Së fundmi mediat italiane kanë publikuar detaje të reja lidhur me 27-vjeçarin dhe aktivitetin e tij kriminal.

“Por, unë jam polic” – Kështu u paraqit, paraditen e 21 tetotorit, Klisman Nikolli, 27 vjeç, para gjyqtarit bashkë me dy të tjerë, pasi akuzohen për bastisjen e grabitje të kryer nga data 30 tetor deri më 15 nëntor në Veneto dhe Friuli.

Nikolli u bllokua nga karabinierët e Kompanisë Portogruaro teksa do të kthehej në Shqipëri. Në dhomën e Bed & Breakfast në San Stino di Livenza, ku ai qëndronte së bashku me bashkatdhetarët Viktor Bilani, 30 vjeç dhe Flor Koca, 35 vjeç, valixhet tashmë ishin të mbushura. Të tre prisnin një grua nga zona e cila do t’i merrte dhe do t’i shoqëronte deri në aeroport. Çuditërisht, karabinierët u gjendën përballë tyre.

VALIDIMET

Të tre dyshohen për 18 vjedhje dhe tentativa vjedhjesh në Portogruaro, Concordia Sagittaria, Musile di Piave dhe San Michele al Tagliamento. Gjatë bastisjeve ka pasur dy vjedhje në Azzano (dy tentativa) dhe po aq në dy shtëpi në Chions, ku janë vjedhur 2000 euro dhe në një shtëpi tjetër 9000 euro dhe disa orë. Të mbrojtur nga avokatet Ilenia Mehilli të Gjykatës së Romës dhe Pasquale Crea të Trevisos, dje kanë shfrytëzuar të drejtën për të mos u përgjigjur. Gjyqtari hetues Rodolfo Piccin pranoi kërkesën e zv.prokurorit Carmelo Barbaro duke aplikuar për secilin prej të dyshuarve masën e sigurisë në burg, masë kjo e bazuar në rrezikun e arratisjes dhe në indikacionet e rënda që i referohen pesë vjedhjeve nga të cilat një pjesë e mallit, tashmë është rikuperuar. “Do të vlerësojmë dokumentet e hetimit – komentoi avokati Crea – Më pas do të ankimojmë në Gjykatën e Shqyrtimit”.

HETIMET

Banda, sipas asaj që u rikonstruktua nga policia, vepronte mes orës 17:30 dhe 19:00. Pas një vjedhjeje të kryer në San Michele, kapet një BMVV e dyshimtë, e lidhur me vjedhje të tjera. Pasi u identifikua targa, policia zbulojnë se ajo kishte si “terminus” një “Bed & Breakfast”, ku Nikolli, Bilani dhe Koca ishin regjistruar rregullisht. Nnga San Stino që BMVV lëviz çdo ditë dhe ndalon pikërisht aty ku më pas raportohen vjedhjet. Të tre u ndoqën gjithashtu gjatë një udhëtimi në Lombardi, fillimisht në Opera dhe më pas në Cinisello Balsamo, një vend nga i cili u kthyen me një Ford Mondeo të regjistruar si personazh, por që përdorej nga një i dënuar. Nga hetimet e mëtejshme rezultoi se akomodimi në San Stino ishte rezervuar për një muaj nga një grua italiane nga zona. Të tre duhej të dilnin nga dhoma në fund të nëntorit.

KAPJA

Më 16 nëntor, një banor i guximshëm i Musile di Piave parandalon vjedhjen në shtëpinë e tij dhe ndjek hajdutët. “Ishin dy prej tyre – do të raportonte ai  te karabinierët –. I pashë të hipnin në një Mondeo: në sediljen e shoferit ishte një njeri i tretë». Të nesërmen, gruaja që kujdesej për akomodimin, njofton se qëndrimi do të ndërpritet: të tre po largohen. Pikërisht në atë moment prokurori i Pordenones delegon kërkimin që do të lejojë gjetjen e 119 bizhuterive ari, mes të cilëve dy unaza martese me datën dhe emrin e një gruaje, 9 kapele bejsbolli, një zorrë dhe kaçavida.

The post “Jam polic në Shqipëri”, si u kap efektivi “skifter” në Itali appeared first on Albeu.com.

27-vjeçari Klisman Nikolli është arrestuar nga autoritet italiane për veprën penale “vjedhja”.

Mësohet se Nikolli kishte marrë leje vjetore dhe këtë e konfirmon edhe Policia e Shtetit në reagimin e saj, ndërsa shton se është marrë vendimi për përjashtimin e menjëhershëm.

Policia e Shtetit

Departamenti i Marrëdhënieve Ndërkombëtare në Policinë e Shtetit, në kuadër të bashkëpunimit dhe shkëmbimit të informacioneve me homologët, me qëllim parandalimin dhe goditjen e krimeve dhe të paligjshmërive në përgjithësi, ka marrë njoftim se shtetasi K. N., 27 vjeç, me detyrë oficer i Patrullës së Përgjithshme në Postën e Policisë Shëngjin, në Komisariatin e Policisë Lezhë, ishte arrestuar nga organet ligjzbatuese italiane, për veprën penale “Vjedhja”.

Menjëherë pas njoftimit të marrë nga homologët italianë, Drejtori i Përgjithshëm i Policisë së Shtetit ka firmosur përjashtimin nga Policia e Shtetit, të punonjësit të Policisë K. N.

Punonjësi i Policisë K. N., konform procedurave ligjore, ka marrë leje pa të drejtë page, nga data 01.11.2022 deri më datë 31.12.2022. Kjo leje i është miratuar nga eprori i tij, për dalje jashtë shtetit, pas kërkesës së bërë nga vetë punonjësi, për arsye shëndetësore.

Sqarojmë opinionin publik se rekrutimet në Kolegjin e Policisë, të Akademisë së Sigurisë, për Patrullë të Përgjithshme, bëhen në zbatim të ligjit “Për Policinë e Shtetit” dhe në zbatim të kritereve të përcaktuara me VKM. Aplikantët kalojnë disa faza testimi dhe verifikimi, të cilat përjashtojnë kategorikisht mundësinë e hyrjes në Akademi, të aplikantëve me të kaluar kriminale.

Përsa i përket shtetasit K. N., të arrestuar nga autoritetet policore italiane, tashmë ish-punonjës i Policisë, sqarojmë se pranimi i tij në Akademinë e Sigurisë, është bërë konform procedurave ligjore dhe se 27-vjeçari është djali i një dëshmori të Policisë.

Gjithashtu, sqarojmë opinionin publik ne në Drejtorinë e Përgjithshme të Policisë së Shtetit dhe në drejtoritë vendore të Policisë, janë ngritur dhe funksionojnë këshillat e emërtesës, për emërimin e drejtuesve të strukturave të Policisë, bazuar në rezultatet e punës, profesionalizmin, integritetin dhe pastërtinë e figurës.

Shprehim keqardhje për deklaratat dashakeqe që synojnë të përbaltin punën, mundin dhe sakrificën e mijëra djemve dhe vajzave, burrave dhe grave, të Policisë së Shtetit, që punojnë 24/7 për të garantuar rendin e sigurinë, dhe që përballen e luftojnë çdo ditë, me krimin në përgjithësi dhe me krimin e organizuar në veçanti.

The post Arrestimi i policit “skifter” në Itali, reagon Policia e Shtetit: Përjashtim i menjëhershëm appeared first on Albeu.com.