Personi 32-vjeçar i identifikuar si Arben Mema, është neutralizuar nga i riu 22-vjeçar i quajtur Klodian Elqeni.

Heroi i ditës së djeshme ka qenë i ftuar së fundmi në studion e “Rudinës” në Tv Klan, ku rrëfyer më gjatë rreth kësaj situate dhe përjetimet e tij.

“Kur shkoi para tendave, ai u ndal, e ndali shpejtësinë e madhe që kishte, iu vërsulën njerëz për ta nxjerrë nga makina, ndër ta ishte edhe policia e shtetit, por agresori tentoi që të largohej përsëri. i dha gaz makinës dhe nuk pranoi që t’u bindej qytetarëve dhe policëve të shtetit. Kur i dha gaz, bëri disa rrotullime shumë të rrezikshme për të gjithë, sepse u mblodhën njerëz aty dhe u tremba, sepse kishte dhe fëmijë që luanin me biçikletë. Në momentin e parë, mendova që ky është një akt terrorist, kur pashë që policia nuk e neutralizoi dot me hapjen e derës dhe me disa goditje që i bëri, të vetmen rrugë që pashë, ishte vetëm nga dritarja. Mora guximin për hir të qytetarëve që ndodheshin aty”, u shpreh Klodiani.

I pyetur nga Rudina se a mendoi që po ndodhte një akt terrorist, ai tha se nuk kishte mendur për veten në ato çaste.

“Është e vërtetë që po rrezikoja jetën time, por ndërkohë po rrezikoheshin dhe shumë jetë të tjera. Unë kam qenë i fundit nga turma, kur u nisa vrap për të shkuar në shënjestër, dëgjova policinë të thoshte mos u afroni se është i armatosur. Unë nuk u ndala, u hodha në dritare edhe shyqyr e godita dhe personi u shtri nga ana tjetër e sediljes”.

Rudina Magjistari: Ke rrëshqitur në makinë në mënyrë spekatakolare, thashë si aktor dhe jo si një ngjarje reale.

Klodian Elqeni: Qëllimi im i vetëm ishte ta godisja fort me këmbë që ai të ngelte pa ndjenja sepse kisha frikën e armës. Pasi e godita, kam bërë edhe disa lëvizje të tjera me shkelmë sepse po mendoja që nëse do nxirrte armën, mos më qëllojë. Kam pasur ndihmën e qytetarëve përreth, policisë, e kanë hapur derën dhe e kanë tërhequr më pas dhe shyqyr shkoi gjithçka për mrekulli.

The post Shpëtoi dhjetra jetë, heroi që neutralizoi shoferin në mes të Tiranës rrëfen detajet (VIDEO) appeared first on Albeu.com.

Media e njohur BBC ka raportuar ngjarjen që ndodhi mesditën e sotme në sheshin ‘Skënderbej’ në Tiranë.

BBC shkruan se në momentin që makina ndaloi përballë kalimtarëve një qytetar u hodh në të përmes dritares.

Në shkrim thuhet se kalimtari mendonte se shoferi po synonte turmën në një sulm të mundshëm terrorist.

SHKRIMI I BBC:

Një burrë është arrestuar në Shqipëri pasi hipi në një shesh për këmbësorë në kryeqytetin e Tiranës.

Makina u ndal vetëm kur një kalimtar u hodh në këmbë i pari përmes dritares. Kalimtari tha se mendoi se shoferi po synonte turmën në një sulm të mundshëm terrorist.

Shumë njerëz kishin qenë në radhë për t’u vaksinuar në çadra në Sheshin Skënderbej në atë kohë. Policia shqiptare thotë se beson se i dyshuari 32-vjeçar po voziste nën ndikimin e drogës. /albeu.com/

The post Terrori dhe veprimi heroik mes Tiranës merr vëmendje botërore, shikoni çfarë shkruan BBC appeared first on Albeu.com.