Në një intervistë të shkurtër për platformën WiwiBloggs, Beatriçe u shpreh plot gëzim: “Jemi shumë të lumtur. Ishte një ndjesi e mrekullueshme të shihje aq shumë njerëz që të jepnin fuqi. Ishte e bukur, e paharrueshme”.

Shprehu mirënjohje për energjinë që morën nga publiku dhe emocionin që e përjetoi në çdo sekondë të performancës.

Nga ana tjetër, Kola në një mesazh drejtuar veçanërisht publikut shqiptar, falënderoi ata që i mbështetën: “Faleminderit të gjithë shqiptarëve që na kanë votuar, se e dimë që na keni votuar të gjithë. Të vazhdojmë kështu deri në fund”.

Tani sytë janë drejt së shtunës, më 17 maj, kur do të mbahet finalja e Eurovisionit 2025.

Të njëjtit do të kenë mundësinë të ngjiten në skenë edhe një herë për të përfaqësuar Shqipërinë.

“Zjerm” po konsiderohet si një nga këngët më të mira që ka përfaqësuar Shqipërinë në vitet e fundit.

The post Beatriçe dhe Kola flasin pas kualifikimit për në finalen e Eurovision 2025 appeared first on Albeu.com.

Nën hetim është edhe motra e tij 32-vjeçare Xh.K, pasi në momentin e kontrollit në shtëpi nga policia tentoi të fshihte lëndët narkotike.

30-vjeçari e shtronte aktivitetin e tij në Don Bosko edhe afër shkollave.

Gjatë kontrollit gjetën një sasi prej 2.5 kilogramë kanabis, rreth 250 doza të kësaj lënde narkotike të paketuara me qese farmaceutike, 3 peshore elektronike dhe qese të tjera farmaceutike që do të përdoreshin për ndarjen e lëndës narkotike në doza si dhe 3 aparate celulare.

I riu akuzohet për veprën penale “Prodhimi dhe shitja e narkotikëve”, ndërsa motra e tij akuzohet për veprën penale “Veprime që pengojnë zbulimin e së vërtetës“, pasi ka tentuar të fshehë lëndën narkotike që mbante vëllai i saj, në banesë.

Njoftim policie

Finalizohet nga Seksioni për Hetimin e Narkotikëve, operacioni policor i koduar “Location”.

Arrestohet në flagrancë një 30-vjeçar që shpërndante kanabis në doza, në zonën e Don Boskos dhe në afërsi të shkollave.

Procedohet në gjendje të lirë motra e tij, pasi tentoi të fshihte lëndën narkotike që 30-vjeçari e mbante në banesë.

Sekuestrohen rreth 2.5 kg lëndë e dyshuar narkotike cannabis sativa, një pjesë e saj e ndarë në doza me rreth 250 qese farmaceutike, 3 peshore elektronike dhe 3 aparate celulare.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, specialistët e Seksionit për Hetimin e Narkotikëve, bazuar dhe në informacionet e siguruara nga inteligjenca informative për një rast të shpërndarjes së lëndëve narkotike, kanë organizuar dhe finalizuar operacionin policor të koduar “Location”.

Gjatë operacionit, në zonën e Don Boskos, shërbimet e Policisë kanë lokalizuar dhe ndaluar shtetasin A. K. Gjatë kontrollit fizik dhe kontrollit të ambientit përreth u gjetën disa qese faramaceutike me lëndë të dyshuar narkotike cannabis sativa.

Në vijim të operacionit, shërbimet e Policisë kanë ushtruar kontroll në ambientet e brendshme dhe të jashtme të banesës së shtetasit A. K., ku kanë gjetur sasi të ndryshme lënde të dyshuar narkotike cannabis sativa, rreth 250 doza të kësaj lënde narkotike të paketuara me qese farmaceutike, peshore elektronike dhe qese të tjera farmaceutike që do të përdoreshin për ndarjen e lëndës narkotike në doza.

Në cilësinë e provës materiale u sekuestruan në total rreth 2.5 kg lëndë e dyshuar narkotike cannabis sativa, qeset farmaceutike, 3 peshore elektrike dhe 3 aparate celulare.

Në përfundim të veprimeve u bë arrestimi në flagrancë i shtetasit A. K., 30 vjeç, banues në Tranë, për veprën penale “Prodhimi dhe shitja e narkotikëve”.

Gjithashtu, u referuan materialet në prokurori dhe nisi procedimi në gjendje të lirë për shtetasen Xh. K., 32 vjeçe (motra e të arrestuarit), për veprën penale “Veprime që pengojnë zbulimin e së vertetës“, pasi ka tentuar të fshehë lëndën narkotike që mbante vëllai i saj, në banesë.

Materialet i kaluan Prokurorisë, për veprime të mëtejshme./albeu.com

The post EMRI/ Shiste lëndë narkotike afër shkollave, arrestohet në Don Bosko 30 vjeçari dhe motra e tij appeared first on Albeu.com.