Midis të ndaluarve janë ish-ministrat e Ekonomisë, Valon Saraçini dhe Bekim Neziri, që vijnë nga radhët e BDI-së, si dhe ministri aktual pa portofol, Shaban Saliu, i cili më parë ka drejtuar Drejtorinë për Mbrojtje dhe Shpëtim.

Mediat lokale raportojnë se lista e personave të përfshirë në hetime përfshin të gjithë ish-ministrat e Ekonomisë që kanë mbajtur këtë post nga viti 2012 – kur diskoteka “Puls” mori licencën e parë për funksionim – e deri në vitin 2024, kur dyshohet se licenca u rinovua në mënyrë të parregullt përmes dokumentacioni të falsifikuar.

Ambasadori i Maqedonisë së Veriut në Norvegji, Driton Kuçi, ka konfirmuar përmes rrjeteve sociale se në banesën e tij është kryer një kontroll policor. Ai është shprehur se do të kthehet menjëherë në vend për të bashkëpunuar me drejtësinë. “Kam besim në drejtësinë dhe transparencën si rruga e vetme për të ecur përpara. Me fluturimin e parë do të jem në Shkup, jo për t’u justifikuar, por për të kontribuar në zbardhjen e së vërtetës”, ka shkruar Kuçi.

Ndërkohë, janë ndaluar gjithashtu edhe drejtori aktual i Drejtorisë për Mbrojtje dhe Shpëtim, Xhevat Selami, ish-drejtorë të Inspektoratit të Tregut dhe inspektorë ndërtimi që kanë ushtruar funksione në komunën e Koçanit.

Prokuroria Publike ka dhënë një reagim të shkurtër, duke konfirmuar se është duke u zhvilluar një operacion për arrestimin e disa personave, me qëllim zgjerimin e hetimeve mbi zjarrin tragjik. Autoritetet njoftojnë se detaje të tjera do të bëhen publike sapo të përfundojnë veprimet hetimore në terren.

The post Tragjedia në Koçan! Ndalohen 2 ish-ministra të Ekonomisë, zgjerohet rrethi i personave nën hetim appeared first on Albeu.com.

Sipas raportimeve të mediave spanjolle, “ABC Madrid dhe 20minutos”, autoritetet spanjolle kanë pranuar kërkesën e autoriteteve maqedonase për ndihmë dhe janë duke i ofruar kujdesin e nevojshëm.

Pesë nga këta pacientë do të dërgohen në Spitalin La Paz, ndërsa dy të tjerë do të trajtohen në Spitalin Getafe, një qendër me reputacion ndërkombëtar për trajtimin e djegieve.

Ngjarja e rëndë u regjistrua gjatë orëve të mëngjesit e së dielës, ku 59 të rinj humbën jetën dhe mbi 196 mbetën të lënduar si pasojë e flakëve që kanë përfshirë një lokal nate ku ndodheshin mbi 1500 persona duke festuar. Sipas raportimeve, viktimat janë të moshave 15-25 vjeç, ndërsa ngjarja ka ndodhur rreth orës 03:00 të mëngjesit të 16 marsit, në klubin e natës “Koçani Pulse”.

The post Tragjedia në Koçan/ Në gjendje kritike për jetën, shtatë të plagosur nga zjarri dërgohen në spitalet e Spanjës appeared first on Albeu.com.

Nga lokali i natës, që atë natë ishte mbushur disa herë mbi kapacitetin, qytetarët duken teksa shtyjnë njëri-tjetrin, në përpjekje për të dalë jashtë, ndërkohë që vendi është mbuluar nga tymi i zjarrit.

“Ikni sa më shpejt, sa më shpejt”, dëgjohen të bërtiturat e qytetarëve.

Nga tragjedia, humbën jetën 59 persona. Nga zjarri, janë lënduar 196 persona, prej të cilëve 20 fëmijë. Tragjedia në diskotekën PULS në Koçan, nxori në pah shumë elementë që lidheshin me sigurinë dhe kushtet e funksionimit në diskotekë.

The post VIDEO/ Pamjet tronditëse nga tragjedia në Koçan, të rinjtë shtyjnë njëri-tjetrin për të shpëtuar appeared first on Albeu.com.

Sipas informacioneve, mësohet se ata kanë qenë të shoqëruar nga nga zëvëndës ministri i Jashtëm i Greqisë, Tassos Hatzivasiliou dhe ai i Brendshëm, Konstantinos Giulekas, ndërsa për të plagosurit lanë dy vajza, 19 dhe 25 vjeç dhe një djalë 26 vjeç, të cilët kanë djegie në 15-25% të trupit, kryesisht në fytyrë dhe duar, por dëmtimet më të rënda i kanë në mushkëri dhe rrugët e frymëmarrjes.

Gjithashtu, ata kanë vizituar dhe në spitalin ushtarak 424 të Selanikut, ku po trajtohen edhe dy të lënduar të tjerë nga tragjedia e ditës së diel, ndërsa janë shprehur se është momenti më tragjik në kombin maqedonas

“Kam ardhur sot këtu duke përfaqësuar një popull të pikëlluar që është në tronditje të thellë nga ngjarjet e ndodhura në qytetin e Koçanit. Ky ishte momenti më tragjik në historinë e kombit tim, një moment që ka të ngjarë të mbetet në kujtesën tonë kolektive për pjesën tjetër të jetës. Por ajo që do të mbetet në kujtesën tonë kolektive dhe nuk duhet ta harrojmë kurrë, është solidariteti që kemi marrë”, tha ministri i Jashtëm i Maqedonisë së Veriut.

The post Ministrat maqedonas vizitojnë të plagosurit e zjarrit që po trajtohen në Selanik: Të pikëlluar për këtë situatë appeared first on Albeu.com.

Një ditë më parë, qytetarët e Koçanit mbajtën një protestë ku hodhën vezë në objektin e Komunës, duke shprehur zemërimin e tyre për mungesën e masave parandaluese dhe trajtimin e situatës.

Nga aksidenti tragjik humbën jetën 59 persona, ndërsa mbi 150 të tjerë u lënduan. Ngjarja ka tronditur opinionin publik dhe ka ngritur pyetje mbi sigurinë dhe përgjegjësinë e institucioneve përkatëse.

The post Qindra qytetarë mblidhen në Shkup për të nderuar viktimat e tragjedisë në Koçan appeared first on Albeu.com.

Mësohet se protesta është thirrur nga grupi i të rinjve “Kush është i radhës?” në shenjë solidarizimi me familjarët e viktimave, por edhe si thirrje për të mos lejuar më të ndodhin ngjarje të tilla. Në njoftimin e tyre, ata bëjnë thirrje për shpërndarjen e shiritave të zinj, që si popull të tregojmë se jetët e humbura nuk do të harrohen.

“Maqedonia është edhe një herë e mbuluar me të zeza”. Të shkatërruar dhe të tronditur, ne ulemi para ekraneve, duke pritur për një numër të ri, më të madh, në pritje të një trishtimi të ri, më të madh. 59 të rinj nuk e panë këtë ditë. Dy herë më shumë janë në spitale dhe të plagosur rëndë. Ne, si fëmijët në disko, jemi sërish të pafuqishëm dhe të lënë në duart tona. Në këto ditë tragjike, Maqedonia duhet të jetë bashkë. Duhet të jemi shpatullat e njëri-tjetrit për të qarë dhe t’i japim njëri-tjetrit ngushëllim nëse mundemi”, thuhet në njoftimin për tubimin publik të thirrur nga grupi joformal “Kush është i radhës?”, thuhet në njoftimin e shpërndarë në Instagram.

Ndërkohë, protestat gjatë ditës së sotme u shoqëruan me tensione, ku një grup qytetarësh kanë goditur me gurë dhe vezë mbi godinën e Komunës së Koçanit, duke thyer disa dritare të ndërtesës. Disa hodhën gurë drejt kafenesë së të njëjtit pronar që e drejtonte edhe diskotekën Pulse, duke thyer xhamin dhe më pas kanë hyrë brenda dhe kanë përmbysur tavolinat e karriget.

The post Tragjedia e Koçanit, nesër protestohet në Shkup! appeared first on Albeu.com.