Ndonëse rezultatet e zgjedhjeve të 7 qershorit ende nuk janë certifikuar, në vend po ndihet një klimë gjithnjë e më e pasigurt politike.

Pa deklarime konkrete nga subjektet politike dhe pa sinjale të qarta për krijimin e një koalicioni qeverisës, janë shtuar pikëpyetjet rreth veprimeve të ardhshme institucionale.

Certifikimi i rezultatit pritet të përcaktojë përbërjen përfundimtare të Kuvendit, por deri më tani partitë kryesore nuk kanë bërë të ditur pozicione të qarta për mundësinë e sigurimit të shumicës parlamentare.

Kjo gjendje ka nxitur spekulime për negociata të mundshme politike, megjithëse deri tani mungon çdo konfirmim zyrtar.

Jakupi: Asnjë subjekt nuk i ka numrat për të qeverisur i vetëm, prandaj kompromisi nuk duhet parë si dobësi, por si përgjegjësi politike

Për këtë zhvillim ka folur për “Bota sot” analisti politik Zejnullah Jakupi, i cili vlerëson se Kosova ndodhet ende në një periudhë pritjeje dhe se është herët të jepen përfundime për formimin e qeverisë.

Sipas tij, mundësia e zgjedhjeve të reja ekziston, por aktualisht nuk përbën skenarin më të mundshëm, pasi më parë duhet të konsumohen të gjitha procedurat kushtetuese.

Jakupi thekson se kompromisi politik mbetet ende i arritshëm dhe se sprova kryesore është sigurimi i një shumice të qëndrueshme, e aftë të garantojë stabilitet dhe funksionim institucional.

“Tani jemi në një fazë pritjeje, ku procesi institucional ende nuk ka hyrë në etapën vendimtare. Derisa rezultatet të certifikohen dhe të nisë zyrtarisht procedura për konstituimin e Kuvendit, është e kuptueshme që partitë të mos i kenë bërë publike të gjitha pozicionet e tyre negociuese. Megjithatë, mungesa e deklaratave konkrete për një shumicë qeverisëse e ka rritur perceptimin e pasigurisë politike.

Rreziku i zgjedhjeve të reja ekziston, por në këtë moment nuk do të thosha se është skenari më i mundshëm. Legjislacioni dhe procedurat kushtetuese parashohin disa etapa që duhet të kalohen përpara se vendi të shkojë në një proces të ri zgjedhor. Fillimisht duhet të provohen të gjitha mundësitë për konstituimin e Kuvendit dhe formimin e Qeverisë.

Nga ana tjetër, përvoja politike në Kosovë ka treguar se marrëveshjet më të rëndësishme shpesh arrihen vetëm kur afrohen afatet kushtetuese dhe rritet presioni për krijimin e institucioneve. Prandaj, besoj se ende ka hapësirë për kompromis politik, nëse subjektet vendosin stabilitetin institucional dhe interesin publik mbi kalkulimet partiake.

Në fund, sfida kryesore nuk është vetëm formimi i një qeverie, por krijimi i një shumice që mund të garantojë stabilitet dhe funksionalitet. Një qeveri e ndërtuar mbi një shumicë të brishtë do ta kishte të vështirë të përballonte agjendën e reformave dhe sfidat që e presin vendin”, thotë ai.

Ai paralajmëron gjithashtu se një proces i ri zgjedhor do të sillte kosto të larta, si financiare ashtu edhe institucionale, duke nënvizuar se vendi nuk mund të mbetet pa fund në një cikël zgjedhjesh.

“Mendoj se shkuarja në zgjedhje për herë të katërt brenda rreth një viti e gjysmë rrezikon ta kthejë procesin zgjedhor në një lloj “sporti politik”, me kosto të lartë financiare dhe institucionale. Flitet për rreth 10 milionë euro shpenzime për një proces të ri zgjedhor, ndërkohë që vendi vazhdon të funksionojë me institucione në detyrë dhe qytetarët mbeten në pritje të zgjidhjeve për problemet reale.

Në këtë situatë, deputetët vazhdojnë të marrin pagat e tyre, Qeveria në detyrë vazhdon të ushtrojë kompetencat që i lejon ligji, ndërsa opozita, në një farë mënyre, duket se është futur në një gjendje pritjeje, pa arritur të imponojë një alternativë ose një zgjidhje që do ta nxirrte vendin nga ngërçi”, shprehet më tutje.

Më tej, Jakupi thekson se partitë politike duhet ta pranojnë verdiktin e qytetarëve dhe të dëshmojnë përgjegjësi përmes kompromisit.

Sipas tij, një koalicion i ndërtuar mbi marrëveshje të qarta programore do të sillte stabilitet institucional, ndërsa qytetarët presin zgjidhje konkrete dhe jo kalkulime të pafundme politike.

“Mendoj se partitë politike duhet ta pranojnë realitetin që ka prodhuar verdikti i qytetarëve. Asnjë subjekt nuk i ka numrat për të qeverisur i vetëm, prandaj kompromisi nuk duhet parë si dobësi, por si përgjegjësi politike.

Nëse njëra nga partitë e mëdha shqiptare, si LDK-ja apo PDK-ja, do të vendoste të hynte në një koalicion qeverisës ose të mundësonte krijimin e institucioneve, nuk besoj se kjo do ta dobësonte domosdoshmërisht atë parti. Përkundrazi, nëse një bashkëpunim i tillë do të ndërtohej mbi një marrëveshje të qartë programore, me ndarje të përgjegjësive dhe objektiva konkrete, ai mund të demonstronte pjekuri politike, të kontribuonte në stabilitetin institucional dhe, në afat më të gjatë, edhe ta forconte besueshmërinë e asaj force politike.

Në demokracitë parlamentare, koalicionet nuk janë përjashtim, por shpesh janë mënyra për të respektuar vullnetin e elektoratit kur asnjë parti nuk ka shumicën e nevojshme. Prandaj, besoj se qytetarët sot presin më shumë përgjegjësi dhe zgjidhje sesa kalkulime të pafundme politike” – përfundoi ai.

Nimani: Kosovës i nevojiten institucione funksionale dhe një kulturë kompromisi politik që vendos interesin e shtetit mbi interesat partiake

Për të njëjtën çështje foli për “Bota sot” edhe analisti Artan Nimani, i cili thekson se mungesa e veprimeve konkrete për krijimin e shumicës parlamentare po e thellon pasigurinë politike. Sipas tij, edhe pse LDK-ja ka shprehur gatishmëri për dialog, deri tani nga Albin Kurti nuk ka pasur reagim konkret për formimin e institucioneve.

“Ka kaluar gati një muaj nga zgjedhjet dhe ende nuk kemi parë asnjë lëvizje konkrete nga subjekti fitues për ndërtimin e një shumice parlamentare. Kjo është shqetësuese dhe rrezikon ta fusë vendin në një ngërç politik, me pasoja për funksionimin normal të institucioneve dhe proceset e rëndësishme shtetërore.

Nga ana tjetër, Lutfi Haziri ka shprehur publikisht gatishmërinë e Lidhjes Demokratike të Kosovës për të diskutuar rreth një zgjidhjeje politike. Megjithatë, deri më tani nuk kemi parë ndonjë reagim konkret nga Albin Kurti. Madje, në disa paraqitje publike ai ka shmangur edhe pyetjet e gazetarëve lidhur me mundësinë e krijimit të institucioneve të reja”, u shpreh ai.

Në fund, Nimani shprehet se do të preferonte një kompromis mes LVV-së dhe njërës prej partive të mëdha opozitare për të garantuar stabilitet institucional. Megjithatë, ai vlerëson se në rrethanat aktuale zgjedhjet e reja duken më të mundshme sesa arritja e një marrëveshjeje politike.

“Unë do të doja që Lëvizja Vetëvendosje të tregonte fleksibilitet politik dhe të arrinte një kompromis me njërën nga dy partitë më të mëdha opozitare, qoftë me Partinë Demokratike të Kosovës ose me Lidhjen Demokratike të Kosovës. Një marrëveshje e tillë do të krijonte stabilitet institucional dhe do të mundësonte jo vetëm formimin e qeverisë, por edhe sigurimin e mbështetjes së nevojshme për vendimmarrjet që kërkojnë konsensus më të gjerë, veçanërisht për zgjedhjen e presidentit, ku kërkohen dy të tretat e votave në Kuvend — pikërisht një nga arsyet pse vendi shkoi në zgjedhje të jashtëzakonshme.

Megjithatë, bazuar në zhvillimet e deritanishme, kjo nuk po duket se është në horizont. Për këtë arsye, sot shoh më shumë gjasa për zgjedhje të reja sesa për një zgjidhje politike. Shpresoj që kjo të ndryshojë në ditët në vijim, sepse Kosovës i nevojiten institucione funksionale dhe një kulturë kompromisi politik që vendos interesin e shtetit mbi interesat partiake”, – përmbylli ai për “Bota sot”.

The post Pas certifikimit priten hapat vendimtarë, analistët shpjegojnë çfarë mund të ndodhë nëse partitë dështojnë të merren vesh appeared first on Albeu.com.

Komisioni Qendror i Zgjedhjeve ka edhe pak ditë kohë para se të bëjë certifikimin e rezultateve përfundimtare të zgjedhjeve të 7 qershorit.

Ndërkohë, kreu i partisë fituese, Albin Kurti, nuk i ka nisur ende diskutimet me partitë politike për një koalicion qeverisës apo për çështjen e presidentit, pasi, sipas tij, fillimisht duhet të pritet certifikimi.

Në të njëjtën kohë, ndërkombëtarët po kërkojnë ruajtjen e stabilitetit institucional.

Për këto thirrje të faktorëve ndërkombëtarë, në një deklaratë për “Bota sot” është shprehur analisti politik Faton Mehmeti.

Sipas tij, apelimet e ndërkombëtarëve për stabilitet kanë rëndësi, por në raste të caktuara ndikimi i tyre ka qenë i kufizuar, për shkak se partitë politike nuk kanë gatishmëri për marrëveshje.

“Po, gjithmonë ndërkombëtarët kanë kërkuar stabilitet. Madje, përmes institucioneve kanë bërë thirrje në këtë drejtim, por nuk besoj se këto thirrje kanë pasur ndonjë ndikim të madh në këtë rast. Ajo që i atribuohet Kurtit, si të thuash, lidhet me parapazarët mes partive politike, në funksion të thirrjeve ndërkombëtare për stabilitet”, u shpreh ai.

Më tej, Mehmeti vlerëson se ecuria e negociatave do të përcaktohet nga LDK-ja, të cilën e sheh si të ndarë mes një bashkëpunimi me Vetëvendosjen dhe opsionit për zgjedhje të reja.

Ai shton po ashtu se pikërisht LDK-ja mund të jetë subjekti që do ta bëjë të mundur një marrëveshje me LVV.

“Gjithçka do të varet nga mënyra se si do të zhvillohen negociatat me partitë opozitare, në këtë rast me LDK-në. Besoj se LDK-ja ka një rol kyç në suksesin ose dështimin e këtij procesi. Duke parë gjendjen aktuale brenda LDK-së, mund të thuhet se krahu zyrtar i partisë, i udhëhequr nga Lumir Abdixhiku, është më i prirur për një koalicion me Vetëvendosjen, si për të ruajtur stabilitetin e brendshëm të partisë, ashtu edhe për të shmangur perceptimin se LDK-ja po e pengon formimin e institucioneve, duke qenë se është parti që ka pësuar humbje në zgjedhje.

Ndërkohë, një pjesë tjetër, e afërt me Përparim Ramën, nuk duket e interesuar për të hyrë në një koalicion, por më tepër për të shkuar në zgjedhje dhe për të ndërtuar një bllok opozitar”, shpjegoi analisti.

Në fund, ai vlerëson se mundësitë për një marrëveshje lidhur me presidentin mbeten të vogla, pavarësisht thirrjeve të ndërkombëtarëve për stabilitet.

Sipas tij, nuk mund të përjashtohet as skenari i zgjedhjeve të jashtëzakonshme sërish.

“Prandaj, mbetet të shihet se si do të ecin negociatat. Megjithatë, unë nuk shoh shumë mundësi që të arrihet një marrëveshje apo konsensus për çështjen e presidentit. Nuk dua të paragjykoj, por duke parë rrethanat aktuale, besoj se gjasat për një marrëveshje janë më të vogla.

Ndërkombëtarët e kanë rolin e tyre në kërkimin e stabilitetit, por është shumë e vështirë kur dihen mekanizmat dhe raportet që ekzistojnë mes partive në pushtet dhe partive opozitare. Këto qëndrime nuk ndryshojnë lehtë dhe shpesh palët janë të prira t’ia atribuojnë përgjegjësinë partisë në pushtet”, përfundoi Mehmeti për “Bota sot”.

The post Analisti Faton Mehmeti tregon skenarin që mund të zbusë bllokadën politike pas zgjedhjeve appeared first on Albeu.com.

Certifikimi i rezultateve përfundimtare të zgjedhjeve parlamentare të 7 qershorit pritet të bëhet më 6 korrik, duke i hapur rrugën nisjes së procesit për krijimin e institucioneve të reja në Kosovë.

Kryeministri në detyrë, njëkohësisht kryetar i Lëvizjes Vetëvendosje, Albin Kurti, ka njoftuar se subjekti që drejton nuk do të zhvillojë bisedime me partitë politike për koalicion qeverisës apo tema të tjera politike pa u përmbyllur më parë certifikimi i rezultateve.

“Së pari duhet ta presim certifikimin e rezultateve të zgjedhjeve dhe trajtimin e ankesave, e pastaj, pa humbur kohë, do t’i kemi komunikimet dhe diskutimet e nevojshme”, ka deklaruar Kurti.

Në të njëjtën kohë, partitë opozitare kanë shpalosur qëndrimet e tyre për mundësinë e një dakordimi politik, sidomos sa i përket zgjedhjes së presidentit të vendit.

Nënkryetari i Lidhjes Demokratike të Kosovës, Lutfi Haziri, ka thënë për Radion Evropa e Lirë se 18 votat e deputetëve të LDK-së mund të unifikohen vetëm në rast se posti i presidentit i jepet kësaj partie.

Sipas Hazirit, emri që do të kandidohej duhet të jetë nga LDK-ja.

“Në rast se ky emër është Lumiri (Abdixhiku) ose emri im, atëherë mund të unifikohemi. Lumirit i bie të jetë i pari sipas detyrës zyrtare, sepse është kryetar. Pas Lumirit, konsensus më të madh brenda LDK-së kam unë”, ka thënë Haziri.

Ai ka nënvizuar po ashtu se për momentin ekziston vetëm një adresë zyrtare për negociata me LDK-në.

“Vetëm me Lumir Abdixhikun. Ai është kryetar. Deri atëherë është vetëm një adresë dhe nuk ka adresë të dytë”, është shprehur Haziri.

Nga ana tjetër, Aleanca për Ardhmërinë e Kosovës ka paraqitur gjashtë kushte, të cilat sipas saj duhet të pranohen nga Lëvizja Vetëvendosje nëse synon mbështetjen e kësaj partie për ngritjen e institucioneve të reja.

Kreu i AAK-së, Ardian Gjini, ka bërë të ditur se partia që ai përfaqëson nuk ka synim të hyjë në qeveri, por është e gatshme të ndihmojë në zhbllokimin e situatës politike vetëm nëse arrihet një marrëveshje e shkruar për prioritetet kryesore të vendit.

“Nuk do ta bëjmë vetëm pse një person po kërkon të bëhet kryeministër apo president. Do ta bëjmë vetëm nëse ka një zotim të pastër, të shkruar, për këto që i thashë”, ka deklaruar Gjini.

Sipas AAK-së, këto kushte përfshijnë pranimin e projektit të gazit amerikan si projekt strategjik, nisjen e procedurave për ndërtimin e një termocentrali me qymyr, rritjen e pragut të TVSH-së për bizneset, heqjen e tatimit mbi pronën për tokën bujqësore të punuar, financimin e projekteve infrastrukturore të pezulluara, si dhe krijimin e një fondi emergjent prej 800 milionë deri në 1 miliard euro për investime në Prishtinë.

Gjini ka sqaruar se AAK-ja nuk e ka vendosur si kusht kandidimin e Ramush Haradinajt për president, edhe pse, sipas tij, ai do të ishte kandidati më i mirë për këtë detyrë.

“Nëse ka nevojë për kuorum, do ta bëjmë kuorumin. Nuk kërkojmë asgjë. Nëse Ramush Haradinaj do të kandidonte për president, kjo nuk do ta ndryshonte formulën tonë. Do të ishte nder, por nuk duam ta bllokojmë vendin”, ka deklaruar ai.

Teksa afrohet certifikimi i rezultateve, mbetet ende e paqartë nëse vendi do të shkojë drejt një koalicioni qeverisës apo nëse Lëvizja Vetëvendosje do të përpiqet ta formojë qeverinë me mbështetjen e deputetëve individualë.

Për këtë çështje, analisti politik Nexhmedin Spahiu ka vlerësuar për “Bota sot” se nuk është i nevojshëm një koalicion formal qeverisës.

“Nuk ka arsye për koalicion. Albin Kurti i ka numrat e nevojshëm për ta formuar qeverinë. Do të ishte budallallëk që partitë e tjera të ofronin koalicion qeverisës. Ministrat e tyre mund të shkarkoheshin nga Kurti sapo të zgjidhej presidenti, ose më pas do të përfundonin duke iu bashkuar Vetëvendosjes”, ka deklaruar Spahiu për “Bota sot”.

Kujtojmë se në zgjedhjet e 7 qershorit, vendin e parë e ka zënë Lëvizja Vetëvendosje në koalicion parazgjedhor me Guxo dhe Alternativa, me 47.13% dhe 53 ulëse. Partia Demokratike e Kosovës ka marrë 19.44% dhe 22 ulëse, Lidhja Demokratike e Kosovës 16.69% dhe 18 ulëse, ndërsa Aleanca me 6.74% ka fituar shtatë ulëse.

The post Spahiu për zhvillimet pas 6 korrikut: Opozita do të bënte budallallëk po të hynte në koalicion qeverisës appeared first on Albeu.com.

Në deklarimet e saj, ajo u ndal fillimisht te PDK-ja, për të cilën tha se vazhdon të përfaqësojë një segment të politikës që, sipas saj, mban përgjegjësi për shkallën e lartë të krimit dhe korrupsionit në vend, transmeton “Bota sot”. Sipas Gërvallës, Partia Guxo nuk ka asnjë pikë të përbashkët me këtë subjekt politik.

“Partia Demokratike e Kosovës ende përfaqëson atë pjesë të politikës e cila është përgjegjëse për një dozë të jashtëzakonshme të krimit dhe korrupsionit që ka sunduar vendin tonë. Prandaj, sidomos me PDK-në, Partia Guxo nuk ka as edhe një gjë të përbashkët”, tha ajo.

Kur u pyet nëse ekziston mundësia e një bashkëqeverisjeje me PDK-në, Gërvalla e përjashtoi prerazi një skenar të tillë.

Ajo ngriti gjithashtu pikëpyetje edhe për mënyrën si udhëhiqet kjo parti, duke vlerësuar se aty funksionojnë disa qendra vendimmarrjeje, gjë që, sipas saj, e bën të vështirë bashkëpunimin.

“Me PDK-në? Për të luftuar krimin dhe korrupsionin, jo.

Cili është lidershipi i PDK-së? A mund t’ia vini gishtin njërit? Sa kryetarë ka PDK-ja?

Formalisht ka një kryetar, por praktikisht ka disa kryetarë.

Nuk mund të luftohet krimi dhe korrupsioni, nuk mund të çohet vendi përpara me PDK-në në gjendjen në të cilën është sot. Nuk po flas për një kohë të ardhshme, kur mund të ketë ndodhur një reformim i brendshëm, por për momentin absolutisht jo”, deklaroi mes tjerash Gërvalla.

The post “Absolutisht jo”, Gërvalla hedh poshtë koalicionin me PDK-në: Në gjendjen aktuale, vendi nuk ecën përpara me këtë parti appeared first on Albeu.com.

Meqë asnjë subjekt politik nuk e ka të garantuar shumicën e nevojshme për zgjedhjen e presidentit pa mbështetje shtesë, partitë që kanë një numër të konsiderueshëm mandatesh marrin rëndësi të veçantë në negociatat politike.

Në këtë prizëm, deklarimi i Hazirit shihet si një sinjal se LDK po e lë të hapur mundësinë për të ndikuar në marrëveshjet institucionale, përfshirë edhe një bashkëpunim eventual me Lëvizjen Vetëvendosje (LVV). Ndonëse kjo nuk nënkupton automatikisht një marrëveshje të afërt, lë të kuptohet se LDK nuk po e përjashton veten nga roli i një partneri të mundshëm nëse rrethanat politike e imponojnë një gjë të tillë dhe nëse arrihet kompromis për postet kryesore shtetërore, përfshirë edhe presidentin.

Në këto rrethana, një ujdi e mundshme me partinë në pushtet mbetet si opsion, por e varur nga llogaritjet politike dhe nga përvojat e kaluara të bashkëqeverisjes.

Kelmendi: Është e natyrshme që LDK-ja të jetë e gatshme për bashkëqeverisje dhe mirëkuptim

Lidhur me këtë çështje, në një prononcim për “Bota sot”, publicisti dhe zyrtari i LDK-së, Jeton Kelmendi, tha se qëndrimet e Lutfi Hazirit përputhen me vijën politike të partisë dhe dëshmojnë gatishmërinë e saj për bashkëpunim në funksion të stabilitetit institucional.

“Deklaratat e Hazirit janë konform deklaratave të një zyrtari të lartë të LDK-së dhe është e natyrshme që LDK-ja të jetë e gatshme për bashkëqeverisje dhe mirëkuptim”, tha Kelmendi.

Ai vuri në dukje se Lëvizja Vetëvendosje nuk i disponon votat e mjaftueshme për zgjedhjen e Presidentit dhe se, për këtë arsye, i duhet mbështetja e një partneri politik.

“Vetëvendosja nuk i ka 80 vota për ta zgjedhur Presidentin dhe është e detyruar të ketë një aleat. Nëse e dëshiron LDK-në si partnere, pa dilemë duhet të hyjë në bisedime dhe posti i Presidentit duhet t’i takojë LDK-së. Përndryshe, duhet të gjejë një aleat tjetër”, deklaroi ai.

Sipas Kelmendit, fjala e Hazirit, e dhënë si nënkryetar i partisë, lë hapësirë që deputetët e LDK-së të përfshihen në një bashkëpunim politik me qëllim sigurimin e funksionimit të institucioneve.

“Deputetët e LDK-së mund të jenë pjesë e një bashkëpunimi për stabilitet, për t’ia dhënë Kosovës institucionet demokratike dhe për të ofruar zgjidhje për problemet e shumta që janë akumuluar”, tha ai.

Kelmendi shtoi se LDK-ja, në vazhdimësi, e ka vendosur interesin shtetëror mbi atë partiak.

“LDK-ja ka qenë që nga fillimi në shërbim të vendit, madje ka humbur shumë herë politikisht për t’i shërbyer Kosovës. Fatin e Kosovës nuk duhet ta lëmë peng të krizave politike, por duhet një marrëveshje gjithëpërfshirëse që siguron numrat për Presidentin, një qeveri stabile dhe funksionimin e të gjitha institucioneve”, u shpreh ai për “Bota sot”.

Ai theksoi gjithashtu se një marrëveshje e tillë është e nevojshme edhe për të çuar përpara proceset integruese dhe për të mos humbur shanset që partnerët ndërkombëtarë i kanë premtuar Kosovës.

Halili vlerëson se deklarata e nënkryetarit të LDK-së nuk është konfirmim për koalicion me LVV-në, por një mesazh për gatishmëri në negociata

Nga ana tjetër, profesori Nijazi Halili, në një bashkëbisedim me “Bota sot”, tha se deklarimi i nënkryetarit të LDK-së, Lutfi Haziri, duhet kuptuar si një sinjal politik për të forcuar pozitën negociuese të partisë në fazën e ngritjes së institucioneve.

“Deklarata e Lutfi Hazirit duhet lexuar si një sinjal politik se LDK-ja synon të ruajë dhe të rrisë peshën e saj negociuese në fazën e formimit të institucioneve. Duke theksuar se votat e LDK-së mund të jenë vendimtare për zgjedhjen e presidentit, ai po rikujton se kjo parti mund të ketë rol kyç në zhbllokimin e proceseve institucionale dhe se asnjë formulë politike nuk duhet ta anashkalojë atë”, tha Halili.

Sipas tij, ky mesazh duhet parë edhe si tregues se LDK është e gatshme të diskutojë tema me interes shtetëror, pa nënkuptuar medoemos hyrjen në një koalicion qeverisës.

“Ky është gjithashtu një mesazh për spektrin politik se LDK-ja është e gatshme të diskutojë tema me interes shtetëror, pa nënkuptuar domosdoshmërisht hyrjen në një koalicion qeverisës. Në politikën kosovare, marrëveshjet për presidentin shpesh kanë shërbyer si pikënisje për bashkëpunime më të gjera politike, por jo gjithmonë kanë rezultuar në koalicione qeveritare”, u shpreh ai.

Duke komentuar mundësinë e një ujdie mes Lëvizjes Vetëvendosje dhe LDK-së pas certifikimit të rezultateve zgjedhore, Halili tha se bëhet fjalë për një skenar të hapur, por jo të lehtë për t’u realizuar.

“Matematikat parlamentare dhe nevoja për stabilitet institucional mund t’i shtyjnë palët drejt dialogut. Megjithatë, dallimet politike, përvojat e mëhershme të bashkëqeverisjes dhe kalkulimet strategjike të të dyja partive e bëjnë një marrëveshje të tillë më komplekse sesa një bashkëpunim teknik për çështje të caktuara, si zgjedhja e presidentit”, deklaroi ai për “Bota sot”.

Në fund, Halili nënvizoi se deklarata e Hazirit nuk duhet trajtuar si paralajmërim për një koalicion të shpejtë, por më tepër si një përpjekje për ta vendosur LDK-në në pozitën e një faktori të rëndësishëm në zhvillimet e ardhshme politike.

“Prandaj, deklarata e Hazirit më shumë duket si një sinjal i gatishmërisë për negociata dhe si përpjekje për ta pozicionuar LDK-në si faktor vendimtar në proceset e ardhshme politike, sesa si konfirmim i një koalicioni të afërt me LVV-në”, përfundoi Nijazi Halili për “Bota sot”.

The post A po hapet rruga për një marrëveshje LVV-LDK pas certifikimit të rezultateve zgjedhore? appeared first on Albeu.com.

Berisha: Koalicioni i krijuar i PD dhe Aleanca për Shqipërinë Madhështore, është premtimi më i madh për shqiptarët pas përmbysjes së diktaturës komuniste.

Është premtimi më real, më madhështor që është bërë ndonjëherë në Shqipëri.

Unë e kuptoj se njerëz të lodhur, njerëz të rraskapitur nga skamja, të dëshpëruar nga brutaliteti i narkodiktaturës, mendoj se Shqipëria madhështore është Shqipëria e largët.

Unë jam sot para jush për të garantuar se Shqipëria madhështore do të jetë më afër se kurrë dhe do të jetë një realitet i mrekullueshëm për shqiptarët në Shqipëri dhe kudo në botë.

Shqipëria madhështore ka si kusht të gjitha kushteve, që asnjë shqiptar i vetëm, të mos njohë më varfërinë ekstreme.

The post Zgjedhjet e 11 majit/ Aleanca për Shqipërinë Madhështore, Berisha: Koalicioni i krijuar është një premtim i madh, asnjë shqiptar s’do ta njohë varfërinë ekstreme appeared first on Albeu.com.

Lajmi është bërë i ditur pas një takimi mes drejtuesve të dy forcave politike, të cilët theksuan rëndësinë e bashkëpunimit për të forcuar opozitën dhe për t’u ofruar qytetarëve një alternativë të fortë.

Kreu i Partisë Demokratike, deklaroi më herët se aleancat me aleatët opozitarë synojnë të maksimizojnë votën opozitare dhe të sjellë ndryshimin e shumëpritur në vend.

26 partitë opozitare do vijojnë fushatën në ditët në vijim, duke prezantuar platformat e tyre dhe strategjinë për zgjedhjet e ardhshme.

JA 25 PARTITE QE KANE FIRMOSUR BASHKEPUNIMIN ME PD NE KOALICION

The post Krijohet koalicioni me 26 Parti/ PD dhe PDIU arrijnë marrëveshje për zgjedhjet e 11 Majit appeared first on Albeu.com.

Gjithashtu, Basha tha se beteja e tyre mbetet që logoja të mos njolloset për interesa personale të dikujt duke theksuar se; “sot ka akuza nga sistemi i drejtësisë dhe aleati ynë strategjik”.

“Beteja jonë është që logoja të mos njolloset me interesa personale të dikujt që sot ka akuza nga sistemi i drejtësisë dhe aleati ynë strategjik.

34 vjet pas rënies së komunizmit nëse trajton politikën si kombëtaren do të dalësh me këpucë të kuqe, politika nuk është tifozeri, ndryshe mos u qaj kot. Politika është mision për t’i shërbyer interesit publik dhe ne sjellim një ndryshim total nga ai që ofron tregu i politikës së vjetër.

Kur vjen puna te kodi zgjedhor, aleanca është shumë më e gjerë, qëndrojmë për ato që u interesojnë qytetarëve, jemi për listat e hapura.

Kemi nisur negociatat, aktualisht ka formën e një koalicioni për kodin zgjedhor, por do të strukturohet, shumë shpejt do të shtrihet në një koalicion substantiv, ku do të merren parasysh interesat e vendit, por pa humbur identitetin si e djathta e re dhe e munguar në vend”, u shpreh Basha.

The post Lulzim Basha zbulon si do të garojë në zgjedhje: Kemi nisur negociatat për koalicionin, do të merren parasysh interesat e vendit appeared first on Albeu.com.

Në një deklaratë për media pas takimit në Shkup, këto dy parti njoftuan se takimi mes liderëve partiakë ka zgjatur rreth tre orë dhe se ata janë pajtuar për parimet e përgjithshme të bashkëpunimit.

“Integrimi evropian, zhvillimi ekonomik, sundimi i ligjit dhe lufta kundër krimit dhe korrupsionit do të jenë shtyllat bazë të punës së qeverisë së re”, thuhet në deklaratën e përbashkët pas takimit të mbajtur mes delegacionit të VMRO DPMNE-së, të kryesuar nga Hristijan Mickoski, dhe drejtuesve të koalicionit VLEN, Arben Taravari, Izet Mexhiti, Bilall Kasami dhe Afrim Gashi.

Drejtuesit e dy kampeve politike kanë bërë të ditur se, nga java e ardhshme, bisedimet do të vazhdojnë mes grupeve të punës “për të gjitha çështjet deri në finalizimin e bisedimeve për bashkëqeverisje”.

VMRO DPMNE-ja i fitoi bindshëm zgjedhjet parlamentare më 8 maj dhe në përbërjen e re parlamentare do t’i ketë 58 deputetë nga 120 sa ka Parlamenti i Maqedonisë së Veriut. Koalicioni opozitar shqiptar VLEN ia doli t’i fitojë 13 ulëse në Parlament dhe drejtuesit e tij kanë thënë se “janë përfaqësuesit legjitimë të shqiptarëve në qeverinë e ardhshme”.

Mickoski pritet që, pas inaugurimit të presidentes së re të shtetit Gordana Silanovska Davkova, ta marrë mandatin për formimin e kabinetit të ri qeveritar.

Ndërkohë, Fronti Evropian, i cili drejtohet nga Bashkimi Demokratik për Integrim (BDI) deri tani në pushtet, pretendon se përfaqësuese legjitime e shqiptareve, duke qenë se i ka fituar 19 ulëse në Parlament në zgjedhjet e 8 majit. Pjesë e këtij koalicioni ishin edhe partitë turke, rome dhe boshnjake.

Kryetari i BDI-së, Ali Ahmeti, tha të shtunën në një mbledhje të Frontit Evropian në Shkup se partitë shqiptare duhet të respektojnë një dokument, që sipas tij, është nënshkruar nga të gjitha partitë se “kusht për pjesëmarrjen në qeverinë e re do të jetë miratimi i ndryshimeve kushtetuese me qëllim vazhdimin e procesin të anëtarësimit të vendit në BE”.

“Ne, partitë politike të nënshkruara më poshtë, duke pasur parasysh situatën në të cilën ndodhet vendi, ndiejmë detyrimin se jemi të vendosur që tani dhe në të ardhmen të bashkëpunojmë dhe bashkëqeverisim vetëm me ato parti politike që pranojnë të mbështesin ndryshimet kushtetuese për integrimin e vendit në BE”, tha Ahmeti duke prezantuar dokumentin e partive shqiptare.

The post VMRO dhe VLEN pajtohen për “shtyllat kryesore” të qeverisë së re appeared first on Albeu.com.

Marrëveshja është nënshkruar në zyrën e Këshillit Kombëtar Shqiptar, kryetari i së cilit edhe ishte iniciator i kësaj marrëveshje.

Qëllimi i marrëveshjes së nënshkruar nga Nagip Arifi, Shaip Kamberi dhe Shqiprim Musliu, bashkë me Kryetarin e KKSH-së, Nevzad Lutfiu, është që pas zgjedhjeve të 2 qershorit këto Parti do të qeverisin së bashku, duke respektuar fituesin të cilit do t’i takojë kryetari i komunës.

E vetmja Parti, e cila nuk u bashkua me partitë shqiptare është Alternativa për Ndryshim e ish-kryetarit Shqiprim Arifi e cila në Bujanoc, udhëhiqet nga Arbër Pajaziti.

Liderët nënshkrues në një konferencë për media, konfirmuan se ky koalicion ka përkrahjen e parezervë të Qeverisë së Kosovës dhe asaj të Shqipërisë.

Siç shkruan RTV Presheva, me arritjen e kësaj marrëveshje tani më është e sigurt që Bujanoci edhe në katër vitet e ardhshme do të udhëhiqet nga partitë shqiptare.

The post Shqiptarët në Bujanoc bëjnë koalicion për zgjedhjet e 2 qershorit, nga 3 parti, të parës i takon Kryetari appeared first on Albeu.com.