Kosova U21 synon ta përfundojë me një rezultat pozitiv fushatën kualifikuese për Kampionatin Evropian, i cili do të zhvillohet në Shqipëri dhe Serbi, ndërsa përballë do të ketë Finlandën U21.

Ekipi finlandez shihet si favorit në këtë ndeshje, pasi garon për vendin e parë dhe shpreson që Spanja të lëshojë pikë, në mënyrë që të sigurojë kualifikimin e drejtpërdrejtë.

Trajneri Hekuran Kryeziu ka ndryshuar disa prej titullarëve në krahasim me takimin kundër Qipros. Për këtë përballje, ai ka zgjedhur skemën 4-1-4-1.

Formacioni i Kosovës U21: Seji; Parduzi, Shala, Lleshi, Sahitaj; Ademi; Xhylani, Jashari, Zeqiri, Sadriu; Gashi.

Formacioni i Finlandës U21: Jantunen; Ylitova, Lotjonen, Kangasniemi, Galvez; Hyrylainen, Siltanen; Soderback, Mentu, Korkko; Moller.

Ndeshja do të luhet në stadiumin “Fadil Vokrri” dhe do të nisë në orën 19:00. Tifozët do të kenë mundësi ta ndjekin falas përballjen dhe të mbështesin “Dardanët” e rinj.

The post Kosovë U21 – Finlandë U21, publikohen formacionet zyrtare për sfidën e fundit kualifikuese appeared first on Albeu.com.