Këtë të hënë, Lamallari prezantoi drejtorin e ri të AMP, Klevis Qose, deri pak më parë ish-drejtor i Përgjithshëm i Burgjeve.

Teksa falenderoi drejtorin e deritanishëm, Eduart Merkaj, ministri Lamallari theksoi se drejtuesi i ri i AMP-së, duhet të çojë më tej punën për rritjen e transparencës, forcimin e kontrollit të brendshëm dhe garantimin e standardeve më të larta profesionale në Policinë e Shtetit.

“Prezantova sot drejtorin e ri të Agjencisë së Mbikëqyrjes Policore, Klevis Qose. Ai merr këtë përgjegjësi në një moment të rëndësishëm për forcimin e standardeve të integritetit dhe duhet të vijojë me përkushtim këtë mision, duke çuar më tej punën për rritjen e transparencës, forcimin e kontrollit të brendshëm dhe garantimin e standardeve më të larta profesionale në Policinë e Shtetit”, tha ai.

Më tej, ministri vlerësoi edhe punën e paraardhësit të Qoses, duke nënvizuar se angazhimi i dikasterit për vetëpastrimin e radhëve të uniformave blu, është i panegociueshëm dhe se kush cenon besimin e qytetarëve nuk ka vend në Polici.

“Falenderime për Eduart Merkaj për përkushtimin, seriozitetin dhe integritetin që tregoi gjatë drejtimit të AMP-së. Kontributi i tij ka qenë i vyer në forcimin e rolit të kësaj agjencie dhe në konsolidimin e standardeve të llogaridhënies. Angazhimi ynë për vetëpastrimin e Policisë së Shtetit është i panegociueshëm. Kushdo që cenon besimin e qytetarëve dhe uniformën, nuk ka vend në radhët e saj. Ne do të vijojmë me forcimin e mekanizmave të kontrollit dhe ndëshkimit, duke mbështetur çdo hap që garanton një polici të pastër, profesionale dhe në shërbim të qytetarëve”.

The post Kush cenon besimin e qytetarëve s’ka vend në radhët e uniformave blu/ Ministri i Brendshëm prezanton kreun e ri të AMP: Vetëpastrimi i Policisë së Shtetit është i panegociueshëm appeared first on Albeu.com.

Në postimin e tij, Qose shpreh mirënjohje për besimin që i është dhënë dhe falënderon me përzemërsi të gjithë punonjësit e sistemit penitenciar për përkushtimin, profesionalizmin dhe përgjegjshmërinë e treguar në përballimin e sfidave të përditshme, shpesh të specifike dhe me ngarkesa jo të vogla.

Një falenderim të veçantë ai e ka për kryeministrin Edi Rama, ish-ministrin Ulsi Manja, ministrin Besfort Lamallari dhe ministrin aktual të Drejtësisë, Toni Gogu, si dhe për ambasadorët dhe përfaqësuesit e komuniteteve fetare që mbështetën reformën dhe zhvillimin e sistemit. Ai falënderon gjithashtu prokurorët, gjyqtarët dhe institucionet që kontribuan në përmirësimin e sistemit penitenciar.

Ndër të tjera, ish-drejtori ka nënvizuar se gjatë detyrës të tij në krye të Drejtorisë së Përgjithshme të Burgjeve është arritur modernizimi i infrastrukturës, digjitalizimi i sistemeve, përmirësimi i kushteve të punës dhe rritjen profesionale të stafit, ngritje e laboratorëve për testime shëndetësore, si dhe projekte për riintegrimin e të dënuarve dhe spitalin psikiatrik-forensik.

Po ashtu, Qose i ka uruar suksese drejtorit të ri, Adriatik Kupit, dhe shpreh mirënjohjen për të gjithë ata që kontribuan në rrugëtimin e tij: “Faleminderit të gjithëve! Jam mirënjohës për çdo kontribuues që ka vënë një gur në këtë institucion të rëndësisë së veçantë.”

Postimi i plotë:

Me mirënjohje për besimin që më është dhënë për të drejtuar Drejtorinë e Përgjithshme të Burgjeve, në këtë moment të përfundimit të detyrës sime, dua të ndaj me të gjithë ju një falënderim të sinqertë për gjithçka që kemi arritur së bashku.

Së pari, dua të falënderoj dhe t’u përcjell gjithë mirënjohjen time, të gjithë punonjësve të këtij sistemi për përkushtimin, profesionalizmin dhe përgjegjshmërinë e treguar në përmbushjen e detyrës, pavarësisht të gjitha vështirësive dhe sfidave, të cilat në punën tonë kanë qenë më specifike e me ngarkesa jo të vogla .

Me konsideratë të veçantë falënderoj Kryeministrin z. Edi Rama për besimin dhe vlerësimin, ish-ministrin z. Ulsi Manja për profesionalizmin, mbështetjen e vazhdueshme dhe bashkëpunimin e ngushtë gjatë gjithë periudhës së ushtrimit të detyrës, ministrin z. Besfort Lamallari, ministrin aktual të Drejtësisë z. Toni Gogu.

Falënderoj Ambasadoren znj. Nancy Vanhorn dhe stafin e saj nga Ambasada Amerikane ????????,

Ambasadorin z. Nicholas Abbott dhe stafin nga Ambasada e Mbretërisë së Bashkuar ????????,

Ambasadorin z. Marco Alberti dhe stafin nga Ambasada Italiane ????????,

Ambasadorin z. Reinout Caspar Vos dhe stafin nga Ambasada Holandeze ????????,

Ambasadorin z. Tayyar Kağan Atay dhe stafin nga Ambasada Turke ????????,

znj. Giulia RE, kreu i Zyrës së Këshillit të Europës,

dhe z. Michel Tarran, ambasador i OSBE-së, për mbështetjen e vyer dhe kontributin e tyre në forcimin e sistemit penitenciar dhe afrimin e tij me standardet më të mira europiane .

Falënderoj komunitetet fetare , për rolin e tyre të çmuar në mbështetjen shpirtërore dhe sociale të personave të privuar nga liria, si dhe për të gjithë institucionet dhe organizatat me të cilat kemi bashkëpunuar ngushtë gjatë kësaj periudhe, duke kontribuar së bashku në përmirësimin e sistemit penitenciar.

Falënderoj prokurorët e Prokurorisë së Posaçme (SPAK), gjyqtarët e Gjykatës së Posaçme (GJKKO), si dhe prokurorët dhe gjyqtarët e juridiksionit të përgjithshëm për bashkëpunimin dhe mirëkuptimin e treguar gjatë kësaj kohe.

Në këtë periudhë, kemi punuar për të ndërtuar një sistem më transparent, më modern dhe më funksional. Hapëm dhe garantuam transparencën e proceseve të gradimit dhe të ecurisë në karrierë për çdo punonjës. Investuam në rritjen e sigurisë dhe përmirësimin e infrastrukturës, përmes vendosjes së sistemeve antidron në burgjet e sigurisë së lartë, sigurimit të automjeteve të blinduara për transportin e personave me rrezikshmëri të lartë, si dhe shtimit të flotës së ambulancave .

Ndërmorëm hapa konkretë në përmirësimin e infrastrukturës: rihapëm institucionin e Ali Demit si burg i hapur, ndërtuam burgun e ri në Kukës, restauruam dhe termoizoluam 9 IEVP, si dhe vijohet me restaurimin total të IEVP Fushë-Krujë . Paralelisht, siguruam godinat nga përmbytjet dhe tërmetet dhe mbyllëm objektet e amortizuara të periudhës së komunizmit.

Një vëmendje e veçantë iu kushtua përmirësimit të kushteve të punës dhe rritjes profesionale të stafit. Krijuam qendra trajnimi dhe zhvilluam programe profesionale, hapëm ëorkshope në REC, Fier dhe Korçë, lidhëm marrëveshje me universitete private për bursa falas për punonjësit dhe ofruam kredi të buta për ta .

Në drejtim të modernizimit, rinovuam sallën e monitorimit në DPB dhe realizuam digjitalizimin e sistemeve elektronike, duke përfshirë sistemin e repertorëve dhe të radiove . Po ashtu, garantuam sigurimin e shëndetit dhe mbrojtjen nga aksidentet në punë për të gjithë punonjësit e sistemit penitenciar dhe SHKBB. Po ashtu mundësuam kredi të buta për punonjësit e DPB-së.

Si pjesë e përmirësimeve institucionale, përtej marrëveshjeve ekzistuese me komunitetet fetare për ushtrimin e veprimtarisë së tyre në institucionet e ekzekutimit të vendimeve penale, tashmë përfaqësuesit e komuniteteve fetare janë bërë pjesë e organikës sonë. Gjithashtu, u përfshi në strukturë edhe një psikolog i dedikuar për stafin, duke garantuar mbështetjen psikologjike dhe mirëqenien e punonjësve të çdo institucioni.

Ngritëm një laborator për testimin e shpejtë të çdo personi të paraburgosur apo të dënuar që hyn në institucionet e ekzekutimit të vendimeve penale, për sëmundjet infektive dhe ato seksualisht të transmetueshme . Gjithashtu, hartuam projektin për ndërtimin e një spitali të ri psikiatrik dhe forensik për të dënuarit me vendim gjyqësor , si dhe lidhëm marrëveshje me bashkitë për riintegrimin e tyre pas përfundimit të dënimit.

Edhe me gjithë angazhimin e madh të bërë, vlerësimi dhe përcjellja tek publiku do të ishte e pamundur pa punën e gazetarëve , të cilëve u shpreh falënderimin tim.

Në përfundim, i uroj suksese drejtorit të ri, Ardiatik Kupi, në përmbushjen e kësaj detyre me përgjegjësi të lartë, në vijimësinë dhe forcimin e mëtejshëm të reformave në sistemin penitenciar .

Faleminderit të gjithëve! Jam mirënjohës për gjithkënd që në këtë rrugëtim dyvjeçar ka vënë një gur në këtë institucion të rëndësisë së veçantë.

The post U lirua dje nga detyra, Klevis Qose i jep lamtumirën Drejtorisë së Burgjeve, i falenderon një për një të gjithë dhe liston arritjet e tij appeared first on Albeu.com.

Klevis Qose, u emërua Drejtor i Përgjithshëm i Burgjeve në mars 2024, duke zëvendësuar Admir Abrijan që dha dorëheqjen.

Në vend të tij, është vendosur Adriatik Kupi.

Më parë, Qose ka mbajtur postin e drejtorit të Shërbimit të Provës dhe të Kontrollit të Brendshëm të Burgjeve.

The post Largohet nga detyra Drejtori i Përgjithshëm i Burgjeve, Klevis Qose, ja kush e zëvendëson appeared first on Albeu.com.

“Në këtë moment të vështirë, ai ka nevojë për mbështetjen tonë, jo vetëm moralisht, por edhe financiarisht”, thuhet në postimin në rrjetet sociale, ndërsa jepen edhe të dhënat bankare dhe numri i telefonit të familjarëve, ku mund të jepet ndihma.

Qose thekson se çdo ndihmë sado e vogël, mund të jetë vendimtare për të shpëtuar jetën e Mentor Sopjanit.

Postimi:

Thirrje për Solidaritet
Një nga anëtarët e familjes tonë të madhe, Mentor Sopjani, punonjës në IEVP Elbasan, po përballet me një sfidë të rëndë shëndetësore.

Në këtë moment të vështirë, ai ka nevojë për mbështetjen tonë, jo vetëm moralisht, por edhe financiarisht.

Mentori ka qenë gjithmonë një njeri i përkushtuar dhe punonjës i ndershëm. Tani është radha jonë t’i qëndrojmë pranë dhe ta ndihmojmë të përballojë këtë sfidë.

Çdo kontribut, sado i vogël, është i vlefshëm dhe mund të bëjë një ndryshim të madh për jetën e Mentorit!

Të dhënat për ndihmë:
IBAN – Raiffeisen Bank: AL68202310590000000011964060
Kontakti i familjarëve: +355 67 691 0698

The post Punonjësi i burgut të Elbasanit në gjendje të rëndë, Klevis Qose apel për ndihmë: Çdo kontribut sado i vogël, vendimtar për jetën e Mentorit appeared first on Albeu.com.

Klevis Qose, prej disa muajsh mbante detyrën e drejtorit të përgjithshëm të Shërbimit të Provës.

Më herët, Klevis Qose, ka mbajtur postin e drejtorit të SHKB së burgjeve.

Klevis Qose, vjen pas një karriere të gjate në Policinë e Shtetit, ndërsa është i dekoruar për lufte kundër terrorizmit.

The post Klevis Qose emërohet drejtori i ri i Përgjithshëm i Burgjeve appeared first on Albeu.com.

Ministri i Drejtësisë Ulsi Manja, pas mbledhjes së sotme, ka bërë publik edhe emrin e ri që do zëvendësojë Hoxhën.

Manja tha se Klevis Qose me vendim të Këshillit të Ministrave do të jetë tashmë drejtori i ri i Shërbimit të provës.

The post EMRI/ Emërohet drejtori i ri i Shërbimit të Provës appeared first on Albeu.com.