Skuadra franceze e mori menjëherë në dorë kontrollin e lojës dhe zhbllokoi rezultatin në minutën e 14-të. Kylian Mbappe pranoi topin rreth 18 metra larg portës dhe me një goditje të fortë mposhti portierin Jalal Hassan, duke kaluar Francën në avantazh 1-0.

Pas mbylljes së pjesës së parë, ndeshja u pezullua për shkak të motit të rënduar. Protokolli i sigurisë në Shtetet e Bashkuara parashikon që çdo goditje rrufeje brenda një distance prej 13 kilometrash nga stadiumi të sjellë ndërprerjen e menjëhershme të aktivitetit. Për këtë arsye, futbollistët u kthyen në dhomat e zhveshjes, ndërsa tifozët morën udhëzime të strehoheshin në vende të sigurta.

Çdo rrufe e re e riniste numërimin 30-minutësh, duke bërë që pauza të zgjaste më shumë se dy orë. Vetëm kur kushtet atmosferike u përmirësuan, të dyja ekipet dolën sërish në fushë për nxehje dhe loja rifilloi.

Në fund, ndeshja zgjati plot katër orë: ajo nisi në ora 23:00 me orën tonë lokale dhe u mbyll në ora 03:00 pas mesnate.

Ndërprerja e gjatë nuk e ndali ritmin e Francës. Në minutën e 54-të, pas një gabimi serioz në repartin defensiv të Irakut, Ousmane Dembélé përfitoi nga rasti dhe asistoi për Mbappen, i cili realizoi golin e tij të dytë personal për rezultatin 2-0.

Pak më pas, francezët iu afruan edhe golit të tretë, por Michael Olise goditi traversën, ndërsa Adrien Rabiot nuk ia doli të konkretizonte me kokë nga afërsia.

Goli që mbylli llogaritë erdhi në minutën e 66-të. Këtë herë ishte Olise ai që shërbeu për Ousmane Dembélé, ndërsa ky i fundit realizoi pa vështirësi për 3-0 dhe vulosi fitoren e Francës.

Pas këtij suksesi, Franca vijon me siguri rrugëtimin e saj në Kupën e Botës, kurse Iraku mbetet me pak gjasa për kualifikim në fazën e eliminimit direkt.

The post Mbappe udhëheq Francën drejt suksesit ndaj Irakut në sfidën katërorëshe appeared first on Albeu.com.

Sipas njoftimit të FIFA-s, pjesa e dytë do të nisë në orën 1:50 me kohën lokale, ndërsa lojtarët do të zbresin në fushë 20 minuta më parë për nxehmje. Kjo nënkupton se nga mbyllja e pjesës së parë deri në rinisjen e ndeshjes do të kenë kaluar pak më shumë se dy orë.

Në fillim ishte bërë e ditur se ndërprerja do të zgjaste 30 minuta, por zhvillimet meteorologjike nuk e bënë të mundur rikthimin e menjëhershëm në lojë, duke detyruar skuadrat dhe tifozët të presin për më shumë se dy orë.

“Për shkak të kushteve të këqija të motit dhe rrezikut të goditjeve nga rrufeja pranë stadiumit, ndeshja e Kupës së Botës FIFA midis Francës dhe Irakut është pezulluar përkohësisht. Situata po vazhdon të monitorohet për të përcaktuar nëse do të jenë të nevojshme vonesa të mëtejshme. FIFA do të ndjekë protokollet e sigurisë të përcaktuara nga autoritetet lokale dhe ndeshja do të rifillojë sapo të jetë e sigurt për ta bërë këtë. Siguria dhe mbrojtja e të gjithë personave është përparësi e FIFA-s. Falënderojmë të gjithë tifozët për mirëkuptimin dhe bashkëpunimin e tyre”, thuhet në deklaratën e FIFA-s.

Kjo ndërprerje e gjatë është konsideruar si një rast i pazakontë në këtë Botëror, ndërsa organizatorët kanë ritheksuar se mbrojtja e futbollistëve, stafit dhe tifozëve mbetet përparësi absolute.

The post Francë – Irak rifillon me pjesën e dytë pas mbi dy orësh ndërprerje appeared first on Albeu.com.

Futbollisti 30-vjeçar shënoi golin e vetëm të irakianëve në këtë ndeshje dhe hyri në historinë e përfaqësueses si autori i golit të dytë të Irakut në Kupat e Botës. Deri më tani, i vetmi lojtar që kishte realizuar për Irakun në këtë kompeticion kishte qenë Ahmed Radhi në Botërorin e vitit 1986.

Me rrjetën e tundur ndaj Norvegjisë, Hussein shkoi në 33 gola me fanellën e kombëtares, duke u renditur mes realizuesve më të spikatur në historinë e futbollit irakian.

Por rruga e tij nuk lidhet vetëm me arritjet në fushë.

Aymen Hussein u rrit në Al Safra, një fshat pranë Kirkukut, në një kohë të shënuar nga lufta dhe dhuna. Kur ishte 12 vjeç, humbi të atin, i cili shërbente në ushtrinë irakiane dhe u vra nga militantët e Al-Kaedës ndërsa po blinte materiale ndërtimi për shtëpinë e familjes.

Më pas, familja e tij u godit sërish nga një tjetër tragjedi e rëndë. Sipas raportimeve, vëllai i madh i Hussein u rrëmbye nga anëtarë të ISIS-it dhe nuk u kthye më kurrë.

Shtëpia që i ati kishte nisur të ndërtonte mbeti për vite të tëra e papërfunduar. Në një intervistë për FIFA-n, Hussein kishte treguar se dëshira e tij më e madhe nuk ishte futbolli, por të siguronte para të mjaftueshme për ta përfunduar shtëpinë që babai kishte lënë përgjysmë.

Vite më pas, ai u shndërrua në njeriun që udhëhoqi Irakun drejt një kualifikimi historik në Kupën e Botës, duke i siguruar vendit paraqitjen e parë në turneun më të madh të futbollit pas katër dekadash të plota.

Ndonëse Iraku u mposht nga Norvegjia në takimin e parë, goli i Aymen Hussein mbetet një moment i rëndësishëm për futbollin irakian dhe një kapitull tjetër frymëzues në jetën e një lojtari që ka përballuar sprova të jashtëzakonshme jashtë fushës.

The post Nga tragjeditë familjare te goli historik i Irakut në Kupën e Botës, rrëfimi i Aymen Hussein appeared first on Albeu.com.

Skuadra skandinave u shfaq më kërkuese që në fillim dhe e gjeti avantazhin në minutën e 29-të. Erling Haaland përfitoi nga pasimi i Wolfe dhe shënoi nga pranë për 1-0.

Irakianët reaguan pas dhjetë minutash, teksa Hussein realizoi me kokë një gol të bukur për të rikthyer baraspeshën në 1-1.

Sidoqoftë, barazimi nuk zgjati shumë. Vetëm katër minuta më pas, Haaland përfitoi nga një gabim i portierit rival dhe tundoi sërish rrjetën, duke regjistruar golin e tij të dytë personal dhe duke kaluar Norvegjinë përsëri në epërsi me rezultatin 2-1.

Edhe pas pushimit, “Vikingët” mbetën dominues në fushë dhe e zgjeruan diferencën në minutën e 76-të, kur Leo Østigård shënoi për 3-1 pas asistimit të Martin Ødegaard.

Në minutën e fundit të takimit, pas një situate të rrëmujshme në zonë, Hussein devijoi topin në portën e tij, duke vulosur shifrat përfundimtare 4-1 në të mirë të norvegjezëve.

Me këtë fitore, Norvegjia ngjitet në krye të Grupit I me tri pikë, aq sa ka edhe Franca. Në ndeshjen e radhës, norvegjezët do të ndeshen me Senegalin.

The post Haaland shkëlqen me dopietë në start, Norvegjia mposht 4-1 Irakun appeared first on Albeu.com.