Ndaj tij kanë vazhduar hetimet, ndërsa për akuzën e përmendur tani është urdhëruar t’i nënshtrohet ekzaminimeve psikiatrike.

Futbollisti i Nottingham Forest do të rikthehet në Argjentinë, ku do t’i nënshtrohet një ekzaminimi psikologjik dhe do të duhet të provojë pafajësinë e tij në gjykatë më 17 dhe 20 shtator në Buenos Aires.

Edhe një mik i lojtarit, Alexis Acosta, gjithashtu është akuzuar për të njëjtin krim dhe do t’i nënshtrohet të njëjtit ekzaminim dhe dëshmi të planifikuar për 2 dhe 5 shtator.

Viktima pretendon se para sulmit seksual nga mbrojtësi i djathtë, është droguar dhe më pas është përdhunuar në grup në një festë ditëlindjeje të organizuar më 1 janar, e kombinuar me festën e Vitit të Ri.

Sipas dëshmisë së saj, të afërmit dhe miqtë e futbollistit e kërcënuan dhe kur kjo ndodhi, Montiel ishte ende futbollist i River Plate, ku u rrit, pas së cilës u transferua në Sevilla në vitin 2021.

Muajin e kaluar u shfaq një video në të cilën viktima tregonte se çfarë kishte ndodhur në të vërtetë.

“Unë jam Carolina, një modele dhe një zonjë që i mbijetoi një përdhunimi në grup, autori kryesor i të cilit ishte Gonzalo Montiel, njeriu që shënoi golin e fundit në Kupën e Botës. Ishte ditëlindja e tij dhe më ftoi në shtëpi. U takuam dhe ata më droguan , ndërsa nuk e humba vetëdijen, gjatë hetimeve u dëshmua se kam bërtitur gjatë festës, sepse askush nuk donte të shkonte në gjykatë me mua”, ka thënë ajo. /Telegrafi/

The post Lojtari që i solli Argjentinës titullin si kampion i botës, tani duhet të vizitojë një psikiatër appeared first on Albeu.com.

Prej nëntorit të vitit 2022 sulmuesi i Interit “agjëron” te kampionët e botës, teksa as në sfidën ndaj El Salvadorit nuk mundi të gjejë rrugën e rrjetës.

Në lidhe me këtë fakt, argjentinasi ka theksuar se ky është një problem që do të zgjidhet së shpejti dhe se për të e rëndësishme është që të ndihmojë skuadrën në fushën e lojës.

Ndër të tjera nënvizoi se goli do të vijë së shpejti dhe do iu dëshmojë të gjithë kritikëve se e kanë gabim.

“Problemi mund të zgjidhet me qetësi. Mundohem të tregoj vetën në fushë. I lashë njerëzit flasin, nuk më intereson shumë mendimi i tyre, sepse në çdo seancë stërvitore i tregoj trajnerit se jam gjithmonë në dispozicion të ekipit për çdo gjë, duke filluar si titullar, si zëvendësues apo në tribunë.

Punoj shumë për ta veshur këtë fanellë, sepse është më e bukura. Më pëlqen të konkurroj, më pëlqen të jap më të mirën. Ndonjëherë goli nuk vjen, këtë herë u përpoqa shumë, por nuk munda. Do të vazhdoj të shpresoj që në ndeshjen e radhës të kem mundësinë të shënoj, të buzëqesh sërish dhe t’u dëshmoj të gjithë atyre njerëzve që flasin aq shumë për mua se e kanë gabim”, ka përfunduar kapiteni i Interit.

The post Më shumë se një vit pa shënuar gol me Argjentinën, Lautaro: Ky problem do të zgjidhet, do ua dëshmoj se e keni gabim appeared first on Albeu.com.