“Sot, komandanti i batalionit të veçantë të zbulimit të Spartës, kolonel i Gardës, Vladimir Zhoga, vdiq si një hero në Volnovakha”, shkruante ai.

Sipas Pushilin, komandanti u vra gjatë një operacioni për evakuimin e civilëve nga Volnovakha, një nga qytetet ku rusët shkelën marrëveshjen e armëpushimit ditën e shtunë.

Zhogu iu bashkua rebelëve të mbështetur nga Rusia në vitin 2014, vit në të cilin u krijua Batalioni Sparta, një milici neo-naziste, që ka mbështetjen e Moskës. Grupi qëndron pas një vale sulmesh vdekjeprurëse kundër trupave ukrainase dhe ka zhvilluar luftë në rajonin Donbass, që nga shpërthimi i armiqësisë, tetë vjet më parë.

Vdekja e Zhogës është një tjetër goditje e madhe për Vladimir Putin, pasi ai humbi dy shefat kryesorë ushtarakë këtë javë dhe ushtria e tij nuk po arrin të bëjë përpara në territorin ukrainas, aq shpejt sa pritej.

The post EMRI/ Tjetër goditje për Putin, vritet në Ukrainë një tjetër komandant rus appeared first on Albeu.com.

Kënga të rrënqeth mishin në gjithë elementët e saj, por mediat serbe nuk mendojnë kështu.

“Skandal: Këngëtarja shqiptare vendos një kapelë me shenjën UÇK dhe këndon për nder të terroristëve”, shkruhej në pjesën më të madhe të tyre.

Për Leonorën kjo nuk ka qenë aspak problem. Madje me krenari ajo ka mbrojtur punën dhe popullin e saj.

“Skandal jo por krenari, terrorista jo por çlirimtar,” – shkroi ajo.

Ganimete Musliu, deputete e PDK-së ka reaguar për ngjarjen gjithashtu.

“Leonora Jakupi shkakton tërmet në Serbi me këngën Komandant,” – shkroi ajo mbi disa fotografi të shkëputura nga artikuj fyes për këngën.

Pas këngës “Komandant”, Leonora Jakupi ka deklaruar se do të sjellë një tjetër këngë me titull “Liria ka emër”. Me siguri me po të njëjtin mesazh të fortë e me po të njëjtin emocion.

The post E quajnë “Skandal”, Leonora Jakupi reagon krenare pasi “pushtoi” mediat serbe me këngën e re (FOTO LAJM) appeared first on Albeu.com.

Prej vitit 2018, komandant Naim Muhaj mbante dhe titullin “Qytetar Nderi” i Tepelenës, zonë nga e cila ishte ndhe me origjinë, me motivacion “ Për kontributin dhe cilësitë e larta të tij si kuadër i devotshëm në funksionin e çështjes së madhe të atdheut duke rritur kështu emrin e krahinës së Lopësit.”

Ai mbylli sytë përgjithmonë mëngjesin e sotëm, në moshën 81 vjeçare. Homazhet në nderim të tij do zhvillohen sot, datë 27.05.2021 ora 11.30 – 13.30 në Agjensinë funerale ALBA, ndërsa përcjellja për në banesën e fundit bëhet në orën 14.00 në varrezat e Sharrës.

Shkrim për Naim Muhaj, për 80 vjetorin e lindjes nga Ushtria:

Muhaj kreu studimet e larta në Akademinë Ushtarake në vitet 1957- 1960, pas të cilave u titullua me gradën Oficer. Më pas shërbeu në ishullin e Sazanit, në bazën ushtarake të gjirit të Vlorës dhe në shkollën e Instruksionit të Korpusit të Fierit deri në vitin 1969.

Për dy vitet në vazhdim kreu studimet në Akademinë Ushtarake. Në 8 vitet në vijim, Muhaj u emërua dhe shërbeu si komandant i ishullit të Sazanit. Në vitet 1979-1982 u emërua komandant i Korpusit të Tiranës dhe nga viti 1983 deri në vitin 1986, shërbeu si komandant i Divizionit në Lushnjë. Në vitin 1986 u dënua për motive politike, ku vuajti dënimin deri në vitin 1990, vit kur mori pafajësinë dhe filloi punë sërish në Ushtri, si Inspektor i Ministrit të Mbrojtjes, detyrë që e kreu deri në moshën e daljes në pension, në vitin 1999.

Me daljen nëpension komandant Naimi u organizua në shoqata për të cilat ka ngritur zërin dhe u ka dhënë forcë për mbrojtjen e të drejtave të ish-ushtarakëve dhe për gjallërimin e aktivitetit të tyre.

Në ishullin e Sazanit ka punuar 15 vjet. Për herë të parë ka shkelur në vitin 1960. Karrierën ushtarake e ka nisur komandant toge, duke qëndruar 7 vite në këtë detyrë. Kur mbaroi Akademinë, kthehet përsëri në këtë njësi, por në funksionin e komandantit, detyrë që e kreu për 8 vite.

The post Ndahet nga jeta gjenerali dhe komandanti i të gjitha rangjeve ushtarake Naim Muhaj appeared first on Albeu.com.