Deklaratat e Mukaut kanë marrë jehonë të madhe në mediat ndërkombëtare, pasi ato vijnë nga një lojtar që u përball në fushë drejtpërdrejt me pesë herë fituesin e Topit të Artë.

Lojtari i Lille, që pati mundësinë të ndeshej me një nga figurat më të mëdha në historinë e futbollit, u shpreh se mosha tashmë ka lënë gjurmë në paraqitjet e yllit portugez, edhe pse të luash kundër tij mbetet një privilegj i veçantë.

“E dinim se ai nuk është më i njëjti si më parë, ndaj e kuptonim se do të vraponte më pak në fushë. Ndoshta prisja pak më shumë prej tij, por kjo është krejt normale. Ai është rritur në moshë. Gjithsesi, të luash kundër Cristiano Ronaldos është një nder i madh”, deklaroi Mukau.

Edhe pse në moshën 41-vjeçare Ronaldo vazhdon të mbetet figura qendrore e Portugalisë, në këtë përballje ai nuk arriti të kishte ndikimin e zakonshëm, ndërsa RD Kongo mori një rezultat pozitiv përballë njërit prej favoritëve të turneut.

Sidoqoftë, Mukau nënvizoi se vlerësimi dhe respekti i tij për Ronaldon mbeten të jashtëzakonshme, edhe pse nga ana fizike ai nuk është më në nivelin e viteve më të mira të karrierës.

The post Ngal’ayel Mukau për Ronaldon: Prisja më shumë, por ai nuk është më si dikur appeared first on Albeu.com.

Pas më shumë se një dekade si protagonistët kryesorë të futbollit botëror, dy ikonat mund të shtojnë edhe një episod tjetër të madh në rivalitetin e tyre në Botërorin 2026.

Messi e ka fituar tashmë Kupën e Botës me Argjentinën në vitin 2022, duke vendosur mbi karrierën e tij trofeun më të rëndësishëm të futbollit ndërkombëtar.

Nga ana tjetër, Cristiano Ronaldo e ka arritur rezultatin e tij më të mirë në një Botëror në vitin 2006, kur Portugalia e mbylli turneun në vendin e katërt, që mbetet edhe kulmi i tij në këtë kompeticion.

Argjentina bën pjesë në Grupin J, ku do të ketë përballë Algjerinë, Austrinë dhe Jordaninë. Sipas projeksioneve, kampionët në fuqi shihen si skuadra që do ta mbyllë grupin në vendin e parë.

Nëse arrijnë ta realizojnë këtë, argjentinasit në 1/32 e finales do të luajnë më 4 korrik ndaj ekipit që renditet i dyti në Grupin H, ku ndodhen Spanja, Uruguai, Kepi i Gjelbër dhe Arabia Saudite.

Portugalia, ndërkohë, është vendosur në Grupin F bashkë me Kongon, Uzbekistanin dhe Kolumbinë, dhe gjithashtu konsiderohet favorite për ta mbyllur grupin në krye.

Në rast se portugezët dalin të parët, atëherë më 4 korrik në 1/32 e finales do të përballen me një nga skuadrat e vendeve të treta nga grupet D, E, I, J dhe L.

Sipas analizës së “ESPN”, ekzistojnë disa variante që mund të çojnë në një tjetër duel mes dy yjeve.

Nëse Argjentina dhe Portugalia e mbyllin grupin në vendin e parë dhe më pas kalojnë me sukses 1/32 dhe 1/16 e finales, atëherë një përballje Messi–Ronaldo në çerekfinale bëhet një skenar konkret.

Por nëse të dyja përfaqësueset e përfundojnë fazën e grupeve në vendin e dytë, ekziston mundësia që ata të ndeshen që në 1/16 e finales, duke i dhënë rrugëtimit të tyre një zhvillim edhe më dramatik.

Nëse dy legjendat arrijnë të përplasen sërish në fazën me eliminim direkt të Kupës së Botës 2026, atëherë futbolli modern do të fitojë një tjetër kapitull historik të rivalitetit të tyre të jashtëzakonshëm.

The post Messi dhe Ronaldo drejt paraqitjes së gjashtë në Botëror, ja në cilën fazë mund të kryqëzohen appeared first on Albeu.com.

Martinez e kishte publikuar listën preliminare prej 26 futbollistëve më datë 21 maj.

Lista e cila udhëhiqej nga kapiteni Cristiano Ronaldo, përmbante brenda vetes emra si Bruno Fernandes, Diogo Jota, Ruben Dias dhe Bernardo Silva ndërsa edhe yje të tjerë si Joao Felix, Joao Cancelo dhe Diego Costa ishin po ashtu të ftuar.

Një tjetër lojtar që kishte marrë ftesën e Martinezit ishte mesfushori Otavio, i cili është bashkëlojtar i Cristiano Ronaldos tek Al Nassr në Arabi.

29-vjeçari ka shënuar 10 gola dhe ka dhuruar pesë asistime për ekipin e Luis Castros, shifra këto që ishin të mjaftueshme për të fituar ftesën e Martinez.

Por, Otavio ka pësuar një lëndim gjatë finales së Kupës së Arabisë dhe ky lëndim ka bërë që ai ta humbasë Euro 2024.

Portugalia veproi menjëherë dhe në vend të tij e ftoi mesfushorin e Manchester Cityt, Matheus Nunes.

“Matheus Nunes është ftuar këtë të martë nga Roberto Martinez për Euro 2024. Mesfushori i Manchester City do ta plotësojë vendin e lënë bosh nga mungesa e Otavios, i cili është lënduar duke luajtur për Al Nassr”, thuhej në njoftimin e Portugalisë.

Nunes i cili ka 12 paraqitje për Portugalinë që prej se bëri debutimin e tij në 2021, ka qenë fillimisht i përjashtuar nga lista preliminare e Martinezit, por fati duket se ka qenë në anën e tij. /Telegrafi/

The post Portugalia merr një lajm të rëndë, ylli i tyre lëndohet dhe nuk do të luajë në Euro 2024 appeared first on Albeu.com.

Martinez ka zbuluar sot (e martë) pasdite, në Cidade do Futebol, grupin prej 26 lojtarësh të zgjedhur për të marrë pjesë në Euro 2024, i cili do të zhvillohet mes 14 qershorit dhe 14 korrikut, në Gjermani.

Pjesë e listës janë yje si Bernardo Silva, Bruno Fernandes, Rafael Leao dhe Ruben Dias, por nuk mungojnë as senatorët apo veteranët e kombëtares si Cristiano Ronaldo, Pepe, Danilo Pereira dhe Rui Patricio.

Lojtarët do të marrin pjesë në kampin stërvitor para-garues i cili do të përfshijë, tre ndeshje: kundër Finlandës (4 qershor), Kroacisë (8 qershor) dhe Republikës së Irlandës (11 qershor).

Portugalia, kujtojmë që gjendet në Grupin F të Kampionatit Evropian dhe do të luajë kundër Çekisë (Leipzig, 18 qershor), Turqisë (Dortmund, 22 qershor) dhe Gjeorgjisë (Gelsenkirshen, 26 qershor).

Lojtarët e ftuar nga Portugalia:

Portierët: Diogo Costa (Porto), Jose Se (Wolves) dhe Rui Patricio (AS Roma);

Mbrojtësit: Antonio Silva (Benfica), Danilo Pereira (PSG), Diogo Dalot (Man Utd), Gonçalo Inacio (Sporting CP), Joao Cancelo (Barcelona), Nelson Semedo (Wolves), Nuno Mendes (PSG), Pepe (Porto) dhe Ruben Dias (Man City).

Mesfushorët: Bruno Fernandes (Man Utd), Joao Neves (Benfica), Joao Palhinha (Fulham), Otavio Monteiro (Al Nassr), Ruben Neves (Al-Hilal) dhe Vitinha (PSG)

Sulmuesit: Bernardo Silva (Man City), Cristiano Ronaldo (Al Nassr), Diogo Jota (Liverpool), Francisco Conceicao (Porto), Goncalo Ramos (PSG), Joao Felix (Barcelona), Pedro Neto (Wolves) dhe Rafael Leao (AC Milan).

𝗢𝗦 𝗘𝗦𝗖𝗢𝗟𝗛𝗜𝗗𝗢𝗦 para o #EURO2024. 🇵🇹🫡 #PartilhaAPaixão pic.twitter.com/wpi9VMZfj2

— Portugal (@selecaoportugal) May 21, 2024

The post Portugalia publikon listën me 26 lojtarë të ftuar, Roberto Martinez iu beson veteranëve appeared first on Albeu.com.

Natyrisht që bëhet fjalë për Cristiano Ronaldon, me të cilin fansi ka arritur të fotografohet duke bërë një ‘selfie’ dhe e ka puthur asin portugez, por mediat sllovene kanë zbuluar se çfarë dënimi e pret tani.

Përkatësisht, një ‘selfie’ dhe puthja e fansit ndaj njërit prej futbollistëve më të mirë të të gjitha kohërave do t’i kushtojë 1000 euro gjobë.

Kështu që zbritja në fushë do t’i kushtojë shumë, por me siguri tifozi ka qenë i gatshëm dhe i vetëdijshëm për çmimin që duhet paguar.

Ndryshe, Portugalia u mposht 2-0 nga Sllovenia mbrëmë në Lubjanë.

Në qendër të vëmendjes ka qenë edhe Ronaldo pasi është ankuar disa herë për lojën e ashpër të vendasve.

Tani Ronaldo do të kthehet në Arabinë Saudite, ku pret të vazhdojë sezonin e klubit me skuadrën Al-Nassr. /Telegrafi/

📱 Yesterday’s pitch invader selfie with Cristiano Ronaldo. pic.twitter.com/ZV0WQgZ09T

— TCR. (@TeamCRonaldo) March 27, 2024

View this post on Instagram

A post shared by Cristiano Ronaldo 2024🐐🇵🇹👑 (@cr7stiano2024_)

The post Tifozi slloven e puthi Ronaldon në mes të fushës, por ‘selfie’ me portugezin do t’i kushtojë shtrenjtë appeared first on Albeu.com.

Tetë lojtarë shumë të rëndësishëm, mes të cilëve Bernardo Silva, Bruno Fernandes dhe Rafael Leao, nuk do i duhen Martinezit për miqësoren e radhës.

Vendimi në fjalë është komunikuar nga Martinez dhe ky është një vendim taktik i tij , që dëshiron të provojë lojtarë të tjerë në këtë ndeshje miqësore.

“Është e rëndësishme të punohet në koncepte të ndryshme edhe sepse Sllovenia ka një strukturë shumë të ngjashme me atë të Suedisë, me dy sulmues”.

“Për këtë arsye kam vendosur që një pjesë e lojtarëve që luajtën në miqësoren e parë të jenë pushim në takimin e dytë të Portugalisë dhe ata janë Bernardo Silva, Ruben Dias, Joao Palhinha, Nelson Semedo, Toti Gomes, Rafael Leao, Bruno Fernandes dhe Gonçalo Ramos”, deklaroi Martinez.

Në një situatë të tillë, lojtarët në fjalë do të duhet të rikthehen te klubet e tyre, ku do të vazhdojnë punën me ekipet e tyre përkatëse. /Telegrafi/

The post Martinez largon nga ekipi i Portugalisë tetë yje, thotë se nuk i duhen aktualisht appeared first on Albeu.com.