Shkak dyshohet xhelozia, pasi sipas mediave italiane çifti ishin duke u ndarë dhe madje Klodiana kishte një raport tjetër me një shtetas italian, i cili nuk ishte pranuar nga Alfredi.

Por babai i Klodianës, në një rrëfim në emisionin “Me zemër të hapur” të gazetares Evis Ahmeti në News24 ka hedhur poshtë këtë version. Ai tha se Klodiana nuk kishte asnjë lidhje tjetër dhe se nuk kishte dijeni për konflikte mes të bijës dhe dhëndrit. Madje sipas tij, Alfredi punonte me djalin tjetër, të cilit i thoshte vëlla.

Ai bëri deklaratën e fortë se do ia bënte hallall dhëndrit vrasjes e së bijës nëse ajo do e kishte tradhtuar.
Gjithsesi ai ngriti dyshime të forta për vëllain e Alfredit, si një nga shkaktarët e krimit, pasi sipas tij kishte folur keq për Klodianën, kur imazhi i saj në komunitetin ku jetonte ishte shumë i dashur.

“Unë kam qëndruar 25 ditë në Itali dhe nuk kam kuptuar asgjë. Nuk e dija që kishin probleme. As armën nuk e dija që e kishte.
Do ia bëja hallall vrasjen Alfredit nëse do ishte e vërtetë tradhtia. Por një pjesë të madhe të fajit e ka kunati i saj. Ai ka folur keq për të, pak kohë para vrasjes ishte takuar me Alfredin. Ne do ta zbardhim të vërtetën”, tha babai i 37-vjeçares./bw

The post Vajzën ia vrau dhëndri, babai i 37-vjeçares bën deklaratën e fortë: Do ia bëja hallall Alfredit nëse Klodiana do e kishte tradhtuar appeared first on Albeu.com.

Klodiana u vra me armë nga ish-bashkëshorti në qytetin ku banonte, Castelfiorentino.

Varrimi do të bëhet ditën e shtunë datë 7 tetor.

Lexo edhe: “Alfredi ishte i dhunshëm”, flasin miqtë e shqiptares që u vra në Itali: Nuk hiqte dorë

Ka qenë dëshira e familjes që vajza e tyre të prehej në Atdhe dhe dy fëmijët e saj do shoqërojnë trupin e nënës drejt Shqipërisë për ta përcjellë në banesën e fundit.

Bashkia e Castelfiorentino ku familja shqiptare jetonte prej kohësh ka vënë në dispozicion një llogari bankare solidariteti në ndihmë të dy fëmijëve ende minorenë për të vazhduar jetesën e tyre në Itali, vendi ku u rritën e shkollohen./Albeu.com

The post U vra nga ish-partneri në Itali, trupi i Klodianës do të prehet në Atdhe appeared first on Albeu.com.

Dyshohet se ai vrau veten duke qëlluar me të njëjtën armë me të cilën dyshohet se ka qëlluar ish-bashkëshorten. Kanë qenë banorët e zonës që kanë njoftuar policinë për një makinë të dyshimtë dhe pas ndërhyrjes, u konstatua se isha makina e Alfred Vefës.

Alfredi, me profesion murator, u dyshua menjëherë për krimin. Ai u bë i pagjurmueshëm për karabinierët, pasi ishte në arrati me makinën e tij ‘Golf’ gri, pa para dhe dokumente. Telefoni i tij ishte fikur që nga ora 19:05 e së enjtes në mbrëmje, pothuajse gjysmë ore para vrasjes.

Klodiana, e cila punonte si kamariere në një piceri disa metra larg vendit të ngjarjes, dyshohet se u qëllua disa herë pas një debati me ish burrin.

The post Dyshohet se vrau ish-bashkëshorten në mes të rrugës në Itali, gjendet i vdekur në makinë Alfred Vefa appeared first on Albeu.com.

Mediat italiane bëjnë të ditur se e reja u qëllua me tre plumba pistolete sapo zbriti nga banesa e saj, njëri prej të cilëve i preku fytin dhe e la të vdekur në vend.

Siç dëshmojnë banorët e zonës, para krimit ajo pati një zënkë me një burrë në banesën e saj, i cili është edhe autori i krimit. Më pas, ai u largua nga vendngjarja me një makinë Golf të bardhë, duke marrë me vete edhe armën e krimit.

Dyshimet e hetuesve se autor i vrasjes është bashkëshorti i saj, përforcohen edhe nga fakti se ai është i paarritshëm në telefon dhe nuk gjendjet në asnjë vend dhe kjo i ka detyruar ata ta shpallin në kërkim.

Miq të Klodianës thanë për mediat se çifti ishte në proces divorci pas një martese 20-vjeçare, pasi ishin dashuruar në Shqipëri. Alfredi ishte xheloz dhe mes tyre ka pasur zënka të shpeshta dhe disa herë të dhunshme.

“Ai nuk arrinte të hiqte dorë, vijonte të ishte shumë xheloz”, tha një mikeshë e shqiptares për mediat.

Çifti kishte 2 fëmijë, një djalë dhe një vajzë përkatësisht 17 dhe 14 vjeç. Ishte vajza ajo që e pa e para trupin e të ëmës të pajetë dhe njoftoi të vëllain në telefon.

Alfred Vefa, prej kohësh nuk jetonte në banesë me bashkëshorten dhe fëmijët. Klodiana punonte si kamariere në një piceri të zonës dhe jetonte në Itali prej 17 vitesh./Albeu.com

The post “Alfredi ishte i dhunshëm”, flasin miqtë e shqiptares që u vra në Itali: Nuk hiqte dorë appeared first on Albeu.com.

Një tjetër feminicid, të paktën sipas rindërtimeve të para nga Karabinierët, ndodhi në Castelfiorentino, një komunë në provincën e Firences.

Gruaja u vra disa dhjetëra metra larg shtëpisë ku jetonte me fëmijët e saj, në via Galvani, pak para orës 20:00 të së enjtes, 28 shtator.

Dyshimet e hetuesve fokusohen tek bashkëshorti i saj, nga i cili gruaja po ndahej dhe nuk jetonin më bashkë.

Burri është i pagjurmueshëm

Sipas informacioneve fillestare ai ka ikur me një Golf të bardhë. Për këtë arsye, Karabinierët filluan kërkimet duke ngritur pika kontrolli në të gjithë Val d’Elsa, në zonën midis Poggibonsi, në provincën e Sienës dhe në zonën e Empolit.

Lexo edhe: EMRI/ E rëndë në Itali, 35-vjeçarja shqiptare vritet me plumb në kokë teksa po kthehej nga puna, la pas dy fëmijë

Policia ka kontrolluar edhe disa shtëpi fermash të braktisura në zonën e krimit, deri tani pa asnjë sukses.

35-vjeçarja, banuese prej shumë vitesh në Itali, punonte si kamariere në një restorant të zonës, e integruar mirë në komunitetin e Castelfiorentino.

Burri dyshohet se është paraqitur në shtëpinë ku jetonte gruaja me djalin 17-vjeçar dhe vajzën 14-vjeçare.

Mes të dyve ka pasur një debat. Në atë moment ajo do të kishte dalë në rrugë, ndoshta për t’u ndjerë më e sigurt.

Pikërisht në trotuar ajo u godit tre herë me armë dhe njëri prej plumbave rezultoi fatal.

Alarmi është ngritur nga disa banorë të cilët kanë dëgjuar të shtënat e armëve.

Shërbimet e emergjencës ndërhynë në vendin e ngjarjes, por pa sukses.

Hetimet janë vetëm në fillim, por ndër hipotezat e para që shqyrtohen nga hetuesit është ajo e një rasti të femicidit.

Klodiana Vefa, nuk ishte ndarë ligjërisht nga bashkëshorti, gjithashtu shqiptar, por kohët e fundit mes çiftit kishte pasur mosmarrëveshje dhe duket se burri nuk jetonte më në të njëjtën shtëpi bashkëshortore.

Sipas rikonstruksioneve që po hetohen nga policia, në të kaluarën do të kishte pasur mosmarrëveshje, ndoshta për shkak të xhelozisë së burrit. Megjithatë, nuk ka asnjë raport nga gruaja.

Arma e vrasjes nuk u gjet, atë e mori vrasësi, i cili iku me makinë.

Kryebashkiaku i Castelfiorentino, Alessio Falorni, i cili ishte ndër të parët që mbërriti në vendin e tragjedisë, më pas shkroi në rrjetet sociale: “Një fatkeqësi ka ndodhur së fundmi në Castelfiorentino, zona Puppino. Një vajzë u vra, me sa duket pas një debati. Është vërtet herët për të zbuluar informacione për atë që ka ndodhur dhe për të diskutuar hipotezat që ende po shqyrtohen nga policia. Është një kohë për heshtje dhe për t’u mbledhur rreth një familjeje të prekur nga një ngjarje e tmerrshme.”/Albeu.com

The post Vrasja e 35-vjeçares shqiptare në Itali, dyshohet se e qëlloi bashkëshorti pas një debati, shpallet në kërkim appeared first on Albeu.com.

Viktima është identifikuar si Klodiana Vefa.

E reja u vra me armë zjarri në mes të rrugës teksa po kthehej nga puna në shtëpi.

Ngjarja e rëndë ka ndodhur mbrëmjen e së enjtes  rreth orës 20:00 në një rrugë periferike të Castelfiorentino-s në via Galvani.

Të shtënat e dëgjuara alarmuan banorët të cilët thirren autoritetet. Menjëherë në vendngjarje ka shkuar një ambulancë por që nuk mundën të shpëtonin të renë e cila dha frymën e fundit në rrugë.

Policia ka nisur hetimet për ngjarjen ndërsa dyshohet se vrasësi po priste gruan në rrugë.

Nuk dihet nëse ka pasur një debat mes gruas dhe vrasësit të saj para ngjarjes por shënjestra e tij ka qenë e saktë duke e goditur për vdkeje me plumb në kokë.

Policia filloi të intervistonte disa persona, mes të cilëve edhe dy fëmijët e viktimës një djalë 17-vjeçar dhe një vajzë 14-vjeçare.

Gjithashtu është shpallur në kërkim bashkëshorti i saj i cili është i pagjurmueshëm dhe nuk jeton më me viktimën.

The post EMRI/ E rëndë në Itali, 35-vjeçarja shqiptare vritet me plumb në kokë teksa po kthehej nga puna, la pas dy fëmijë appeared first on Albeu.com.