Ngjarja ndodhi rreth orës 21.00 të së shtunës mbrëma në rrugën “Minoos” në zonën e Therisos në Irakleo.

Autori ka sulmuar 35-vjeçarin shqiptar duke e goditur me thikë në bark dhe duke i shkaktuar dëmtime në shpretkë dhe mëlçi.

35-vjeçari është rrëzuar në rrugë i gjakosur, ndërsa autori është larguar.

Në vendngjarje ka mbërritur një ambulancë e EKAV, e cila e ka dërguar të plagosurin në spitali ku po trajtohet ende dhe ndodhet në gjendje të rëndë.

Sipas informacioneve, autori dhe viktima janë të njohur për autoritetet dhe vlerësohet se shkak i episodit të përgjakshëm ka qenë larja e hesapeve për drogën.

Autori është identifikuar dhe po kërkohet nga policia.

The post KUJDES! PAMJE TË RËNDA! Plagoset me th*kë shqiptari në Greqi, në gjendje kritike për jetën appeared first on Albeu.com.

Banka e Shqipërisë ka gjobitur në qershor të këtij viti “OTP Alnania”. Vendimi për gjobitje është publikuar në Buletinin Zyrtar nr. 26 të BSH-së.

Vjedhjen skandaloze që ka bërë OTP Albania, BSH e “zbuloi” me vonesë dhe mori masa “ledhatuese” duke e gjobitur me 8 milionë lekë të vjetra dhe një paralajmërim për dy “punonjës” hungarezë dhe nuk preku drejtorin ekzekutiv të bankës, Bledar Shella.

Vendimi hedh dritë mbi një skandal që mund të ndodhë vetëm në Shqipëri:

“Kartat e kreditit të klientëve të ish-Bankës Alpha, pas ndryshimit të procesorit të kartave dhe bashkimit me përthithje, rezultojnë se janë hapur në formën e overdraft-it me datë hapje gusht 2023 dhe me balancë debitore që përbëhet nga komisione të disa viteve të shkuara, për të cilat klienti nuk ka qenë në dijeni dhe nuk janë raportuar si detyrim nga ish-Banka Alpha. Këtu përfshihen edhe karta krediti të mbyllura, me status “5” në Regjistrin e Kredive, si dhe karta të skaduara. Këtyre klientëve u janë ngarkuar në vijim komisione të tjera shtesë (vjetore) nga sistemi i Bankës OTP”.

Pra, OTP pa njoftuar klientët u ka hapur atyre overdrafte, duke u sjellë sikur ata kanë firmosur kredi. Më pas i ka kthyer në debitorë, meqenëse nuk kanë paguar rregullisht overdraftet! E gjithë vjedhja kamuflohet si një ngatërresë teknike që ka ndodhur në procesin tranzitor kur janë bashkuar dy bankat në një, Alpha me OTP.

“Migrimi i të dhënave nga sistemet e mëparshme Flexcube dhe Delta në një sistem të vetëm, është kryer duke u bazuar në hartëzim të gabuar të disa prej llogarive. Për rrjedhojë, balancat e tyre, në sistemin e ri, nuk janë alokuar në llogaritë e duhura”.

Nëpër rreshtat e vendimit dallohet thellësia e skandalit.

“Mungesa (vonesa) e rikonsilimit edhe me CKB-në (procesorin e kartave), ka rezultuar në vlera të konsiderueshme në llogaritë pezull në bilancin e bankës”.

Skandali në OTP është i një niveli të rëndë shkeljeje ku përfshihet mashtrimi dhe vjedhja e klientëve, të cilëve nuk i dihet numri. OTP pranon se nuk ishte në gjendje të siguronte informacion të plotë se si janë formuar “llogaritë pezull” që kanë krijuar një bilanc mashtrues për BSH-në dhe organet tatimore. Kjo del edhe në vendim:

“Mosparaqitja e saktë e gjendjes financiare të bankës në pasqyrat e saj financiare përbën shkelje të ligjit”.

Çfarë do të ndodhte me një kompani apo biznes që nuk do të paraqiste “saktë” bilancet para organeve tatimore? Sigurisht që nuk do të gjobitej me 0.7 milionë lekë.

BSH nuk ka zbatuar masa të rënda ndaj “administratorëve të OTP-së, por ka vendosur gjobën dhe vërejtjen te dy “punonjës” hungarezë, pa prekur CEO-n Bledar Shella, i cili mban edhe pozicionin e drejtuesit të AAB (Shoqata Shqiptare e Bankave).

Skandali me OTP-në nuk u prek nga asnjë media, BSH heshti dhe nuk e komentoi, sikur ky është një normalitet në aktivitetin e bankave. Numri i klientëve të mashtruar nuk del. Sa janë?

Madje, duke fshehur skandalin “OTP”, BSH u përpoq të kamuflonte situatën pasi njoftoi disa media se pezulloi po këtë qershor licencat e 2 mikrokredive ‘Rrushkull One’ dhe ‘Perlat’. BSH gënjeu sepse si ‘Perlat’ (NUIS K81826503V) ashtu dhe Rrushkull One (NUIS L91716507C) janë shoqëri të kursim-kreditit, dhe jo institucione mikrokredie, si ato që bënë dhe po bëjnë namin mbi popullatën.

Shoqëritë e kursim-kreditit japin kredi me ose pa interes vetëm për anëtarët e kufizur të anëtarësuar në shoqëri, duke u kujdesur për kthimin korrekt të tyre më pas.

Para viteve ’90, në komunizëm, kjo mënyrë financimi quhej “llotari” dhe përdorej në grupe të caktuara individësh që njiheshin dhe kishin besim te njëri-tjetri si edhe te organizatori i llotarisë.

Banka e Shqipërisë, me skandalin e OTP-së tregoi përfundimisht se është një organizatë e pavarur që nuk mbikëqyr dhe as nuk garanton depozitat e qytetarëve shqiptarë, por është kthyer, pas skandalit të mikrokredive dhe këtij të fundit me OTP-në, në një gjiriz ku fshihet abuzimi dhe korrupsioni më i madh në sistemin financiar shqiptar.

CEO i OTP që është njëkohësisht edhe kryetar i Bordit Mbikëqyrës së 11 bankave të nivelit të dytë që kanë mbetur në tregun bankar ka ardhur koha të vendosen në lupën e drejtësisë para se bankat të kthehen në histori të njëjta me ato të Micro Credit Albania, Final, Lendal apo AGROKREDIT./Prapaskena

The post Skandal me OTP/ Mashtroi klientët me karta krediti të skaduara. Dhjetëra shqiptarë janë vjedhur duke i quajtur se kanë marrë kredi overdrafti appeared first on Albeu.com.

I zoti i dyqanit u përgjigj: “Bananet janë me 20 rs / duzinë dhe mollët 100 rs / kg.”

Në të njëjtën kohë, një grua erdhi për të blerë dhe tha: “Bhaiya (Vëlla), dua një kilogram mollë dhe një duzinë banane. Sa më kushtojnë?”

I zoti i dyqanit tha: “Bananja është 5 rs / duzinë dhe mollët janë 25 rs / kg.”

Klienti që ishte tashmë në dyqan e vështroi shitësin, me ca sy gllabërues. I zoti i dyqanit e vuri re këtë dhe i kërkoi të priste pak.

Gruaja mori frutat dhe i pagoi, përshëndeti e lumtur duke dalë nga dyqani, “Faleminderit Zot, sot fëmijët e mi do të jenë shumë të gëzuar pasi të hanë fruta”.

Pasi gruaja u largua. Shitësi u kthye nga klienti dhe i tha: “Zoti është dëshmitar vëlla, nuk të kam mashtruar”.

Pasi u ndal për pak, ai vazhdoi: “Gruaja që patë tani është një e ve e varfër, nënë e katër jetimëve. Ajo jeton në lagjen time. Jam përpjekur shumë herë ta ndihmoj por ajo nuk është e gatshme të marrë asnjë lloj ndihme nga askush.

Pastaj mendova për këtë mënyrë për ta ndihmuar atë. Tani, sa herë që vjen për të blerë fruta, unë i jap fruta me çmim modest. Në këtë mënyrë, ajo nuk e përjeton atë ndjesinë sikur po ndihmohet dhe varet nga të tjerët. Kjo është mënyra e vetme për të ofruar ndihmën time ndaj saj.

Dhe vëlla, më beso, sa here vjen kjo zonja, pothuajse çdo javë, shitjet e mia shtohen. Është bekimi i Zotit.”

Duke dëgjuar këtë, lotët rrodhën në sytë e klientit, ai përqafoi shitësin dhe i lumtur bleu fruta pa ankesa apo pazare.

Mësimi:

Nëse doni të ndani lumturinë dhe të ndihmoni të tjerët, ju gjithashtu mund gjeni një mënyrë pa i bërë të ndjehen si gjynahqarë. Siç thuhet – Ku ka një vullnet, ka një rrugë.

The post I zoti i dyqanit i dha çmim më të shtrenjtë se klientes tjetër… zotëria nuk u largohet pa ia thënë dy fjalë! appeared first on Albeu.com.

Arrestimi i tyre u bë pasi nga shërbimet e Komisariatit të Policisë Elbasan në vijim të kontrolleve të ushtruara në zbatimin e planit të masave për garantimin e rendit dhe qetësisë publike dhe monitorimin e lokaleve që vijojnë organizimet me muzikë pas orarit të përcaktuar për mbyllje, kanë konstatuar se në lagjen “Luigj Gurakuqi”, Elbasan,  lokali në pronësi të shtetasit R.T., vijonte të ishte i hapur dhe gjeneronte muzikë.

Në momentin që ka shkuar Patrulla e Përgjithshme për të mbyllur lokalin dhe ndëshkuar me masë administrative pronarin e lokalit, shtetasit e lartpërmendur, që ishin klientë në këtë lokal kanë tentuar për penguar me forcë punonjësit e policisë për të vendosur masën administrative pronarit të lokalit.

Në përfundim të veprimeve të para hetimore është bërë arrestimi në flagrancë i tyre, për veprën penale “Kundërshtimi i punonjësit të policisë së rendit publik”.

Gjithashtu nga shërbimet e  Policisë, në bazë të Aktit Normativ, pronari i lokalit shtetasi R.T., është ndëshkuar me masë administrative 1.000.000 lekë, për shkelje të orarit të përcaktuar në Aktin Normativ.

Materialet hetimore i kaluan Prokurorisë pranë Gjykatës së Shkallës Parë Elbasan,  për veprime të mëtejshme procedurale.

Drejtoria Vendore e Policisë Elbasan apelon për të gjithë pronarët dhe administratorët e lokaleve që të respektojnë masat anticovid dhe orarin e përcaktuar për ushtrimin e aktivitetit./albeu.com

The post Çudira nga Elbasani! Policia i vë gjobë pronarit të lokalit, klientët çohen dhe dhunojnë efektivët appeared first on Albeu.com.