Përmes një postimi në rrjetet sociale, ajo ka sjellë në vëmendje territorin pas fabrikës së çimentos në Krujë, ku ndodhen 4-5 gurore të mëdha. Sipas Koçekut, gjatë ditëve të fundit kjo zonë ishte ndër vatrat kryesore të zjarrit, ndërsa tre prej tyre vazhdojnë të jenë aktive.

Deputetja thotë se kjo situatë nuk është rastësi dhe hedh dyshime se pas zjarreve mund të qëndrojnë interesa për zgjerimin e shfrytëzimit të territorit. Ajo pretendon se në Shqipëri flakët kanë pasur shpesh prapavijë politike dhe janë përdorur për të zaptuar sipërfaqe të reja.

Sipas saj, djegia e zonave mund t’u hapë rrugë “zhvillimeve” të mëvonshme, lehtësimeve ligjore dhe ndërhyrjeve që do të ishin të vështira për t’u realizuar në kushte normale. Si shembull, Koçeku përmend Pishë-Poron, ku dy vite më parë zjarri vijoi për 10 ditë pa ndërhyrje dhe shkrumboi gjithçka.

Ajo vlerëson se ekzistojnë më shumë shtysa për ta djegur dhe shfrytëzuar territorin sesa për ta ruajtur atë. Sipas deputetes, përqendrimi te ndërtimet spekulative dhe pa kriter i nxit njerëzit të kërkojnë çdo mënyrë të mundshme për përfitime ekonomike. Koçeku pretendon gjithashtu se shumica e guroreve kontrollohen nga grupe mafioze dhe kriminale.

Një tjetër problem i ngritur prej saj lidhet me mungesën e një linje të përcaktuar qartë për administrimin e tokave dhe pyjeve. Sipas Koçekut, kur këto sipërfaqe trajtohen si tokë e askujt, humbet ndjenja e përgjegjësisë dhe e përkatësisë, ndërsa mbetet vetëm synimi për zhvatje dhe përfitim.

Deputetja e lidh këtë gjendje edhe me reformat territoriale të ndërmarra ndër vite, si dhe me synimin aktual për shkrirjen e disa bashkive të vogla. Ajo argumenton se heqja e kompetencave nga niveli vendor dobëson marrëdhënien e komuniteteve me territorin dhe cenon lidhjen administrativo-institucionale me banorët e zonës.

Sipas Koçekut, pikërisht kjo është pasoja më shkatërrimtare, pasi largimi i përgjegjësisë dhe ndjenjës së përkatësisë ndaj vendit i redukton marrëdhëniet mes komunitetit dhe territorit në raporte burokratike, që ekzistojnë vetëm në letër dhe mbeten të thata e të zbrazëta.

The post Zjarret në Krujë, Koçeku akuzon qeverinë: Territori nxitet të digjet e shfrytëzohet, jo të mbrohet appeared first on Albeu.com.

Ajo rendit disa prej territoreve të prekura nga flakët dhe nënvizon se, pavarësisht nëse zjarret janë shkaktuar qëllimisht apo kanë ardhur si pasojë e një aksidenti, pasojat për natyrën dhe parqet kombëtare janë të rënda.

Sipas Koçekut, përballimi i zjarreve duhet trajtuar si një çështje sigurie kombëtare. Për këtë, shteti duhet të ketë planifikim, pajisje, përgatitje dhe ndërgjegjësim të vazhdueshëm gjatë gjithë vitit, në vend që të veprojë vetëm pasi flakët të kenë përfshirë zonat pyjore.

Koçeku shprehet se një shtet solid nuk mund ta lërë mbrojtjen nga zjarret në dorë të improvizimit, por duhet ta përfshijë atë në një strategji sigurie të mbështetur te planifikimi, mjetet e nevojshme dhe parapërgatitja e vazhdueshme.

Deputetja ka vënë në pikëpyetje edhe zgjedhjet e qeverisë, duke iu referuar “Paketës së Maleve”. Ajo thekson se ruajtja e pasurisë natyrore duhet të jetë një nga prioritetet kryesore.

Koçeku paralajmëron se me politika dhe paketa të tilla nuk rrezikohen vetëm malet, por edhe demokracia dhe pasuria më e madhe e Shqipërisë, natyra e saj.

The post Koçeku kritikon qeverinë për zjarret: Paketat nuk mbrojnë natyrën, ndërsa Shqipëria po humbet pasurinë e saj më të madhe appeared first on Albeu.com.

Gjatë bisedës, Koçeku bëri të ditur se tema kryesore e diskutimit ishin sfidat mjedisore dhe pesha që mban përfshirja qytetare dhe vullneti politik për ruajtjen e ekosistemit.

Ajo nënvizoi se qeverisja e natyrës nuk i bindet ndasive partiake. Sipas saj, mbrojtja e mjedisit nuk përbën një bllokadë për progresin ekonomik, por është treguesi më i fuqishëm i përgjegjshmërisë shtetërore karshi qytetarëve dhe aspiratave për integrim në Bashkimin Europian.

The post Koçeku pret eurodeputeten Fourreau në Tiranë: Natyra nuk bën kompromise, ose ruhet ose shkatërrohet appeared first on Albeu.com.