Përballja mes Portugalisë dhe Kroacisë në Kupën e Botës 2026 ka nxitur një interes të jashtëzakonshëm, duke bërë që në tregun e rishitjes çmimet e biletave të shkojnë në nivele marramendëse.

Sipas CTV News, për ndeshjen e 1/16 së finales që luhet më 2 korrik në Toronto, disa bileta po ofrohen deri në 30 mijë dollarë kanadezë, që përkthehen në rreth 18,500 euro. Ndërkohë, edhe në platformat SeatGeek dhe StubHub, shumë bileta të tjera janë nxjerrë në shitje për mijëra euro.

Edhe opsionet më të lira në tregun sekondar kalojnë shifrën e 2,600 dollarëve kanadezë, megjithëse kur FIFA i nxori në shitje gjatë vitit 2025, çmimet zyrtare luhateshin nga 335 deri në 875 dollarë.

Vëmendja e madhe ndaj kësaj sfide nuk lidhet vetëm me faktin se bëhet fjalë për një ndeshje të fazës eliminatore, por edhe me mundësinë që ky të jetë takimi i fundit në një Kupë Bote për Cristiano Ronaldon ose Luka Modriçin.

Ekipi që humbet do t’i japë fund rrugëtimit në Kampionatin Botëror, ndërsa skuadra fituese do të sigurojë një vend në çerekfinale.

Kërkesa për bileta është shtuar ndjeshëm edhe për shkak të pranisë së madhe të komuniteteve portugeze dhe kroate në zonën e Torontos. Në këtë rajon banojnë rreth 140 mijë persona me origjinë portugeze dhe afro 35 mijë me origjinë kroate.

Rritja e fortë e çmimeve po ndodh edhe pse provinca kanadeze e Ontarios ka miratuar një ligj që ndalon rishitjen e biletave mbi vlerën e tyre nominale. Megjithatë, vetë platformat e rishitjes kanë pranuar se zbatimi i këtij ligji është i vështirë, pasi mbetet e ndërlikuar të verifikohet çmimi fillestar me të cilin është blerë secila biletë.

Ndeshja mes Portugalisë dhe Kroacisë do të luhet më 2 korrik në stadiumin e Torontos dhe pritet të jetë një nga përballjet më të ndjekura të fazës eliminatore në Kupën e Botës 2026.

The post Biletat për sfidën Portugali-Kroaci kapin deri në 18,500 euro në tregun e zi appeared first on Albeu.com.

Një ndër më të dalluarit në këtë sfidë ishte kapiteni Luka Modric, i cili në moshën 39-vjeçare vazhdon të thyejë rekorde dhe të mbajë ritëm të lartë loje në arenën ndërkombëtare.

Në minutën e 62-të, Modric realizoi golin e dytë për Kroacinë nga pika e bardhë, pasi Ante Budimir fitoi një penallti. Ai goditi saktë duke kaluar ekipin e tij në epërsi 2:1.

Ky gol i dha atij një tjetër rekord personal: Modric u bë golashënuesi më i vjetër në historinë e kualifikimeve evropiane për Kupën e Botës, duke kaluar Edin Dzekon, i cili kishte vendosur rekordin vetëm pak ditë më parë me Bosnje e Hercegovinën ndaj San Marinos.

Me këtë gol, mesfushori legjendar kroat u rendit gjithashtu si shënuesi i nëntë më i vjetër në të gjitha kualifikimet botërore, me rekordin absolut që mbahet nga Keithroy Cornelius i Ishujve Virgjër të SHBA-së, i cili shënoi në moshën 43-vjeçare.

Përveç golit, Modric dha një asistim të bukur për Andrej Kramaric dhe zhvilloi një tjetër ndeshje të shkëlqyer në mesfushë, me 70 pasime të sakta nga 77 tentativa, 2 driblime të suksesshme dhe fitimin e të gjitha dueleve tokësore.

Kjo paraqitje është një tjetër dëshmi e klasit dhe qëndrueshmërisë së tij në nivelet më të larta të futbollit, ndërsa Kroacia shfaq ambicie serioze për kualifikimin në Botërorin e ardhshëm.

The post Modric thyen një rekord të madh pas golit me fanellën e Kroacisë appeared first on Albeu.com.

Kujtojmë që ekipi ballkanas do të jetë një nga kundërshtarët e Shqipërisë në grupet e Europianit, së bashku me Spanjën dhe Italinë.

Në këtë listë nuk kishin si të mungonin yjet, duke filluar nga Josko Gvardiol i Manchester City-t dhe Josip Stanisic i Leverkusen, e deri te lojtarët e klasit botërorë siç janë, Kovacic, Luka Modric, Brozovic, Perisic dhe Kramaric.

Më poshtë do të njiheni me listën e plotë të lojtarëve të përfaqësueses kroate të grumbulluar për Euro 2024.

View this post on Instagram

A post shared by Hrvatski nogometni savez (@hns_cff)

The post Shqipëria ‘dridhet’, Kroacia bën publike listën e lojtarëve të grumbulluar për Euro 2024 appeared first on Albeu.com.

Ndeshja përfundoi pa gola në kohën e rregullt. Në finale kaloi edhe Egjipti, i cili mundi 1-0 Zelandën e Re. Kroacia dhe Egjipti do të luajnë të martën në orën 21:00.

Kapiteni kroat Luka Modric luajti 59 minuta në ndeshjen e djeshme, ndërsa një ditë më pas në rrjetet sociale po qarkullon një video e shpinës së tij.

Shpina e Modricit është plot me disa rrathë, të cilat janë rezultat i hixhames. Bëhet fjalë për një metodë të lashtë të detoksifikimit të gjakut, të cilës i është nënshtruar mesfushori legjendar.

Pas atij trajtimi, pasojat që shihen në këtë video mbeten në anën e pasme. Kjo metodë shërben edhe për zgjerimin e venave, gjë që mundëson qarkullim më të mirë të gjakut.

Është gjithnjë e më popullor në sport, dhe shpesh është praktikuar nga Karim Benzema te Real Madridi. /Telegrafi/

The post Luka Modric hoqi fanellën, por tifozët janë të shokuar se çfarë ka ndodhur me shpinën e kroatit appeared first on Albeu.com.