Vargas u tregua i vendosur në portën e Kolumbisë, duke e mbajtur të paprekur rrjetën.

Si fituese e grupit, Kolumbia kalon në 1/16 e finales dhe do të ndeshet me Ganën, ndërsa Portugalia, që avancon nga vendi i dytë, do të përballet me Kroacinë në një sfidë që pritet të jetë ndër më tërheqëset e fazës eliminatore.

The post Kolumbia kryeson grupin, Portugalia avancon e dyta dhe mëson rivalin për 1/16 e finales appeared first on Albeu.com.

Deklaratat e Mukaut kanë marrë jehonë të madhe në mediat ndërkombëtare, pasi ato vijnë nga një lojtar që u përball në fushë drejtpërdrejt me pesë herë fituesin e Topit të Artë.

Lojtari i Lille, që pati mundësinë të ndeshej me një nga figurat më të mëdha në historinë e futbollit, u shpreh se mosha tashmë ka lënë gjurmë në paraqitjet e yllit portugez, edhe pse të luash kundër tij mbetet një privilegj i veçantë.

“E dinim se ai nuk është më i njëjti si më parë, ndaj e kuptonim se do të vraponte më pak në fushë. Ndoshta prisja pak më shumë prej tij, por kjo është krejt normale. Ai është rritur në moshë. Gjithsesi, të luash kundër Cristiano Ronaldos është një nder i madh”, deklaroi Mukau.

Edhe pse në moshën 41-vjeçare Ronaldo vazhdon të mbetet figura qendrore e Portugalisë, në këtë përballje ai nuk arriti të kishte ndikimin e zakonshëm, ndërsa RD Kongo mori një rezultat pozitiv përballë njërit prej favoritëve të turneut.

Sidoqoftë, Mukau nënvizoi se vlerësimi dhe respekti i tij për Ronaldon mbeten të jashtëzakonshme, edhe pse nga ana fizike ai nuk është më në nivelin e viteve më të mira të karrierës.

The post Ngal’ayel Mukau për Ronaldon: Prisja më shumë, por ai nuk është më si dikur appeared first on Albeu.com.

Pas më shumë se një dekade si protagonistët kryesorë të futbollit botëror, dy ikonat mund të shtojnë edhe një episod tjetër të madh në rivalitetin e tyre në Botërorin 2026.

Messi e ka fituar tashmë Kupën e Botës me Argjentinën në vitin 2022, duke vendosur mbi karrierën e tij trofeun më të rëndësishëm të futbollit ndërkombëtar.

Nga ana tjetër, Cristiano Ronaldo e ka arritur rezultatin e tij më të mirë në një Botëror në vitin 2006, kur Portugalia e mbylli turneun në vendin e katërt, që mbetet edhe kulmi i tij në këtë kompeticion.

Argjentina bën pjesë në Grupin J, ku do të ketë përballë Algjerinë, Austrinë dhe Jordaninë. Sipas projeksioneve, kampionët në fuqi shihen si skuadra që do ta mbyllë grupin në vendin e parë.

Nëse arrijnë ta realizojnë këtë, argjentinasit në 1/32 e finales do të luajnë më 4 korrik ndaj ekipit që renditet i dyti në Grupin H, ku ndodhen Spanja, Uruguai, Kepi i Gjelbër dhe Arabia Saudite.

Portugalia, ndërkohë, është vendosur në Grupin F bashkë me Kongon, Uzbekistanin dhe Kolumbinë, dhe gjithashtu konsiderohet favorite për ta mbyllur grupin në krye.

Në rast se portugezët dalin të parët, atëherë më 4 korrik në 1/32 e finales do të përballen me një nga skuadrat e vendeve të treta nga grupet D, E, I, J dhe L.

Sipas analizës së “ESPN”, ekzistojnë disa variante që mund të çojnë në një tjetër duel mes dy yjeve.

Nëse Argjentina dhe Portugalia e mbyllin grupin në vendin e parë dhe më pas kalojnë me sukses 1/32 dhe 1/16 e finales, atëherë një përballje Messi–Ronaldo në çerekfinale bëhet një skenar konkret.

Por nëse të dyja përfaqësueset e përfundojnë fazën e grupeve në vendin e dytë, ekziston mundësia që ata të ndeshen që në 1/16 e finales, duke i dhënë rrugëtimit të tyre një zhvillim edhe më dramatik.

Nëse dy legjendat arrijnë të përplasen sërish në fazën me eliminim direkt të Kupës së Botës 2026, atëherë futbolli modern do të fitojë një tjetër kapitull historik të rivalitetit të tyre të jashtëzakonshëm.

The post Messi dhe Ronaldo drejt paraqitjes së gjashtë në Botëror, ja në cilën fazë mund të kryqëzohen appeared first on Albeu.com.

Martinez e kishte publikuar listën preliminare prej 26 futbollistëve më datë 21 maj.

Lista e cila udhëhiqej nga kapiteni Cristiano Ronaldo, përmbante brenda vetes emra si Bruno Fernandes, Diogo Jota, Ruben Dias dhe Bernardo Silva ndërsa edhe yje të tjerë si Joao Felix, Joao Cancelo dhe Diego Costa ishin po ashtu të ftuar.

Një tjetër lojtar që kishte marrë ftesën e Martinezit ishte mesfushori Otavio, i cili është bashkëlojtar i Cristiano Ronaldos tek Al Nassr në Arabi.

29-vjeçari ka shënuar 10 gola dhe ka dhuruar pesë asistime për ekipin e Luis Castros, shifra këto që ishin të mjaftueshme për të fituar ftesën e Martinez.

Por, Otavio ka pësuar një lëndim gjatë finales së Kupës së Arabisë dhe ky lëndim ka bërë që ai ta humbasë Euro 2024.

Portugalia veproi menjëherë dhe në vend të tij e ftoi mesfushorin e Manchester Cityt, Matheus Nunes.

“Matheus Nunes është ftuar këtë të martë nga Roberto Martinez për Euro 2024. Mesfushori i Manchester City do ta plotësojë vendin e lënë bosh nga mungesa e Otavios, i cili është lënduar duke luajtur për Al Nassr”, thuhej në njoftimin e Portugalisë.

Nunes i cili ka 12 paraqitje për Portugalinë që prej se bëri debutimin e tij në 2021, ka qenë fillimisht i përjashtuar nga lista preliminare e Martinezit, por fati duket se ka qenë në anën e tij. /Telegrafi/

The post Portugalia merr një lajm të rëndë, ylli i tyre lëndohet dhe nuk do të luajë në Euro 2024 appeared first on Albeu.com.