Komentet Kryemadhi i ka bërë nga foltorja e Kuvendit, ku ka shprehur rezerva sa i përket buxhetit të vitit 2022 për fermerët. Sipas saj me rritjen e çmimit të energjisë, bizneseve do t’u duhet të ulin prodhimin dhe numrin e punonjësve, duke i çuar drejt falimentit.

“Sot duhet të kishim një paketë që përkrah prodhuesit dhe fermerët. Në paketë fiskale po shohim që ka vetëm kosto për ata që janë të punësuar në sektorin e bujqësisë. Do e filloja me rritjen e çmimit të gazit për industrinë prodhuese. Bashkë me rritjen e çmimit të energjisë bizneseve do u duhet të ulin prodhimin dhe të numrit të punëtorëve apo të mbyllin biznesin”, tha Kryemadhi.

Shefja e LSI-së shtoi se po bëhen hapa pas për sa i përket klimës së biznesit në vend.

“Ne po bëjmë hapa pas si në përkrahjen e biznesit prodhues dhe të legjislacionit. E treta është rritja e vlerës së importit të makinerive. Skandali që patën fermerët me farën e domates s’patën asnjë rimbursim. U bënë fajtorë fermerët sikur nuk dinë të vadisin domatet.

Në vendet fqinje subvencioni për prodhuesit është mjaft i lartë, të mos shkojmë shumë lart por në Kosovë.  Një tjetër pikë problematike është infrastruktura e ujitjes. Dua tu bëj  thirrje të gjithë fermerëve se qeveria harron të kujdeset për ta por e rëndësishme është unifikimi i tyre”, shtoi Kryemadhi./albeu.com/

The post Kriza energjetike, Monika Kryemadhi ngre alarmin: Bizneset drejt falimentit appeared first on Albeu.com.

Komentet Kim i bëri gjatë fjalës së saj në ceremoninë e mbajtur nga Dhoma e Tregtisë, tha se qeveria shqiptare ka prioritet klimën e biznesit.

Ajo shtoi se me Skavicën i hapet rrugë investimeve amerikane. Sipas saj e ardhmja e Shqipërisë do të jetë e ndritur dhe kjo nuk vihet në dyshim.

“Prioritet tona janë mbrojtja, biznesi dhe demokracinë. Të gjithë jemi përqendruar prej kohësh në demokracinë dhe mbrojtjen. Jam e kënaqur që po udhëheq ambasadën në një shtysë për të ngritur ekonominë tonë në një nivel. Shumë mund të përfitohet nga Shqipëria, ekonomi në rritje, qasje në më shumë produkte dhe më shumë mundësi për rininë shqiptare, pikërisht këtu në Shqipëri. Para një viti nënshkruam një memorandum dypalësh për ekonominë. Ne pamë rezultate. Dy javë më parë kemi parë Skavicën, vendin që Shqipëria do të ndërtojë hidrocentralin.

Ky projekt shoqërohet nga një në Vlorë, që është një shembull tjetër i fortë dhe nëse ka sukses do të jetë projekti më i madh në Shqipëri i bërë nga një kompani amerikane. Mbetet ende shumë punë për të bërë. Ne i bëjmë thirrje qeverisë shqiptare që t’i japë përparësi klimës së biznesit. Reforma në drejtësi duhet çuar deri në fund, e konkurrenca e ndershme duhet të jetë parësore që të gjithë investitorët të luajnë me të njëjtat rregulla të drejta dhe transparence. Jam e kënaqur që kryeministri e ka parë këtë si mundësi për të përmirësuar klimën e biznesit. Gjatë 30 viteve të fundit kemi bërë rrugë të gjatë, por kur shohim atë që ka ndodhur them se e ardhmja do të jetë më e ndritur”, u shpreh Kim./albeu.com

The post “Kush janë prioritetet e SHBA?” Ambasadorja Kim: Qeveria t’i japë përparësi klimës së biznesit appeared first on Albeu.com.