Sipas Europol nga një hetim që përfshiu Bullgarinë, Kolumbinë, Kosta Rikën dhe Panamanë, nisur në qershor të vitit 2022, u zbulua se anëtarët e rrjetit ishin shtetas nga Shqipëria, Bullgaria, Kolumbia dhe Spanja, të cilët organizuan trafikimin e sasive të mëdha të kokainës nga vendi i origjinës në Evropë.

Sipas Europol secili prej anëtarëve të organizatës mori rol të ndryshëm brenda zinxhirit të trafikut të drogës.

“Anëtarët shqiptarë, me qendër në Dubai, vepruan si investitore dhe siguruan financat e nevojshme për të paguar prodhuesit për dërgesat nga Kolumbia”, thotë Europol, ndërsa shtetasit kolumbianë trajtonin dërgesat nga Kolumbia në Evropë, shtetasit bullgarë, kolumbianë dhe spanjollë mbikëqyrnin marrjen dhe shpërndarjen e mëtejshme të drogës.

Nga hetimet policore, siaps Europol, ka rezultuar se anëtarët e rrjetit u fshehën në një kontejner për të hyrë fshehurazi në port dhe me ndihmën e punëtorëve të korruptuar nxorrën kokainën gjatë natës.

Europol thotë se anëtarët e rrjetit pastronin të ardhurat nga krimet e tyre dhe sipas policsë rrjeti kriminal kishte kapacitet për të marrë deri në një ton kokainë në javë.

Në tetor 2024, autoritetet kapën 4.1 ton kokainë në Panama, me destinacion Spanjën, në lidhje me këtë rrjet.

Sipas Europol rrjeti dyshohet se është i lidhur me konfiskimet e kokainës me një total prej rreth gjashtë tonësh. Gjithashtu, autoritetet e zbatimit të ligjit kishin sekuestruar edhe dy ton kokainë në Spanjë që nga fillimi i hetimeve.

Në rezultatet e aksionit, të realizuar në tre faza, midis dhjetorit 2024 dhe janarit 2025 Europol thotë se janë kryer 22 arrestime në Spanjë si dhe 27 bastisje shtëpish.

Europol thotë se krahas sasive të drogës sekuestroi 6.5 milionë euro cash, 35 automjete, përfshirë 8 makina luksoze (vlerësuar rreth 2.5 milionë euro), orë luksoze dhe stoli ( vlerësuar rreth 1.5 milionë euro) 48 armë si dhe 53 llogari bankare të ngrira nëpër banka.

Siaps Europol rritja e dërgesave të kokainës nga Amerika e Jugut në Evropë, si dhe depërtimi i rrjeteve kriminale në biznese të ligjshme dhe të paligjshme në Bashkimin Europain nxiti krijimin e një Task Force Operacionale në Europol.

Europol tha se koordinoi gjatë hetimit, shkëmbimin e informacionit midis autoriteteve kombëtare, duke i bashkuar ato për të synuar në mënyrë efikase të gjithë rrjetin e trafikut të drogës./VOA

The post Goditet rrjeti drogës nga Shqipëria, Bullgaria, Kolumbia dhe Spanja. 6 tonë kokainë dhe 6 milionë euro të sekuestruara appeared first on Albeu.com.

Arrestohen në flagrancë 7 shtetas, 1 procedohet penalisht dhe shpallen në kërkim 2 shtetas të tjerë (shtetas nga vendet e Amerikës Latine), për ushtrim prostitucioni dhe shfrytëzim prostitucioni.

Sekuestrohen shuma parash, të dyshuara të përfituara nga kjo veprimtari e paligjshme, si dhe celularë.

Specialistët e Seksionit për Hetimin e Trafiqeve, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, në vijim të operacioneve të njëpasnjëshme për goditjen e paligjshmërisë në fushën e ushtrimit dhe shfrytëzimit të prostitucionit, kanë organizuar dhe finalizuar operacionin policor të koduar “Fee”.

Në kuadër të këtij operacioni u bë arrestimi në flagrancë i shtetasve:

-Shtetases kolumbiane A. B., 22 vjeç, dhe L. B., 19 vjeçe, për veprën penale “Shfrytëzimi i prostitucionit”;

-Shtetaset spanjolle S. F., 36 vjeçe, dhe M. C., 32 vjeçe, shtetaset kolumbiane P. S., 27 vjeçe, dhe Y. A., 29 vjeçe, si dhe shtetasja venezueliane A. R., 38 vjeçe, për veprën penale “Prostitucioni”.

Gjithashtu, u referuan materialet në Prokurori, ku nisi procedimi penal për shtetasen venezueliane Y. O., 31 vjeçe, për veprën penale “Prostitucioni”.

Në vijim të veprimeve, u referuan materialet në Prokurori dhe u shpallën në kërkim shtetasit peruane F. G., 23 vjeçe, dhe J. G., 44 vjeç, për veprën penale “Shfrytëzimi i prostitucionit”.

Gjatë operacionit, në lagje të ndryshme të Elbasanit, këto shtetas kishin përshtatur për shfrytëzim prostitucioni ambiente të marrë me qira, si dhe duke u promovuar në faqe online ofronin favore seksuale kundrejt pagesave.

Shërbimet e Policisë gjetën dhe sekuestruan 43 000 lekë, 2 780 euro, që dyshohen se janë përfituar nga kjo veprimtari kriminale, si dhe 9 celularë.

Vijon puna për dokumentimin e plotë ligjor të rastit, dhe kapjen e 2 shtetasve të shpallur në kërkim.

Materialet procedurale i kaluan Prokurorisë, për veprime të mëtejshme.

The post Nga Kolumbia, Spanja e Venezuela ushtronin pros*ituc*on në Elbasan, 7 të arrestuar, sekuestrohen para dhe celularë appeared first on Albeu.com.

27-vjeçarja, e cila ka mbaruar shkollën për biznes ndërkombëtar fitoi mbi 40 konkurrente për të fituar titullin global. Ajo bëri histori si gruaja e parë kolumbiane që u bë Miss Globe.

Prada Thansita Dilhokanansa e Tajlandës u shpall shoqëruesja e parë ndërsa Jasmin Bungay nga Filipinet, Andromeda Schuster nga Gjermania dhe Ha Trang Do nga Vietnami ishin përkatësisht shoqëruesja e dytë, të tretë dhe të katërt.

Garueset nga Italia, Kameruni, Belgjika, Japonia, Malajzia, Nepali, Holanda, Republika Çeke, Shqipëria, Mali i Zi dhe SHBA ishin pjesa tjetër e gjysmëfinalistëve të Top 16.

Konkursi i këtij viti shënoi edicionin e 21-të të konkursit vjetor të Miss Globe. Fituesja e vitit të kaluar nga Malajzia, Manvin Khera, kurorëzoi pasardhësen e saj në fund të eventit.

Fituesja e re e “The Miss Globe” vjen nga Barbosa në departamentin verilindor kolumbian të Santander. Jo e panjohur për spektaklin, Diana përfaqësoi Cundinamarca dhe u rendit e dyta në Miss Mundo Kolumbia 2024 gushtin e kaluar në Bogotá.

The post Foto/ Njihuni me Miss Globe 2024, kush është 27-vjeçarja Diana Moreno? appeared first on Albeu.com.

Anija kishte bërë ndalesa portesh në rreth 12 vende përpara bastisjes së së martës dhe policia tha se trafikantët e drogës kanë filluar të përdorin anijet e bagëtive sepse është më e vështirë për policinë të gjurmojë ngarkesën e tyre të paligjshme.

?Intervenido en Canarias un carguero con 4.500 kilos de cocaína procedente de #Colombia

?Operación conjunta con la Agencia Tributaria

? El ‘Orión V’ ha sido interceptado por parte del buque ‘Fulmar’ de Vigilancia Aduanera

?Detenidos los 28 tripulantes del carguero pic.twitter.com/C5iTTlCNyN

— Policía Nacional (@policia) January 28, 2023

Policia arrestoi 28 anëtarë të ekuipazhit të Orion V me flamur togolez, lëvizjet e të cilëve po monitoroheshin nga Kolumbia nga autoritetet spanjolle, Agjencia Amerikane e Zbatimit të Drogës dhe policia Togoeze.

Oficerët hoqën dhjetëra arka me kokainë nga anija në anën e portit të Las Palmas në ishullin Gran Canaria. /albeu.com

The post Nga Kolumbia në anijet e bagëtive, sekuestrohen 4.5 ton “e bardhë” në Spanjë appeared first on Albeu.com.

Armëpushimi ishte objektivi kryesor i politikës “të paqes totale” të Petros, që synon dhënien fund të konfliktit të armatosur që vazhdon në këtë shtet edhe pasi Forcat e Armatosura Revolucionare të Kolumbisë (FARC) u shpërbën më 2017.

Në Kolumbi – shtet ku prodhohet më së shumti kokainë në botë – ende operojnë grupe të armatosura dhe ato janë duke zhvilluar konflikt për të ardhurat e trafikimit të drogës dhe bizneseve të tjera të paligjshme, ka thënë Instituti për Zhvillim dhe Studime të Paqes.

“Ne jemi pajtuar për një marrëveshje dypalëshe me Ushtria Çlirimtare Kombëtare ,me Morkuetalian e Dytë, me Shtabin e Përgjithshëm Qendror, AGC-në dhe Forcat Vetëmbrojtëse të Siera Nevadës. Armëpushimi do të jetë nga 1 janari deri më 30 qershor 2023, dhe mund të zgjatet varësisht nga përparimi që do të bëhet në negociata”, tha Petro.

Ai tha se do të ketë një mekanizëm kombëtar dhe ndërkombëtar verifikues për monitorimin e përparimit në marrëveshjen e ashtuquajtur “të gjakut”.

Bisedimet e paqes midis grupeve të armatosura dhe Qeverisë ishin pezulluar gjatë qeverisjes së Ivan Duque (2018-2022), por pasi Petro erdhi në pushtet vitin e kaluar, ai rinisi bisedimet në nëntor.

Deri më tani, autoritetet kolumbiane kanë negociuar me disa grupe të armatosura – të cilat në total kanë deri në 10.000 luftëtarë – por, kanë dështuar që të ndalin spiralen e dhunës që ka mbërthyer shtetin.

Sipas Institutit për Zhvillim dhe Studime të Paqes, gjatë vitit të kaluar ishin kryer pothuajse 100 masakra.

Ushtria Çlirimtare Kombëtare ka nisur negociatat me Qeverinë në nëntor. Më 19 nëntor, ky grup njoftoi për një armëpushim të njëanshëm deri më 2 janar. Qeveria më pas u bëri thirrje edhe grupeve të tjera të armatosura që t’i bashkoheshin marrëveshjes së armëpushimit.

Markuetalia e Dytë dhe Shtabi i Përgjithshëm Qendror – dy fraksione të FARC-ut që u ndan më 2016 – kanë mbajtur bisedime të ndara me Qeverinë.

Ndërkaq, AGC, që është banda më e madhe e drogës në Kolumbi, përbëhen nga paramilitarë të ekstremit të djathtë, që ishin çmilitarizuar në fillim të vitit 2000, gjatë presidencës së Alvaro Uribes.

Qeveria kolumbiane u ka ofruar grupeve “trajtim të mirë, sa i përket aspektit gjyqësor” për aktorët e armatosur, “në këmbim të dorëzimit të aseteve, shkatërrimin e organizatave dhe ndihmën që të ndalohet ushtrimi i bizneseve të paligjshme”, tha për AFP-në senatori Ivan Cepeda.

Disa disidentë refuzuan që të dorëzonin armët së bashku me FARC-un gjashtë vjet më parë, kur ky grup rebelë arriti marrëveshje me Bogotanë për t’i dhënë fund konfliktit të gjatë më shumë se pesë dekada.

Kolumbia ka përjetuar një konflikt të armatosur prej më shumë se 50 vjetësh midis shtetit dhe grupeve të ndryshme guerile të krahut të majtë, paramilitarëve të krahut të djathtë dhe trafikantëve të drogës.

Kur Petro erdhi në pushtet në gusht të vitit të kaluar, ai u zotua se do të negocionte me të gjitha grupet e armatosura kolumbiane, si pjesë e politikës së tij për “paqe totale”.

Aktualisht janë rreth 90 grupe politike dhe kriminale që operojnë në Kolumbi, sipas organizatave joqeveritare./REL

The post Kolumbia arrin armëpushim me grupet kryesore të armatosura appeared first on Albeu.com.

Në një artikull të botuar nga  “News247.gr”, thuhet se kryeministri Edi Rama duket se këtë herë “nuk po luan blofin” për çështjen e kanabisit dhe do ta vërë atë në praktikë

“Shqipëria legalizon kanabisin -Një Eldorado pranë kufirit grek”, është titulli i medias greke, ndërsa ngrihet shqetsësimi për kërcënimin që kanoset vendit të tyre.

Sipas medias, institucionet greke po përpiqen të kuptojnë se çfarë do të thotë e gjithë kjo dhe sesa do të ndikojë Greqinë, duke vënë në pah kalimin e lëndëve narkotike përmes kufijve tanë.

“Duke pasur parasysh treguesit e korrupsionit në Shqipërinë fqinje, por edhe përvojën e hidhur të fundit të Maqedonisë së Veriut për legalizimin e kanabisit medicinal, të gjithë janë dakord se e nesërmja në kufi nuk do të jetë e njëjta”, thuhet në shkrim.

Pjesë nga artikulli:

“Javën e kaluar, kryeministri shqiptar Edi Rama vuri në praktikë atë që ishte diskutuar muajt e fundit në Tiranë, por më shumë dukej si një farsë sesa një debat politik. Ai vuri në konsultim publik një projektligj për legalizimin e prodhimit të kanabisit për përdorim mjekësor dhe industrial. Ai u hartua nga Ministria Shqiptare e Shëndetësisë dhe do të dalë në Kuvend për votim në javët në vijim. Rama këtë herë duket se nuk po bën bllof.

Deputetët e opozitës e cilësuan vendimin si “çmenduri”. Sipas raportit të këtij viti të Zyrës së OKB-së për Drogën dhe Krimin, Shqipëria, me një popullsi prej 2.8 milionë banorësh, është vendi i shtatë në botë për sa i përket prodhimit dhe trafikimit të paligjshëm të kanabisit, pas Marokut, Afganistanit, Spanjës, Holandës, Pakistani dhe Libani”.

“Është çmenduri”, komentoi Enkelejd Alibeaj , deputet i opozitës shqiptare. “Edi Rama është i vetmi kryeministër në Europë, ish-ministri i të cilit u burgos për shkak të lidhjes së tij me organizata kriminale që merren me kanabis”, tha Alibeaj. “Por ai duket se ka harruar – ose pretendon se ka harruar – dhe tani nën maskën e rritjes së tij për përdorim mjekësor dhe industrial, ai po përpiqet të legalizojë prodhimin.”

Në të njëjtën kohë, institucionet greke po përpiqen të kuptojnë se çfarë do të thotë e gjithë kjo. Pjesa më e madhe e prodhimit shqiptar, pra shumë tonë në vit, eksportohet në Itali dhe Greqi. Në katër vitet e fundit në kufirin greko-shqiptar janë sekuestruar mbi 13 ton kanabis të papërpunuar. Rrugët nga Kastoria dhe Janina konsiderohen si kalimet më të rëndësishme për trafikun e “barit” në Europë, që përkthehet në miliona euro fitime në të dyja anët e kufirit.

Duke pasur parasysh treguesit e korrupsionit në Shqipërinë fqinje, por edhe përvojën e hidhur të fundit të Maqedonisë së Veriut për legalizimin e kanabisit medicinal, të gjithë janë dakord se e nesërmja në kufi nuk do të jetë e njëjta.

KORRUPSIONI DHE EKONOMIA REALE

Në projektligjin e qeverisë Rama thuhet se “qëllimi i tij është të rregullojë dhe garantojë procesin e prodhimit të kanabisit, përpunimin e nënprodukteve të tij për përdorim mjekësor dhe industrial dhe eksportin e tyre”. Sipas Ministrisë së Shëndetësisë, licencat që do të miratohen do të kenë një kohëzgjatje prej 15 vitesh, me të drejtë rinovimi. Çdo skemë investimi nuk do të mund të kultivojë më shumë se 150 hektarë në të gjithë vendin. Duhet të ketë “eksperiencë përkatëse në industri”, kapital fillestar 100 milionë lekë (rreth 850 mijë euro), të paktën 15 punonjës dhe gjithashtu t’i paguajë shtetit 1.5% të xhiros vjetore. Prodhimi dhe përpunimi i hashashit do të bëhet nën mbikëqyrjen e shtetit.

HASHASH NË VEND TË PERIMEVE

Ekonomia e kanabisit në Shqipëri është marramendëse. Ata që janë afër historisë, flasin për kohën para dhe pas bastisjes së Lazaratit. Në vitin 2014, forcat speciale të policisë shqiptare “pushtuan” fshatin, i cili ndodhet rreth 30 kilometra nga kufiri grek. Pas një beteje që zgjati për ditë të tëra , u sekuestruan 25 ton kanabis , 90,000 pemë hash dhe 500 armë, përfshirë kallashnikovë dhe raketa antitank.

Prodhimi vjetor vetëm në Lazarat u vlerësua në 900 tonë, duke i sjellë ekonomisë vendase një xhiro prej 4.5 miliardë eurosh, në atë kohë rreth gjysma e PBB-së së Shqipërisë. Një raport i mëvonshëm i Iniciativës Globale kundër Krimit të Organizuar Transnacional vlerësoi ekonominë e kanabisit në Shqipëri në 2.2 miliardë euro.

Njerëzit në Tiranë janë dakord se vendimi i fundit i Ramës mund të jetë një përpjekje për të fituar vota nga njerëzit e punësuar në ekonominë e kanabisit. Dhe më pas, ka gjasa që vendimi të favorizojë investitorët e huaj që do të mbërrijnë brenda natës në Tiranë, diçka si Eldorado e re, duke lënë jashtë loje prodhuesit e vegjël që mbajnë familjet e tyre me kanabis./albeu.com

The post Legalizimi i kanabisit, media greke ngre alarmin: Rama s’luan blofin! Po na sjell Kolumbinë në kufi appeared first on Albeu.com.

Ky cilësohet si një nga incidentet më të rënda të dhunës në burgje.

“Është një ngjarje tragjike dhe katastrofike,” tha gjenerali Tito Castellanos, drejtor i agjencisë së burgjeve INPEC, për Caracol Radio lokale herët të martën.

“Të burgosurit ndezën disa dyshekë dhe ra zjarr.”

Castellanos më vonë konfirmoi se 51 persona kishin vdekur, 49 prej tyre në burg dhe 2 të tjerë në spital.

“Për fat të keq shumica e të burgosurve vdiqën për shkak të thithjes së tymit,” i tha ai Caracol.

Njëzet e katër persona po trajtohen në spital dhe zjarri u shua nga zjarrfikësit lokalë, shtoi Castellanos.

Burgu ka gjithsej 1267 të burgosur dhe blloku i qelive ku ka rënë zjarri strehon 180 persona.

Në Kolumbi, si në shumë vende të Amerikës Latine, burgjet janë shumë të mbipopulluara.

Burgjet e Kolumbisë kanë një kapacitet për 81,000 të burgosur, por aktualisht strehojnë rreth 97,000, sipas shifrave zyrtare.

“Kam dhënë udhëzime për të çuar përpara hetimet që na lejojnë të sqarojmë këtë situatë të tmerrshme,” tha në Tëitter presidenti Ivan Duque, i cili ndodhet për një vizitë në Portugali.

The post Bie zjarri në burgun kolumbian, humbin jetën 51 persona appeared first on Albeu.com.

Në pranga kanë përfunduar 4 persona të huaj, ndërsa vlera e kokakinës shkon nga 10 deri në 14 milionë euro.

Sasia e kokainës është transportuar më pas në një shtëpi në zonën e Shkolarit, jashtë Selanikut, ku përfundimisht është konfiskuar, ndërsa katër arrestimet janë bërë njëkohësisht.

Shikoni momentin kur policia bastisi shtëpinë ku ndodhej droga:

Sipas burimeve policore, bëhet fjalë për britanikë, anëtarë të një rrjeti ndërkombëtar të trafikut të drogës. Ata vetë duket se kanë jetuar vitin e fundit në Greqi, konkretisht në Athinë.

Sipas të njëjtave burime, operacioni është kryer nga Prokuroria e Drogës së Selanikut në bashkëpunim me autoritetet italiane, pasi rasti dyshohet se lidhet me një ngarkesë kokaine, e cila u kap 1.5 muaj më parë në një anije në Kalabri.

Katër të arrestuarit po dërgohen në prokurorinë e Selanikut.

Njoftimi i policisë greke:

Nga hetimet e kryera ndaj të arrestuarve, në I.X. Kamion tip furgon, në një automjet, në një shtëpi luksoze që kishin marrë me qira, si dhe në një shtëpi që banonte në Atikë, ndër të tjera, u gjetën dhe u konfiskuan:

297 kg e 257 gramë kokainë, e ndarë në 260 pako. Pistoletë  me karikator që përmban 9 fishekë. Kuti që përmban 41 fishekë . 2 radio portative. 2 aparate për interferencë sinjali. 2 pajisje pozicionimi elektronik. 1000 euro, si të ardhura nga trafiku i drogës. Doreza pune, shirita izolues, prerëse letre metalike dhe 11 celularë që i përdornin për transaksionet e tyre të paligjshme si dhe 3 pako lidhje celulare. /albeu.com/

The post SELANIK/ Momenti kur policia kap 300 kilogramë kokainë dhe armë, mbërriti nga Kolumbia (VIDEO) appeared first on Albeu.com.

Marina ka mundur të arrijë anijen e cila ishte fundosur në thellësinë 950 metra, dhe të vëzhgonte nga afër atë çfarë kishte mbetur prej saj.

E gjitha është arritur falë një nëndetëseje të telekomanduar. Operacioni i cili është mbështetur edhe nga Ministria e Kulturës verifikoi se anija nuk i është nënshtruar asnjë ndërhyrjeje për shkak të veprimit njerëzor.

Fotot tregojnë topat e anijes, enë porcelani, enë qeramike, shishe qelqi, por edhe objekte që duket se janë prej ari. Një pjesë e harkut është e mbuluar me alga dhe guaska, ndërsa korniza prej druri e bykut është ruajtur.

“Falë pajisjeve teknologjike dhe punës së Marinës Kolumbiane, ne kemi qenë në gjendje të shohim imazhe të anijes San Jose me saktësi të paprecedentë, duke mbajtur të paprekur dhe duke mbrojtur këtë trashëgimi të njerëzimit”, thanë autoritete kolumbiane.

Sipas autoriteteve kolumbiane, edhe dy anije të tjera u gjetën aty pranë gjatë operacionit.

Anija “San Jose”, është një gallon i periudhës koloniale nga shekulli i 18-të.

“San Jose”, anije e cila u mbyt nga flota britanike më 7 qershor 1708 , përmban, sipas ekspertëve, të paktën 200 tonë ar, argjend dhe smerald.

Në fund të vitit 2015, ndërsa gjuetarët e thesarit kaluan dekada duke kërkuar për anijen e mbytur, presidenti i atëhershëm kolumbian Juan Manuel Santos njoftoi se ishte identifikuar vendndodhja e saktë e mbytjes së anijes, kryesisht falë topave të saj unikë të zbukuruar me delfinë.

Santos e përshkroi mbytjen e anijes si thesarin më të çmuar të gjetur ndonjëherë në historinë e njerëzimit./albeu.com

The post Gjendet thesari më i çmuar “200 tonë ar, argjend dhe smerald” (VIDEO) appeared first on Albeu.com.

Operacioni “Geppo”, cilësohet ndër  operacionet më të mëdha të fshehta kundër drogës të kryera ndonjëherë në të gjithë Evropën. Operacioni  një fjalë çoi në ekzekutimin e 38 masave paraprake në gjashtë vende midis kontinentit të Evropë dhe në Kolumbi. Ky aksion ka goditur një nga kanalet kolumbiane të shpërndarjes së kokainës në Itali.

Operacioni Geppo

I nisur më shumë se një vit më parë, falë një raportimi se karteli Gulf Clan kërkoi hapjen e një qendre të sigurt për të vendosur drogën në Itali, operacioni përfshinte dhjetëra pjesëtarë të policisë, të aftë të vepronin për një kohë të gjatë të maskuar. Një rol qendror ka luajtur bashkëpunimi i ngushtë i hetuesve italianë dhe atyre të huaj. Forcat e policisë kolumbiane, por edhe antidroga spanjolle, për të mos harruar departamentin e sigurisë së Shteteve të Bashkuara të Amerikës (kur bëhet fjalë për kokainën është e pamundur të mendosh mungesën e tyre), të gjitha punuan për të “hequr helmin nga rrugët” dhe i japin një goditje të rëndë trafikut ndërkombëtar të drogës.

Biznesi i kokainës në Evropë

Dosja e hetimit përbëhet nga afërsisht 5000 faqe. Brenda, shumë pak përgjime, edhe pasojë e punës së madhe të fshehtë të kryer nga burrat dhe gratë e përfshirë.

“Nga Kolumbia po kërkonin një qendër të sigurt për kokainën dhe ne arritëm t’i bënim njerëzit të besonin se Trieste ishte e duhura – shpjegoi prokurori De Nicolo – Pasi të paguhej plotësisht, për ata që duhej ta blinin në Evropë, droga do të ishte ngarkuar në anije dhe u soll këtu. Pasi në Itali, u vendosëm si terciar, pa e ditur megjithatë kush ishin blerësit”.

Është falë këtij hapi që ne zbulojmë se sa i madh është biznesi i kokainës. Ata bëjnë sikur hapin magazina, kompani, shpikin lajme për rrëmbime (Bagnaria Arsa dhe Aiello del Friuli, por edhe 600 kilogramët jashtë Romës, ato në Arezzo dhe Lombardi).

Veneto, Lombardia dhe Lacio

“Ti më sheh sot, por nuk do të më shohësh më kurrë” është fraza që agjentët e fshehtë dëgjojnë të përsëritet, pa pushim, nga ata që blejnë sasi të mëdha.

Holanda, Kroacia, Sllovenia, por edhe Bullgaria, përfshirja e Shqipërisë dhe vetë Kolumbisë. Në Itali një rol të madh luan rajoni i Veneto, Lombardia dhe Lacio, ku blerësit janë të vendosur në “kontekste të njohura të krimit të organizuar”. Në veçanti midis provincave të Trevisos dhe Veronës. Në Mogliano Veneto janë të paktën katër persona (me kombësi shqiptare) të cilët kapur dhe aktualisht ndodhen në arrest shtëpie. Në zonën Veronese, nga ana tjetër, ka të paktën dy dërgesa të kontrolluara (Verona sud dhe Peschiera del Garda.’

Gjithashtu në Portogruaro është kryer një sekuestro prej rreth 60 kilogramësh; Lëvizjet janë regjistruar në Preganziol, në Saronno, si dhe në Nepi (Viterbo). Në realitet ishte e gjitha drogë e kontrolluar tashmë nga financierët e Triestes dhe e hedhur në treg për të gjetur narkotikët që vepronin në Itali./abcneës.al

The post Kapja e mbi 4 tonëve kokainë nga Kolumbia në Europë, sa shqiptarë janë të përfshirë dhe çfarë po ndodh e ta appeared first on Albeu.com.