Në emisionin “Të Paekspozuarit” në MCN TV, ka patur një debat mes Klodian Tomorrit dhe Klodiana Lalës për këtë çështje.

Klodian Tomorri: Palët pretendojnë se po blihej vila dhe sipas tyre, Kryemadhi ndërroi mendje. Në finale nuk ka ndodhur. E rëndësishme ëhtë fakti i ligjit. Zonja Kryemadhi mori përsipër ta lobonte dhe ta shtynte përpara për zotin Samir Mane.

Klodiana Lala: Politika miraton ligje preferenciale për oligarkët e kemi diskutuar edhe herë tjetër.

Klodian Tomorri: Bëhet fjalë për një ligj që ka të bëjë me përgjegjësinë teknike në miniera, sepse atje është xhungël. SPAK e thotë se nuk është ligj korruptiv dhe nuk ka sjellë përfitime për Samir Manen, nuk ka tjetërsuar aset publik.

Klodiana Lala: Por fjalia që është dërguar në telefonin e deputetit Spahiu është e njëjta që është miratuar në ligj. Pastaj duhet ta finalizojë gjykata. Deri tani jemi marrë u rrëmbye apo jo Ilir Meta.

Klodian Tomorri: Kur ngrihet akuzë për ligj korruptiv, thuhet sa para u vodhën nga ky ligj, sa u shtrembërua konkurenca, sa përfitoi biznesmeni. Përtej kësaj, është edhe fakti që është ligj i propozuar nga PS, nga deputetja e Edi Ramës. Nëse do të hetohsh për ligje me sfonde korruptive në miniera, mund të hetojë si u zgjat koncesioni, por aty nuk hyn njeri se e zgjati Edi Rama dhe merren me këtë histori. Ilir Meta ku hyn në këtë histori? Si i ka bërë premtim biznesmenin? Ku hyn Ilir Meta?

Neritan Sejamini: Nuk e kam analizuar dosjen, por meqë the nuk është shkaktuar dëm, koncepti i korrupsioni nuk lidhet vetëm me dëmin. Nëse ka rradhë dhe unë paguaj një punonjës shtetëror të kaloj rradhën, quhet korrupsion. Këto konceptet që ka apo jo dëm…

Klodian Tomorri: Nëse ti mendon që SPAK dhe reforma në drejtësi duhet të merret me këtë korrupsionin që hyri pa rradhë, apo u miratua ligj që nuk ka dëm publik dhe të lërë këto batërdi….

Neritan Sejamin: Edhe sikur ligji të mos ketë dëme negative, nëse janë shkëmbyer para quhet korrupsion.

Kejdi Mehmetaj: Nuk janë shkëmbyer para.

Neritan Sejamin: Në konceptin shqiptar të ligjit, edhe rënia dakord për të marrë një favor, quhet korrupsion. Ne nuk i dimë rrethanat. Ne nuk kemi dosjen penale.

The post “Po ku hyn Ilir Meta në këtë histori?!”/ Debat mes Tomorrit dhe Lalës për vilën e Samir Manes… appeared first on Albeu.com.

Tek pallati ku rri une kemi nje shesh te vogel ne aty me 5-6 vende parkimi. Nga keto 2 vende i kane zene makina qe nuk levizin kurre prej vitesh se jane per t’u cuar ne varreze. Anes sheshit eshte nje rruge me nje kalim dhe sajohemi si me te keq ne, por pa zene asnjehere rrugen.

I them njehere ketij Lalit une, gjeni nje zgjidhje per kete punen e makinave te prishura qe zene vendet e parkimit se nuk eshte normale kjo. Ju keni ngushtuar cdo hapesire te mundshme parkimi, tani jane dhe keto makinat e prishura qe nuk levizin kurre, ku do shkoje mileti.

Me futi nje genjeshter te shpejte Lali mua aty per aty.

“Pune ditesh me tha po kaloj nje vendim ne qeveri, qe te marre nje toke dhe do t’i marre te gjitha me karroceri do t’i coj atje”.

Ky muhabet ka dy vjet. Makinat vazhdojne aty dhe kudo neper Tirane. Nejse.

Keto kohet e fundit keta po vene gjoba dhe aty. Kthehem dje une gjej fletushken e jeshile tek makina. Parkim ne vend te gabuar.

Pashe rrotull ishin keta te nderhyrjes se shpejte me motorra qe po vinin gjoba ne rrugen kryesore.

-O cuna ju i vute gjobat atje tek pallati- i thashe une.

Jo re vella-tha ai- ne jemi vetem per rruget kryesore, nuk hyjme asnjehere ne lagje. Nuk e dime kush i ka vene.

Se tani nuk merret vesh ketu, ka 5 lloje policish qe vene gjoba. Ca te Taos, ca te Lalit. Dmth keta vene gjoba edhe neper shtepira, ku ti nuk bllokon asnje rruge, as pengon levizje asgje. Hajdeni njehere, se kur kthehem nga puna dhe heq kepucet nuk i ve tek ai vendi i duhur, vini gjobe dhe per kete pune.

Se keta e duan aq shume ligjin saqe nuk te falin ne keto pune. Keta qe nxirrnin njerezit ne prite per t’i vrare.

Tani, kane dhe nje liste keta. Eshte nje liste me targat e njerezve te rendesishem, ku bejne pjese politikane, kengetare, gangstere, biznesmene, gazetare, lepiresa pushteti e keshtu me radhe. Dmth personalitetet e kombit me pak fjale.

Lista eshte institucionale, e kane te gjitha policite dhe ato targa nuk gjobiten asnjehere. Psh po te kesh fatin ti, qe te blesh ndonje makine nga keta, mund ta parkosh edhe para deres se Rames ne kryeministri dhe nuk gjobitesh. Derisa te nderroje shitesi targen dhe te hiqet nga lista.

Keshtu e vene rregullin keta. Zuzaret./Albeu.com

The post “Policët kanë një listë targash VIP që nuk gjobiten asnjëherë” appeared first on Albeu.com.

Po na ngjet me Kryeministrin, ashtu sic i pati ngjare nje fisniku gjerman me Nastradinin e popujve te Veriut, Til Ulenshpigelin. Pasi kishte mashtruar me qindra njerez neper Saksoni, Ulenshpigeli ishte shperngulur ne Hessen, ku nuk ja njihnin ende bemat, duke u shtirur si nje piktor me fame boterore. Fjala i vajti ne vesh edhe Kontit te Hessenit, i cili u be kurioz.

I mahnitur nga lavdet qe Ulenshpigeli i thurte vetes, Konti i ofroi te pikturonte te paret e tij ne muret e Keshtjelles se madhe qe kishte. Ulenshpigeli pranoi, por me dy kushte: 200 monedha ari parapagim dhe per kater muaj ne Keshtjelle nuk do shkelte asnje njeri tjeter, vetem ai me dy ndihmesit.

Per kater muaj, Til Ulenshpigeli hengri dhe piu ne kurrizin e Kontit pa bere asnje pune. Kur erdhi koha, qe Konti te shihte pikturat, Nastradini shpiku nje nga ato marifetet e tij.

“Perpara se te hysh ne Keshtjelle dhe te shohesh pikturat- i tha Kontit- duhet te dish dicka. Ata qe jane te budallenj dhe bastarde nga lindje jo legjitime, nuk mund t’i shohin dot pikturat.”

Konti u kenaq edhe me shume nga kjo, pasi keshtu do te kishte mundesi te zbulonte se kush nga fisniket e Hessenit vinin nga lindje te jashteligjshme apo ishin budallenj. Hyri Konti ne Keshtjelle dhe Ulenshpigeli po i tregonte punen e tij. “Ja madheri. Ky ketu eshte stergjyshi juaj me kalin e tij, ketu eshte gjyshi juaj kalores ne beteje e keshtu me radhe”

Konti nuk shihte asgje se aty nuk kishte asnje pikture. Mirepo kishte frike te thonte qe nuk i shihte pikturat se do ta merrnin ose per budalla ose si bastard, qe nuk e meritonte titullin e fisnikut. Ulenshpigeli mori parate dhe iku, nderkohe qe te gjithe fisniket qe vizitonin Keshtjellen benin gare kush te levdonte me shume pikturat, qe nuk ekzistonin, nga frika se mos i merrnin per budallenj.

Kryeministri yne piktor eshte ne te njejtin hall si piktori Nastradin. Pasi ka ngrene per 9 vjet ne kurrizin e popullit, ai duhet te tregoje pikturat e tij. Ata qe nuk i shohin jane ose kafshe politiko- mediatike ose hiena qe presin vec fatkeqesi per te ushqyer zjarrin e luftes politike.

Fjala vjen, sezoni turistik i ketij viti ishte me i rregullti, me shembullori dhe me i sigurti. Madje jo vetem ne Shqiperi, por ne te gjithe Ballkanin. Kush nuk mendon keshtu, ose me keq akoma kush shqetesohet per pasigurine ne plazhe eshte ose budalla ose kafshe.

Korrupsioni eshte ulur dhe nuk ekziston me. Kush shikon vjedhje ne punet e qeverise eshte ose qorr ose non grata.

Ekonomia eshte sot me e fuqishmja nder te gjitha vendet fqinje. Kush flet per varferi eshte ose tradhetor i blere nga armiqte ose tutkun. E keshtu me radhe.

Pra kushdo qe nuk sheh perparimin e madh te Shqiperise ne cdo fushe e cdo drejtim eshte nje budalla ose i padenje ne rastin me te mire. Ne rastin me te keq nje cakall qe ushqehet me vrasje.

Nese Fan Noli do te ishte sot mes nesh, me shume gjase ate bejten e famshme qe i pat thurur Ahmet Zogut nje shekull me pare do ta kishte bere pak me ndryshe.

Rrofte Edi Rama, rrofte

Shakaxhiu i perparimit

Brez pas brezi u kujtofte

Si sternip i Nastradinit

Dhe keto jane gjera normale. Ndodhin kudo ne bote.

The post Shakaxhiu i përparimit, ku ngjan kryeministri ynë piktor me Nastradinin appeared first on Albeu.com.

Ndërkohë përmes një postimi në Facebook, Tomorri ka ironizuar skafin me të cilin polici Arjan Tase vrau 7-vjeçaren Jonada Avdia.

Postimi i Plotë:

Skafisti i brendshem. Tek ky bordi ka dhe persona me background problematik. Koleget e ministrit dmth.

Edhe ju thoni nga u buron policeve dashuria per skafin./albeu.com/

The post “Çuçi pronar biznesi skafesh”, Tomorri nxjerr dokumentin: Nga u buron policëve dashuria për gomonet (FOTO LAJM) appeared first on Albeu.com.

Krizat energjetike shkaktojnë kosto të rënda financiare për ekonominë dhe buxhetin. Por ka një skenar kur ato kthehen në makth. Ajo është situata kur kërcënohet siguria e furnizimit me energji. Shqipëria tani ndodhet aty.

Sot kuota e ujit në liqenin e Fierzës ka rënë nën 259 metra. Mesatarja shumëvjeçare e këtij treguesi për muajin mars është 278 metra. Pra Fierza është gati 20 metër poshtë mesatares shumëvjeçare të kësaj periudhe dhe tani gjendet vetëm 7 metër nga pika e vdekjes, aty ku nuk mund të prodhojë dot me asnjë kilovat orë energji. Dhe përpara është vera, ku konsumi rritet ndërsa reshje nuk ka.

Në 30 vitet e fundit, Shqipëria ka patur vetëm një situatë kaq të rëndë energjetike. Diku nga viti 2001, Fierza ra në pikën e vdekjes. Qeveria nisi kufizimet masive të energjisë deri në 20 orë në ditë, të cilat zgjatën për disa muaj. Por tani menaxhimi do të jetë edhe më i vështirë. Në vitin 2001 Shqipëria konsumonte mesatarisht 12 milionë kilovat energji në ditë. Sot konsumon dyfishin e kësaj sasie.

Por pse Shqipëria mbërriti në këtë situatë? Gjithçka lidhet me menaxhimin e Kaskadës së Drinit. Në fillim të qershorit rezerva hidrike e Fierzës ishte në kuotën maksimale, plot 296.4 metër mbi nivelin e detit. Por në tremujorin e tretë të vitit Fierza u menaxhua si nëndetëse dhe në shtator niveli ra në 271 metër.

Qeveria dhe KESH vendosën që të prodhonin maksimalisht në verën e kaluar duke e hedhur në erë rezervën hidrike të vendit me shpresën se në vjeshtë çmimet e energjisë në import do të uleshin. Por ndodhi e kundërta. Sikur kjo të mos mjaftonte, bixhozi është përsëritur dhe në tre muajt e parë të këtij viti. Në fund të dhjetorit Fierza ishte 275 metër dhe në më pak se tre muaj është ulur me 17 metër. Dy herë bixhoz, dy herë “all in” dhe tani vendi gjendet në situatë dramatike.

E kapur në panik, tani qeveria ka filluar të marrë vendime emergjence. Shumë shpejt, Këshilli i Ministrave do të miratojë një vendim që e kalon detyrimin për të importuar energji nga OSHEE tek KESH. Po kështu edhe detyrimi për të blerë energjinë e hidrocentraleve private. Me pak fjalë reformat e ndërmarra në 6 vjet tani po zhbëhen duke u kthyer mbrapsht.

Paralelisht KESH po negocion një kontratë me një kompani amerikane dhe italiane për TEC të lëvizshëm. Në Triport shumë shpejt do të mbërrijë një anije, e cila do të prodhojë energji me gjeneratorë, që furnizohen me naftë. Sipas marrëveshjes, anija do të prodhojë 100 mega energji në orë për të furnizuar jugun e vendit. Por kjo mund të jetë shumë pak për ta shpëtuar vendin.

Me rezervën aktuale hidrike, Shqipëria teorikisht ka vetëm një rrugë përpara. KESH duhet të mbyllë totalisht Fierzën dhe të importojë thuajse të gjithë sasinë e nevojshme për konsum. Me shumë gjasa, fondi 200 milionë dollarë do të shpenzohet për tre muaj dhe buxheti do detyrohet të japë të tjera para për të blerë energji.

Por shndërrimi i sektorit të energjisë në një risk madhor fiskal është vetëm gjysma e problemit. Gjysma tjetër lidhet me sigurinë teknike. Nëse Fierza vdes dhe Shqipëria detyrohet të importojë të gjithë sasinë nga jashtë, linjat e mbingarkuara me kapacitet të plotë janë në rrezik konstant avarish. Nëse njëra prej linjave pëson defekt, Shqipëria nuk ka mundësi të prodhojë nga vendi. Me pak fjalë sistemi bie.

Vendimi për të balancuar importin e energjisë me shfrytëzimin e rezervës vendase nuk ka qenë i lehtë. Me çmimet e energjisë në nivele maksimale që nga gjysma e dytë e vitit të kaluar, tundimi për të shfrytëzuar maksimalisht Fierzën ka qenë i madh. Por sido që te jetë një qeveri nuk mund të luajë kurrë bixhoz me sigurine energjetike. Qeveria shqiptare e bëri. Tani fatura që do të paguajë vendi do të jetë shumë e rëndë dhe jo vetëm financiare.

The post Fatura e bixhozit, Shqipëria në horror energjetik appeared first on Albeu.com.

Rindertimi eshte ndoshta programi publik me solidar qe eshte ndermarre ndonjehere ne Shqiperi. Eshte nje program ku qytetaret e nje vendi behen bashke dhe financojne 700 e ca milione euro apo ndoshta 1 miliarde (se shifrat aty prokurohen sipas qejfit dhe kane dale jashte cdo kufiri), per te ndihmuar bashkeqytetaret e tyre qe u goditen nga nje fatkeqesi natyrore. Eshte program i paprecedente. Nuk ka rast te dyte ne bote ku qytetaret te kene treguar solidaritet ne kete shkalle, nese e merr ne raport Prodhimin Kombetar.

Cfare ben qeveria? Solidaritetin e kthen ne represion. Keta jane qeveria e vetme ne bote qe mund ta bejne kete. Kane turrur xhandaret per te nxjerre me dajak familjet nga banesat e tyre ne lagjen 5 maji.

Ato familje, qe keta po i nxjerrin me force sot nga shtepite e tyre, kane kontribuar per rindertimin. Kane paguar nga taksat e tyre qe te ndihmonin familjet e prekura nga termeti te beheshin me shtepi. Por paskan paguar edhe te zezen e tyre.

Pse e ben qeveria kete? Cfare arsye ka qe ta ktheje nje program kaq solidar ne gjeme per qindra familje? Ben biznes. Gjithmone kjo eshte arsyeja.

Aty tek 5 maji jane prokuruar 62 milione dollare kontrata ne kuader te rindertimit nga Bashkia e Tiranes. Jane para te prokuruara me procedura ekstraligjore, me gare te cunguar. Fituesit e ketij lumi te madh parash jane oligarket me te medhenj te Shqiperise, kompani trafikantesh dhe kliente te qeverise.

Ndaj po u vene hurin njerezve keta duke i nxjerre me force nga shtepite . Duan te bejne biznes. Kane leke per te ndare neper llogari. Kjo eshte arsyeja. Gjithmone.

The post Dajaku te “5 Maji” është thjesht biznes appeared first on Albeu.com.

Pas kësaj deklarate, gazetari i ekonomisë, Klodian Tomorri, në Facebook, ka publikuar në rrjetet tenderin e zhvilluar jo më larg se dita e djeshme, që është bërë pa garë dhe sa fondi limit.

“Dëgjova kryeministrin qe po thotë tek “Te paekspozuarit” se në Shqipëri nuk ka prokurime të drejtpërdrejta dhe tenderë pa garë. Se tek Rindërtimi kanë marrë pjesë 400 kompani etj etj.

Ja ku e ke një tender me garë të madhe që është bërë sot.

Objekti: Mirëmbajtja e pajisjeve ABB_PLS/SDH/MPLS-TP/ në periudhën 2021-2024.

Fondi limit: 97 652 000 leke

Ka marr pjese ne gare vetem nje kompani.

Oferta fituese: 97 644 600 leke

Ne 976 mije e 520 dollare jane kursyer 74 dollare. Pra 99.994 per qind e fondit limit. Tek ofertues qe ofron cmim 99.994 per qind te fondit limit. Pse e ofron ky kete lloj oferte?

Sepse e di qe ska tjeter ne gare dhe se do e fitoje. Sepse do qe t’i marre edhe piken e fundit te gjakut taksapaguesve. Keto jane tenderat me gare te qeverise, qe vijne ere me milje larg.

Keta po bejne gare kush shkon me shume afer 100 per qindeshit te fondit limit, kryeministri thote nuk ka prokurime te drejteperdrejta këtu”, shkruan Tomorri./albeu.com

The post Rama tha se nuk ka tenderë të drejtpërdrejtë pa garë, gazetari e nxjerr zbuluar me fakte appeared first on Albeu.com.