Me formatin e ri dhe zgjerimin në 48 skuadra, gara ka qenë më e ashpër, por disa prej fuqive tradicionale dhe surprizave të këndshme kanë vulosur pjesëmarrjen e tyre.

Azi – Dominim i pritur dhe emra të rinj

Kontinenti aziatik ka prodhuar tetë të kualifikuara:
Australi, Iran, Japoni, Jordani, Katar, Arabi Saudite, Kore e Jugut dhe Uzbekistan.

Gjigantët si Japonia dhe Koreja e Jugut e siguruan kualifikimin pa shumë vështirësi, ndërsa surpriza më e madhe mbetet Jordania, e cila po përjeton periudhën më të artë të futbollit të saj.

CONCACAF – Treshja e zakonshme

Nga Amerika e Veriut dhe Qendrore, tre skuadrat pritëse të Botërorit e kanë kryer misionin:

SHBA, Kanada dhe Meksikë.

Të tria do të synojnë të shfrytëzojnë avantazhin e terrenit vendas për një paraqitje historike.

Afrika – Konfirmime dhe rikthime

Afrika paraqitet me një grup shumë konkurrues e të balancuar:

Algjeri, Kepi i Gjelbër, Egjipt, Gana, Bregu i Fildishtë, Marok, Senegal, Afrika e Jugut dhe Tunizi.

Maroku, gjysmëfinalist në Katar 2022, shkon drejt Botërorit me statusin e një force të madhe, ndërsa Kepi i Gjelbër është ndër historitë më të bukura të kualifikimeve.

Amerika e Jugut – Elita pa mungesa

Si zakonisht, Amerika e Jugut sjell emrat më të mëdhenj:

Argjentinë, Brazil, Kolumbi, Ekuador, Paraguai dhe Uruguai.

Argjentina kampione bote dhe Brazili do të jenë sërish pretendentë seriozë, ndërsa Paraguai rikthehet në skenën e madhe pas viteve mungesë.

Oqeania – Një dominim i pandryshueshëm

Nga Oqeania, e kualifikuara e vetme e konfirmuar është:

Zelanda e Re, e cila mbetet e pathyeshme në rajon dhe kërkon më në fund kalimin e një faze të avancuar në Kupën e Botës.

Europa – Plot klas dhe konkurrencë

Kontinenti i vjetër sjell një listë të jashtëzakonshme skuadrash:

Austri, Belgjikë, Kroaci, Angli, Francë, Gjermani, Holandë, Norvegji, Portugali, Skoci, Spanjë dhe Zvicër.

Të gjitha kombëtaret elitare europiane do të jenë të pranishme, me Norvegjinë që kthehet në një Botëror falë gjeneratës së re të udhëhequr nga lojtarë të nivelit botëror.

Surpriza e mbrëmjes ishte natyrisht dhe kualifikimi dramatik i Skocisë në ndeshjen e fundit duke i “rrëmbyer” biletën Danimarkës.

Me këto skuadra të kualifikuara, Botërori 2026 premton spektakël, rivalitet dhe histori të reja në futbollin ndërkombëtar.

Shpresat janë të mëdha që këtij pazëlli t’i bashkohen Shqipëria dhe Kosova, nëpërmjet fazës “play off” që do të zhvillohet në mars.

The post Botërori 2026/ Zbuloni të gjitha kombëtaret e kualifikuara zyrtarisht appeared first on Albeu.com.

Nëse disa kombëtare presin të luajnë shanset e fundit për në Botëror, të tjera janë eliminuar, ku Italian pësoi dramën më të madhe të saj nga Maqedonia e Veriut, po ashtu edhe Austria, Turqia dhe Republika Çeke i kanë dhënë “lamtumirën” këtij kompeticioni.

19 kombëtare deri tani e kanë siguruar finalen në “Katar 2022”, teksa duhet të zhvillohen edhe përballjet Portugali-Maqedoni e Veriut dhe Poloni-Suedi, për të pasur një tabloid më të qartë të skuadrave.

Këto janë kombëtaret nga të gjitha kontinentet me biletat e tyre tashmë të rezervuara për turneun më të madh: Katari, Gjermania, Danimarka, Brazili, Franca, Belgjika, Kroacia, Spanja, Serbia, Anglia, Zvicra, Holanda, Argjentina, Irani, Korea e Jugut, Japonia, Arabia Saudite, Ekuadori, Uruguaji.

The post “Katar 2022”, të gjitha kombëtaret e kualifikuara deri tani në Botëror appeared first on Albeu.com.