Fjalën e hapjes e mbajti Rektori i Universitetit Western Balkans, Prof. Dr. Ferdinand Gjana, i cili në fjalimin e tij theksoi rëndësinë e këtij momenti për institucionin, si dhe përkushtimin e universitetit ndaj cilësisë akademike, inovacionit dhe përgatitjes së profesionistëve të së ardhmes.

Më tej, fjalën përshëndetëse e mbajti Dr. Klodian Allajbeu, themelues i Universitetit Western Balkans dhe Spitalit Amerikan, njëkohësisht President i Dhomës së Tregtisë Britaniko-Shqiptare, i cili ndau vizionin që qëndron pas krijimit të këtij institucioni dhe rolin e tij strategjik në zhvillimin e arsimit të lartë në Shqipëri dhe më gjerë.

Ceremonia u nderua gjithashtu nga Shkëlqesia e Tij, Ambasadori i Mbretërisë së Bashkuar në Shqipëri, Z. Nicholas Abbott, i cili tha se bashkëpunimi që Universiteti Western Balkans ka me universitetet britanike, është një dëshmi e orientimit ndërkombëtar dhe standardeve të larta akademike të institucionit.

Pas fjalimeve zyrtare, u zhvillua ceremonia e ndarjes së diplomave, një moment kulmor dhe simbolik që shënoi zyrtarisht diplomimin e studentëve të parë të universitetit. Ngjarja u përmbyll me hedhjen tradicionale të kapeleve, një akt i mbushur me emocion, gëzim dhe krenari për përpjekjet, sakrificat dhe sukseset e secilit prej të diplomuarve.

The post VIDEO/ WBU diplomon brezin e parë të studentëve appeared first on Albeu.com.

Ai është mirëpritur nga CEO i spitalit, z.Klodian Allajbeu.

Gjatë kësaj vizite Dr. Allajbeu i prezantoi infrastrukturën spitalore, investimet e filluara që prej 2008 nga Southeast Europe Equilty Fund ll të cilët kanë përmirësuar shërbimin shëndetsor në Shqipëri.

Teknologjia inovatore e ofruar nga General Elektrik, Medtronic, Jonson and Jonson, Boston Scinetific etj, e shoqeruar me ekspertizën e mjekeve shqiptare dhe të huaj ka sherbyer si katalizator jo vetëm  për Spitalin Amerikan por edhe për shërbimin  shendetsor publik në vend duke i dhënë mundësi pacienteve shqiptar të marrin shërbime Shendestore të avancuara ku vite para ato ishin të mundshme vetëm  jashtë  vendit.

Wisner vizitoi Departamentin e Radiologjisë e Qendren STROKE dhe takoi ekipin mjeksor të drejtuar nga Prof. Dr. Mentor Petrela për të mësuar më shumë rreth shërbimeve mjeksore të avancuara që ofrohen në Spitalin Amerikan.

Dr. Allajbeu i prezantoi historikun e përgjithshëm të spitalit, sukseset, sfidat e kaluara dhe aktuale me të cilat perballet sistemi shendetsor, si edhe planet për të rritur  prezencën e brendeve amerikane me qëllim përmirësimin e shërbimit mjeksor ndaj qytetarëve shqiptare./albeu.com

The post I ngarkuari me punë pranë Ambasadës së SHBA viziton Spitalin Amerikan, pritet nga CEO, Klodian Allajbeu appeared first on Albeu.com.

Ky ishte një nga faktet e paraqitura një ditë më parë në një emision investigativ me temë Oligarku i Shëndetësisë kushtuar biznesmenit Klodian Allajbeu. Konteksti i këtij fakti është atashimi me evazionin fiskal. Por si qëndron e vërteta?

Kompania që zotëron tregun agroushqimor në autostradë quhet Ekma Albania. Në vitin 2021 Ekma Albania ose tregu agroushqimor regjistroi një fitim neto pas taksave 309 milionë lekë ose 3 milionë euro. Në vitin 2022, fitimi neto pas taksave ishte 305 milionë lekë ose 2.96 milionë euro. Në secilin nga këto vite kompania ka paguar rreth 525 mijë euro tatim fitimi. (Bilanci EKMA). Në vetëm 2 vite tregu agro-ushqimor ka fituar 6 milionë euro, ndërsa në 8 vitet për të cilat investigimi pretendon se tregu ka dalë më humbje, ai ka fituar minimalisht mbi 20 milionë euro. Nëse ka një problem këtu, ai është që tregu ndoshta fiton shumë dhe kjo rrit cmimet për fruta perimet, që blejnë qytetarët e Tiranës.

Në rastin më të mirë, investigimi ka ngatërruar pa dashje Ekma me Anamark. Tregu është Ekma. Anamark është holdingu që mban aksionet e EKMA-s. Megjithatë kjo e tregut nuk ishte e pasakta e vetme e investigimit. E pavërteta tjetër më e madhe lidhej me koncesionin e dializës.

“Më 25 qershor 2019, kompania e koncensionit të hemodializës iu shit kompanisë fantazmë suedeze Diaverum International AB, për 1.5 milionë euro,” thuhej në investigim.

A është Diaverum International AB një kompani fantazmë ashtu siç thuhet në investigim? Ka një mënyrë shumë të thjeshtë për të verifikuar nëse një kompani, e cila prezantohet si e madhe, është vërtetë e tillë apo është thjesht një fantazmë.

Bëhet një kërkim i thjeshtë në internet nëse për kompaninë në fjalë kanë shkruar mediat prestrigjoze. Për shembull nëse fut në motorin e kërkimit google fjalët Diaverum dhe Reuters të dalin përpara me dhjetra shkrime. Nëse të njëjtin ushtrim e bën për “prestigjozen” Geogenix BV, kompaninë që ka koncesionin e inceneratorit të Tiranës nuk të del asgjë. Por për Geogenix nuk mund të ketë investigim se ashtu është një muhabet. Ah po. Është ky investigimi këtu. https://www.youtube.com/watch?v=8Zhc3jS48WA

Por le të kthehemi sërish tek çështja. Diaverum është një multinacionale me qendër në Suedi. Aktualisht ajo është kompania e tretë më e madhe në botë në ofrimin e shërbimit të dializës duke qënë prezente në 23 vende të botës me mbi 400 klinika të saj. A është Diaverum International AB pjesë e multinacionales Diaverum. Kjo verifikohet fare lehtë në faqen zyrtare të kompanisë Diaverum. (Kliko këtu dhe këtu). Për të verifikuar këtë mjaftonte një kontroll fare i thjeshtë në internet.

Nuk ka dy pa tre- thonë italianët. Dhe pasaktësia e tretë lidhet me shitjen e vet Diaverum.

“Pasi u zbuluan këto të dhëna, (nënkupto që Diaverum ishte fantazmë) koncesioni shitet sërish. “Diaverum” u shit tek “M42” e Abu Dhabi. Mbetet për t’u parë se cilët janë emrat që fshihen pas kompanisë së re që zotëron kontratën e Dializës. Ajo që dihet me siguri është se vitet e fundit, në Emiratet e Bashkuara Arabe mjaft shqiptarë të botës së krimit kanë transferuar shuma të mëdha parash me burim korrupsionin dhe krimin,” vijon investigimi.

M42 kompania që bleu suedezen Diaverum duke u bërë rrjedhimisht edhe pronari i ri i koncesionit të dializës në Shqipëri, është një kompani që zotërohet nga Mubadala. Ky është fondi i dytë më i madh shtetëror i Abu Dhabit, që zotërohet në masën 100 për qind nga qeveria e Abu Dhabit. Nëse kriminelët shqiptarë do të arrijnë të hyjnë në këtë kompani, Abu Dhabin e mori lumi.

Pas këtyre të trejave vjen fakti i katërt alternativ dhe ndoshta e pavërteta më e madhe.

“Në mars të vitit 2023, Allajbeu i blen vetes për 24 milionë euro kompaninë “Balkan Alliance Healthcare B.V”….. Natyrshëm lindin dyshimet, se çfarë përpiqet të fshehë biznesmeni Allajbeu përmes këtyre transaksioneve me kompani offshore,” thotë investigimi.

Tani e vërteta. Klodian Allajbeu nuk ka qenë asnjëherë aksioneri kryesor i Balkan Alliance Healthcare B.V, rrjedhimisht edhe Spitalit Amerikan. Aksioneri më i madh i spitalit amerikan me 86 për qind të aksioneve ka qenë Southeast Europe Equity Fund II LP.

Ky është një fond privat kapitali prej 230 milionë dollarësh i krijuar në vitin 2006 me investitorë mes të tjerësh BERZH, qeverinë amerikane përmes Korporatës Private të Investimeve Jashtë (OPIC) dhe Bankën e Austrisë.

Gjatë viteve disa nga investitorët dhe partnerët e fondit janë ndryshuar. Për shembull, në vitin 2019 OPIC u shkri. Por aktualisht vazhdojnë të jenë investitorë në fond BERZH me 50 milionë dollarë, fondi më i madh i pensioneve të Danimarkës Industrie Pensions dhe madje edhe një kompani e lidhur me Geroge Soros. (Kliko këtu dhe këtu).

Southeast Europe Equity Fund II LP zotëronte 86 për qind të aksioneve në Alliance Healthcare B.V dhe rrjedhimisht edhe në Spitalin Amerikan. Në mars të këtij viti kjo paketë aksionesh u ble nga Klodian Allajbeu për 25 milionë euro.

Klodian Allajbeu është një biznesmen kontrovers, ashtu si pjesa dërrmuese e biznesmenëve më të mëdhënj të Shqipërisë sot. Të gjithë këta kanë përfituar nga lidhjet politike për të fuqizuar bizneset e tyre dhe çdo investigim që zbardh këto përfitime kur janë të paligjshme është në favor të interesit publik.

Por investigimet me një, dy, tre, katër… fakte të pavërteta nuk kanë lidhje me interesin publik. Maksimumi mund të jenë biznes me normë fitimi më të lartë edhe se sa ajo e tregut të Allajbeut.

The post Katër faktet që rrëzojnë bllofin e Top-it për biznesmenin Allajbeu appeared first on Albeu.com.

Kanë kaluar vetëm dy ditë nga shkrimi dhe si për të përligjur paralajmërimin e Mulosmanit, Top Channel njoftoi këtë të hënë se emisioni i radhës i Inside Story do të ketë titullin “Oligarku i Shëndetësisë.” Është e qartë se bëhet fjalë për Klodian Allajbeun, pronarin e Spitalit Amerikan.

I njëjti biznesmen, të cilin vetëm pak kohë më parë i njëjti televizion na e shfaqte si histori suksesi.

Trajtimi i degradimit të sektorit shëndetësor në media është një e mirë publike. Investigimet që tregojnë korrupsionin galopant në këtë sektor po ashtu i shërbëjnë interesit publik. Por a është ky rasti?

A është nisur me të vërtetë emisioni nga interesi publik për të investiguar padrejtësitë dhe korrupsionin në sektorin e shëndetësisë? Ne këtë nuk e dimë.

Por të sigurtë dimë se Nadir Causholli për shumë kohë ishte një kriminel që kishte korruptuar gjithë sistemin e shëndetësisë. Dhe befas një ditë u shndërrua në një nga biznesmenët më model në fushën e shëndetësisë. Për 250 mijë arsye.

Dimë se inceneratori rriti jetëgjatësinë e banorëve të Elbasanit, Fierit dhe Tiranës. Thonë për 8 milionë e gjysmë arsye.

Se AZHBR është një institucion i zhytur në korrupsion. Sipas aplikimit që publikoi Kryeministri për 120 mijë arsye.

Të gjitha këto i kemi mësuar nga investigimet e të njëjtit emision.

Tashmë do mësojmë dhe bëmat e Oligarkut të Shëndetësisë. Këtë herë- thonë- për 300 mijë arsye. Në vit, në vit. Jo one-off.

Dimë dhe një gjë të fundit. Sot shantazhi mediatik është biznesi më fitimprurës në Shqipëri. Me normë fitimi më të lartë se tregtia e kokainës dhe normë taksimi më të ulët se hotelet me 5 yje.

Tashmë na mbetet vetëm të mësojmë edhe dicka tjetër. A do të bëhet sërish “Oligarku i shëndetësisë” Klodian Allajbeu biznesmen model? Apo do të refuzojë t’u përgjigjet 300 mijë arsyeve? Mbani frymën miq. Sfida ka nisur.Kapitali .al

The post Biznesmeni i suksesshëm që u bë oligarku i shëndetësisë për 300 mijë arsye appeared first on Albeu.com.

Sekretari Cleverly në fjalën e tij përshëndetëse theksoi: “Çdo komb mbështetet te të rinjtë e tij të talentuar. Kjo është arsyeja pse unë ju them juve – drejtues biznesi dhe studentë – investoni në këtë vend fenomenal! Studioni këtu! Është e mrekullueshme që vendimet e para të Dhomës së Tregtisë të Mbretërisë së Bashkuar në Shqipëri kanë qenë ofrimi i bursave në Universitetin Western Balkans për studentët nga zonat e veriut. Faleminderit që investoni për të rinjtë e Shqipërisë. Ata janë e ardhmja ia vlen çdo qindarkë e investuar.”

Në fjalën e tij Presidenti i Universitetit Western Balkans Prof. Dr. Ferdinand Gjana duke i uruar mirëseardhjen të pranishmëve, u ndal në bashkëpunimin që ky universitet ka me disa prej universiteteve më të mira angleze.

“Është një kënaqësi e madhe t`ju mirëpres sot në Universitetin Western Balkans, për lançimin e Dhomës së Tregtisë të Mbretërisë së Bashkuar në Shqipëri. Nëpërmjet një bashkëpunimi shumë të ngushtë me Universitetin e Kembrixhit dhe disa universitete britanike, Universiteti Western Balkans synon të sjellë praktikat më të mira britanike në arsimin e lartë dhe kërkimin shkencor në Shqipëri dhe në rajonin e Ballkanit Perëndimor”, theksoi presidenti i WBU.

“Nëpërmjet Dhomës sonë të Tregtisë, e cila tashmë është regjistruar zyrtarisht dhe funksionon, shpresoj se ju dhe të tjerë si ju do të jeni Ambasadorë Biznesi për Britaninë në Shqipëri dhe për Shqipërinë në Britani. Në energji, teknologji, arsim dhe të gjitha fushat e tjera – të gjithë keni diçka për t’u ofruar të dy vendeve tona.”

Kryetari Dhomës së Tregtisë së Mbretërisë së bashkuar në Shqipëri Z. Klodian Allajbeu nënvizoi se dhoma e tregtisë do të luajë një rol kyç në intensifikimin e marrëdhënieve tregtare mes dy vendeve si dhe do të mbështesë fuqishëm projekte lidhur me edukimin për tu dhënë më shumë mundësi të rinjve për një të ardhme më të mirë:

“Kjo dhomë do t’i kushtojë vëmendje të veçantë sektorit të arsimit duke ofruar bursa studimi për të rinj dhe të talentuar shqiptarë për të studiuar në Shqipëri dhe në Mbretërinë e Bashkuar, sepse ne besojmë se arsimi është gur themeli i një ekonomie moderne dhe shenjë dalluese e një shoqërie të begatë.”

Sekretari Cleverly pati një takim të përzemërt me një grup studentësh të cilët kanë përfituar bursën e dhënë nga Dhoma e Tregtisë së Mbretërisë së Bashkuar në Tiranë.

WBU që nga momenti i themelimit ka ndërtuar një bashkëpunim të gjerë me Universitetin e Cambridge dhe universitete të tjera britanike me fokus Mjekësinë, Teknologjinë dhe Ekonominë./Albeu.com 

The post Shefi i diplomacisë britanike inaguron Dhomën e Tregtisë së Mbretërisë së Bashkuar në Tiranë, mesazhi nga Western Balkans University appeared first on Albeu.com.