Në 14 ditët e muajit mars numërohen 12 të vdekur dhe 32 të plagosur.

Policia rrugore e cila duhet të monitorojë qarkullimin rrugor në çdo orë të ditës, kujtohet të zhvillojë aksione policore vetëm në raste aksidentesh tragjike.

Në një njoftim zurtar thuhet se “efektivët e Komisariatit Rajonal të Policisë Rrugore Tiranë kanë shtuar kontrollet në rrugët urbane dhe interurbane kryesore, me risk për aksidente rrugore, për shkak të mosrregullimit të shpejtësisë, kryesisht në qendrat e banuara dhe në afersi të vendkalimeve të këmbësorëve.”

Si rezultat i këtij operacioni të zhvilluar pas aksidenteve tragjike, janë konstatuar dhe proceduar 70 drejtues mjetesh, për mosrregullim shpejtësie dhe për gara shpejtësie.

Gjithashtu, duke konsideruar impaktin negativ që shumë të rinj japin në rrjetet sociale, duke publikuar shkelje të rregullave të qarkullimit rrugor, kryesisht shpejtësitë mbi normat e lejuara, garat e shpejtësisë dhe përdorimin e celularit, po vijon puna për identifikimin dhe procedimin e tyre, sipas shkeljeve të kryera.

Kujtojmë se të rinjtë në rrjetet sociale, veçanërisht Tik-Tok reklamojnë jetën e tyre të luksit dhe makinat e shtrenjta që drejtojnë tej normave të lejuara. Rasti i fundit u shënua ditën e djeshme.

Në një video të postuar në Tik-Tok një i ri dëgjohet teksa bërtet “Avion, avion”, ndërsa reklamon trimërinë e radhës duke ecur me shpejtësi skëterrë në një rrugë plot me makina , të ngushtë dhe me kthesa.

Në sfond dëgjohen vajzat që udhëtojnë me të t’i luten nga frika që të ulë shpejtësinë.

@albeu.com #shpejtesi #makine #avion #ulerim #frike #viral #fyp #policia ♬ original sound – ALBEU

Policia rrugore e cila duhet të jetë në shërbim të qytetarëve 24/7 për të konstatuar shkeljet rrugore nga drjetuesit e mjeteve, kujtohet të ndërmarrë aksione vetëm pas rasteve që përfundojnë në tragjedi.

Kujtojmë se disa ditë më parë, Audi i drejtuar nga 20-vjeçari Klevis Ruçaj përfundoi mbi kofanon e një makine tip “Honda” pasi po udhëtonte me shpejtësi skëterrë.

Ngjarja ndodhi te rrethrrotullimi i TEG-ut dhe Audi pasi theu barrierat “fluturoi” dhe përfundoi poshtë nënkalimit.

Nga aksidenti humbi jetën Klevis Ruçaj dhe dy vajzat pasagjere që udhëtonin me të. Ndësra tre personat që udhëtonin me mjetin tip “Honda mbetën të plagosur./Albeu.com/

The post 12 të vdekur dhe 32 të plagosur nga aksidentet vetëm në dy javë, policia kujtohet të marrë masa pas tragjedive appeared first on Albeu.com.

Por fati i keq i trokiti në derë Mirës, punonjëses së policisë pranë Drejtorisë së Përgjithshme të Burgjeve, e cila atë pasdite të kobshme për të si nënë ishte si zakonisht në ritualin së punës me turne, një punë që e bën prej 16 vitesh në Tiranë.

“E helmuar në shpirt” siç ajo e nis dhe e mbyll këtë rrëfim të dhimbshëm, tregon për revistën “Story”, bisedën e fundit me të bijën, e cila atë pasdite do të shkonte në qendrën tregtare për të blerë një bluzë, por s’u kthye më. Sipas deklarimeve në media, 22-vjeçarja ndodhej brenda “Audit A8” që drejtohej nga 20-vjeçari Klevis Ruçaj, e që për shkak të shpejtësisë së lartë humbi kontrollin duke thyer barrierat e rreth rrotullimit të TEG-ut dhe duke rënë në autostradën Tiranë-Elbasan.

Si pasojë e përplasjes ndërruan jetë në vendngjarje 22-vjeçarja Abedini, shoqja e saj 23-vjeçare, Sikela Perroj, si dhe drejtuesi i mjetit, Ruçaj, i cili ndërroi jetë më pas në spital. Nga këqyrja e regjistrit të gjobave, rezultoi se 20-vjeçari që ishte pajisur me patentë në vitin 2021, kishte një historik shkeljesh rrugore për shpejtësi dhe për përdorim të telefonit gjatë drejtimit të mjetit, si dhe gara në rrugë të qendrave urbane. Por si u gjend Erisilda, në makinën e shoferit 20-vjeçar, cila ishte dinamika e pa treguar e ngjarjes tragjike, e të tjera detaje të pathëna i zbulon për herë parë nëna e 22-vjeçares, si një mesazh gjithë forcë e që tejkalon dhembjen e pakufishme të një nëne…

Si u gjend vajza juaj në makinë “Audit A8” që drejtohej nga 20-vjeçari i ndjerë, Klevis Ruçaj? Me cilin nga dy personat kishte miqësi?
E vërteta është se shoferi me vajzën që ndodheshin në makinë ishin kushërinj të parë (fëmijë tezesh). Ata ktheheshin nga Elbasani dhe kanë kaluar në TEG, dhe e kanë marrë vajzën time me makinë për të ardhur në shtëpi. Vajza në atë makinë u gjend, se shoferi ishte kushëriri i vajzës tjetër që njihej me vajzën time, e që mbeti po ashtu viktimë nga tragjedia.

Ishe në dijeni se ku do shkonte atë ditë, dhe kur folët për herë të fundit?
Unë jam prej 16 vitesh punonjëse policie pranë Drejtorisë së Përgjithshme të Burgjeve. Kam folur në drekë me vajzën, kur jam nisur për punë pasi atë ditë isha turni i dytë. Vajza ime Sisi do të shkonte në TEG për të blerë një bluzë, për të cilën ia dhashë unë lekët.

Si u përballe me lajmin tragjik, të njoftuan apo e mësove nga mediat?

Duke qenë se isha në punë, unë aksidentin s’e kisha parë në media. Atë pasdite e mora vajzën në telefon, por s’arrita do të kontaktoja se nuk e hapi telefonin. Kur kam shkuar në shtëpi, shoh që nuk ishte vajza as në shtëpi. E mora sërish në telefon, por nuk mora përgjigje. Ndërkohë më telefonon shoqja ime, dhe më thotë: “Ku je? “Sa mbërrita shtëpi,- i thashë”. “Do vish me mua të shkojmë në një vend”, -më tha. Ok, i thashë, po çfarë halli ke?. “Flasim nga afër”- më tha…

Telefoni i vajzës dilte i hapur?
Po, telefoni binte deri në orën 23:00 që e kam provuar, edhe kur unë isha para morgut.
Jeni takuar me familjarët e djalit që shkaktoi aksidentin, dhe nëse po çfarë ju kanë thënë?
Familjarët e 20-vjeçarit, (që ishte shoferi) nuk di kush janë dhe nga janë.

Çfarë marrëdhënieje kishit me vajzën, ju tregonte për gjithçka për shembull nëse ishte e dashuruar apo në një lidhje?
Vajza nuk kishte shok, as lidhje. Ajo hapej me mua dhe ishim si shoqe.

Vajza juaj kishte ëndrra për të qenë pjesë e botës së televizionit. Çfarë synimesh kishte për të ardhmen?
E donte botën e televizionit, edhe pse u diplomua për laborante dentare. Dhe sa i përket natyrës dhe tipit e kisha si djalë, jo vajzë. Jetonim bashkë në zonën “Don Bosko” në Tiranë, pasi vajza e madhe jeton në Paris (Francë), ku dhe ka krijuar familje.

Pas aksidentit, fotot e vajzës suaj dhe dy të rinjve të tjerë që humbën jetën në aksidentin tragjik pushtuan rrjetet sociale. Si mund ta gjejë forcën një nënë e vrarë në shpirt si në rastin tuaj, për të dhënë mesazhin e saj për të rinjtë?
Komunikimi me ju ka qenë i pari. Rrjetet sociale nuk i kam parë se jam e helmuar në shpirt. Nuk kam mundur dot t’i përgjigjem asnjë telefonate, nga miqtë, shoqëria apo kolegët. Nuk mundem, jam e bllokuar totalisht!/story.al

The post “Vajza ime donte të bëhej yll televizioni…!” Flet nëna e Eriseldës: Pse u gjend te makina e tragjedisë appeared first on Albeu.com.

Për ekspertin rrugor Mahir Hodo, 20-vjeçarit Klevis Ruçaj duhet t’i ishte hequr patenta, pasi kishte shkelje të përsëritura.

“Ai nuk duhet të dilte në rrugë sot, ka marrë disa masa nga policia, duhet të ishte hequr patenta. Mund ta kishim shpëtuar atë djalë të ri që sot ka vdekur”, u shpreh ai në studion e Panorama TV.

Hodo theksoi se duhen marrë gjithashtu masa që  “një drejtues mjeti i dalë rishtazi të mos ketë të ketë drejtë të ngasë mjet mbi 1000 kubik ose të ngasë vetëm për 1 vit.”

Ai tha se Drejtoria e Policisë Rrugore duhet të hetojë 5 gjobat e vendosura nga efektivët ndaj 20-vjeçarit në harkun kohor prej 6 muajsh.

“Ky drejtues mjeti që është 20-vjeç të ngasë një mjet që ka fuqi të madhe, si mundet që është i patentuar prej 1 viti. Një drejtues mjeti i dalë rishtazi të mos ketë të ketë drejtë të ngasë mjet mbi 1000 kubik ose të ngasë vetëm për 1 vit.

I japim targë adrelinë, duket sikur po inspirojmë. Ai nuk duhet të dilte në rrugë sot, ka marrë disa masa nga policia, duhet të ishte hequr patenta. Mund ta kishim shpëtuar atë djalë të ri që sot ka vdekur.

Ai nuk e ka menduar rrezikun që i kanosej atij vetë, personave në makinë dhe mjeteve që ishin në punën  e vet. Ne jemi vendi numër 1 për sanksionet e vendosura ndaj drejtuesve të mjetit.

Të shkojë ku është gjobitur ky drejtues mjeti, vendi ku është dhënë masa, a janë zbatuar parimet e rregullat e ligjit. Drejtoria e policisë rrugore të dalë në komunikatë dhe të tregojë si qëndron e vërteta. Të dalë në rrugë me kaq shkelje nuk ia ka për borxh askujt.

Neve nuk i hetojmë aksidentet ashtu si duhet, të gjejmë arsyen përse dhe si ka ndodhur aksidenti”, tha eksperti. /albeu.com

The post Aksidenti tragjik me 3 viktima, eksperti: Mund ta kishim shpëtuar atë djalë të ri, t’i kishin hequr patentën appeared first on Albeu.com.

Pak orë më vonë 20-vjeçari ndërroi jetë në spitalin e Traumës, aty ku po merrte mjekim të specializuar nga mjekët.

Albeu.com ka siguruar videon nga aksidenti tragjik.

 

View this post on Instagram

 

A post shared by Albeu.com (@albeucom)

Në pamjet e kamerave të sigurisë, duket qartë që mjeti që drejtohej nga i riu ishte me një shpejtësi marramendëse, dhe për pak një tjetër automjet ka mundur t’i shmangej përplasjes para se “Audi” të fluturonte nga mbikalimi.

Dy vajzat që ndodheshin në makinë me Ruçajn, Erisilda Abedini, 22-vjeçe, banuese ne Tirane dhe Sikela Përroj, 23-vjeçe, banuese në Tiranë, humbën jetën, teksa tre personat po marrin mjekim tek spitali i Traumës jashtë rrezikut për jetën./Albeu.com/.

The post VIDEO/ “Fluturimi drejt vdekjes”, momenti i frikshëm kur Audi theu barrierat mbrojtëse dhe përfundoi mbi makinë appeared first on Albeu.com.

Audi që drejtonte 20-vjeçari, Klevis Ruçaj, me dy vajza pasagjere në makinë, ka qenë duke udhëtuar në unazën lindore me drejtim lëvizje nga Farka për te rrethrrotullimi pranë TEG-ut

Por, për shkak të shpejtësisë tej normave të lejuara, mjeti nuk u fut në rrethrrotullim por u përplas me barrierat anësore duke pëtfunduar poshtë mbikalimit.

Nga hetimi paraprak ka rezultuar se mjeti “Audi” lëvizte me shpejtësi mbi 260 km/h.

Nga këqyrja e vendit të ngjarjes nga grupi hetimor në rrugen që ka pershkuar 20-vjeçari që vinte nga unaza lindore pra nga Farka drejt rrethotullimit të TEG-ut, duket që nuk ka frenim të fortë.

Ndërkohë mësohet se i riu që e drejtonte ishte pajisur me leje drejtimi në vitin 2021, pra në moshën 18-vjeçare dhe kishte marrë disa herë masa administrative nga policia./albeu.com/

The post Me shpejtësi skëterrë, aksidenti tragjik me 3 viktima në Tiranë, “Audi” po lëvizte me mbi 260 km/h appeared first on Albeu.com.

23-vjeçarja nga Shalësi i Cërriku jetonte në Tiranë, ndërsa prindërit e saj jetonin jashtë. E reja kishte mbaruar shkollën për Gazetari , por ëndrrat i mbetën në mes nga aksidenti i djeshëm.

Viktma tjeër e aksidenti është Erisilda Abedini, 22 vjeçe. Te dyja ishin pasagjere te makina tip Audia, që drejtonte 20-vjeçari Klevis Ruçaj, i cili ndërroi jetë te spitali i Traumës.

Nga aksidenti kanë mbetur të plagosur 5 persona, 3 nga makina Audi dhe dy që ndodheshin te makina poshte mbikalimit.

Ngjarja tragjike ndodhi pasditn e djeshme kur Ruçaj po udhëtonte me makinën e llojit “Audi” nga Farka dhe për shkak të shpejtësisë së lartë çau barrierat e mbikalimit të Saukut e ra mbi mjetin “Honda”. /Albeu.com.

The post Aksidenti i frikshëm në Tiranë, njëra nga viktimat nga Cërriku, i mbetën ëndrrat në mes appeared first on Albeu.com.

Makina tip Audi që drejtonte 20-vjeçari, Klevis Ruçaj, i cili ndërrroi jetë në spitalin e Traumës ra nga mbikalimit i TEG-ut mbi kofanon e një tjetër makine.

Sakaq janë identifikuar edhe dy viktimat e tjera të aksidentit, të cilat ishin pasagjere në makinën e 20-vjeccarit.

Ato janë Erisilda Abedini, 22 vjeçe dhe Sikela Përroj, 23 vjeçe, të dyja banuese në Tiranë.

Kujtojmë se nga aksidenti kanë mbetur të plagosur  5 persona, 3 nga makina Audi dhe dy që ndodheshin te makina poshte mbikalimit.

Ngjarja tragjike ndodhi pasditn e djeshme kur  Ruçaj po udhëtonte me makinën e llojit “Audi” nga Farka dhe për shkak të shpejtësisë së lartë çau barrierat e mbikalimit të Saukut e ra mbi mjetin “Honda”. /Albeu.com.

The post Aksidenti i frikshëm te mbikalimi i TEG-ut, identifikohen dy vajzat që u shuan në lule të rinisë appeared first on Albeu.com.

Por megjithëse kishte pak kohë që ishte drejtues mjeti, ai ishte ndëshkuar 5 herë nga policia për shkelje të ndryshme.

Konkretisht:

Ndëshkuar për parakalim dhe veprime të ndaluara më 6 shtator.

Nuk zbatoi sinjalistikën 7 tetor 2022.

Gjobitur për shpejtësi 15 nëntor 2022.

Është kapur me celular në drejtimin e mjetit 9 dhjetor 2022.

Pa siguracion dhe nuk zbatoi sinjalistikën 27 janar 2022.

Ruçaj, 20 vjeç ishte drejtuesi i “Audit” që “fluturoi” nga rrethrrotullimi i Saukut dhe shkaktoi aksidentin tragjik me tre viktima mbëmjen e djehsme.

Dy vajza pasagjere në mjetin tip “Audi” humbën jetën në vend, ndërsa Ruçaj u transportua në spitalin e Traumës por nuk mundi t’ia dilte.

Tre pasagjerët e mjetit tip “Honda” mbetën të plagosur, por ndodhen jashtë rrezikut për jetën./Albeu.com.

The post Aksidenti horror te rrethrrotullimi i TEG-ut, 20-vjeçari ishte ndëshkuar pesë herë nga policia për shkelje appeared first on Albeu.com.

Dy vajza humbën jetën në vendin e ngjarjes, ndërsa drejtuesi i Audit, Klevis Ruçaj, 20 vjeç humbi jetën në spitalin e Traumës pasi nuk mundi t’i rezistonte plagëve të marra.

Nga një vëzhgim në rrjetet sociale, Ruçaj shihet se ka qenë i apasionuar pas shpejtësisë dhe lëvizte përherë me mjete të shpejta. Më poshtë, janë disa nga videot që ai vetë ka publikuar në llogarinë në Tik Tok.

@klevrucaj ?#fyp ♬ original sound – ???????

@klevrucaj #fyp #capcut #viral ♬ Originalton – LA LOCO

@klevrucaj #fyp ♬ original sound – ?

Si ndodhi aksidenti

Audi luksoz i drejtuar nga 20-vjeçari doli nga rruga duke çarë hekurat e rrethrrotullimit pranë TEG dhe ra në autostradën poshtë tij, ku aksidentoi një mjet tjetër.

Tre personat që ndodheshin në mjetin tip “Honda” mbetën të plagosur dhe ndodhen në spital jashtë rrezikut për jetën.

Kurse Klevis Ruçaj dhe dy pasagjeret vajza (ende të paidentifikuara) që ai kishte në makinën e tij, kanë ndërruar jetë. /Albeu.com/

The post “Mos u shqetëso kur drejtoj makinën me një dorë”, i apasionuar pas shpejtësisë, çfarë publikonte në Tik Tok 20-vjeçari që ndërroi jetë (VIDEO) appeared first on Albeu.com.

Mësohet se 20-vjeçari Klevis Ruçaj, i cili drejtonte mjetin tip Audi që ra nga mbikalimi i Saukut mbi kofanon e një makine tjetër, nuk ka mundur ta fitojë betejën për jetën, për shkak të plagëve të marra nga aksidenti.

Kujtojmë se nga ky aksident viktima kanë mbetur dhe dy vajza të tjera, njërsa prej tyre 25 vjeç, ndërsa në spital ndodhen dy persona të tjerë, gjendja e të cilëve nuk dihet ende.

Policia dhe grupi hetimor po punojnë për zbardhjen e rrethanave të aksidentit.

Njoftimi:

Në vijim të aksidentit të dhënë më parë, të ndodhur në afërsi të rrethrrotullimit të TEG-ut, ku humbën jetën dy shtetase, ju informojmë se:

Si pasojë e dëmtimeve të marra ka ndërruar jetë në spital shtetasi K. R., 20 vjeç, drejtuesi i automjetit tip “Audi”

/albeu.com

The post EMRI/ Aksidenti i rëndë në Tiranë, humb jetën drejtuesi 20-vjeçar i Audit që ra nga mbikalimi appeared first on Albeu.com.