Fati i qindra luftëtarëve të kapur nga forcat ruse në muajin maj, pas një rrethimi një mujor të Mariupolit, vijon të mbetet i paqartë. Moska tha në atë kohë se ata ishin zhvendosur në zona të kontrolluara nga separatistët e mbështetur nga Rusia në Ukrainën lindore.

Duke cituar një burim të paidentifikuar rus të strukturave të zbatimit të ligjit, agjencia TASS bëri të ditur të shtunën vonë në mbrëmje se Svyatoslav Palamar, me detyrën e zëvendës komandantit të batalionit Azov dhe Serhiy Volynsky, komandanti i Brigadës së 36-të Detare të Forcave të Armatosura të Ukrainës, ishin dërguar në Rusi.

Duke iu referuar të njëjtit burim TASS tha se dy ushtarakët ukrainas ishin transferuar nga oficerët e forcave speciale prej Donetskut në Rusi, me qëllim zhvillimin e hetimeve. Po sipas agjencisë ruse në Rusi ishin dërguar edhe oficerë të tjerë të njësive të ndryshme ukrainase.

Agjencia “Reuters” nuk mundi të verifikonte menjëherë raportin dhe Kievi nuk ka reaguar ende mbi këtë çështje. Në fillim të këtij muaji, Ukraina tha se shërbimet e saj të zbulimit ishin në komunikim me luftëtarët e kapur në fabrikën e çelikut Azovstal.

Batalioni Azov, është një njësi ushtarake e këmbësorisë që operon tërësisht mbi baza vullnetare. Ai u krijua në vitin 2014 si një milici vullnetare e krahut të djathtë ekstrem për të luftuar separatistët e mbështetur nga Rusia. Ky batalion së bashku me njësinë e Brigadës së 36-të të Marinës, ishin kyç në mbrojtjen e fabrikës së çelikut.

Kievi po kërkon dorëzimin e të gjithë luftëtarëve në një shkëmbim të të burgosurve me Moskën, por disa ligjvënës rusë duan që disa prej luftëtarëve të përballen me procese gjyqësore. Agjencitë ruse raportuan në fillim të qershorit se më shumë se 1000 luftëtarë të batalionit Azov ishin dërguar në Rusi për hetim, por pa dhënë detaje se ku.

The post U kapën rob, komandantët e lartë të batalionit ukrainas drejt Rusisë për t’u hetuar appeared first on Albeu.com.

“Gjeneral-lejtnant Serhiy Kisel, i cili komandonte Ushtrinë elitë të Tankeve të Gardës së Parë, është pezulluar për dështimin e tij në Kharkiv, qytetin e dytë më të madh të Ukrainës”, tha Ministria britanike e Mbrojtjes.

Zv/admirali Igor Osipov, i cili komandonte flotën ruse të Detit të Zi, gjithashtu “ka gjasa” të jetë pezulluar pas fundosjes së Moskës në prill, konfirmuan zyrtarët.Gjenerali Valery Gerasimov, shefi i shtabit të përgjithshëm, ka të ngjarë të mbetet në post, tha inteligjenca, megjithëse është e paqartë nëse ai “ruan besimin e Presidentit Putin”, njoftoi Ministria e Mbrojtjes.

Më herët gjatë javës, një burim ushtarak perëndimor tha se Gerasimov dhe Putin besohej se po merrnin vendime taktike të nivelit të ulët të llojit të vendosur normalisht nga një kolonel ose brigadier.

“Në javët e fundit, Rusia ka shkarkuar komandantë të lartë të cilët konsiderohen se kanë performuar dobët gjatë fazave të hapjes së pushtimit të saj në Ukrainë. Një kulturë mbulimi dhe kok turku është ndoshta e përhapur brenda sistemit ushtarak dhe të sigurisë ruse. Një kulturë e tillë mund të ketë një ndikim në aftësinë e Rusisë për të luftuar”, njoftoi kjo ministri.

Më tej raportohet se shumë zyrtarë të përfshirë në pushtimin e Ukrainës ka gjasa të shpërqendrohen gjithnjë e më shumë nga përpjekjet për të shmangur fajin personal për pengesat operacionale të Rusisë.

“Kjo ka të ngjarë të vendosë tendosje të mëtejshme në modelin e centralizuar të komandës dhe kontrollit të Rusisë, pasi oficerët gjithnjë e më shumë kërkojnë t’ua shtyjnë vendimet kyçe eprorëve të tyre. Do të jetë e vështirë për Rusinë të rimarrë iniciativën në këto kushte”, shtoi ministria.

Ukrainasit pretenduan në prill se Kisel ishte shkarkuar nga posti i tij, të cilin ai e kishte mbajtur që nga prilli 2018, më 25 mars për pavendosmërinë dhe frikacakërinë e tij kur komandonte njësitë ruse në rajonin e Sumy dhe Kharkiv. Mediat ruse thanë se ai fitoi përvojë luftarake në Luftën e Parë dhe të Dytë çeçene dhe në luftën ruso-gjeorgjiane të vitit 2008.

Udhëheqësit ushtarakë rusë janë kritikuar gjithashtu në perëndim për trajtimin e ushtarëve nën komandën e tyre dhe dështimin për t’i përgatitur ata për luftë.

Ndërkohë, zyrtarët e mbrojtjes amerikane thanë se Rusia dukej se po zvogëlonte ambiciet e saj, me ofensivat duke u bërë më të vogla dhe më të lokalizuara. Një zyrtar tha se ata po shihnin një “tkurrje të ofensivave dhe qëllimeve të tyre” dhe ata po përdornin njësi më të vogla. Përparimi i përgjithshëm rus është “mjaft i kufizuar”, me trupa që përparojnë ndoshta disa milje çdo ditë”, tha një zyrtar amerikan.

Zyrtari shtoi se forcat ukrainase vazhduan të shmangin forcat ruse në verilindje të Kharkiv, qyteti i dytë më i madh, me disa forca të shtyra në rreth 2 milje nga kufiri./albeu.com

The post Moska pezullon zyrtarë të lartë të ushtrisë appeared first on Albeu.com.