Hiperkolesterolemia familjare është një çrregullim gjenetik që rrit nivelin e kolesterolit 2 deri në 4 herë mbi mesataren. Në rekomandimet e agjencive shëndetësore si Shoqata Amerikane e Zemrës në lidhje me të ushqyerit, ushqimet me origjinë shtazore si mishi, vezët dhe djathi, si dhe vaji i kokosit, duhet të shmangen nga pacientët si përgjegjës për rritjen e kolesterolit.

Megjithatë, një ekip ndërkombëtar ekspertësh të ushqyerjes dhe shëndetit të zemrës, duke përfshirë pesë kardiologë, që studiuan modelin dietik të pacientëve me këtë sëmundje, gjetën një lidhje interesante që nuk përfshin yndyrën. Sipas udhëheqësit të studimit David Diamond, profesor dhe studiues i sëmundjeve të zemrës në Universitetin e Floridës Jugore, studimi tregoi se sheqernat, jo yndyrat e ngopura, janë rreziku real për shëndetin e zemrës.

Sipas studiuesve, një dietë me pak karbohidrate është më efektive për njerëzit me rrezik të lartë të sëmundjeve të zemrës, si pacientët mbipeshë, me hipertension dhe diabetikë. Gjetjet e reja janë në përputhje me një publikim të fundit nga Kolegji Amerikan i Kardiologjisë, i cili dha prova të forta se ushqimet që rrisin sheqerin në gjak, si buka, patatet dhe ëmbëlsirat, janë ato që duhen shmangur.

The post Yndyra nuk është fajtore për kolesterolin e lartë, ky është armiku i vërtetë appeared first on Albeu.com.

Pa yndyrna dhe me vetëm 84 kalori për një kupë, boronicat janë të pasura me fibra që të mbajnë të ngopur për një kohë të gjatë. Në Shqipëri boronicat kultivohen gjerësisht në trevat veriore të vendit. Por, boronicat e Tropojës, Kukësit dhe Pukës e kanë më të lehtë të tregëtohen në Kosovë dhe Mal të Zi dhe që nga aty më pas shpërndahen në tregjet evropiane, sesa të zbresin poshtë në Tiranë apo dhe në çdo qytet tjetër në vend.

Arsyeja se pse boronicat nuk mbërrijnë dot në kryqytet dhe në çdo qytet të vendit është mungesa e dhomave frigoriferike për t’i mbajtur boronicat e freskëta. Udhëtimi prej disa orësh në automjete të zakonshme do të ishte fundi i freskisë së boronicave veriore shqiptare.

Kanë pak kalori, por shumë vlera ushqyese

Boronica është një frut i vogël me ngjyrë blu të purpurt. Boronica janë të vogla, rreth 5-16 milimetra në diametër, dhe një kurorë të vogël në majë. Ato janë ndër manaferrat më vlerat më të mëdha ushqyese. Një kupë (148 gramë) boronica përmban; Fibër 4 gramë, 24% të nevojave ditore për Vitaminë C, 36% të nevojave për Vitaminë K, 25% të nevojave ditore për manganez. Ato kanë 85% ujë në përbërje.

Janë mbreti i ushqimeve antioksidante

Ato kanë kapacitetin më të lartë antioksidant ndër të gjitha frutat dhe perimet që konsumojmë zakonisht. Flavonoidët e gjendur tek boronicat janë përbërësi më i mirë antioksdant. Është vërtetuar se këta përbërës rrisin nivelin antioksidues brenda trupit.

Ulin dëmtimin e ADN-së, duke ndihmuar në mbrojtjen kundër plakjes dhe ndaj tumoreve

Dëmtimi i ADN-së është pjesë e jetës së përditshme. Thuhet se kjo ndodh dhjetëra mijëra herë në ditë, në çdo qelizë të trupit. Dëmtimi i ADN-së është pjesë e arsyes që ne plakemi dhe ky dëmtim luan një rol të rëndësishëm në zhvillimin e sëmundjeve tumorale.

Për shkak se boronicat kanë sasi të mëdha antioksidantësh, ato ndihmojnë të neutralizohen disa nga radikalet e lira që shkaktojnë dëmtimin e ADN-së tonë. Në një studim që zgjati 4 javë, 168 pjesëmarrës pinë 1 litër përzierje të boronicës me lëng molle, çdo ditë. Në fund të studimit, dëmtimi oksidativ i ADN-së, për shkak të radikaleve të lira, u reduktua me 20%.

Mbrojnë kolesterolin në gjak

Dëmtimi oksidativ nuk ndodh vetëm në qelizat tona dhe në ADN. Ky dëmtim është gjithashtu problematik kur lipoproteina (kolesteroli “i keq”) oksidohet. Në fakt, oksidimi i kolesterolit të keq ndikon shumë në zhvillimin e sëmundjeve të zemrës. 50 gramë boronica në ditë shërbyen për të ulur oksidimin e kolesterolit me 27% në disa pjesëmarrës të shëndoshë, pas një periudhe prej tetë javësh.

Ulin tensionin

Në një studim, individë me rrezik të lartë për sëmundje të zemrës vërejtën një ulje 4-6% të presionit të gjakut (tensionit të lartë), pas konsumimit të 50 gramë boronica në ditë, për tetë javë.

Ndihmojnë në parandalimin e sëmundjeve të zemrës

Është e rëndësishme të kuptohet se kur flasim për ulje të rrezikut përmes konsumit të boronicave, flasim për faktorët e rrezikut, jo për sëmundjet aktuale. Në një studim të vitit 2013, 93,600 infermierë konsumuan shumë antocinisis (antioksidantë kryesorë që gjenden te boronica) duke ulur me 32% rrezikun për atak të zemrës.

Ndihmojnë në funksionimin e trurit dhe në përmirësimin e kujtesës

Antioksidantët përbërës të boronicave duket se kanë ndikime pozitive në funksionimin e trurit duke vonuar edhe rënien e funksioneve të tij të lidhura me moshën. Një studim që zgjati gjashtë vjet, ku morën pjesë 16,010 të moshuar vërtetoi se boronicat dhe luleshtrydhet vonuan plakjen me deri 2.5 vjet.

Kanë efekt anti-diabetik

Boronicat kanë shumë më pak sheqer krahasuar me frutat e tjera. Një kupë përmban vetëm 15 gramë sheqer natyral, aq sa një mollë e vogël apo një portokall.

Përbërësit e boronicave ndihmojnë në luftën kundër infeksioneve urinare

Boronicat përmbajnë substanca që mund të parandalojnë veshjen e mureve të fshikëzës nga baktere të ndryshme. Këto përbërës janë të dobishëm në parandalimin e infeksioneve të traktit urinar.

Ndihmojnë në uljen e dëmtimit të muskujve pas stërvitjes

Stërvitja e fortë për trupin mund të çojë në dhimbje të muskujve dhe lodhje. Kjo nxitet pjesërisht nga inflamacioni dhe stresi oksidativ në indet e muskujve. Është e qartë se boronicat janë tepër të shëndetshme.

Konsumi i boronicave mund të zvogëlojë dëmin që ndodh në nivel molekular, duke minimizuar dhimbjet dhe reduktuar uljen në performancën e muskujve. Fakti që ato janë të shijshme, me ngjyrë të bukur dhe mund të shijohen si të freskëta edhe të ngrira, i bën ato edhe më të mira.

The post Boronica e veriut, fruti shqiptar më i kërkuar që lufton shumë sëmundje appeared first on Albeu.com.

The post Pesë ushqime që ndihmojnë në uljen e kolesterolit appeared first on Albeu.com.

Lëndët ushqyese në qiqra mund të parandalojnë gjithashtu probleme të ndryshme shëndetësore, duke përfshirë:

E dobishme për diabetikët

Një filxhan qiqra (164 g.) përmban 12,5 g. e fibrave, nga të cilat përfitojnë ata që vuajnë nga diabeti. Një studim i vitit 2014, në fakt, doli në përfundimin se konsumimi i të paktën 30 g. e fibrave në ditë mund të ndihmojë në reduktimin e inflamacionit tek njerëzit me diabet të tipit 1. Prandaj, në vitin 2018, një përmbledhje meta-analize zbuloi se një dietë e lartë në fibra ndihmon në uljen e niveleve të glukozës në gjak dhe zvogëlon rrezikun e zhvillimit të diabetit të tipit 2.

Përforcuesit e kockave

Hekuri, kalciumi dhe lëndë ushqyese të tjera në qiqrat kontribuojnë në strukturën dhe forcën e kockave. Kështu, kjo bishtajore luan një rol të rëndësishëm në dietën e atyre që duan të shmangin osteoporozën.

Burim i vlefshëm i kaliumit

Për të parandaluar zhvillimin e presionit të lartë të gjakut, ekspertët rekomandojnë kufizimin e marrjes së natriumit ose kripës së shtuar dhe rritjen e marrjes së kaliumit. Udhëzimet aktuale dietike për të rriturit rekomandojnë konsumimin e të paktën 4700 mg kalium në ditë. Për shembull, një filxhan qiqra siguron 474 mg kalium.

Të mira për zemrën

Fibrat, kaliumi, vitaminat B, hekuri, magnezi dhe seleniumi në qiqrat mbështesin shëndetin e zemrës. Fibrat reduktojnë rrezikun e sëmundjeve të zemrës duke ulur nivelin e kolesterolit në gjak. Është e rëndësishme të mbani mend se qiqrat nuk janë burim i kolesterolit.

Burimi i antioksidantëve

Antioksidantët ndihmojnë trupin të eliminojë radikalet e lira toksike, me seleniumin dhe beta-karotenin në qiqra që veprojnë si të tillë. Një filxhan qiqra përmban 6.1 mikrogram selen. Përveç kësaj, ka prova që tregojnë se fibra në qiqra mund të ndihmojë në uljen e rrezikut të kancerit të zorrës së trashë.

Ata ulin kolesterolin

Një studim i vogël i vitit 2006 zbuloi se pjesëmarrësit kishin më pak kolesterol “të keq” LDL në gjak kur hëngrën një dietë të pasur me qiqra, krahasuar me një dietë me grurë shtesë, për pesë javë. Studiuesit vërejnë se fibrat mund të jenë gjithashtu përgjegjëse për uljen e kolesterolit LDL.

Menaxhimi i peshës dhe ngopja

Fibrat dietike mbështesin shëndetin e tretjes dhe nxit lëvizjen e zorrëve. Ato veprojnë si agjentë përforcues që rrisin ndjenjën e ngopjes pas ngrënies, ndërsa proteinat kanë të njëjtin efekt. Ndjenja e ngopjes për më gjatë pas ngrënies mund të ndihmojë në uljen e oreksit dhe marrjen e kalorive.

Burimi i hekurit

Një filxhan qiqra përmban 4.7 mg hekur, që është pak më shumë se gjysma e nevojave ditore të një personi për hekur. Ai gjithashtu siguron vitaminë C, e cila ndihmon trupin të përthithë hekurin./albeu.com 

The post Bishtaja dimërore që ul presionin e gjakut, kolesterolin dhe ju ndihmon të dobësoheni appeared first on Albeu.com.

Për fat të mirë, kolesteroli i lartë mund të korrigjohet me dietë, dhe shkencëtarët nga Harvard rekomandojnë një ushqim në veçanti për të ulur kolesterolin.
Kolesteroli i ngritur është veçanërisht i rrezikshëm për shëndetin, sepse nuk jep simptoma specifike dhe mund të zbulohet vetëm me një analizë gjaku. Nuk janë të rralla rastet që vlerat të rriten për një kohë të gjatë përpara se të mbërrijë konfirmimi zyrtar nga mjeku dhe akumulimi i kolesterolit LDL mund të shkaktojë probleme serioze kardiovaskulare.

Për fat të mirë, kolesteroli i lartë mund të korrigjohet me dietë, dhe shkencëtarët nga Harvard rekomandojnë një ushqim në veçanti për të ulur kolesterolin.

“Një përbërës që gjendet në ushqime të ndryshme mund të ndihmojë në uljen e nivelit të kolesterolit”, pohojnë ekspertët e këtij universiteti prestigjioz.

Ushqimi në fjalë është soja dhe Organizata Britanike e Shëndetësisë e cilëson atë si ushqimin “perfekt” për një zemër të shëndetshme.

Është vërtetuar se niveli i kolesterolit të keq tek femrat rritet pas menopauzës. Isoflavonet (përbërësit bimorë në soje që veprojnë si një hormon i dobësuar) imitojnë rolin e estrogjenit, ndaj mjekët rekomandojnë sojen për gratë që po kalojnë këtë periudhë të jetës.

Soja është një zëvendësues i shkëlqyer i mishit sepse përmban më pak acide yndyrore të ngopura, të cilat rrisin nivelin e kolesterolit në gjak.

Soja nuk është vetëm një burim i mirë proteinash, por është gjithashtu i pasur me fibra bimore, vitamina të kompleksit B dhe antioksidantë. Përfshini në dietën tuaj: sojë, drithëra me sojë, qumësht dhe kos soje, djathë tofu….

The post Sipas kardiologëve, ky është ushqimi perfekt për një zemër të shëndetshme appeared first on Albeu.com.

Shafrani i Indisë është një ilaç popullor në shtëpi që përdoret për shumë sëmundje. Disa nga përfitimet e tij shëndetësore janë:

Reduktimi i simptomave të osteoartritit

Shafrani i Indisë mund të ndihmojë në uljen e dhimbjes dhe ënjtjes të shkaktuar nga osteoartriti. Sipas studimeve, pacientët me osteoartrit që morën suplemente shafran të Indisë panë një përmirësim në lëvizshmëri dhe një reduktim të simptomave.

Rregullimi i niveleve të kolesterolit

Shafrani i Indisë mund të funksionojë në mënyrë të dobishme në profilin e lipideve duke reduktuar kolesterolin e keq (LDL), trigliceridet dhe nivelet e kolesterolit total.

Lehtësim nga kruajtjet

Shafrani i Indisë mund të zvogëlojë irritimin dhe kruajtjen e lëkurës për shkak të sëmundjes kronike të veshkave.

Përmirësimi i shëndetit mendor

Shafrani i Indisë mund të kontribuojë në përmirësimin e shëndetit mendor duke vepruar kundër depresionit.

Reduktimi i simptomave të alergjisë

Shafrani i Indisë mund të zvogëlojë kruajtjen dhe teshtitjen e lidhur me alergjitë./albeu.com

The post Nga ulja e niveleve të kolesterolit tek reduktimi i simptomave të alergjive, përfitimet shëndetësore të shafranit të Indisë appeared first on Albeu.com.

Është një djathë i verdhë gjysmë i fortë i qumështit të lopës me vrimat karakteristike, i cili mund të haet edhe i prerë në feta brenda një tosti ose sanduiçi. Vjen nga Jarlsberg në Norvegjinë lindore, prej nga ka marrë edhe emrin.

Sipas materialit të mëparshëm kërkimor, ky djath i veçantë luajti një rol në rritjen e niveleve të osteokalcinës, një hormon që lidhet me kocka dhe dhëmbë të fortë, por nuk ishte e qartë nëse kjo ishte për shkak të këtij djathi të veçantë apo ndonjë lloj djathi.

Për të konfirmuar vetitë e tij, studiuesit studiuan 66 gra të shëndetshme me një moshë mesatare 33 vjeç dhe një BMI mesatare prej 24, të cilat shtuan në dietën e tyre ose një porcion ditore prej 57 g. djathë Jarlsberg ose 50 g. djathë Camembert për 6 javë. Pas përfundimit të kësaj periudhe, grupi që konsumonte djathin Camembert filloi të konsumonte Jarlsberg edhe për gjashtë javë të tjera.

Mostrat e gjakut u morën çdo gjashtë javë për të kontrolluar proteinat kryesore, osteokalcinën dhe një peptid (PINP) të përfshirë në qarkullimin e kockave. Gjithashtu u matën nivelet e vitaminës K2 dhe nivelet e yndyrës në gjak.

Këto dy djathëra kanë përmbajtje të ngjashme yndyre dhe proteinash, por ndryshe nga Camembert, Jarlsberg është i pasur me vitaminë K2, e njohur edhe si menaquinone.

The post Djathi që forcon kockat pa rritur kolesterolin, mjafton një copë në ditë appeared first on Albeu.com.

Përbërësit:

-4 limona
-pak xhenxhefil

-4 thelpi hurdhra

-2 litra ujë

Metoda e përgatitjes:
Lani mirë limonët dhe prijini ato në copa të vogla. Pastroni dhe thelpinjtë e hurdhrave. Në një blender shtoni ujin, xhenxhefilin, hurdhrat dhe lëngun e 4 limonave. Trazojini mirë.

Nëse e konsumoni këtë tre herë në javë, rezultatet do të jenë të dukshme brenda një kohe të shkurtër,do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.

The post Largon kolesterolin, 1 lugë nga ky përbërës do t’ju japë rezultate për një kohë të shkurtër appeared first on Albeu.com.

Në publikimin e saj në “Journal of the American Heart Association”, SHAZ e kategorizon shëndetin kardiovaskular si të dobët, të mesëm ose ideal. Sipas SHAZ një shëndet ideal kardiovaskular për të rriturit përcaktohet nga këto masa shëndetësore:

1. Asnjëherë nuk e keni pirë duhanin apo e keni lënë më shumë se një vit më parë.

2. Një indeks i shëndetshëm i masës trupore (IMT), që është një vlerësim i yndyrës trupore i përcaktuar nga një formulë duke përdorur peshën dhe gjatësinë.

3. Aktivitet fizik i rregullt. Të paktën 150-200 minuta në javë ushtrime me intensitet të moderuar janë të nevojshme për shëndetin ideal, ose 75 minuta në javë aktivitet fizik intensiv.

4. Presioni i gjakut nën 120/80 mm Hg.

5. Glukoza e gjakut esëll më pak se 100 miligram/deciliter.

6. Kolesteroli total më pak se 200 miligram/decilitër.

7. Ngrënia e një diete të shëndetshme.

Për një dietë me 2000 kalori duhet të përfshihen:

– Të paktën 4.5 porcione me fruta dhe perime në ditë

– Të paktën dy porcione peshku në javë, mundësisht peshk me vaj

– Të paktën tre porcione nga 28 gramë me drithëra të pasura me fibra në ditë

– Kufizimi i kripës në më pak se 1500 miligramë në ditë

– Pirja e jo më shumë se 1 litër në javë e pijeve të ëmbla me sheqer./albeu.com

The post Doni një zemër të shëndetshme? 7 hapa të thjeshtë që duhet të ndiqni appeared first on Albeu.com.

Kufizoni konsumin e alkoolit!

Pirja e tepërt e alkoolit rrit rrezikun e sëmundjeve të zemrës. Nëse pini më shumë se 7 gota në një javë, po dëmtoni shëndetin tuaj, prandaj reduktojeni.

Menaxhoni kolesterolin!

Nivele të larta të kolesterolit mund të bllokojnë arteriet dhe të rrisin rrezikun e sulmeve të zemrës. Ju duhet të ndiqni dieta të pasura me fruta, perime, arra, fara dhe drithëra të plota. Si dhe duhet të ushtroheni fizikisht. Ecja e shpejtë dhe biçikleta, ulin kolesterolin në gjak.

Mos pini duhan!

Pirja e duhanit rrit presionin e gjakut dhe rrit rrezikun e një sulmi në zemër. Të qenit i ekspozuar ndaj tymit të dorës së dytë është gjithashtu e dëmshme.

Ulni presionin e gjakut!

Presioni i lartë i gjakut zakonisht nuk ka simptoma, por është një nga shkaqet më të mëdha të sulmit në zemër. OBSH-ja rekomandon kontroll të shpeshtë të presionit të gjakut. Stresi mund të rrisë presionin e gjakut dhe në raste ekstreme, mund të shkaktojë sulm në zemër.

Trajtoni trupin tuaj mirë!

Ngrënia e ushqimit të mirë është një nga mënyrat më efektive për të shmangur sëmundjet e zemrës. Reduktoni ushqimet me yndyrë të ngopur, yndyrë të tepërt dhe me kolestrol. Ato zëvendësojini me vajin e arrës së kokosit, vajin e palmës ose me vaj ulliri dhe misri.

The post Çfarë duhet të bëni për të parandaluar sulmin në zemër appeared first on Albeu.com.