Një 39-vjeçar i dënuar me 13 vjet e 5 muaj burgim për prostitucion është ndaluar nga policia e Shkodrës, me qëllim ekstradimin drejt Italisë.

Mësohet se Gjykata e Shkodrës ka ndryshuar masën e sigurisë nga “arrest në shtëpi” në “arrest në burg” për 39-vjeçarin, Klodian Ndogaj.

Fillimisht policia ka ushtruar kontroll në banesën e Klodianit në Shkodër për ta çuar atë në burg, por nuk e kanë gjetur atje. Ai është kapur nga policia në Spitalin Rajonal të Shkodrës.

Gjykata e Shkallës së Parë Shkodër për këtë shtetas ka caktuar masën e sigurisë “Arrest me burg”, deri në përfundim të procedurave për ekstradimin e tij drejt shtetit italian.

Njoftimi i Policisë

Ndalohet me qëllim ekstradimin drejt Italisë, 39-vjeçari i dënuar me 13 vjet e 5 muaj burgim për “shfrytëzim prostitucioni”.

Strukturat e DVP Shkodër, në zbatim të vendimit të Gjykatës së Rrethit Gjyqësor Shkodër e cila kishte ndryshuar masën e sigurisë nga “Arrest në shtëpi” në “Arrest në burg”, për një shtetas të dënuar në Itali, kanë ushtruar kontroll në banesën e tij, me qëllim ekzekutimin e masës së sigurisë. Ky shtetas ishte me masë sigurie “Arrest në shtëpi”, në pritje të përfundimit të procedurave për ekstradimin e tij.

39-vjeçari Klodian Ndogaj (Jakini), banues në fshatin Beltojë, Shkodër, nuk është gjetur në banesë, por është kapur dhe ndaluar nga shërbimet e Policisë, në Spitalin Rajonal të Shkodrës.

Gjykata e Shkallës së Parë Shkodër për këtë shtetas ka caktuar masën e sigurisë “Arrest me burg”, deri në përfundim të procedurave për ekstradimin e tij drejt shtetit italian.

Këtë shtetas Gjykata e Astit, Itali, me vendim e datës 23.10.2019, e ka dënuar me 13 vjet e 5 muaj burgim, për veprën penale “Shfrytëzimi i prostitucionit”, parashikuar nga Kodi Penal i Italisë.

/albeu.com/

The post EMRI/ I dënuar në Itali me 13 vite e 5 muaj burg për prostitucion, 39-vjeçari nga Shkodra arrestohet në spital appeared first on Albeu.com.