Komandanti rus Archives - Albeu.com

Komandanti rus del sot para gjykatës për krime lufte në Kiev

E B — Fri, 13 May 2022 05:53:02 +0000

Një gjykatë në Kiev do të dëgjojë gjyqin e parë për krimet e luftës që nga fillimi i pushtimit, kur një ushtar rus i akuzuar për vrasjen e një civili 62-vjeçar, raporton The Guardian.

I pandehuri që do të paraqitet në gjykatën e qarkut të Kievit është Vadim Shysimarin, komandanti 21-vjeçar i divizionit të tankeve Kantemirovskaya, i cili aktualisht ndodhet në paraburgim ukrainas.

Dyshohet se Shysimarin kishte luftuar në rajonin Sumy në veri-lindje të Ukrainës kur vrau një civil më 28 shkurt në fshatin Chupakhivka.

Ai akuzohet se ka qëlluar në një makinë civile pasi kolona e tij me automjete ushtarake ishte sulmuar nga forcat ukrainase. Më pas ai e përzuri makinën me katër ushtarë të tjerë ndërsa kërkonte të ikte nga luftëtarët ukrainas.

Shysimarin qëlloi për vdekje burrin e paarmatosur, i cili ishte në një biçikletë dhe fliste në telefonin e tij, pasi u urdhërua “të vriste një civil në mënyrë që ai të mos i raportonte te mbrojtësit ukrainas”, sipas prokurorëve./albeu.com

The post Komandanti rus del sot para gjykatës për krime lufte në Kiev appeared first on Albeu.com.

Komandanti rus, që shokoi botën me mizorinë e tij

admin — Mon, 04 Apr 2022 09:13:39 +0000

Mediat e huaja kanë publikuar mëngjesin e sotëm informacione për identitetin e komandantit të supozuar të trupave ruse në Bucha, ku urdhëroi një masakër të tmerrshme.

Ky komandant akuzohet për masakrën njerëzore në qytetin e sapoçliruar.

Sipas La Republica, njësia ushtarake 51460, brigada e 64-të e motorizuar e artilerisë e përfshirë në vrasjet e civilëve në qytetin ukrainas, komandohej nga nënkoloneli Omurbekov Asanbekovich.

Deri më tani raportohet se të paktën 410 persona civilë janë gjetur të ekzekutuar nëpër rrugët e Buchas në Ukrainë.

Kjo konsiderohet masakra më e rëndë deri tani dhe ka shkaktuar zemërimin e mbarë botës, që ka reaguar e shokuar.

The post Komandanti rus, që shokoi botën me mizorinë e tij appeared first on Albeu.com.

“Komandanti rus u vetëvra pasi zbuloi se tanket janë të papërdorshëm”

admin — Sun, 27 Mar 2022 14:02:33 +0000

Shërbimet inteligjente të Ukrainës pretendojnë se një komandant rus i një regjimenti tankesh, emri i të cilit nuk bëhet me dije, vrau veten sepse mjetet që njësia e tij kishte në rezervë ishin të papërdorshme.

Ministria e Mbrojtjes e Kievit deklaroi se komandanti i regjimentit të 13-të të tankeve brenda “Divizionit të 4-të të tankeve të Federatës Ruse” qëlloi veten për shkak të gjendjes së rënduar psikologjike pasi mësoi gjendjen e tankeve rezervë të njësisë.

Sipas të njëjtit burim, tanket rezervë nuk ishin mirëmbajtur dhe shumë pjesë të tyre ishin vjedhur për shkak të metaleve të shtrenjta që ndodhen në to.

Kyiv tha se komandanti i Divizionit të 4-të vrau veten pasi mësoi se vetëm një në 10 tanke në ruajtje ishin pak a shumë operacionale duke sugjeruar se nëntë nga 10 ishin të papërdorshëm. /A2CNN

The post “Komandanti rus u vetëvra pasi zbuloi se tanket janë të papërdorshëm” appeared first on Albeu.com.