Ndeshja nisi me një dominim të lehtë të ‘Dardanëve’ të cilët po qarkullonin topin me kujdes në kërkim të një rasti për të shënuar.

Sidoqoftë, mysafirët në daljen e vetme të rrezikshme ia dolën të kalojnë në epërsi.

Po luhej minuta e 12-të kur Komoret ia dolën që të realizojnë për rezultatin 1-0 përmes Said Bakarit që realizoi me kokë.

I shpejtë ishte reagimi i Kosovës, të cilët arritën ta barazojnë rezultatin vetëm shtatë minuta më vonë.

Autor i golit ishte Albion Rrahmani i cili realizoi një gol të bukur për 1-1 në minutën e 19-të.

Pas golit të barazimit Kosova u vu në kërkim të golit të epërsisë dhe e pati një rast të mirë me Meriton Korenicën, por goditja e tij shkoi pranë shtyllës së portierit mysafir.

Duke marrë parasysh insistimin që pati Kosova në pjesën e parë si dhe me disa ndryshime eventuale në të dytën, ‘Dardanët’ do t’i afrohen edhe më shumë fitores.

The post Mbyllet pjesa e parë, Kosovë 1-1 Komoret: ‘Dardanët’ po dominojnë ndeshjen appeared first on Albeu.com.

Në prag të nisjes së këtij takimi, trajnerët Foda dhe Cusin kanë bërë të ditur formacionet zyrtare që do të zbresin në fushën e lojës.

The post FORMACIONET ZYRTARE/ Kosova kërkon triufmin e radhës ndaj Komores appeared first on Albeu.com.

Pavarësisht këtyre shifrave mbresëlënëse, Kosova mund të kishte shënuar të paktën 10 gola, por pritjet e shkëlqyera të portierit armen Henri Avagyan dhe mungesa e saktësisë së sulmuesve tanë e ndaluan një rezultat edhe më të thellë.

Kosova deri tash më së shumti drejt portës gjuajti ndaj Qipros në shtator 2022 ku shënoi 5 gola nga 22 goditje (11 në kuadrat).

Por sot (e premte), në fund, Kosova triumfoi me rezultatin 5-2, duke treguar edhe një herë se është një ekip i frikshëm kur luan në sulm.

E gjithë jo erdhi edhe pse kishte mungesa të rëndësishme të disa prej lojtarëve më me përvojë, të cilët njihen si “senatorë” të ekipit — Amir Rrahmani, Milot Rashica, Edon Zhegrova, Arijanet Muriç dhe Valon Berisha — por Kosova ia doli të zhvillonte një lojë tërheqëse dhe të vendosur.

Kjo paraqitje e jashtëzakonshme është pjesë e filozofisë së re që ka sjellë trajneri gjerman Franco Foda, i cili ka dhënë jetë një Kosove të re e të vendosur për të sulmuar.

Që prej marrjes së drejtimit të Kombëtares, Foda ka udhëhequr Kosovën në 12 ndeshje, duke fituar 8 prej tyre dhe shënuar 21 gola, me një mesatare të lartë prej 2 pikësh për ndeshje.

Por mbi të gjitha, ai i dha Kosovës edhe një arritje historike: promovimin në Ligën B të Ligës së Kombeve. Ai e arriti këtë sukses duke e mposhtur Islandën në të dy ndeshjet e zhvilluara, duke treguar jo vetëm forcë taktike, por edhe një përgatitje të jashtëzakonshme të ekipit.

Kjo rritje e Kosovës nën drejtimin e Fodës ka filluar të frymëzojë besim të madh te tifozët, por edhe lojtarët e kampionatit vendas. Sot, tetë lojtarë të Kosovës që u futën në fushë, janë rritur në Superligën e Kosovës, duke treguar se puna e klubeve vendore po jep fryte të mëdha.

Shumë prej tyre, si Albion Rrahmani, Lumbardh Dellova dhe Lindon Emërllahu, që dikur shkëlqenin me Ballkanin, tani janë pjesë e ekipeve të njohura evropianeshënuan gola.

Kosova, e udhëhequr nga Franco Foda, po kthehet në një ekip që e sulmon kundërshtarin pa frikë dhe që ka potencial për të befasuar çdo kundërshtar, qoftë në miqësore apo në sfidat zyrtare që e presin për kualifikimet e Kampionatit Botërorit, ku ka kundështarë të fortë në grup si Suedia, Sllovenia dhe Zvicra.

The post Kosova e Franco Fodës po funksionon: Ndaj Armenisë me 38 goditje drejt portës appeared first on Albeu.com.

Armenia e kaloi e para në epërsi në minutën e 8-të, kur portieri Amir Saipi e devijoi topin në rrjetën e vet pas një goditjeje nga Nair Tiknizyan.

Kosova reagoi me vendosmëri dhe Ermal Krasniqi goditi shtyllën pak minuta më pas.

Përpjekjet e Kosovës u shpërblyen në minutën e 23-të, kur Lumbardh Dellova lëshoi një goditje spektakolare nga 30 metra, duke barazuar rezultatin.

Armenia kaloi sërish në avantazh në minutën e 29-të, me një goditje të bukur dënimi të Eduard Spertsyan.

Kosova nuk u dorëzua dhe goditi sërish shtyllën në minutën e 38-të me Leart Paqaradën. Portieri i Armenisë, Armend Henri Avagyan, bëri disa pritje vendimtare, duke mbajtur rezultatin 2-1 deri në fund të pjesës së parë.

Në pjesën e dytë, Kosova u fut fuqishëm në lojë dhe kërkoi barazimin që në fillim.

Ky erdhi në minutën e 60-të, kur Baton Zabërxha fitoi një penallti pas një depërtimi të shpejtë. Mërgim Vojvoda realizoi nga pika e bardhë, duke barazuar në 2-2.

Pas këtij goli, Kosova vazhdoi të dominojë dhe mori avantazhin në minutën e 71-të. Lindon Emërllahu shënoi për 3-2 pas një topi të kthyer brenda zonës.

Skuadra e Franco Fodës vazhdoi të rrezikonte portën armene: Florian Haxha pati një mundësi të artë për golin e katërt, por nuk e mposhti dot portierin Avagyan. Në aksionin pasues, Albion Rrahmani goditi shtyllën.

Por Rrahmani nuk u ndal dhe pak minuta më vonë, arriti të realizojë golin e katërt për Kosovën, duke vulosur rezultatin përfundimtar 4-2.

Në minutat e fundit, Kosova e kontrolloi lojën dhe me Albion Rrahmani që shënoi sërish pas një pasim të bukur dhe me një goditje të saktë brenda zonës, shënoi golin e pestë për Kosovën dhe duke vulosur fitoren bindëse 5-2.

Miqësorja ndaj Armenisë ishte një provë e rëndësishme për Kosovën, e cila tregoi forcë karakteri dhe një lojë të bukur sulmuese.

The post Dominim dhe fitore me pesë gola në shtëpi, Kosova e bukur në fushë përmbys Armeninë appeared first on Albeu.com.

Armenia kaloi e para në epërsi në minutën e 8-të, kur Nair Tiknizyan përfitoi nga një pasiguri e portierit Amir Saipi dhe e shtyu topin në rrjetë.

Kosova reagoi fuqishëm dhe arriti të barazojë në minutën e 23-të me një supergol nga Lumbardh Dellova, i cili goditi fuqishëm nga rreth 30 metra dhe nuk i dha asnjë mundësi portierit armen.

Por gëzimi ynë zgjati vetëm pak minuta: në minutën e 29-të, Eduard Spertsyan realizoi një tjetër gol të bukur për Armeninë, këtë herë nga një goditje dënimi e saktë dhe e fuqishme që la Saipin pa reagim.

Kosova pati disa mundësi të shkëlqyera për të barazuar përsëri. Fillimisht, Ermal Krasniqi goditi shtyllën, ndërsa në minutën e 38-të Leart Paqarada përsëriti të njëjtin fat, duke e goditur po ashtu shtyllën, me devijim të portierit.

Në minutën e 43-të, Baton Zabërxha pati një rast shumë të mirë, por portieri i Armenisë, Armend Henri Avagyan, bëri një pritje të madhe, duke e ndalur tentativën e tij.

Avagyan ishte vendimtar në disa momente, duke ruajtur rezultatin e Armenisë, ku në kohën shtesë ndali edhe goditjen e Elvis Rexhbeçajt.

Pjesa e parë përfundoi me rezultat 2-1 për Armeninë, por Kosova tregoi dëshirë dhe rrezikshmëri, duke e bërë pjesën e dytë edhe më interesante.

The post Mbyllet pjesa e parë, Kosovë 1-2 Armeni në “Fadil Vokrri” appeared first on Albeu.com.

Përzgjedhësi Franco Foda ka lënë pushim disa lojtarë kryesorë për të provuar të rinjtë në përbërje.

Edhe John van ’t Schip që në mars mori drejtimin e Armenisë ka vendosur të testojë alternativat e reja në këtë duel miqësor.

Kosova pritet të dalë me formacion të freskët, duke përfshirë talentë të rinj dhe disa emra me përvojë.

Kjo sfidë shihet si një mundësi për të vlerësuar gjendjen e skuadrave para ndeshjeve zyrtare të shtatorit.

Kosova: Saipi, Vojhvoda, I. Krasniqi, Dellova, Paqarada, Jashari, Rexhbeçaj, Demaku, Zaberxha, Asllani, E. Krasnqi.

The post Formacionet zyrtare, Kosova – Armenia: Foda provon disa lojtarë nga minuta e parë appeared first on Albeu.com.

Seanca është mbajtur në stadiumin “Fadil Vokrri” dhe është karakterizuar me angazhim maksimal dhe atmosferë shumë pozitive brenda grupit.

Përzgjedhësi i Kosovës, Franco Foda, ka vendosur fokusin kryesor të kësaj seance në aspektin taktik, për të përgatitur skuadrën sa më mirë për ndeshjen e parë miqësore, që zhvillohet të premten kundër Armenisë.

Atmosfera në kampin dardan është shumë e mirë dhe harmonike. Edhe lojtarët e rinj që për herë të parë janë bashkuar me kombëtaren janë ambientuar shpejt me grupin dhe po japin maksimumin në çdo stërvitje, shkruan FFK.

Për shkak të lëndimit, mbrojtësi Ismajl Beka është larguar dje nga grumbullimi, derisa pjesa tjetër e futbollistëve janë në gjendje të mirë fizike dhe kanë stërvitur me kapacitet të plotë.

Kombëtarja do të mbajë nesër stërvitjen e fundit para miqësores me Armeninë, po ashtu në “Fadil Vokrri”, në orën 17:00.

The post Dardanët vazhdojnë përgatitjet drejt miqësores me Armeninë, lëndohet një lojtar dhe largohet nga grumbullimi appeared first on Albeu.com.

Ndeshja Qipro-Kosovë, zhvillohet të hënën, në orën 18:00, në Larnaca dhe i takon xhiros së dytë të Grupit 2 të Ligës C në Ligën e Kombeve.

Futbollistët dardanë kanë punuar intensivisht në përgatitjet e fundit, me qëllim që të jenë në formën më të mirë të mundshme dhe me moral të lartë përballë ekipit të Qipros.

Ndërkohë, sulmuesi Vedat Muriqi, ka zhvilluar stërvitje të diferencuar nga pjesa tjetër e ekipit, për shkak të një shqetësimi nga ndeshja e kaluar kundër Rumanisë.

Ndeshja me Qipron është një përballje e rëndësishme për Kombëtaren e Kosovës, e cila synon të rikthehet te rezultatet pozitive pas humbjes së pësuar në shtëpi nga Rumania.

The post Kosova mbanë stërvitjen e fundit para udhëtimit në Qipro appeared first on Albeu.com.

Ka qenë Federata e Futbollit e Kosovës që ka njoftuar se për arsye disiplimore janë larguar tre futbollistë nga grumbullimi.

Bëhet fjalë për portierin Aro Muric si dhe Edon Zhegrovën dhe Florent Muslijën.

“Me vendim të përbashkët të përzgjedhësit Franco Foda dhe Federatës, tre futbollistët”:

“Arjanet Muric, Edon Zhegrova dhe Florent Muslija janë larguar nga grumbullimi i ekipit kombëtar, për shkak të thyerjes së rregullores së ekipit kombëtar të vendosur nga përzgjedhësi dhe Federata”.

Ndërkohë portieri i Dritës, Faton Maloku është bashkuar me Kombëtaren.

“Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së. Ndërkohë, ekipit do t’ i bashkohet, portieri që ka qenë në listen e pritjes, Faton Maloku nga FC Drita”, thuhet në njoftimin e FFK-së. /Telegrafi/

The post Ndryshime në listën e Kosovës, Foda përjashton tre futbollistë appeared first on Albeu.com.

Muaji prill ka qenë muaj pozitiv për shumë yje të Kosovës, por dy në veçanti kanë shkëlqyer me ekipet e tyre duke i sjell edhe rezultate pozitive.

Sulmuesi anësor Rashani dhe portieri Muric kanë qenë dy nga më të dalluarit e Dardanëve.

Paraqitjet e mira me Clermont në Ligue 1 dhe Burnley në Ligën Premier kanë bërë që dyshja e Dardanëve të përfundoj në formacionin më të mirë të muajit prill.

Është faqja e specializuar e statistikave SofaScore, e cila ka publikuar formacionin e muajit, ku pjesë e tij janë Rashani me notë 8.13 dhe Muric me notë 7.66.

Bruno Fernandes është lojtari më notën më të lartë në foramcion 8.75, ndërsa pas tij vijnë Kevin de Bruyne me 8.6, Cole Palmer me 8.5, Hakan Calhanoglu me 8.08 dhe Louis Openda me notë 8.

Në formacion gjenden edhe Achraf Hakimi (7.83), Andy Robertson (7.68) dhe Sergio Ramos dhe Martinez Quarta me notë të njëjtë 7.53. /Telegrafi/

The post Rashani dhe Muric në formacionin më të mirë të muajit në top pesë ligat evropiane, pjesë e tij edhe shumë yje botërore appeared first on Albeu.com.