Përballja e Ligës së Kombeve mes Irlandës dhe Izraelit nisi nën një klimë të tensionuar, e shoqëruar nga disa episode të pazakonta para vërshëllimës së parë.

Para zhvillimit të takimit, ekzistonte pasiguri nëse Irlanda do të paraqitej në fushë, pasi disa prej lojtarëve të kombëtares kishin shprehur mbështetje për bojkotin e ndeshjes. Në fund, Federata Irlandeze vendosi që skuadra të merrte pjesë në përballje.

Shenjat e tensionit u shfaqën që në fazën e nxehjes, kur një pjesë e tifozëve izraelitë në stadium i pritën futbollistët irlandezë me fishkëllima.

Vëmendjen më të madhe e tërhoqi momenti i himnit kombëtar të Izraelit. Futbollistët e Irlandës qëndruan me kokat e ulura, gjest që u pa si një formë proteste në rrethanat e veçanta të kësaj ndeshjeje.

Edhe ceremonia para nisjes së takimit u zhvillua ndryshe nga zakonisht. Lojtarët e dy ekipeve nuk shtrënguan duart me njëri-tjetrin dhe u larguan drejtpërdrejt drejt bankinave përkatëse.

Pavarësisht atmosferës së rënduar jashtë fushës, Irlanda e nisi ndeshjen në mënyrë të fortë, duke shënuar dy gola brenda 15 minutave me Troy Parrot dhe Adam Idah.

The post Atmosferë e tensionuar para Irlandë–Izrael: futbollistët irlandezë ulin kokën gjatë himnit dhe shmangin shtrëngimin e duarve appeared first on Albeu.com.