Në nëntor, Policia spanjolle përgjoi ngarkesën më të madhe në historinë e vendit tonë: 13 tonë në Algeciras, vetëm një vit pas rekordit të mëparshëm: 9.5 ton në të njëjtin destinacion.

Për më tepër, në një operacion në Valencia, “porti i tretë i hyrjes së kokainës në Evropë, pas Antwerpen dhe Roterdam”, sipas Prokurorisë Kundër Drogës, u sekuestruan 3.5 ton këtë muaj dhe 7.5 të tjera që mbërritën përmes Vigos.

Sasi të mëdha, të fshehura nëpër kontejnerë frutash, peshkut ton të ngrirë, lëngjeve, që tregojnë përparimin e shqiptarëve.

Në dy muajt e parë të vitit 2024 Policia e Ekuadorit kishte sekuestruar 50 tonë kokainë, një sasi që zakonisht nuk arrihej deri në qershor.

“Shqiptarët po mbushin Botën dhe veçanërisht Evropën me kokainë”.

Kjo konfirmohet nga Zyra e OKB-së për Drogën dhe Krimin, Observatori Evropian për Drogën ose vetë Kryeprokurorja Antidrogë, Rosana Morán, në raportin e fundit të së cilës shkruante: “kudo, për gjithçka dhe për të gjithë”.

Spanja zë një vend kryesor jo vetëm si një portë për në Evropë, por është edhe një pikë takimi mes kriminelëve. “Shumë takime mbahen këtu midis latinoamerikanëve dhe evropianëve”,Alberto Morales, kreu i Brigadës Qendrore të Narkotikëve.

Këtë vit, dërgesat e vetme deri në 13 tonë kokainë janë kapur në Spanjë. “Gjashtë vite më parë askush nuk guxonte të lëvizte më shumë se 850 kilogramë për ngarkesë”, thotë Morales.

The post “Kontrollon” kok*inën në Spanjë/ Çfarë e dallon Mafian Shqiptare nga Camorra apo Sinaloa? Struktura e organizimit dhe “Kanuni”, shefi i Antidrogës: Mizorë dhe besnikë appeared first on Albeu.com.

Finalizohet operacioni policor i koduar “Pakot”, i zhvilluar nga Policia Kufitare e portit të Durrësit, në bashkëpunim me DVP Durrës, Departamentin e Policisë Kriminale dhe autoritetet doganore të portit.

Falë kontrolleve të shtuara të Policisë Kufitare dhe me mbështetjen e inteligjencës informative të strukturave hetimore të Policisë së Shtetit, parandalohet dhe goditet një tjetër rast i tentativës për trafikim të drogave të forta.

Gjenden të fshehura në një furgon dhe sekuestrohen në cilësinë e provës materiale, 7 pako me lëndë narkotike kokainë, me peshë totale 7 kilogramë e 300 gramë.

Vihen në pranga pronari i furgonit dhe drejtuesi i fugonit  ku u gjet lënda narkotike.

Shërbimet e Policisë Kufitare, në vazhdën e operacioneve të njëpasnjëshme për parandalimin, evidentimin dhe goditjen e tentativave për trafikim të lëndëve narkotike, si rezultat i intensifikimit të kontrollit, bazuar dhe në analizën e riskut dhe në inteligjencën informative të siguruar nga strukturat hetimore të Policisë së Shtetit, kanë kaluar për kontroll të detajuar në vijën e dytë, në dalje, automjetin furgon që drejtohej nga shtetasi A. D.

Nga kontrolli i imtësishëm, duke përdorur edhe teknikat bashkëkohore të kontrollit, shërbimet e Policisë gjetën të fshehura në pjesën e poshtme të sediljes, në një vend të fshehtë të krijuar për këtë qëllim, 7 pako të mbështjella me natriban, brenda të cilave kishte lëndë narkotike të dyshuar kokainë, me peshë totale 7 kilogramë e 300 gramë.

Në vijim të veprimeve të para hetimore, specialistët për Hetimin e Trafiqeve të Paligjshme dhe Narkotikëve të DVP Durrës kanë arrestuar në flagrancë shtetasit:

-A. D., 40 vjeç, banues në Tiranë, shoferi i furgonit;

-M. Ç., 28 vjeç, banues në Tiranë, pronari i furgonit.

Në cilësinë e provës materiale u sekuestruan 7 kilogramë e 300 gramë lëndë narkotike kokainë, 4 celularë, fugoni, 3950 euro, 21 700 lekë, 150 korona suedeze dhe 60 franga.

Ndërkohë, strukturat hetimore të DVP Durrës, në drejtimin Departamentit të Policisë Kriminale, në bashkëpunim me Prokurorinë, vijojnë punën për zbardhjen e plotë të këtij rasti, për identifikimin dhe arrestimin e shtetasve të tjerë të implikuar në këtë rast.

Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme, për veprën penale “Trafikimi i lëndëve narkotike”, kryer në bashkëpunim.

The post Kokaina në portin e Durrësit, shikoni ku ishin fshehur 7 pakot! I paketuan në qese vakumi për të mos u nuhatur nga qentë antidrogë appeared first on Albeu.com.

Tetë profesionistë shëndetësorë u paditën, të akuzuar se e lanë “El Pibe de Oro” në gjendje kritike për orë të tëra pasi shëndeti i tij u përkeqësua.

Gjyqi i tyre do të nisë më 4 qershor dhe për të vërtetuar pafajësinë e tyre është bërë një kundër analizë.

Sipas “The Sun” , kjo analizë thekson se “gëlltitja e një substance toksike” mund të jetë shkaku i vdekjes së tij.

Prandaj sulmi në zemër i Diego Maradonës mund të ketë një origjinë natyrore ose të jetë për shkak të një të ashtuquajturi faktor “të jashtëm”, siç është kokaina.

Më shumë se 200 dëshmitarë pritet të dëshmojnë në gjyqin e Buenos Aires, i cili pritet të zgjasë disa muaj.

The post Del raporti i ri mjekësor/ Vdekja e Maradonës është e lidhur me… kokainën appeared first on Albeu.com.

Emri i tij është zbuluar sot nga “Corriere della Sera”, pasi në operacionin e marsit ku u sekuestruan 1.8 kg kokainë, 1.6 kg marijuanë dhe 190 gram heroinë dhe u arrestuan 12 persona shqiptarë, italianë dhe domenikanë, nuk u publikua emri i Bashlit por u tha se një i kërkuar për vrasje nga Shkodra ishte kreu i grupit.

Sipas “Corriere della Sera”, “Kudo që të jetë i kërkuari, ndoshta në Holandë, një vend qendror i njohur në trafikun e drogës duke filluar nga porti i Roterdamit, Bashli në veçanti menaxhonte trafikun e drogës në Livigno falë një xhaxhai që jetonte atje, një shkallë e shpeshtë e transferimit të drogës për shkak të kërkesave të shumta të banorëve të provincës së Sondrio.

Takimi midis ofertës dhe kërkesës iu nënshtrua një fjalori jo fort imagjinativ, të përvijuar nga hetuesit e ekipit Mobile, me punë të mundimshme: kokaina ishte “qumësht”, “bresaola”, “gur”; heroina “kafeja”, “e zeza”; hashash ‘çokollatë’, ‘Marok’.

Fakti që 14 subjektet nën hetim morën masa paraprake në bisedat telefonike për të mashtruar agjentët që të mos dëgjonin, nuk ndryshoi skenarin përfundimtar, me rindërtimin e rrjetit të drogës dhe protagonistëve të saj.

Protagoniste si Megi Dabati, 26-vjeçe, e cila sipas prokurorisë, si bashkëshortja e Gentian Dabatit, 40-vjeç, që ishte edhe pjesë e organizatës, ‘nuk është thjesht një bashkëpunëtore, por kontribuon në aktivitet duke e nxitur të mos të bëjë shumë zbritje në çmim … dhe gjithashtu duke e shoqëruar në makinë, së bashku me vajzën e tij të vogël, në udhëtime si për blerjen e substancës, ashtu edhe për shitjen e dozave për të ulur, falë pranisë së tij dhe të vogëlushes në makinë, dyshimet e hetuesve dhe rreziqet e kontrolleve, duke u paraqitur si një familje e qetë në një udhëtim’.

Gjatë operacionit të marsit, u ekzekutuan 6 masa sigurimi “Arrest në burg”, 5 masa “Arrest në shtëpi” dhe 1 “detyrim qëndrimi”.

Disa nga emrat e përfshirë në këtë grup, të zbuluara nga mediat janë Indrit Idrizi, 40-vjeç person i afërt me Bashlin, Gentian Dabati, 40-vjeç, Megi Dabati, 26-vjeç, Altin Abdija, 40-vjeç si dhe një 20-vjeçar, i cili babain e ka maroken dhe nënën nga Shkodra.

The post I kërkuar nga SPAK për dosjen “Metamorfoza”, kush është shkodrani që kontrollonte trafikun e kokainës në Itali appeared first on Albeu.com.

Për çdo ngarkesë e cila niset nga portet e Guajakil ato paguajnë 20% të shumës te eksponentët e mafies italiane.

Kjo e fundit ka lidhje të ngushta me tre grupet më të njohura në Ekuador, Los Lagartos, Los Choneros dhe Los Tiguerones, të cilat zotërojnë dhe infrastrukturën e duhur që lidhin shqiptarët me trafikun e kokainës. Mos akordimi i pagesave, shpesh herë ka sjellë dhe eliminime fizike.

Ndërkaq, lufta për territor, sipas prokurorit të rrethit të Guajakil, ka sjellë dhe ekzekutime mes vetë shqiptarëve brenda familjes, duke i hapur rrugë “Gjeneratës së Re”.

Ekuadori është kthyer në vendin kryesor të origjinës për dërgesat e kokainës që mbërrijnë në Evropë. Zyra e Kombeve të Bashkuara për Drogën dhe Krimin, UNODC, mbështetur në konfiskimet e lëndës narkotike të bërë nga autoritetet doganore në secilin shtet të kontinentit të vjetër, renditi Ekuadorin në vendin e parë, duke kaluar edhe Brazilin.

Dokumenti specifikon 15 shtetet kryesore nga të cilat kokaina u dërgua në Evropë, ndërsa në vitin 2021, autoritetet në këtë kontinent kapën 184 tonë drogë. Krahas Ekuadorit, ngarkesat të mëdha mbërrijnë në Evropë edhe nga Brazili, Panamaja, Argjentina, Paraguai e Kolumbia.

Bazuar në raportet e autoriteteve doganore, dërguar Organizatës Botërore të Doganave dhe Zyrës Rajonale të Inteligjencës për Evropën Perëndimore, UNODC thotë se “nga 14% e kokainës që mbërriti në Evropë në vitin 2018 nga Ekuadori, ky tregues shkoi në 29% dhe 28% në 2020 dhe 2021, respektivisht”. Fluksi në rritje i këtyre dërgesave përforcohet edhe nga kapja e sasive të konsiderueshme nga autoritetet në Ekuador: “Përqindja e kokainës së destinuar për në Evropë u rrit nga 9% në 2019 në 33% në 2021, duke u rritur në më shumë se 50% ku numërohen vetëm rastet kur dihej pikëmbërritja e mallit të sekuestruar”.

Destinacionet kryesore pritëse janë porti Antwerp në Belgjikë, i Rotterdamit në Holandë, Hamburgut në Gjermani, Gioia Tauro në Itali dhe ai i Valencias e Barcelonës në Spanjë. Prej tyre ndodh dhe shpërndarja në vendet e tjera evropiane apo në Ballkan, ku një rol të rëndësishëm kanë dhe grupet shqiptare të trafikut të kokainës.

Këto të fundit, sipas analizës së Europol, janë fuqizuar ndjeshëm. Nga ofrues shërbimi shqiptarët janë kthyer në kontrollues të linjës së trafikut nga fillimi në fund (end-to-end), shpesh herë “duke bashkëpunuar edhe me grupe të tjera rajonale kriminale, përfshi dhe ato Serbe dhe Malazeze, të cilat janë aktive në nivelin më të lartë të trafikut transatlantik të kokainës”. Ky fakt u konstatua dhe në operacionin “Los Blancos” i shtrirë në 10 shtete dhe që solli në goditjen e grupit shqiptar “Kompania Bello”, i drejtuar nga Dritan Rexhepi, ndërsa ndodhej në burg. Në këtë aksion Europol dhe Eurojust arrestoi 20 anëtarë, 5 nga të cilët në Shqipëri, ndërsa anëtarët e tjerë u ndaluan në Itali, Gjermani, Greqi, Dubai, Spanjë e Hungari. Gjatë këtij operacioni u sekuestruan 4 tonë kokainë dhe një shumë prej 5.5 milionë eurosh kesh.

Shqiptarët e Ekuadorit

Viti 2019 shënon numrin më të lartë të hyrjes së shqiptarëve në Ekuador me plot 193 shtetas, nga të cilët mbi 20% e tyre janë të skeduar zyrtarisht nga autoritetet vendase si persona me precedent penal. MediaLook disponon regjistrin statistikor e hyrje-daljeve për 10 vite të shtetasve të huaj vënë në dispozicion nga autoritet policore në Ekuador. “Nga personat që kanë hyrë në territorin tonë përgjatë viteve 2019-2021 në radhët e shqiptarëve, ne kemi identifikuar 20% të tyre pasi kemi mbledhur informacione nga partnerët në Evropë.

Ata rezultojnë të merren me aktivitete të paligjshme, janë eksponentë të krimit”, – shprehet Kolonel i intervistuar Eri Tenitis, ndërsa shton se “nga hetimet e zhvilluara në Ekuador rezulton se këto persona nuk kanë një situatë normale dhe as dokumente të ligjshme”.

Nga ana tjetër, prokurori i Rrethi të Guajakilit, Cesar Pena, i cili ka hetuar një sërë rastesh të trafikut ndërkombëtar të kokainës pohon gjatë intervistës se nga gjithë “shqiptarët që hynin në vend, ata që jetonin në Guajakil dyshoheshin për trafik droge”, pasi aty ndodhte dhe nisja e mallit për në portet evropiane.

Regjistri i hyrje-daljeve të shtetasve shqiptarë tregon për flukse të shpeshta dhe dinamike të lëvizjeve të tyre. Vërehet se, përgjatë viteve numri hyrjeve është i përafërt me ato të daljeve, çka tregon se qëndrimet e shqiptarëve atje, veçanërisht ata që merren me trafikun e drogës, nuk qëndrojnë për një periudhë të gjatë. Kolonel Tenitis thekson se ata vijnë, koordinojnë dërgesa, por nuk formojnë grupe trafiku me bashkëkombës: “Shqiptarët vijnë për të koordinuar dërgesat e drogës për në Evropë. Ata vijnë me mjaft para, kontraktojnë persona nga Ekuadori, madje dhe kilianë apo qytetarë të huaj, jo bashkëkombës, të cilët i ndihmojnë të fusin mallin nga Kolumbia në Ekuador, në zonën e Guajakil apo në provincën e Uruguajas dhe më pas kërkojnë linjën e daljes nëpërmjet porteve detare”

Por pavarësisht këtyre të dhënave zyrtare, krerët e lartë të policisë dhe prokurorisë në Ekuador pohojnë se, numri i shqiptarëve që hyjnë dhe operojnë në territor ka qenë shumë më i lartë, pasi një pjesë e konsiderueshme e tyre mbërrijnë me identitet tjetër. “Shumë persona hyjnë në shtetin tonë me identitet të dyfishtë duke thënë se janë nga shtete të tjera, krahas Shqipërisë, pasi eksponentët ndiqen edhe nga Interpoli. Ata ndryshojnë identitetin dhe më pas veprojnë këtu në Guajakil”, – tregon prokurori Pena.

Rasti më domethënës për nga rëndësia ishte operacioni “Ballkani”, në të cilën u goditën krerët e grupit të parë shqiptar në vitin 2014, që u akuzua se ruante sasi të mëdha droge në Guajakil për t’i dërguar ato në Evropë. “Rastësisht, në muajin nëntor, u ndalua organizata e parë shqiptare ku u kap një sasi prej tre tonelatash kokainë, në një vendbanim në qytetin Duran afër Guajakil”, – deklaroi prokurori Pena.

Mes 11 të ndaluarve ishin dhe drejtuesit e grupit, shtetasi i Kosovës Remzi Azemi dhe shqiptari Dritan Rexhepi. Ky i fundit sipas autoriteteve policore kishte dy identitete, një si shtetas grek me emrin Ioannis Dionysopoulos dhe një si shtetas shqiptar me emrin Lulëzim Murataj. Madje në burg ai ka firmosur disa herë me identitetin e Lulëzim Muarataj.

Por ndërsa Azemi i shpëtoi akuzave dhe u largua një muaj pasi u arrestua në Ekuador, Dritan Rexhepi u dënua. Sipas të dhënave zyrtare, deri në vitin 2020 në burgjet e Ekuadorit kishte vetëm katër të burgosur nga Ballkani: një shqiptar dhe tre serbë. Shqiptari i vetëm në Guajakil ishte Rexhepi, i cili aktualisht ka fituar lirinë.

Ndonëse të dhënat në regjistër tregojnë fluksin e shqiptarëve nga viti 2010, hetuesit pohojnë se prania e tyre në vend nis më herët. Shqiptari Arbër Çekaj regjistroi hyrjen e tij të parë në Ekuador në vitin 2009. Ai u prezantua si tregtar bananesh, vizitoi Ekuadorin deri në vitin 2015, vit në të cilin u thirr në gjyq për trafik droge në Peru. Por ai udhëtoi drejt Ekuadorit, pavarësisht procedimit penal, derisa u arrestua në vitin 2018, në Gjermani, për futjen e ngarkesës më të madhe të kokainës në Shqipëri, plot 613 kg kokainë.

Rasti Çekaj nuk ishte i vetmi. Pjesa dërrmuese e trafikantëve të rëndësishëm shqiptarë në Ekuador janë prezantuar si biznesmenë. “Adratik Tresa shfaqej si tregtar i thjeshtë, por ne e kishim hetuar se cilat ishin aktivitetet e paligjshme me të cilat merrej”, – tregon prokurori, Cesar Pena. Sipas tij, “edhe Remzi Azemi ishte në të njëjtin rol. Ai kalonte pothuajse gjithë ditën në palestër dhe ishte një tregtar-investitor i kamufluar në shtetin tonë. Rasti Kaçaniç po ashtu”, pohon z. Pena.

Trafikantët-biznesmenë të Ekuadorit kanë arritur të penetrojnë deri në nivelet më të larta të institucioneve Ekuadoriane. Investitori Dritan Gjika ishte një prej tyre, i përmendur në skandalin e presidentit Guillermo Lasso. Të dhënat treguan se Ruben Cherrez një 63 vjeçar mik i kunatit të presidentit Lasso ishte si bashkëpunëtor i ngushte me shqiptarin Gjika. Të dy ata themeluan tetë kompani ndërtimi në një ditë të vetme. Lidhja e Cherres dhe Gjikës daton që prej vitit 2014 me një sërë biznesesh të përbashkëta. Në pjesën dërrmuese të rasteve ato rezultuan kompani fantazma të cilat nuk kryen asnjëherë pagesa tatimore.

Por veç kompanive që zotëronte me Cherres, Dritan Gjika ishte pronar i vetëm dhe në kompani të tjera. Ai rezulton me pasaportë Ekuadorianë që prej vitit 2013 dhe jeton në Guajakil. Në vitin 2014 ai blen aksionet në Cresmark, me objekt eksportin e të gjitha llojeve të produkteve bujqësore, përfshi bananet.

Në vitin 2017, shoqëria anonime Impex Fruit Five Hundred Six nga Kosta Rika themeloi në Ekuador shoqërinë Agricomtrade, me objekt eksportet e bananeve. Gjatë kësaj periudhe kjo kompani ka kryer dërgesa me banane dhe për kompaninë shqiptare të importit Alba Exotic Fruit sh.p.k, me administrator Eduard Dauti. Një vit më vonë Gjika blen gjithë aksionet e kompanisë Agricomtrade.

Pas kësaj periudhe Alba Exotic Fruit sh.p.k  rezulton një kompani e përmendur në disa raste të trafikut të drogës, fillimisht të një sasie prej 137 kg kokainë brenda kontejnerëve të kapur në portin e Pireut në Greqi, më pas në gjashtë raste të tjera në vitin 2021, me sasi kokaine të ndaluara në Portin e Durrësit. Pas hetimeve, administrator i Alba Exotic Fruit sh.p.k u arrestua në vitin 2022.

Trafikantet e “Gjeneratës së re”, roli i shqiptarëve në trafikun nga Amerika Latine drejt Evropës

Kontrolli i territorit për transportin e kokainës nga Guajakili drejt porteve kryesore të Evropës solli përplasje të trafikantëve shqiptarë në Ekuador. Prokuroi Cesar Penja tregon se konfliktet mes shqiptarëve kanë qenë të shumta edhe brenda familjeve: “Rasti i shqiptarëve që unë kam hetuar, pjesëtarë të të njëjtës familje, po vriteshin midis tyre. Kemi rastin e Ilir Hidrit, i dyshuari kryesor i vrasjes së tij është nipi Remzi Azemi.

Rasti i Kaçaniç, kushëriri i tij Adriatik Tresa ishte i dyshuar për vrasjen e tij dhe njëkohësisht, një nga të dyshuarit për vrasjen e Ilir Hidrit, këtu në Guajakil”, – shprehet prokurori. Sipas Penjas, konkluzioni i hetimeve që po zhvilloheshin në një nga vendnisjet kryesore të tonelatave me drogë, nga Guajakili, ishte se shqiptarët “po vriteshin midis tyre”.

Me ekzekutimin e Tresës nga persona të veshur me uniform policie, më 20 nëntor të vitit 2020, në brendësi të qytetit Daule, rihapet lufta për kontrollin e territorit. “Nga momenti i vrasjes së një lideri, nis lufta e territorit. Cili territor? Në këtë rast për linjë e transportit të drogës nga portet e Ekuadorit drejt Evropës, konkretisht vendet e ulta por dhe Italia e Greqia.” – tregon prokuroi Penja.

Aktualisht, policia dhe prokuroria në Ekuador, në bashkëpunim dhe me informacionet që vijnë nga Interpoli, kanë hetuar dhe identifikuar një grup dhe eksponentë të mafies Shqiptare, me lidhje shumë të forta me kartelet meksikane dhe mafien italiane që operon në Amerikën Latine. “Ishte një grup specifik, që kemi qenë duke e zbërthyer, por e dimë që vijon e vepron që quhet “Gjenerata e Re”. Me inicialet e tyre, në gjuhën e tyre, po vepronin këtu në Ekuador”, – pohon përfaqësuesi i Prokurorisë së Guajakil, i cili shton se “çdo herë e më shumë kanë marrë dëshmi të reja për personat që veprojnë, kur evidentohen në porte apo aeroporte, në provincën tonë, ku ata janë të përqendruar”.

Nga ana tjetër, kolonel Tenitis tregon se, nga rastet e mëparshme janë të paktën tre mënyra sesi trafikantët e ngarkojnë dërgesën e tyre drejt Evropës: “E para, është duke përdorur biznese fasadë, dhe, në këtë rast, ngarkimi bëhet aty ku ndodhet produkti, kryesisht banane ose dru. Mënyra e dytë është “Grepi i verbër”, duke kontraktuar persona që punojnë në port që mbushin kontejnerët. E treta, nëpërmjet detit kur anija është në karantinë, tashmë në ujë”.

Hetuesi britanik Tony Saggers, me një fushë të gjatë ekspertize në grupet kriminale dhe trafikun e drogës, në raportin e përpiluar posaçërisht për grupet ndërkombëtare të trafikut të drogës nga eksponentë shqipfolës, duke cituar burime të Europolit thekson se tashmë shqiptarët nuk kujdesen vetëm për nisjen e dërgesës por dhe për mbërritjen dhe shpërndarjen e mallit në portet pritëse.

“Dominanca e grupeve me trafikantë shqipfolës në vendet e Bashkimit Europian dhe statusi i tyre për dërgesa të sasive të mëdha të drogës është më shumë një fenomen i viteve të fundit, i cili vijon të rritet dhe të zhvillohet më tej”, – shkruan Saggers.

Në të njëjtin konkluzion arrijnë dhe autoritetet italiane. Në raportin vjetor për vitin 2022 të Shërbimeve të Antidrogës Italiane nënvizohet fakti se, grupet shqiptare që marrin përsipër dërgesën dhe shpërndarjen e kokainës në Evropë, kanë lidhje të ngushte dhe me mafien italiane, kryesisht atë kalabreze dhe siciliane. “Organizatat shqiptare janë partner të besueshëm në rrjetin kriminal të trafikut të drogës, veçanërisht për aftësinë e tyre për të  lëvizur sasi të mëdha kokaine dhe heroine në Evropë, duke marrë përsipër çdo fazë të zinxhirit të shpërndarjes, nga marrja e lëndës në portet holandeze dhe belge, transportin me mjete të modifikuara për këtë qëllim dhe më pas shitjen, përfshi territorin Italian, – thuhen në dokument. Madje këto grupe “bëjnë biznese, si ndërmjetës të besueshëm, të mafies kalabreze, kempane dhe siciliane”, – nënvizon shërbimi i antidrogës italiane.

Eksperti britanik Tony Saggers evidenton Holandën si portën kryesore tranzit të kokainës dhe bazën e shpërndarjes nga shqiptarët, ndërsa nënvizon se, mes vendeve të BE-së dërgesat në Britaninë e Madhe janë më të mëdhatë. Hetuesi argumenton se, për shkak të këtij fluksi ka dhe një rënie të çmimit të kokainës nga 50 000 €/kg në 2013 në 33 000 €/kg në 2017, ose 35% më lirë.

Nga ana tjetër, gazetari John Hand i “Irish Mirror”, në një artikull të publikuar një vit më parë shkruante se, një pjesë e ngarkesave që hynte në Britani, kontrollohej nga karteli i fuqishëm irlandez Kinahan, e cila kontraktonte dhe emisarë nga Serbia dhe Shqipëria.

Përfshirja e shqiptarëve në trafikun ndërkombëtar të lëndëve narkotike nga Amerika Latine drejt Evropës, si bashkëpunëtorë kryesisht me mafien italiane por dhe kartele të tjera të fuqishme rajonale, ka sjellë që një pjesë e mirë të miliona eurove që përftohen nga aktiviteti kriminal ta fusin ilegalisht dhe në Shqipëri.

“Shpesh herë të ardhurat nga kokaina dhe aktivitete të tjera të paligjshme, investohen në prona dhe projekte ndërtimi në Shqipëri si dhe përdoren për të financuar korrupsionin”, – nënvizon ndër të tjera Saggers në raportin e tij.

Në maj të vitit 2023, monedha euro pësoi rënien më të madhe historike në 21 vitet e fundit, duke iu afruar 110 lekëve. Por ndërsa sektori i biznesit dhe ekspertët drejtonin gishtin te paraja informale dhe fluksi i euros që qarkullonte në vend, Banka e Shqipërisë pohoi zyrtarisht se rënia e monedhës evropiane është “shenjë e progresit të bërë nga ekonomia shqiptare”./MediaLooK

The post “Gjenerata e re” në trafikun e kokainës drejt Europës: Roli i shqiptarëve dhe lidhjet me mafien italiane appeared first on Albeu.com.

Komandanti i policisë Fausto Salinas tha se droga do të kishte qenë me vlerë rreth 330 milion dollarë  nëse do të dilte në treg.

Ekuadori është bërë një nga vendet kryesore të tranzitit për kokainën e prodhuar në Perunë dhe Kolumbinë fqinje.

Vitin e kaluar, më shumë se 200 ton drogë u kapën në vendin e Andeve, shumica e saj në portin e Guayaquil.

Me Ekuadorin, eksportuesin më të madh në botë të bananeve, kontrabandistët shpesh përpiqen të fshehin dërgesat e tyre të paligjshme midis frutave që dërgohen nga Guayaquil në destinacione në të gjithë globin.

Kjo skemë është përdorur disa herë edhe për drogën që niset drejt Shqipërisë dhe sasi të ndryshme kokaine janë gjetur në kontejnerët me banane.

Belgjika është kthyer në vendin ku janë sekuestruar sasitë më të mëdha të kokainës brenda Bashkimit Evropian në vitet e fundit, me portin e Antwerpenit pikën kryesore të hyrjes për drogën ilegale.

Në Ekuador, dhuna e lidhur me kontrabandën e drogës është rritur ndjeshëm pasi kartelet e fuqishme meksikane janë infiltruar në bandat lokale për të fituar kontrollin e biznesit fitimprurës.

Burgjet janë tejmbushur dhe përleshjet mes bandave rivale pas hekurave kanë lënë dhjetëra të vdekur. /albeu.com

The post E fshehur në ngarkesën me banane, sekuestrohet gati 9 ton “e bardhë” në Ekuador, destinacion final Belgjika appeared first on Albeu.com.

Eksperti i Kriminalistikës, Ervin Karamuço zbuloi detaje të reja lidhur me këtë operacion duke theksuar se dy kolumbianët, njëri i arrestuar dhe njëri në kërkim, kishin rolin e kimistëve të cilët do të shkriftonin drogën.

“Kishte dy kimist të ardhur nga Kolumbia, pasi do të shkriftonin kokainën dhe do ndanin plehun kimik.”

“473 kg kokainë e përzier me pleh kimik, se nuk kalon në skaner. Kemi rolin e dy kimistëve, një i arrestuar dhe një i larguar dhe është në kërkim. Kimistët shtohen se kanë njohur për kokainën. Kjo tregon që krimi i organizuar po mendon për mënyra të sofistikuara për të kaluar mallin. Ka dyshime se në portin e Durrësit ka materiale që nuk kontrollohen me skanerin. Ka pasur sinjale se eksponentë të ndryshëm mund të jenë përfshirë për transportin e këtyre lëndëve” tha Karamuço.

Hetimet janë realizuar mes autoriteteve shqiptare dhe malazeze, si dhe në bashkëpunim me agjenci të huaja ligjzbatuese, dhe kishin nisur në korrik të këtij viti.
Policia malazeze tha të premten se ky aksion në Mal të Zi u krye me kodin “Port”, ndërsa në Shqipëri me kodin “Konsistenca”.

Kreu i SPAK-ut, Arben Kraja dhe prokurori i rastit, Adnan Gjoli, thanë se janë kryer 14 kontrolle në disa qytete si Fier, Lushnje, Tiranë dhe janë arrestuar dhjetë persona, ndërsa një tjetër është ende në kërkim.

Policia e Malit të Zi, ka publikuar në Twitter në video, ku në bashkëpunim me Policinë e Shqipërisë, sekuestron 430 kilogramë kokainë.

Sasia prej 24 tonësh pleh organik artificial ka hyrë në territorin shqiptar me kamion, është bërë zhdoganimi dhe është shpërndarë në disa zona në Shqipëri, mes së cilave edhe në Farkë të Madhe në Fier.

Grupi i strukturuar kriminal, pjesë e të cilit janë edhe shtetas të huaj, kanë siguruar kokainën në Kolumbi, kanë bërë përzierjen me pleh organik artificial dhe kanë realizuar transportin në Shqipëri.
Prokurorët thanë se kanë identifikuar organizatorët, financuesit dhe transportuesit e lëndës narkotike.

Ata thanë se i kanë të dokumentuara pagesat që janë bërë për të gjithë këta persona, përfshirë edhe ata që kanë marrë në dorëzim kokainën, ata që do të kujdeseshin për magazinimin dhe ekstraktimin e kokainës nga plehu organik artificial, persona të specializuar për këtë proces në laborator.

Në këtë aksion, po ashtu janë sekuestruar më shumë se 15 mijë euro, bashkë me 6 armë zjarri, automatikë dhe pistoleta. Ky operacion po vazhdon ende.
Prokuroria nuk publikoi emrat e të arrestuarve, por burime nga policia konfirmojnë se mes të arrestuarve është edhe Viktor Çervanaku, i cili aktualisht mban post drejtori në OSHEE (Operatori i Shpërndarjes së Energjisë Elektrike në Fier), ndërsa më herët ka qenë kryetar i Komunës Frakull në Fier.

Laboratori ku po përpunohej kokaina u zbulua në banesën e tij. Kompania që ka porositur plehun organik artificial në Kolumbi është në pronësi të vëllait të Viktor Çervanakut, Zenelit, gjithashtu i arrestuar.

Ky është rasti i dytë që zbulohet një laborator kokaine në Shqipëri.

Në vitin 2015 një i tillë u zbulua në Xibrakë të Elbasanit, ku u arrestuan edhe dy shtetas kolumbianë, kimistë që nxirrnin sasitë e kokainës së përzier në lëndë kimike të lëngshme, të importuara nga Kolumbia./abcnews.al/

The post “Skema që përdorën”, Karamuço zbulon rolin e dy kolumbianëve në laboratorin e “miellit” në Fier appeared first on Albeu.com.

Mafia shqiptare vijon të zërë faqet e para të mediave të huaja, ku kohët e fundit aktiviteti i tyre është zgjeruar shumë.

Kohët e fundit grupet kriminale shqiptare po sigurojnë kokainë dhe heroinë me çmime konkuruese për tregun italian falë lidhjeve në Amerikën Latine.

Kështu thuhet në raportin e Antimafias në Romë, të dorëzuar në Senatin italian ku theksohet se shqiptarët vazhdojnë të transportojnë edhe marijuanë përmes detit në vendin fqinj.

Në dokument flitet edhe për sekuestrimin e 18 milionë eurove që po pastroheshin në një bankë në Tiranë.

Në raportin e gjashtëmujorit të dytë të vitit 2021, të cilin Antimafia italiane e ka prezantuar në Dhomën e Senatit, theksohet se grupet kriminale shqiptare kanë marrëdhënie të qëndrueshme me organizatat kriminale mafioze italiane.

Ato, sipas dokumentit, kanë gatishmëri për të ofruar lëndë narkotike me çmime konkurruese.

Vitin e kaluar sipas Antimafias, shqiptarët  janë në gjendje të qarkullojnë sasi të mëdha kokaine dhe heroine falë bashkëpunimit me shqiptarë të tjerë të pranishëm kryesisht në Shqipëri si dhe në Amerikën Latine dhe vende të tjera të Europës.

Por sipas dokumentit italian grupet kriminale shqiptare janë të përfshira edhe në menaxhimin e transportimin përmes detit të ngarkesave të mëdha të marijuanës, vend prodhues i të cilës është Shqipëria.

Në raport evidentohet operacioni i nëntorit 2021 i kapjes së 18 milionë euro për qëllim riciklimi në një bankë shqiptare ne Tiranë e për llogari të sipërmarrësit italian i dënuar për bashkëpunim mafioz.

Francesco Zummo, 90 vjeç, i konsideruar sipërmarrës lokal në dispozicion të mafias siciliane Cosa Nostra qysh në kohën e Totto Riinas dhe Bernardo Provenzanos është akuzuar për riciklim parash në sektorin e ndërtimit.

Në periudhën kohore marrë në analizë, krahas masave të kryera si pjesë e aktiviteteve hetimore të lidhura, vihet re arrestimi dhe sekuestrimi të rreth 31 milionë eurove, 13 prej të cilave të depozituara në një fond banke në Nassau (BHS) dhe 18 në një institucion krediti në Tiranë të paguara nga sipërmarrës i njohur palermitan Zummo dhe kontabilisti i tij Fabio Petruzello.

Të arrestuarit në thelb, siç shkruan ky raport, duke përfituar nga dështimi i procedurave të letërporosive ndërkombëtare, kërkonin të zhvendosnin kapitalin e madh në rastin e fondeve të transferuara në Shqipëri.

Në raport theksohet niveli i lartë i korrupsionit në Shqipëri që ka favorizuar aktivitetin kriminal te grupeve shqiptare.

DIA italiane ka komunikuar gjithashtu se në këtë periudhë kohore ka kapur 177 kriminelë të shpallur në kërkim, ka ekzekutuar 1325 operacione, ka vënë nën arrest 11 478 persona, e i ka sekuestruar grupeve kriminale e mafioze pasuri mbi 7.5 miliardë euro.

The post Antimafia italiane për shqiptarët: “E bardhë” dhe “e kuqe” nga Amerika Latine, 18 mln euro do pastroheshin në një bankë në Tiranë appeared first on Albeu.com.

Mediat italiane raportojnë se nga operacioni “Bad Boy” janë arrestuar 12 persona, nën hetim janë vënë 30 dhe gjithashtu janë dhënë 9 masa të tjera sigurie.

Nga operacioni u kap 4.7 kg kokainë që i përkiste një bande shqiptarësh. Kokaina ishte futur në kavanoze dhe ishte fshehur në nëntokë, e groposur.

Policia nuk ka dhënë detaje të tjera, ndërsa nesër pritet një konferencë për shtyp në lidhje me operacionin./albeu.com

The post Operacioni “Bad Boys” shkatërron bandën shqiptare në Itali, 12 të arrestuar: Si e kishin fshehur kokainën nën tokë appeared first on Albeu.com.

Në këtë operacion u kap një nga krerët e  Ndraghetas, Pasquale Bifulco dhe shqiptari i lindur në Rreshen Kadri Gjoci 28-vjeç.

Sot mediat peruane kanë publikuar edhe fotot e shqiptarëve në kërkim të filmuar gjatë takimeve me kreun peruan të grupit të njohur ndryshëm me pseudonimin ‘Tyson’ dhe me italianin ‘Bifulco’. Gjithashtu edhe ‘Tyson’ ndodhet në kërkim.

Ndërsa shqiptari Robert Suloti është i shpallur në kërkim për kokainën, gjithashtu shqiptari tjetër i shpallur në kërkim është identifikuar si Mamo Espitare.

Një tjetër shqiptar i filmuar ka qenë edhe Kadri Gjoci, i kapur nga kamerat në një qendër tregtare.

Kujtojmë se në fillim shtatori në Hamburg u kapën 2.3 ton kokainë që vinte nga Peruja.

The post Kokaina në Peru, zbulohen fotot e dy shqiptarëve në kërkim (VIDEO) appeared first on Albeu.com.