Lutfi Haziri, nënkryetar i Lidhjes Demokratike të Kosovës, deklaroi se partia e tij mund t’i përfundojë brenda 24 orësh të gjitha çështjet parimore që lidhen me një marrëveshje të mundshme me Lëvizjen Vetëvendosje për formimin e institucioneve të reja të Kosovës.

LDK-ja ka përcaktuar si bazë për një marrëveshje të mundshme dakordimin për të gjitha institucionet — Kuvendin, Qeverinë dhe Presidencën — ose mosarritjen e asnjë marrëveshjeje. Në këtë kuadër përfshihen edhe agjenda shtetërore, politikat sektoriale, programet qeverisëse, interesi i vendit dhe mënyra e ndarjes së përgjegjësive.

Haziri tha për Radion Evropa e Lirë se këto tri parime kanë shërbyer si pikë bashkimi për Grupin Parlamentar të LDK-së. Sipas tij, Kuvendi i kësaj partie ka kërkuar që kjo e drejtë të shfrytëzohet deri në fund, ndërsa mënyra se si do të përmbyllet kërkesa do të përcaktohet përmes negociatave me LVV-në.

Ai kujtoi se Vetëvendosje është informuar për qëndrimet e LDK-së që në bisedimet e para formale, të zhvilluara më 10 korrik mes Albin Kurtit, Lumir Abdixhikut dhe ish-presidentes Vjosa Osmani.

Tashmë, sipas Hazirit, përgjegjësia i takon LVV-së që në raundet e ardhshme të dialogut të shprehë qartë nëse i pranon dhe i respekton këto parime.

Nënkryetari i LDK-së vlerësoi se, nëse do të arrihet një marrëveshje, uniteti i grupit parlamentar mund të ruhet përmes bashkëpunimit brenda partisë.

“Bëhet fjalë për çështje jo të thjeshta, por nëse nga LVV-ja ekziston vullneti politik dhe gatishmëria, LDK-ja mund t’i mbyllë të gjitha çështjet parimore për 24 orë. Brenda LDK-së nuk kemi ndarje për këto çështje, ndërsa ndarja e përgjegjësive është çështja e fundit”, deklaroi Haziri.

Ai tha se beson në pjekurinë politike të Grupit Parlamentar të LDK-së dhe në aftësinë e tij për të ruajtur unitetin rreth vendimeve të udhëheqjes së partisë.

Haziri përsëriti gjithashtu se në kuvendin partiak të mbajtur më 30 korrik është arritur pajtimi që LDK-ja të bashkëpunojë me partinë e kryeministrit në detyrë, Albin Kurti, për krijimin e institucioneve.

The post Haziri: Gatishmëria e VV-së do t’i mundësonte LDK-së të zgjidhte brenda 24 orësh çështjet parimore appeared first on Albeu.com.

I pyetur drejtpërdrejt nëse pritet të ketë bashkëpunim me LDK-në, ai u shpreh se komunikimi me partitë politike do të fillojë sapo të certifikohen rezultatet zgjedhore.

“Posa të certifikohen rezultatet, fillojmë komunikimin menjëherë”, deklaroi Kurti.

Këto zhvillime vijnë pasi përfaqësues të LDK-së kanë treguar gatishmëri për të biseduar rreth një bashkëpunimi të mundshëm për krijimin e institucioneve të reja.

Megjithatë, Kurti nuk dha më shumë hollësi për mënyrën se si mund të marrë formë ky bashkëpunim, duke e lënë të hapur çështjen e negociatave deri në përfundimin e procesit të certifikimit të rezultateve.

The post Albin Kurti flet për herë të parë për mundësinë e një koalicioni me LDK-në appeared first on Albeu.com.