“Tre Luanët” e nisën furishëm takimin dhe morën avantazhin që në minutën e tretë, kur Declan Rice realizoi me një goditje nga distanca.

Në minutën e 18-të, Konsa dyfishoi shifrat me kokë, duke shfrytëzuar harkimin e Rice.

Anglia e mbylli pjesën e parë në epërsi 0-4, falë dy realizimeve të Bukayo Saka në minutat 37 dhe 45+1.

Franca reagoi menjëherë pas rikthimit në fushë. Kylian Mbappe shënoi në minutën e 48-të për të ngushtuar diferencën, ndërsa gjashtë minuta më vonë asistoi për Barcolan, që realizoi për 2-5.

Mbappe gjeti sërish rrugën e rrjetës në minutën e 66-të, gol që i siguroi epitetin e golashënuesit më të mirë në historinë e Botërorit.

“Gjelat” patën mundësinë të afroheshin edhe më shumë në rezultat, por Michael Olise shpërdoroi raste të mira nga pranë portës. Ndërkohë, Gusto u kthye në figurën tragjike të Francës pas një ndërhyrjeje brenda zonës, për të cilën gjyqtari akordoi penallti.

Saka nuk gaboi nga pika e bardhë në minutën e 87-të, duke kompletuar het-trikun dhe duke vulosur fitoren e Anglisë.

Franca shënoi edhe një herë në minutën e 90+6′, përmes Ousmane Dembeles.

Megjithatë, në momentet e fundit, teksa Franca kërkonte golin në sulm, Anglia goditi në kundërsulm me Jude Bellingham, i cili realizoi një eurogol në minutën e 90+8′ për ta mbyllur përfundimisht sfidën.

Me këtë sukses, Anglia siguron medaljen e bronztë, ndërsa finalja e madhe do të luhet të dielën nga ora 21:00 mes Spanjës dhe Argjentinës.

GOLI I BELLINGHAM: VIDEO 

GOLI I DEMBELE: VIDEO 

GOLI I TRETË I SAKA ME PENALLTI: VIDEO 

GOLI I DYTË I MBAPE: VIDEO 

GOLI I BARKOLA: VIDEO 

GOLI I MBAPE: VIDEO 

GOLI I DYTË I SAKA: VIDEO 

GOLI I SAKA: VIDEO 

GOLI I KONSA: VIDEO 

GOLI I DEKLAN RAJS: VIDEO 

The post VIDEO/ Anglia mposht Francën në një spektakël me 10 gola dhe siguron vendin e tretë në Kupën e Botës appeared first on Albeu.com.

Mesfushori francez dhe luftëtari i palodhur, i cili gjithnjë u flijua për fanellën kombëtare, e mbylli me trishtim paraqitjen e vet të fundit në një Kupë Bote.

Buzëqeshja e tij e shpirtit, ajo që e bënte Kante njeriun më modest në futboll, tani është zhdukur krejtësisht. Në turneun e fundit botëror, francezi nuk mori asnjë sekondë hapësirë loje.

Spanja i eliminoi francezët në gjysmëfinale dhe tani skuadrës i mbetet vetëm një takim thuajse ceremonial për medaljen e bronztë. Edhe pse Kante mund të paraqitet në atë sfidë, kjo vështirë se mjafton si ngushëllim, pasi Didier Deschamps nuk i besoi asnjë minutë gjatë rrugëtimit për titullin kampion.

Pamjet e fundit nga grumbullimi i Francës dhe nga tribunat ku ai rrinte si spektator i heshtur e tregojnë qartë: fytyra e tij ka humbur shkëlqimin e dikurshëm.

Gjithë bota e futbollit ka çmuar përherë përulësinë e Kantes, por në këtë Botëror atij iu mohua edhe ajo pak kënaqësi.

Për vite të tëra, ai drejtonte lojën e Francës. Pa punën e tij të palodhur në mesfushë, asnjë prej trofeve që kjo gjeneratë ka fituar dekadën e fundit nuk do të ishte e mundur.

Kontributi i tij ishte thelbësor në rrugën drejt titullit botëror të vitit 2018, por tani nuk pati rastin t’i japë një lamtumirë të denjë garës më prestigjioze të planetit.

Në moshën 35-vjeçare, mesfushori mban sot fanellën e Fenerbahçes. Shihet e vështirë që pas katër viteve ai të rikthehet me kombëtaren për të luajtur në Botërorin e ardhshëm.

The post Ku shkoi ajo buzëqeshje? N’Golo Kante nuk luajti asnjë minutë në Kampionatin Botëror appeared first on Albeu.com.

Ish-sulmuesi i njohur kamerunas, Samuel Eto’o, ka ngritur zërin publikisht në mbështetje të yllit francez Kylian Mbappe, duke i bërë apel komunitetit të tifozëve dhe mediave sportive në Francë që të tregojnë më shumë respekt për liderin e kombëtares “Les Bleus”.

Gjatë një bisede për të përditshmen Le Parisien, legjenda e Barcelonës dhe Interit u shpreh se Mbappe duhet të vendoset në të njëjtin piedestal me figurat më të mëdha të futbollit, duke përmendur arritjet e tij të jashtëzakonshme me ekipin kombëtar francez.

Ish-golashënuesi afrikan vuri në dukje se Mbappe ngriti trofeun e Kupës së Botës në vitin 2018, arriti finalen në vitin 2022 dhe aktualisht qëndron si realizatori i dytë më i mirë në të gjithë historinë e turneut, i tejkaluar vetëm nga Lionel Messi.

“Më vjen keq që shpesh e kam parë atë të kritikohet, sidomos në vendin e tij. Ai meriton thjesht të trajtohet me të njëjtin respekt si kampionët e tjerë të mëdhenj. Dhe mbase ka ardhur momenti që Franca ta kuptojë plotësisht fatin që ka, duke pasur një lojtar të kësaj përmasash në historinë e saj,” u ankua Eto’o.

Performanca e fundit e Mbappes në Kupën e Botës ka qenë një tjetër demonstrim i klasit të tij botëror, ku ai udhëhoqi Francën me fanellën e kapitenit dhe rikonfirmoi vlerat e tij pas një periudhe të vështirë me kritika të shumta.

Në moshën 27-vjeçare, sulmuesi francez vijon të shkatërrojë rekorde dhe të lërë gjurmë të pashlyeshme, duke u konsoliduar tashmë si golashënuesi i dytë më i mirë i të gjitha kohëve në Kupën e Botës, menjëherë pas Lionel Messit, dhe duke mbetur një nga personalitetet më përcaktuese të gjeneratës së tij.

The post Samuel Eto’o mbron Kylian Mbappen: francezët duhet të çmojnë më shumë kapitenin e tyre rekordmen appeared first on Albeu.com.

Raundi i 1/8 së finales në Kupën e Botës është mbyllur pas fitoreve të mbrëmjes së sotme, ku Argjentina triumfoi 3-2 ndaj Egjiptit, ndërsa Zvicra kaloi Kolumbinë pas barazimit 0-0 dhe suksesit 4-3 në penallti.

Me këtë fazë tashmë të përfunduar, janë konfirmuar të gjitha çiftet e çerekfinaleve, ku garën do ta vijojnë gjashtë Kombëtare nga Evropa, një përfaqësuese afrikane dhe një nga Amerika e Jugut.

E mërkura do të jetë dita e parë pa asnjë takim në këtë Botëror, pasi deri në këtë moment janë luajtur 96 ndeshje. Deri në mbylljen e turneut kanë mbetur vetëm edhe tetë përballje: katër çerekfinale, dy gjysmëfinale, finalja dhe ndeshja për vendin e tretë.

Çerekfinalet hapen të enjten me ndeshjen Francë – Marok, ndërsa të premten do të luhet takimi Spanjë – Belgjikë. Skuadrat fituese të këtyre dy dueleve do të ndeshen më pas në gjysmëfinale.

Në vazhdim, të shtunën është parashikuar përballja mes Norvegjisë dhe Anglisë, ndërsa faza çerekfinale do të përfundojë me duelin mes Argjentinës dhe Zvicrës.

The quarter-finals are set 🤝#FIFAWorldCup

— FIFA World Cup (@FIFAWorldCup) July 7, 2026

Kjo ndeshje e fundit pritet të jetë një nga sfidat më të forta të kësaj faze, teksa Lionel Messi dhe kampionët në fuqi të botës do të masin forcat me Zvicrën e Granit Xhakës për një vend në gjysmëfinale.

Çiftet çerekfinale të Kupës së Botës:

Francë – Marok (9 korrik, ora 22:00)

Spanjë – Belgjikë (10 korrik, ora 21:00)

Norvegji – Angli (11 korrik, ora 23:00)

Argjentinë – Zvicër (12 korrik, ora 03:00)

The post Përcaktohen përballjet e çerekfinaleve të Kupës së Botës, ja kur luhen ndeshjet appeared first on Albeu.com.

Franca e mbylli pjesën e parë të ndeshjes së 1/16 së finales kundër Suedisë në epërsi 1-0, pasi Kylian Mbappe realizoi një gol të shkëlqyer pak çaste para përfundimit të fraksionit të parë.

Që në nisje të takimit, ritmi ishte i lartë dhe “Gjelat” morën menjëherë kontrollin, duke ndërtuar disa mundësi të mira për shënim.

Rasti i parë i madh për francezët u regjistrua në minutën e 19-të, kur Bradley Barcola depërtoi bukur në zonë, por tentativa e tij përfundoi mbi kuadrat.

Në minutën e 20-të, Mbappe mendoi se kishte zhbllokuar sfidën për Francën, por pas verifikimit nga VAR, goli i tij u anulua për pozitë jashtë loje.

Sulmet e francezëve nuk u ndalën dhe në minutën e 30-të portieri suedez Jacob Widell Zetterstrom bëri një pritje vendimtare ndaj Adrien Rabiot, duke u shndërruar në një nga më të spikaturit në fushë.

Në minutën e 32-të, Mbappe goditi shtyllën, ndërsa një minutë më pas Rabiot provoi nga distanca, por topi kaloi pak mbi traversë.

Një tjetër moment i rrezikshëm erdhi në minutën e 36-të, kur Michael Olise iu afrua shumë golit, por tentativa e tij u ndal nga shtylla. Në vazhdim të të njëjtit aksion, Ousmane Dembele nuk arriti ta dërgonte topin në rrjetë.

Zetterstrom u shfaq sërish vendimtar në minutën e 45-të, kur ndali një tentativë të Olise, aksion pas të cilit Franca fitoi edhe një goditje nga këndi.

Megjithatë, po në minutën e 45-të, Mbappe gjeti më në fund golin me një realizim të bukur, duke bërë që Franca të shkonte në pushim me avantazhin 1-0.

The post Franca shkon në pushim në avantazh ndaj Suedisë, vendos supergoli i Mbappes appeared first on Albeu.com.

Me golin e parë ndaj Irakut, Mbappe arriti shifrën e 15 golave dhe u barazua me legjendën braziliane Ronaldo Nazario. Më pas, me realizimin e dytë, ai shkoi në kuotën e 16 golave, duke u vendosur krah ish-sulmuesit gjerman Miroslav Klose.

Francezi 26-vjeçar tashmë e ndan pozitën e dytë me Klosen, ndërsa mbi ta renditet vetëm Lionel Messi. Kapiteni i Argjentinës e kishte marrë më herët i vetëm kreun e kësaj liste historike, pasi arriti në totalin e 18 golave në Kupat e Botës.

Duke qenë se Mbappe vazhdon të jetë në kulmin e formës së tij dhe Franca mbetet ende në garë në Botëror, sulmuesi francez ka një rast shumë të mirë që të tejkalojë rekordin e Messit dhe të bëhet golashënuesi më i mirë në historinë e Kupës së Botës.

Golashënuesit më të mirë në historinë e Kupës së Botës:

1. Lionel Messi – 18 gola
2. Miroslav Klose – 16 gola
3. Kylian Mbappé – 16 gola
4. Ronaldo Nazário – 15 gola
5. Gerd Müller – 14 gola

The post Mbappe kap Klosen në renditjen historike të golashënuesve të Botërorit, Messi mbetet i pari appeared first on Albeu.com.

Franca triumfoi 3-1 ndaj Senegalit të martën, pasi reagoi pas një pjese të parë zhgënjyese. Në suksesin e saj kontribuoi edhe Bradley Barcola, i cili realizoi golin tjetër për francezët.

Në 45 minutat e para, Mbappe preku topin vetëm 14 herë, shifra më e ulët mes të gjithë futbollistëve në fushë, ndërsa rrjeta mbeti e paprekur. Megjithatë, pas pushimit ai tregoi nivelin e tij dhe në minutën e 66-të i dha epërsinë Francës.

Goli erdhi pas një aksioni të ndërtuar nga krahu i djathtë, aty ku Jules Kounde dhe Michael Olise kombinuan dy herë me pasime.

Dy golat e kësaj sfide e çuan Mbappen në 14 realizime në Kupat e Botës, duke kaluar Lionel Messin dhe Just Fontaine në renditjen historike.

Tashmë ai është në të njëjtin nivel me legjendën gjermane Gerd Muller, ndërsa përpara tij mbeten vetëm Ronaldo Nazário me 15 gola dhe Miroslav Klose me 16 gola.

Sulmuesi francez vendosi gjithashtu një rekord të ri me kombëtaren, duke shkuar në 58 gola ndërkombëtarë. Në këtë mënyrë ai kaloi me një gol Olivier Giroud, që mbante rekordin e mëparshëm.

Për paraqitjen e tij, Mbappe u vlerësua me notën 8.1 nga Sofascore dhe u shpall lojtari i ndeshjes.

Franca, që synon të luajë finalen e tretë radhazi në Kupën e Botës, do të ndeshet me Irakun të hënën në Filadelfia.//

The post Mbappe shkruan histori me Francën, arrin 14 gola në Botëror dhe parakalon Messin e Pelen appeared first on Albeu.com.

Trajnerët kanë zgjedhur të nisin takimin me lojtarët më të rëndësishëm, duke mos kursyer emrat kryesorë që nga minuta e parë.

Te përfaqësuesja franceze, fokusi më i madh bie te reparti ofensiv, ku Michael Olise, Ousmane Dembélé dhe Désiré Doué do të jenë pas kapitenit Kylian Mbappé.

Në prapavijë, Didier Deschamps ka vendosur t’i besojë qendrës së mbrojtjes me Dayot Upamecano dhe William Saliba, ndërsa në portë do të jetë Mike Maignan.

Nga krahu tjetër, Senegali paraqitet me eksperiencën e Kalidou Koulibalyt në mbrojtje, si edhe me një treshe sulmuese të rrezikshme të përbërë nga Ismaïla Sarr, Nicolas Jackson dhe kapiteni Sadio Mané, i cili konsiderohet ende shpresa kryesore e “Luanëve të Terangës”.

Franca: Maignan; Koundé, Upamecano, Saliba, Theo Hernandez; Tchouaméni, Rabiot; Olise, Dembélé, Doué; Mbappé.

Senegali: E. Mendy; Diatta, Koulibaly, Niakhaté, Diouf; Idrissa Gana Gueye, Pape Gueye, Camara; Ismaïla Sarr, Jackson, Sadio Mané.

The post Franca dhe Senegali zbulojnë 11-shet titullare, Deschamps hedh në fushë një repart ofensiv shumë të fortë appeared first on Albeu.com.

Në atë skuadër franceze, gjithsesi, ishte një futbollist që dukej se zotëronte cilësitë për ta hapur sërish një ditë atë diskutim. Ai ishte Kylian Mbappé, i cili në finalen spektakolare të Lusailit realizoi het-trik dhe fitoi Këpucën e Artë të turneut, duke shënuar më shumë se Messi.

Me golin e barazimit në kohën shtesë, Mbappe e çoi në katër totalin e golave në finalet e Kupës së Botës, duke kaluar emra si Geoff Hurst, Vavá, Pelé dhe Zinedine Zidane.

Në atë periudhë ai ishte vetëm 23 vjeç dhe shumëkush mendonte se epoka e tij sapo kishte nisur. Por katër vjet më pas, sulmuesi francez ende nuk ka fituar as Topin e Artë dhe as Ligën e Kampionëve.

Në krahun tjetër, Ousmane Dembélé, shoku i tij i skuadrës, mund ta mbyllë këtë verë me dy Topa të Artë dhe dy trofe të mëdhenj në kabinetin personal.

Ironia është se bëhet fjalë për të njëjtin Dembélé që në finalen e Botërorit 2022 regjistroi një nga paraqitjet më të dobëta të karrierës, aq sa e përditshmja prestigjioze franceze L’Equipe zgjodhi të mos i vendoste fare notë.

Mes talentit të madh dhe zhgënjimit të vazhdueshëm

Në Katar, shpejtësia e Dembélé ishte një element i rëndësishëm për Francën. Njësoj si Mbappe, ai kishte aftësinë për të lënë pas mbrojtësit me lehtësi.

Por ngjashmëritë mes tyre ndaleshin aty. Mbappe përbënte vazhdimisht rrezik për portën kundërshtare dhe spikaste në ndeshjet e mëdha, ndërsa Dembélé shpesh vihej në shënjestër për rastet e humbura dhe pamundësinë për të bërë diferencën kur duhej më shumë.

Një nga episodet më të hidhura të kohës së tij te Barcelona mbetet gjysmëfinalja e Ligës së Kampionëve ndaj Liverpoolit në vitin 2019.

Në fundin e takimit të parë, Messi i kishte krijuar mundësinë ideale për të mbyllur llogaritë e kualifikimit, por Dembélé e shpërdoroi atë rast, teksa argjentinasi mbeti i dëshpëruar në fushë.

Finalja në Katar i forcoi reputacionin negativ

Gjithsesi, asgjë nuk u krahasua me atë që ndodhi në finalen e Kupës së Botës kundër Argjentinës. Dembélé luajti në krahun ku vepronte Ángel Di María dhe diferenca mes tyre ishte e dukshme.

Di María e dominoi tërësisht atë zonë, fitoi penalltinë prej së cilës Messi shënoi golin e parë dhe më pas realizoi edhe vetë për 2-0.

Ish-mbrojtësi anglez Gary Neville u shpreh se Di María e luajti Dembélé “si një fëmijë të vogël”.

Paraqitja e futbollistit francez ishte kaq e dobët, sa Didier Deschamps vendosi ta zëvendësonte pas vetëm 41 minutash lojë.

Edhe ish-reprezentuesi anglez Stuart Pearce e cilësoi atë si një nga paraqitjet më të dobëta që kishte parë ndonjëherë nga një futbollist profesionist.

“Ai humbi topa, shkaktoi penallti dhe nuk i doli pothuajse asgjë. Ishte si të shikoje një aksident automobilistik”, u shpreh Pearce.

Nga zhgënjimi te figura qendrore në Paris

Për një pjesë të madhe të tifozëve, ajo finale e vulosi imazhin e Dembélé si një prej talenteve më të shpërdoruara të futbollit modern.

Ai kishte shpërthyer te Borussia Dortmund në sezonin 2016/17 dhe ishte pjesë e Francës që fitoi Kupën e Botës në vitin 2018, por periudha te FC Barcelona u mbyll mes shumë zhgënjimesh.

Kur u largua nga Barcelona në vitin 2023, shumëkush e shihte atë si një nga transferimet më të dështuara në historinë e klubit katalanas.

Megjithatë, lëvizja te Paris Saint-Germain i ndryshoi rrjedhën e karrierës. Nën drejtimin e Luis Enrique, Dembélé është transformuar tërësisht, duke kaluar nga një talent i paqëndrueshëm në një nga lojtarët më vendimtarë të futbollit evropian.

Tani, në Kupën e Botës 2026, ai ka shansin ideal për ta plotësuar këtë rrëfim të pazakontë. Nëse arrin të udhëheqë Francën drejt titullit botëror, Dembélé jo vetëm që do të fitojë trofeun më të madh në futboll, por mund të hedhë një hap shumë të fortë edhe drejt Topit të Artë.

The post Nga nata e errët në Katar te shansi për lavdi të përjetshme: Dembélé mund të hyjë në histori me Topin e dytë të Artë appeared first on Albeu.com.

Djemtë e Deschamps shpresojnë të largojnë zhgënjimin e tyre në Kupën e Botës 2022 pasi u mundën me penallti nga Argjentina e Lionel Messit në finalen e Katarit.

Të enjten mbrëma, Deschamps emëroi skuadrën e tij për turneun, i cili do të zhvillohet në Gjermani.

Ylli i Ligës Premier, Michael Olise nuk është në listë përkundër një sezoni mbresëlënës me Crystal Palace, ndërsa befason emri i ish-lojtarit të Chelseat, N’Golo Kante, i luan në Al Ittihad.

Përveç Olise, mungesa të tjera të dukshme janë edhe Malo Gusto, Jean Clair Todibo, Matteo Guendouzi, Jean-Philippe Mateta dhe Moussa Diaby.

Portierët

Areola, Maignan, Samba

Mbrojtësit

Kounde, Clauss, Pavard, Konate, Saliba, Upamecano, Hernandez, Mendy

Mesfushorët

Camavinga, Fofana, Rabiot, Zaire-Emery, Tchouameni, Griezmann, Kante

Sulmuesit

Barcola, Dembele, Coman, Giroud, Kolo Muani, Mbappe, Thuram

The post Deschamps publikon listën për Euro 2024, befason me ftesën ndaj lojtarit që luan në Arabinë Saudite appeared first on Albeu.com.