Duro, me nota irone i ka etiketuar të dy, si “çunat e baballarëve që hanë bukë me emrin e babait”.

Kujtojmë se eksperienca e Klodian Duros, brenda “Big Brother VIP”, zgjati shumë pak, pasi u skualifikua për shkak të një deklarate që shokoi banorët dhe publikun.

Nën efektin e alkoolit, ai u shpreh se duhet të kenë kujdes nga ai, pasi kur ka dhunuar bashkëshorten e vet, i duken asgjë të tjerët.

The post Klodian Duro “shpërthen” keq ndaj Julian Dedës dhe Arbër Hajdarit: Kjo është Shqipëria e k*rvave… appeared first on Albeu.com.

Megjithatë, qëndrimi i ish-futbollistit në “Big Brother”, ishte shumë i shkurtër.

Shkak janë bërë pikërisht deklaratat e tij, ku fliste për dhunën ndaj ish-gruas së tij.

Menjëherë, produksioni vendosi që të përjashtohej nga loja, duke i quajtur këto deklarata të papranueshme për publikun.

“Unë kur kam rrahur gruan, e di si më dukeni ju të tjerët”? Ishte kjo flalia që penalizoi sportistin, duke e nxjerrë menjëherë nga shtëpia.

E në fakt, të gjithë e mbajnë mend kalvarin e Klodian Duros me drejtësinë, që pak vite më parë është dënuar nga Gjykata e Tiranës me 4 muaj burg, për shkak të dhunës së ushtruar ndaj bashkëshortes së tij.

Sipas dokumenteve të gjykatës, Duro është dënuar me 6 muaj, por prej gjykimit të shkurtuar ku zbritet 1/3 e dënimit, duke u konvertuar në 4 muaj burg.

Kjo masë dënimi është shlyer gjatë masës së sigurisë, ku ai ka qenë në Arrest Shtëpie.

Ish-bashkëshortja e Klodian Duros, ka njoftuar policinë në datën 24 mars të vitit 2020, pasi ndihej e kërcënuar.

Ai ka shkuar në banesën e Dorinës (ish-bashkëshortja), ku ka kërkuar të hapë derën me forcë.

E gjendur në këtë situatë ka kërkuar ndihmën e uniformave blu, të cilët kanë bërë të mundur arrestimin në flagrancë të shtetasit Klodian Duro.

Por, çfarë ka ndodhur mes tyre?

Në faktet e zbardhura në vendimin e gjykatës, tregohet se Klodian Duro, nuk e pranonte ndarjen nga ish-bashkëshortja, edhe pse ishte bërë “De Juro” në 27 janar të vitit 2020.

Dorina bashkë me vajzën kishin marrë urdhër mbrojtje nga Gjykata e Tiranës 1 vit më përpara.

Megjithatë, Klodiani nuk hiqte dorë dhe kishte filluar ta përndiqte ish bashkëshorten e tij.

Siç tregon Dorina para oficerit të Policisë Gjyqësore, ai e shqetësonte gjatë gjithë kohës, si në punë, ashtu edhe kur dilte me shoqërinë.

Qëndronte i fshehur dhe duke i dalë përpara dhe për këtë shkak thotë ajo ka nisur proceduren për divorc që është dhënë nga Gjykata në 27 janar të vitit 2020.

Dorina, gjithashtu ka treguar se Klodiani i shkonte në shtëpi thuajse çdo natë, duke e bezdisur e shantazhuar.

Kjo situatë kishte shkaktuar stres dhe ankth edhe te vajza e tyre. Dhunë psikologjike sistematike, ndërsa fizike ka kulmuar pikërisht në ambientet e punës. Në datën 5 mars të vitit 2020, Duro ka shkuar në punën e saj, ku kanë nisur të debatojnë me tone të ashpra.

Në debat e sipër, ai e ka kapur nga fyti duke e kërcënuar me jetë.

Për këtë ngjarje, Dorina shprehet se ekzistojnë edhe pamje filmike që janë vënë në dispozicion të policisë gjyqësore.

“Për sa i përket dhunës fizike ajo (Dorina) shton se në një rast me datë 5.3.2020, kur Klodiani ka shkuar në punën e saj dhe kanë nisur të debatojnë, në debat e sipër ai e ka kapur nga fyti duke e kërcënuar me jetë. Për këtë ngjarje, thotë e dëmtuara, ka edhe pamje filmike nga kamerat e sigurisë së punës të cilat i ka vendosur në dispozicion të policisë gjyqësore”, thuhet në fashikullin e vendimit të Gjykatës së Tiranës.

Megjithatë, në dëshminë e tij, ai dha një tjetër version të ngjarjes që edhe e çoi në burg.

Të martën e 24 marsit, Klodian Duro, i shqetësuar si gjithmonë për vajzën e tij në këtë kohë krize coronavirusi, ka marrë në telefon në shtëpinë e ish-bashkëshortes për të folur me vajzën e tij.

Asnjë përgjigje.

Prej kohësh, ai kujdesej për vajzën, madje shpeshherë duke ҫuar ushqime në shtëpi, në po të njëjtën shtëpi që bashkëshortja pretendon se është dhunuar nga ish-futbollisti Duro.

Dhe menjëherë, nën frikën se dicka mund të ketë ndodhur, pa menduar dy herë për urdhërin e mbrojtes që kishte ishbashkëshortja për shkak të “përndjekjes” nga ish-futbollisti, ai është nisur drejt shtëpisë.

Sipas pretendimit të Duros, ka ndjerë zëra brenda shtëpisë ku ishte edhe vajza e tij.

Duke pasur frikë për vajzën, i ka rënë derës së shtëpisë së ish-bashkëshortes. Ish-futollisti, në momentin që ka vënë re se dera nuk po hapej, ka lajmëruar policinë, e po njëlloj, policinë e ka lajmëruar edhe ish-bashkëshortja Dorina, për prezencën e Duros në derën e shtëpisë së vet.

Në fakt, ligji favorizon Dorinën, meqënëse ka një udhër mbrojtje nga gjykata.

Ajo ka hapur derën, dhe sipas pretendimit të futbollistit për avokatin e tij, ka filluar të bërtasë e ulërasë, edhe janë shtyrë.

Por Duro, mohon kategorikisht që këtë radhë, apo ndonjë radhë, të ketë ngritur dorën ndaj ishbashkëshortes së vet.

Në komunitetin e futbollit, ky lajm, ka shkaktuar jo pak pështjellim në morinë e lajmeve që po përhapen për coronavirusin.

Por duket se deklarata që Klodiani bëri në “Big Brother”, la një shije të hidhur tek publiku, që e gjykoi shumë rëndë për këto deklarata.

Duket se impaktin që fjalia e tij dha, e ka ndjerë edhe vetë sportisti.

Pas përjashtimit, ai ka reaguar me një postim në rrjete sociale duke thënë se ishte e gabuar.

Duro i kërkon falje edhe publikut, si dhe u uron suksese konkurrentëve brenda.

“Unë, Klodian Duro, ju njoftoj që rrugëtimi im në ‘Big Brother’ VIP është ndërprerë sot. Shkak është bërë një deklaratë e gabuar, nisur si ironi, e tepërt tani që e shoh me ftohtësi dhe që i lë vend keqinterpretimit. Më vjen keq që nuk arrita dot të përcillja mesazhet e duhura te të cilat besoj vërtetë dhe do t’i dëshmoja gjatë qëndrimit në shtëpinë e ‘Big Brother’. Një ndjesë shumë e sinqertë i shkon publikut dhe u uroj suksese të gjithë banorëve!”, shkruante ish-futbollisti i Kombëtares sonë./Balkanweb

The post Nga dhuna te përndjekja/ Zbardhet dëshmia e ish-bashkëshortes së Klodian Duros appeared first on Albeu.com.

Moderatori theksoi se dalja e menjëhershme e Duros erdhi pas një deklarate të patolerueshme që ai kishte bërë në orët e para të së dielës, menjëherë pas përfundimit të spektaklit.

“Do doja të bëja një sqarim, një sqarim që lidhet me episodin e ditës së diel. Siç e dini, brenda asaj shtëpie nuk është më Klodian Duro. Ai bëri një koment të patolerueshëm ditën e dielë dhe Big Brother pasi e shqyrtoi me vëmendje, vendosi përjashtimin e tij të menjëhershëm nga gara. E di që mund të keni shumë pyetje në lidhje me këtë, por ju them që disa prej jush, sikurse është rasti i Meritonit, e dinë shumë mirë se çfarë ka thënë Klodi tashmë. Nuk do të doja t’i kthehesha edhe njëherë deklaratës së tij, por do të doja shumë të thosha se Klodi ka bërë edhe një ‘mea culpa’ tashmë dhe është shfajësuar për atë deklaratë të patolerueshme. Ajo është një deklaratë që nuk duhet thënë pavarësisht presionit që ka ajo shtëpi, pavarësisht nëse mund të thuhet në një kontekst ironie apo shakaje. Është diçka që nuk do të doja ta përsërisnim edhe njëherë në atë transmetim. Pavarësisht se ka bërë xhiron e rrjetit. Do doja shumë, por shumë të bënit kujdes me deklaratat tuaja brenda shtëpisë. Ju të gjithë e dini se sa me lupë shiheni nga jashtë”– tha Ledioni.

The post “E patolerueshme”, Ledion Liço i rikthehet arsyes së përjashtimit të Klodian Duros appeared first on Albeu.com.

Në ditët e fundit brenda shtëpisë së Big Brother Vip Albania, atmosfera është tronditur nga përjashtimi i Klodianit pas një deklarate shqetësuese lidhur me jetën e tij personale.

Incidenti nisi kur Klodiani pranoi se kishte ushtruar dhunë ndaj gruas së tij.

Pasqyra e rëndë e kësaj deklarate të vetëshpallur mori një kthesë serioze kur produksioni vendosi të intervenonte, duke i dërguar Klodianit zarfin e zi.

Meritoni akuzon Rozën, duke i thënë se ajo nuk kishte qenë korrekte në sjelljet e saj ndaj Klodianit që në fillimet e lojës, ndoshta duke e shtyrë atë drejt këtij fundi të papritur.

“Në ditët e parë, nuk është dashur t’i çasesh ashtu” – u shpreh Meritoni, duke vënë në dukje se presioni i shtëpisë mund të ketë kontribuar në shpërthimin e Klodianit.

Roza, nga ana e saj, u shfaq e prerë në mbrojtjen e sjelljeve të saj.

“Për çështjen e gjyqit s’e kam pyetur, por do ta pyesja. Çështja e gjyqit atij i ka dalë në klipin prezantues” – argumenton Roza.

Ndërsa Klodiani tashmë ka përfunduar rrugëtimin e tij në “Big Brother Vip Albania”.

The post Përplasje mes Rozës dhe Meritonit, shkak përjashtimi i Klodianit nga BBVA appeared first on Albeu.com.

Ish-futbollisti shënjestroi Roza Latin, që sipas tij, i ka përmendur vazhdimisht në shtëpi gjyqin e zhvilluar ndaj tij për përndjekje.

“Kjo ishte edhe ironia. Edhe njëherë, i kërkoj ndjesë të gjithëve, sepse sado pak, nuk mund të bëhet ironi me dhunën. Unë kam përsëritur fjalët e Rozës. Që ku banorët panë klipin tim, ajo ka thënë po hyn ky që ka rrahur gruan. Kjo ishte e tepërt, ma thanë banorët e tjerë. Është e rëndë ta dëgjosh nga një banor aty. Meritoni dinte gjithçka, të gjithë banorët e dinin kush është banorja që ka folur kundër Klodit. Ata e shikonin që unë injoroja në çdo moment”.

Duro iu drejtua ish-bashkëshortes dhe vajzës së tij: “Unë kam pasur shumë dhimbje pas divorcit me ish-gruan, por e vlerësoj maksimalisht, është nëna e vajzës sime. Kam respekt maksimal për të, ka bërë gjithçka për vajzën tonë. Ajo e di shumë mirë që babi e do shumë, është dashuria e vetme sot që ne flasim. Ish-bashkëshortes i them se do të jem gjithnjë pranë saj për çfarë i duhet asaj dhe vajzës”.

Ish-futbollisti i Kombëtares, hodhi poshtë dyshimet se ka ushtruar dhunë ndaj ish-gruas.

Gjithçka është e pavërtetë, u shpreh ai.

“Kjo ishte dhe një nga motivet e hyrjes sime, hyra që të gjithë të shikonin se kush është Klodi në të vërtetë. Të gjithë të më njihnin dhe vajza ime të ishte krenare për mua”.

The post Tronditi me deklaratën ndaj ish-gruas, Klodian Duro flet sërish appeared first on Albeu.com.

Reagimi i Klodian Duros:

Une, Klodian Duro, ju njoftoj qe rrugetimi im ne Big Brother VIP eshte nderprere sot.

Shkak eshte bere nje deklarate e gabuar, nisur si ironi, e tepert tani qe e shoh me ftohtesi dhe qe i le vend keqinterpretimit.

Me vjen keq qe nuk arrita dot te percillja mesazhet e duhura tek te cilat besoj vertete dhe do t’i deshmoja gjate qendrimit ne shtepine e Big Brother.

Nje ndjese shume e sinqerte i shkon publikut dhe u uroj suksese te gjithe banoreve!

The post “Më vjen keq që nuk arrita dot…”- Klodian Duro reagon pas skualifikimit nga BBVIP: Deklarata ishte e gabuar, nisi si ironi dhe… appeared first on Albeu.com.

Meriton Mjekiqi vuri gishtin te Roza Lati, duke i thënë se qasja e saj “detyroi” ish-futbollistin të pohonte se ka dhunuar bashkëshorten. Në debat u përfshi edhe Fation Kuqari, kur tha se moderatorja i ka përmendur gjyqin e zhvilluar ndaj tij, nën akuzën e dhunës në familje dhe përndjekje.

Nga ana tjetër, Roza u shpreh se nuk e kishte bërë një pyetje të tillë ende, por e kishte në plan, “pasi ai gjyq u përfshi edhe në klipin prezantues”.

Roza: Çfarë i bëra Klodit mo? Po çfarë rëndësie po i jepni?

Meritoni: Nuk duhet t’ia bëje atë pyetje, nuk duhet t’i drejtoheshe në atë mënyrë!

Roza: Me çfarë qasje mo lal, se po më çudisni.

Meritoni: Që ditën e parë i ngeli mendja?

Roza: Për çfarë i ngeli mendja, që i thashë si po të dukem me këtë veshje? Secili e merr si i djeg.

Meritoni: Roza…

Roza: Mbase ai tipi është pak i çuditshëm dhe e mori për keq, se ti nuk ma ke marrë për keq.

Meritoni: Jo, nuk ta marr asnjëherë për keq.

Roza: Kam qejf se je djalë me shije dhe do të të pyes ty dhe të gjithë të tjerët se si dukem unë me veshjen. Por unë, për çështjen e gjyqit nuk e kisha pyetur. Akoma nuk e kisha pyetur, do e bëja. E kisha gurin këtu, që do e ulja dhe do i thosha që të ka dalë te klipi i prezantimit gjyqi. Çfarë ishte ai muhabet?

Meritoni: Ia ke përmendur.

Roza: Çfarë je duke folur o zemra ime se po të them që nuk e kam pyetur në asnjë moment.

Ervini: Kjo bëri rrugën, se ai e kuptoi që kjo pyeste. Nuk bëhej ajo situata.

Roza: Nuk e kisha pyetur akoma. Mos e ka fjalën kur i thashë kam qejf ta bëjmë biçikletën bashkë se kam qejf të të njoh pak.

Ervini: Po, edhe kjo.

Roza: Pse mo, të kem frikë të kem Klodin afër ta pyes?

Fatjoni: Jo frikë, por ai e mori që do i bije te ajo gjë që ai nuk donte.

The post “I përmende gjyqin”/ Debat i ashpër për përjashtimin e Klodian Duros, banorët fajësojnë Roza Latin: Qasja jote… appeared first on Albeu.com.

Madje ai teksa po pi, kërcënon edhe një prej banorëve që do e dhunojë.

Ajo ç’ka e bën më të rëndë, është fakti që ish-futbollisti mburrej me faktin që ishte dhunës dhe paralajmëronte banorët duke iu drejtuar me fjalët:

“Ruhuni nga unë se kur kam rrahur gruan a e di si më dukeni ju. Po i futa dhe një gotë raki, se kam kohë pa e provuar. E rraha ngaqë më mbante gocën, mbante gocën time”, thotë ai. 

Meritoni: “Shsh, larg qoftë! Unë e di që s’je ti ai”.

Klodian Duro: “E kupton? E kam rrahur ngaqë më mbante gocën time dhe e rraha, e kupton”?

Meritoni: “S’je ti ai”!

Klodian Duro: “Ruaju po t’them se mos do më thush nuk të kam thënë! Po i futa dhe nja dy gota raki, s’e kam kohë që se kam provuar”.

Meritoni: “Shsh. Ndërroje atë muhabet. As në hajgare mos ta dëgjoj me atë muhabet, se të vlerësoj shumë”!

Pas kësaj deklarate, Klodian Duro u skualifikua nga “Big Brother VIP”.

“Banorë, gjatë darkës pas spektaklit mbrëmë është dhënë një deklaratë e rëndë, e papranueshme, që bie ndesh me rregullat e programit si dhe me normat e shoqërisë ku jetojmë. Big Brother ka vendosur të skualifikojë në mënyrë të menjëhershme Klodian Duron nga gara. Big Brother i tërheq vëmendjen të gjithë banorëve të jenë shumë të kujdesshëm në fjalët dhe veprimet e tyre që lidhen me dhunën”, është njoftimi i Big Brother që u lexua në shtëpi.

The post “Big Brother Vip”/ Pas deklaratës shokuese, skualifikohet Klodian Duro (VIDEO) appeared first on Albeu.com.

“Oferta e “Big Brother VIP”, ishte oferta më e mirë që kisha në duar, nuk e kisha dyshimin më të vogël që kur e pranova.

Një skuadër që të kërkon për 3 vitesh rresht është skuadra që të do më shumë. Po futem brenda shtëpisë së Big Brother që vajza ime të jetë krenare dhe të jetë fansja më e zjarrtë, është krenaria ime. Gjatë kohës në Big Brother VIP do të tregoj të gjithë të vërtetat e mija dhe do të luaj si fitimtar”, u shpreh Duro.

The post Klodian Duro u fut në “Big Brother VIP”: Kjo ishte oferta më e mirë që kisha në duar, ja pse e pranova appeared first on Albeu.com.

“Jam futur në shtëpinë e BBV3 me qëllim që vajza ime Deana të jetë fansja ime më e zjarrtë dhe ajo të jetë krenare për babain e saj”- tha Duro.

Një trajner futbolli momentalisht pa ekip, Duro u shpreh se një tjetër arsye pse pranoi të bëhej pjesë e Shtëpisë më të famshme është se “Ofertën më të fortë ma ka bërë ekipi i Top Channel”.

I pyetur se si duket Shtëpia nga brenda, Duro është shprehur “si përrallë”.

The post Ish-futbollisti i Kombëtares shqiptare, Klodian Duro, në Big Brother! appeared first on Albeu.com.