Banorët paralajmërojnë se rreziku po shtrihet edhe te vreshtat dhe plantacionet e lajthisë, ndaj kërkojnë reagim të menjëhershëm nga institucionet përgjegjëse.

Fermerët thonë se kjo dukuri po përsëritet për të tretin vit radhazi, por dëmet e regjistruara gjatë këtij sezoni janë më të rënda krahasuar me vitet e mëparshme.

Sipas tyre, puna dhe investimet e një viti të plotë po shkatërrohen në vetëm pak ditë, ndërsa spërkatjet e realizuara deri më tani nuk kanë rezultuar efektive.

Banorët theksojnë se shumë familje mund të mbeten pa prodhimet e nevojshme për konsum, si edhe pa rezervat ushqimore për blegtorinë gjatë dimrit.

Pas denoncimit të situatës nga banorët e Boshanjit, News24 kërkoi informacion pranë Drejtorisë Rajonale të Bujqësisë. Ky institucion është në dijeni të problemit, por deri tani nuk ka ndërmarrë ndërhyrje në terren.

The post Kolonitë e karkalecave dëmtojnë bujqësinë në Kolonjë, fermerët kërkojnë ndërhyrje: Prodhimet janë në rrezik appeared first on Albeu.com.