Manchester United pritet të përfitojë një përforcim të rëndësishëm përpara nisjes së sezonit të ri, pasi katër futbollistë me peshë janë pranë rikthimit në skuadër.

Në takimin e katërt përgatitor, “Djajtë e Kuq” u ndalën në barazim 1-1 nga Paris Saint-Germain. Amad Diallo rrëmbeu topin në një zonë të avancuar dhe nisi aksionin që u finalizua nga Bryan Mbeumo me golin e barazimit.

United e kontrolloi lojën dhe prodhoi disa raste, por nuk ia doli të shënonte golin që do t’i siguronte fitoren.

Pas një sezoni të vështirë 2025/26, Amad ka spikatur me paraqitjet e tij gjatë fazës përgatitore. Ai mendon se skuadra e Manchester United do të rrisë më tej forcën e saj sapo të kthehen disa prej lojtarëve kryesorë.

Matheus Cunha, Marcus Rashford, Lisandro Martinez dhe Kobbie Mainoo pritet të bashkohen me ekipin në Dublin, aty ku United do të vijojë përgatitjet për edicionin e ri.

Duke folur pas barazimit me PSG-në, Amad nënvizoi se rikthimi i këtyre katër futbollistëve është i domosdoshëm për skuadrën.

“Na duhen tani Matheus Cunha, Marcus Rashford, Licha [Lisandro Martinez] dhe Kobbie Mainoo, të cilët do të bashkohen me ne në Dublin”, u shpreh Amad.

Me kthimin e tyre, trajneri Michael Carrick pritet të ketë më shumë zgjedhje në dispozicion, teksa Manchester United po futet në etapën e fundit të përgatitjeve përpara fillimit të sezonit të ri.

The post Diallo përmend katër yjet që Manchester United mezi i pret: Na duhen tani appeared first on Albeu.com.

Janë zbardhur prapaskena të reja lidhur me mungesën e aktivizimit të Kobbie Mainoo në Kupën e Botës, duke hedhur dritë mbi vendimin e Thomas Tuchel në grumbullimin e Anglisë.

Mesfushori i Manchester United kishte spikatur mes lojtarëve më të mirë të ekipit në fund të sezonit 2025/26. Përpara nisjes së turneut, ai kishte marrë vlerësime të konsiderueshme edhe nga vetë Tuchel.

Në mars, Mainoo ishte rikthyer në listën me 35 futbollistë të Anglisë për miqësoret kundër Uruguait dhe Japonisë. Në atë periudhë, trajneri gjerman e cilësoi 20-vjeçarin si një element shumë të rëndësishëm të formës së jashtëzakonshme që Manchester United kishte treguar nën drejtimin e Michael Carrick.

Dy muaj pas kësaj, emri i Mainoo u përfshi edhe mes 26 lojtarëve të përzgjedhur për Kupën e Botës. Pritjet ishin që ai të formonte treshen e mesfushës së bashku me Declan Rice dhe Elliot Anderson.

Problemet fizike të Rice krijuan përshtypjen se Mainoo do të niste nga minuta e parë në përballjen kundër Ganës, më 23 qershor.

Ai kishte stërvitur pranë Anderson dhe, sipas Daily Mail, në kampin anglez kishte bindje se do të luante në ndeshjen e dytë të fazës së grupeve. Por Tuchel zgjodhi t’i besonte edhe një herë Rice.

Sipas të njëjtit raport, trajneri gjerman nuk ishte bindur nga niveli i paraqitjeve të Mainoo në seancat stërvitore.

Me vazhdimin e turneut, zhgënjimi i mesfushorit thuhet se u shtua. Raportimet tregojnë se ai ishte “gjithmonë lojtari i parë që largohej i vetëm nga stadiumi pas ndeshjeve, me kufje në vesh”.

Më parë, Mainoo ishte kritikuar për qëndrimin e tij në stërvitje edhe nga Ruben Amorim, ish-trajneri i Manchester United, i cili kishte deklaruar se lojtari nuk po bënte mjaftueshëm.

Një tjetër raport i The Athletic pretendon se disa persona në kamp mendonin se Mainoo “thjesht nuk kishte bërë mjaftueshëm” për të marrë besimin e Tuchel. Ky i fundit madje zgjodhi të përdorte Reece James në mesfushë në momentin kur Declan Rice po vuante nga një dëmtim.

The post Arsyeja pse Tuchel nuk i dha hapësirë Mainoos në Kupën e Botës appeared first on Albeu.com.

Vetëm një ndeshje e ndan Kombëtaren e Anglisë nga finalja e Kupës së Botës 2026, megjithatë historia e shumicës së lojtarëve të grumbulluar nga Thomas Tuchel nuk ka zanafillë në arenat prestigjioze të Ligës Premier.

Prej 26 futbollistëve të përzgjedhur për turneun botëror, plot 20 prej tyre kanë provuar më parë ashpërsinë e kategorive inferiore angleze, ndërsa një pjesë e tyre kanë njohur edhe realitetin e futbollit gjysmëprofesionist, shumë kohë përpara se të shkelnin në skenën më madhështore të sportit.

Ky realitet dëshmon se shtegu drejt suksesit rrallëherë është i shtruar, pasi një numër i konsiderueshëm i protagonistëve aktualë të “Tre Luanëve” kanë kaluar sezone të tëra në impiante të thjeshta dhe me skuadra larg qendrës së vëmendjes mediatike.

Jordan Pickford, gardiani i portës titullare, kaloi në gjashtë periudha huazimi që përshkuan gjithë piramidën e futbollit anglez. Ai u aktivizua në Ligën Kombëtare (shkalla e pestë), në Kategorinë e Katërt, të Tretë dhe të Dytë, derisa siguroi një pozicion të qëndrueshëm te Sunderland dhe më vonë u shndërrua në zgjedhjen e parë të portës së Anglisë.

Një trajektore të ngjashme ndoqi edhe Dean Henderson, që numëron paraqitje në Ligën Kombëtare si dhe në Kategorinë e Katërt, të Tretë e të Dytë. James Trafford, nga ana tjetër, u brumos në Kategorinë e Tretë me fanellat e Accrington Stanley dhe Bolton Wanderers, përpara se të shpërthente me Burnleyn në Kategorinë e Dytë.

Në repartin e prapavijës, emra si John Stones, Marc Guehi, Trevoh Chalobah, Ezri Konsa, Reece James, Djed Spence dhe Jarell Quansah i hodhën hapat e parë në Kategorinë e Dytë ose të Tretë, aty ku grumbulluan përvojën e nevojshme që më vonë i transferoi në klubet e mëdha të vendit.

Një rast veçanërisht motivues është ai i Dan Burn, i cili dikur punonte në një supermarket për të plotësuar buxhetin, ndërkohë që luante në Ligën Kombëtare. Në moshën 34-vjeçare, ai shijon tani debutimin në Kupën e Botës me kombëtaren angleze.

As yjet e sulmit nuk e patën rrugën më të lehtë. Kapiteni Harry Kane veshi fillimisht uniformën e Leyton Orient në Kategorinë e Tretë, e më pas ato të Millwall dhe Leicester City në Kategorinë e Dytë, përpara se të shndërrohej në ikonë te Tottenham.

Jude Bellingham i mjaftoi një sezon i vetëm me Birmingham City në Kategorinë e Dytë që të bindte Borussia Dortmundin për ta blerë. Ndërkaq, Ollie Watkins zbriti deri në Ligën Kombëtare, për të kaluar më pas në Kategorinë e Katërt, më vonë në të Dytën dhe përfundimisht të ngjitej në elitë.

Ivan Toney kaloi shumë vite në Kategorinë e Katërt dhe të Tretë me disa formacione, derisa shpërtheu te Brentford në Kategorinë e Dytë dhe fitoi të drejtën e fanellës kombëtare. Edhe Anthony Gordon, sot pjesë e Barcelonës, pati një eksperiencë jo fort të lumtur në Kategorinë e Dytë te Preston North End, ku e humbi vendin e titullarit pas një ndryshimi në stolin e trajnerit.

Kontrasti vjen vetëm nga gjashtë futbollistë të ekipit aktual që nuk kanë shkelur kurrë në kategoritë e ulëta angleze: Nico O’Reilly, Declan Rice, Kobbie Mainoo, Bukayo Saka, Marcus Rashford dhe Noni Madueke — ky i fundit luajti në kategorinë e dytë holandeze me ekipin rezervë të PSV-së, jo në Angli.

Rruga e kësaj gjenerate të kombëtares angleze dëshmon qartë se arritjet madhore nuk burojnë gjithmonë nga akademitë e privilegjuara apo debutimet e hershme në Ligën Premier. Për shumicën e nxënësve të Thomas Tuchel, udha që i çoi në gjysmëfinalen e Kupës së Botës kaloi fillimisht në terrenet e vështira dhe sfidat e ashpra të kategorive të fundit të futbollit anglez.

The post Rrugëtimi me baltë drejt lavdisë: 20 lojtarët e Anglisë që prekën fundin për të mbërritur në majat e Botërorit appeared first on Albeu.com.

Nuk është sekret që mesfushori anglez dëshiron të largohet nga Junajtid për shkak të kohës së kufizuar të lojës që po gjen, me Napolin të cilët janë gati ta mirëpresin atë me krahë hapur në janar.

Fotografia, e postuar nga vetë Xhordan në llogarinë e tij në “Instagram”, menjëherë shkaktoi një sërë diskutimesh rreth të ardhmes së anglezit.

The post Mesfushori anglez bëhet temë e nxehtë te Mançester Junajtid, apeli i të vëllait në stadium: Lirojeni appeared first on Albeu.com.

Ylli i Manchester United kishte fituar një vend në listën prej 26 futbollistëve të Gareth Southgate për në Kampionatin Evropian, pas një sezoni fantastik me ‘Djajtë e Kuq’ aty kuu paraqit në 32 ndeshje.

Ai u përdor shumë pak në ndeshjen ndaj Serbisë duke u futur në lojë në minutën e 86-të për Jude Bellingham. Në fakt, ai nuk luajti aspak në barazimin 1-1 ndaj Danimarkës.

Por pasi Trent Alexander-Arnold nuk arriti që të ketë ndonjë ndikim në atë që u cilësua si një ‘eksperiment në mesfushë’, Mainoo luajti nga fillimi ndaj Sllovenisë, Sllovakisë dhe Zvicrës. 19-vjeçari me të vërtetë ka filluar ta vendosë veten si njëri prej lojtarëve kyç të Anglisë në Euro 2024 së bashku me Declan Rice.

Për ta dëshmuar më mirë këtë, tashmë është bërë e ditur se Mainoo ka pasur një saktësi të jashtëzakonshme prej 96 për qind në pasimet e bëra me Anglinë gjatë Euro 2024.

Kjo është shifra më e lartë që kompania e statistikave Opta ka regjistruar për një mesfushor në histori të Kampionatit Evropian.

Mainoo ka kompletuar 133 nga 138 pasime sa ka bërë gjithsej deri më tani në Euro 2024, statistikë kjo e jashtëzakonshme duke marrë parasysh kualitetin e kombëtareve në Gjermani. /Telegrafi/

The post Kobbie Mainoo futet në histori të Kampionatit Evropian falë statistikës së jashtëzakonshme appeared first on Albeu.com.

Rice e ka ngritur lojën e tij në sezonet e fundit dhe konsiderohet si një nga mesfushorët më të mirë në Ligën Premier pas transferimit të tij prej 120 milionë euro nga West Ham United verën e kaluar.

“Dec është një lojtar kaq i mirë, i besueshëm dhe dominon në mesfushë”, deklaroi fillimisht sensacioni i Manchester United.

“Kur luaj me të, është gjithmonë kënaqësi të kesh dikë kaq të fortë me topin pranë teje”.

“Të gjithë e dinë se ai vlen çdo qindarkë, ai është një lojtar shumë i mirë. Ai e ka dëshmuar këtë në Ligën Premier dhe me kombëtare”.

“Të luaj së bashku me Rice, më çliron shumë dhe më lejon të shkoj përpara, të sulmoj dhe të besoj se ai është atje. Është një ëndërr”, ka shtuar më tej Mainoo. /Telegrafi/

The post Kobbie Mainoo ëndërron të luajë përkrah yllit të Arsenalit appeared first on Albeu.com.

Besëtytnitë janë praktikë e zakonshme në futbollin anglez, me disa lojtarë që zbulojnë se nuk mund të luajnë një ndeshje pa bërë të njëjtat rituale çdo herë.

Një nga shembujt më të famshëm është mbrojtësi i djathtë i Anglisë, Kyle Walker, i cili ka veshur të njëjtat atlete për 14 vjet.

Luke Shaw ka një ritual të ngjashëm pasi zbuloi se ai duhet të veshë të njëjtat atlete në çdo ndeshje që luan, një palë çorape me fytyrën e djalit të tij mbi to.

Dhe së fundmi, talenti i ri Kobbie Mainoo ka zbuluar besëtytninë e tij.

Duke folur për serialin Lions’ Den, Mainoo tha se ai ndërsa përpiqet të qëndrojë larg bestytnive dhe ndryshon rutinën e tij para çdo ndeshjeje, ka një gjë që duhet të bëjë.

19-vjeçari zbuloi se para çdo ndeshje për Manchester United apo Angli ha të njëjtin vakt, makarona.

Mainoo mund të luajë një rol kyç për Anglinë në Euro 2024, pasi formacioni i mesfushës mbetet i pasigurt.

Ndërsa Declan Rice dhe Jude Bellingham me siguri do të startojnë në mes të fushës, vendi i tretë i mesfushës është i mundshëm.

Trent Alexander-Arnold duket të jetë lojtari më i mundshëm për të marrë këtë vend, por Adam Wharton, Conor Gallagher ose Mainoo mund të fillojnë të gjithë nëse bëjnë përshtypje në stërvitje. /Telegrafi/

The post Kobbie Mainoo tregon se ai ha saktësisht të njëjtin ushqim para çdo ndeshje të Man Utd dhe Anglisë appeared first on Albeu.com.

Spanjollët e vlerësojnë atë si një opsion tepër interesant për të rinovuar bërthamën.

Modric dhe Kroos janë në fundin e aventurës së tyre te Real Madrid dhe “Los Blancos” janë duke vëzhguar me kujdes mesfushorin anglez si një nga opsionet më të mira për të ardhmen.

Me një kontratë në fuqi deri në qershor të vitit 2027, rinovimi i anglezit nuk do të lihej pas nga Manchester United, por megjithatë, Real Madrid nuk i heq sytë nga Mainoo. /abcnews.al

The post Performancë magjike me Manchester United, Mainoo në “radarët” e Real Madridit appeared first on Albeu.com.

Sa i përket ndjesisë së adoleshenit, ai bëri një vrapim brenda zonës dhe mori një asistim nga Aaron Wan-Bissaka, me lojtarin që rrotullohej përpara se të lëshonte një goditje brilante për të shënuar një super gol.

Duke bërë këtë, Mainoo shënoi golin e tij të parë profesional në Old Trafford, pasi gjeti rrjetën edhe kundër Newport County dhe Wolves.

Natyrisht, ishte një moment i madh në karrierën e tij, ndërsa ai po festonte për këtë arritje të tij në njërin ndër stadiumet më historike në botë.

Por, duke folur pas ndeshjes, 18-vjeçari kërkoi falje të panevojshme për festën e tij: “Po, u ndjeva mirë, kështu dola jashtë vetës me festën. Më falni”, i tha ai Sky Sports.

Mainoo shtoi: “Ndjenjë e pabesueshme, goli i parë profesional në Old Trafford dhe ta bësh atë në këtë ndeshje është gjithashtu mahnitëse. Në fund të ditës, ne nuk largohemi me tri pikët kështu që nuk mund të jem shumë i lumtur”.

Për rezultatin, mesfushori tha: “I zhgënjyer me vetëm një pikë, të jem i sinqertë, sepse ndihem sikur në pjesën e dytë ne luajtëm shumë mirë. Ne e morëm atë dhe djemtë punuan shumë, vërtet shumë. Ishin gabime të vogla që në fund ishin të mëdha”.

Mainoo tani ka shënuar tri gola këtë sezon, duke përfshirë dy gola në Ligën Premier. Ai vazhdon të shijojë një edicion të bujshëm shpërthyese, duke rritur reputacionin e tij lulëzues me çdo performancë. /Telegrafi/

The post Kobbie Mainoo kërkon falje për atë që bëri gjatë derbit mes Man United dhe Liverpoolit appeared first on Albeu.com.

Derisa Bruno Fernandes realizoi një super gol nga gjysma e fushës, Kobbie Mainoo realizoi një tjetër edhe më të bukur.

Super talenti i Djajve të Kuq lëshoi një goditje me efe në minutën e 67-të, për ta mposhtur portierin e Liverpoolit.

Rezultati aktual është 2-1, por me gjasë do të ketë së paku edhe një gol.

Mainoo, WOW. What a goal. 🔥

You'd think he's got a controller in his leg. 🤯pic.twitter.com/haFC71p2hi

— UF (@UtdFaithfuls) April 7, 2024

The post Kobbie Mainoo me një super gol përballë Liverpoolit appeared first on Albeu.com.