Përballja e Kampionatit Botëror mes Francës dhe Paraguait mund të pësojë ndryshime në momentet e fundit, pasi po rritet presioni që FIFA ta shtyjë ndeshjen për shkak të temperaturave ekstreme që kanë përfshirë Shtetet e Bashkuara të Amerikës.

Takimi i fazës së 1/16 së finales, që do të luhet të shtunën në Filadelfia, pritet të zhvillohet në kushte të vështira, me temperaturat që parashikohet të kalojnë 38 gradë Celsius dhe me lagështinë e lartë që e rëndon edhe më tej situatën.

Raportimet paralajmërojnë se temperatura e ndjerë brenda stadiumit të hapur mund të arrijë deri në 46 gradë Celsius, çka ka shtuar shqetësimet serioze për sigurinë e lojtarëve, tifozëve dhe stafit të pranishëm.

Bharat Venkat, drejtor i Heat Lab në Universitetin e Kalifornisë, tërhoqi vëmendjen për rreziqet që sjell aktiviteti fizik në temperatura të tilla.

“Kur ushtrohesh fizikisht në një ditë veçanërisht të nxehtë, gjasat për t’u përballur me probleme shëndetësore të lidhura me nxehtësinë apo edhe me pasoja fatale janë shumë më të larta”.

Stadiumi i Filadelfias nuk ka sisteme të kontrollit klimatik që do t’u ofronin mbrojtje tifozëve nga temperaturat e larta, ndërsa FIFA pritet të zbatojë masa si pushime për hidratim, zona ftohjeje dhe protokolle të tjera kundër vapës.

Sidoqoftë, sindikata e futbollistëve FIFPRO dhe ekspertë të ndryshëm kanë vlerësuar se këto masa mund të mos mjaftojnë dhe se ndeshjet duhet të shtyhen në rast se kushtet bëhen të pasigurta për t’u zhvilluar.

Më herët, futbollistët francezë kishin shfrytëzuar edhe spërkatëset e fushës për t’u freskuar gjatë ndeshjes ndaj Suedisë në New Jersey, ku temperaturat kishin arritur në 32 gradë Celsius.

Edhe shkencëtarët kanë shprehur kritika ndaj udhëzimeve të FIFA-s për mbrojtjen nga temperaturat e larta, duke i konsideruar ato të pamjaftueshme për realitetin e një vere të nxehtë në Amerikën e Veriut.

Vështirësitë e motit nuk lidhen vetëm me sfidën Francë–Paraguai.

Në debat për kushtet atmosferike është përfshirë edhe ndeshja mes Anglisë dhe Meksikës, përpara takimit të së dielës në stadiumin Azteca.

Sipas mediave meksikane, ekzistoi mundësia që kjo përballje të zhvendosej gjashtë orë më herët për shkak të shqetësimeve për motin e keq dhe stuhitë e mundshme në Mexico City, por FIFA vendosi të mos e ndryshojë orarin fillestar të ndeshjes.

Ndeshja e kaluar e Meksikës ndaj Ekuadorit ishte shtyrë si pasojë e reshjeve të dendura të shiut, ndërsa organizatorët po vijojnë të monitorojnë situatën.

The post FIFA po shqyrton mundësinë e shtyrjes së ndeshjes Francë–Paraguai për shkak të vapës që mund të shkojë deri në 46 gradë appeared first on Albeu.com.

Janë përcaktuar tri ndeshjet e para të fazës së 1/8 së finales në Kupën e Botës 2026, një etapë ku priten përballje tërheqëse dhe shumë spektakël mes përfaqësueseve të mëdha.

Takimi që merr më së shumti vëmendje është ai mes Brazilit dhe Norvegjisë, i cilësuar si dueli më i fortë i kësaj faze nga ndeshjet e konfirmuara deri në këtë moment.

Brazili hyn në këtë përballje me synimin e qartë për të vijuar rrugëtimin drejt trofeut, ndërsa Norvegjia, me Erling Haaland në krye, kërkon të mbajë gjallë ecurinë historike në këtë turne dhe të prodhojë një tjetër befasi.

Ndërkohë, në dy sfidat e tjera të konfirmuara, Kanadaja do të ndeshet me Marokun, teksa Franca do të ketë përballë Paraguain, duele që pritet të sjellin rivalitet të madh dhe emocione të forta në fazën me eliminim direkt.

Deritanë janë konfirmuar këto ndeshje: Francë – Paraguai, Brazil – Norvegji, Kanada – Maroku.

The post Tri sfidat e para të 1/8 së finales në Kupën e Botës tashmë janë zyrtarizuar appeared first on Albeu.com.

Gjermanët e nisën sfidën me qasje dukshëm sulmuese. Julian Nagelsmann zgjodhi të aktivizonte dy sulmues, me Kai Havertzin të vendosur në rolin e “dhjetëshit” dhe Deniz Undav si lojtarin më të avancuar në repartin ofensiv.

Që në çastet e para, Gjermania ushtroi trysni të madhe ndaj kundërshtarit. Pjesën më të madhe të fraksionit të parë, Paraguai u detyrua të qëndronte në mbrojtje, i pozicionuar rreth 30 metra larg portës së vet. Megjithatë, epërsia territoriale e gjermanëve nuk prodhoi raste të pastra, pasi paraguajanët u mbrojtën me shumë disiplinë, duke i ndërprerë aksionet me faulle taktike dhe ndërhyrje të sakta.

Momenti që ndryshoi rrjedhën e pjesës së parë erdhi në minutën e 42-të. Në një prej daljeve të rralla në gjysmën e fushës gjermane, Mathias Galarza harkoi nga krahu i djathtë dhe Julio Enciso, i lënë i lirë në zonë, goditi saktë me kokë për të mposhtur portierin gjerman dhe për ta çuar rezultatin në 1:0.

Në pjesën e dytë, Gjermania reagoi dhe arriti të barazojë në minutën e 54-të. Pas një aksioni tjetër të ndërtuar nga krahët, Florian Wirtz provoi drejt portës, ndërsa Kai Havertz e devijoi topin me kokë në shtyllën e parë, duke e dërguar në rrjetë për 1:1.

Edhe pse të dyja skuadrat kërkuan golin vendimtar, rezultati nuk ndryshoi as pas 120 minutave dhe gjithçka u vendos nga penalltitë.

Në serinë e goditjeve nga pika e bardhë, Paraguai ishte më i saktë dhe realizoi një nga befasitë më të mëdha të këtij Botërori, duke nxjerrë jashtë një nga favoritët për trofeun me rezultat 3-4. (SHIKONI PENALLTITË)

Falë këtij suksesi, Paraguai ka prerë biletën për në 1/8 e finales, ku do të ndeshet me fituesin e përballjes mes Francës dhe Suedisë.

The post VIDEO/ Vjen befasia e parë, Paraguai eliminon Gjermaninë appeared first on Albeu.com.

Pas 90 minutave lojë, sfida e raundit të 16-shes në Kupën e Botës mes Gjermanisë dhe Paraguait nuk ka nxjerrë fitues, pasi të dyja ekipet e mbyllën kohën e rregullt në barazim 1:1 dhe tashmë do të kërkojnë kualifikimin në vazhdime.

Gjermania kishte arritur në fazën me eliminim direkt si kryesuese e Grupit E, duke lënë pas Bregun e Fildishtë, Ekuadorin dhe Kuraçaon. Nga ana tjetër, Paraguai siguroi kalimin tutje si i dyti në Grupin A, pas SHBA-së dhe përpara Australisë e Turqisë.

Fraksioni i parë prodhoi befasinë më të madhe të ndeshjes. Në minutën e 42-të, në një prej daljeve të pakta përpara portës gjermane, paraguajanët gjetën avantazhin. Mathias Galarza harkoi nga e djathta dhe Julio Enciso, i lënë i lirë brenda zonës, goditi saktë me kokë për të mposhtur portierin gjerman dhe për të kaluar ekipin e tij në 1:0.

Reagimi i Gjermanisë erdhi në pjesën e dytë. Në minutën e 54-t, pas një aksioni të ndërtuar sërish nga krahët, Florian Wirtz provoi drejt kuadratit, ndërsa Kai Havertz ndërhyri me kokë te shtylla e parë, duke devijuar topin në rrjetë për barazimin 1:1.

Deri në përfundim të kohës së rregullt, të dyja skuadrat krijuan mundësi për të shënuar golin vendimtar, por asnjëra nuk arriti ta zgjidhë ndeshjen brenda 90 minutave.

Ekipi që do të dalë fitues nga kjo përballje do të ndeshet në çerekfinale me fituesin e duelit mes Suedisë dhe Francës.

The post Gjermania dhe Paraguai mbeten në barazim pas kohës së rregullt, kualifikimi vendoset në vazhdime appeared first on Albeu.com.