Prokuroria e Gjirokastrës e ka quajtur të paligjshëm arrestimin e tij dy dite më parë pasi u vetdorëzua ne Komisariatin e Policisë pas dhunës së ushtruar ndaj mësuesit Kleanthi Laçi.

Mësohet se lirimi i 29-vjeçarit është bërë përmes një urdhri të posaçëm prej prokurores Edlira Manelli, e cila e ka vlerësuar si të paligjshëm arrestimin e të riut emigrant, pasi nuk kishte shkaktuar dëme që mund t’i shkaktonin vdekjen mësuesit 59-vjeçar. Rrjedhimisht dhunuesi i këtij të fundit zhvishet nga çdo akuzë e ngritur dhe kësisoj është i lirë.

Ndërkohë mësuesi, tashmë i pezulluar nga puna, është denuar me 40 ditë burg për veprën penale të ngacmimit seksual.

The post Dhunoi mësuesin pasi i ngacmoi motrën, gjykata liron të riun: Nuk i shkaktoi dëmtime që mund t’i sillnin vdekjen appeared first on Albeu.com.

Gjykatësja Suela Dashi është njohur me ngjarjen përmes prokurores Edlira Manelli e cila nga ana e saj ka kërkuar burg pa afat për mësuesin e edukimit fizik në shkollën 9-vjeçare “Avni Rustemi” në qytetin e Tepelenës.

Mësuesi mohon ta ketë ngacmuar seksualisht nxënësen e tij, vëllai i së cilës e dhunoi bashkë me persona të tjerë.

Laçi do të vuajë dënimin menjëherë pasi te dalë nga spitali rajonal i Gjirokastrës ku po kurohet pas dhunës së ushtruar ndaj tij të dielën e kaluar. /albeu.com

The post Akuzohet se ngacmoi nxënëset, lihet 40 ditë në burg mësuesi që u dhunua në Tepelenë appeared first on Albeu.com.

Kushi deklaron se mësuesi është pezulluar nga detyra dhe se nxënëses menjëherë i është ofruar ndihmë nga punonjësit e shërbimit psiko-social.

Ministrja thekson se nëse vërtetohet fajësia, krahas dënimit nga organet e drejtësisë, personat përgjegjës përjashtohen përgjithmonë nga sistemi arsimor.

Reagimi i Kushit:

Kemi ndjekur nga afër ngjarjen e ditëve të fundit të ndodhur në Tepelenë, ku një mësues është dhunuar, pasi akuzohet nga familjarët për abuzim ndaj vajzës së tyre. Për mësuesin është marrë masa e ndalimit nga policia dhe Zyra Arsimore Tepelenë ka marrë sot vendimin për pezullimin e mësuesit nga puna deri në përfundimin e plotë të hetimeve.

Nxënëses menjëherë i është ofruar ndihmë nga punonjësit e shërbimit psiko-social dhe gjithashtu drejtoria dhe stafi i shkollës do të vijojnë mbështetjen për vajzën dhe familjen e saj, për ta kapërcyer këtë situatë.

Besojmë fort se organet e drejtësisë do ta zbardhin shumë shpejt të vërtetën e kësaj ngjarjeje dhe do të marrin vendimet e duhura ligjore. Siç e kemi bërë të ditur edhe më parë, qëndrimi ynë për këto raste është i prerë dhe nëse vërtetohet fajësia, krahas dënimit nga organet e drejtësisë, personat përgjegjës përjashtohen përgjithmonë nga sistemi arsimor.

Për këtë arsye, kemi përfshirë një nen të ri në Ligjin për Arsimin Parauniversitar, i cili do të miratohet së shpejti në Kuvendin e Shqipërisë. Ne nuk do të lejojmë të punojë në institucionet tona arsimore askënd që cënon shëndetin dhe mirëqenien e nxënësve tanë.

The post Dyshohet se ngacmoi seksualisht nxënësen dhe u arrestua, ministrja Kushi reagon për rastin e mësuesit të dhunuar: Është pezulluar appeared first on Albeu.com.

Po ashtu u arrestua edhe A. G., 29 vjeç, për veprat penale “Plagosja e lehtë me dashje”, kryer në bashkëpunim dhe “Vetëgjyqësia”.

Ndërkohë, mësuesi akuzohet për veprat penale “Ngacmimi seksual” dhe “Kallëzimi i rremë”. Fillimisht ai deklaroi se nuk e dinte pse kishte rënë pre e dhunës dhe mohoi t’i njihte personat që e sulmuan.

Njoftimi i policisë:

Tepelenë
Specialistët e Seksionit për Hetimin e Krimeve të Komisariatit të Policisë Tepelenë, në përfundim të veprimeve hetimore të kryera nën drejtimin e Prokurorisë pranë Gjykatës së Rrethit Gjyqësor Gjirokastër, për ngjarjen e ndodhur në datën 16.01.2023, në vendin e quajtur “Zona industriale”, Tepelenë, ku disa shtetas kanë goditur me mjete të forta shtetasin K. L., 59 vjeç, banues në Tepelenë (mësues), kanë ndaluar njërin prej autorëve të dyshuar, shtetasin:
A. G., 29 vjeç, banues në Tepelenë, për veprat penale “Plagosja e lehtë me dashje”, kryer në bashkëpunim dhe “Vetëgjyqësia”.
Vijon puna intensive për identifikimin, kapjen dhe vënien përpara përgjegjësisë ligjore të bashkëpunëtorëve të tij.
Gjithashtu, në vijim të veprimeve hetimore, nga specialistët e Seksionit për Hetimin e Krimeve në Komisariatin e Policisë Tepelenë u bë ndalimi i shtetasit të dëmtuar K. L., 59 vjeç, për veprat penale “Ngacmimi seksual” dhe “Kallëzimi i rremë”.
Ndalimi i këtij shtetasi u bë pasi nga kallëzimet e marra në lidhje me këtë rast, dyshohet se ai ka ngacmuar seksualisht 2 shtetase të mitura.
Materialet procedurale i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.

/albeu.com

The post Dyshohet se ngacmoi seksualisht një nxënëse, arrestohet mësuesi që u dhunua në Tepelenë appeared first on Albeu.com.

Sot është zbardhur dëshmia e tij, ku tregon se njëri prej tre të rinjve e kishte ftuar për kafe dhe me mirëbesim ai kishte shkuar, ndërsa sapo ishte futur në makinë e kishin dhunuar.

“Nisi që nga shtëpia. Hipa në makinë pa i njohur si persona por më pëlqyen se më tha profesor njëri dhe më tha do të qeras me një kafe. Në makinë më çuan në një rrugë jo kryesore, larg shtëpisë time dhe aty pastaj më goditën me grusht. Ishin tre persona, shoferi dhe dy të tjerë. Targat nuk i mbaj mend por më duket se makina ishte e llojit ‘Audi’.

Unë nuk di të kem pasur konflikt me njeri, nuk më thanë gjë, më goditën papritur. Unë hipa në makinë se më thanë do të qerasim me një kafe. Në momentin e goditjes së parë dola nga makina. Personat ishin të moshave të ndryshme. Unë u përmenda që në moment, u futa në një vend sa të pastrohesha dhe më pas mora një taksi”, u shpreh Laçi.

Mësuesi ndodhet jashtë rrezikut për jetën, ndërsa policia po punon për identifikimin dhe kapjen e autorëve.

The post “Profesor, hajde të të qeras me një kafe”, mësuesi tregon si e dhunuan: Më morën në makinë dhe më goditën (VIDEO) appeared first on Albeu.com.

Kleanth Laçi, 59 vjeç, mësues i edukimit fizik është dhunuar nga disa persona.

Familjarët e 59-vjeçarit kanë njoftuar policinë dhe njëkohësisht e kanë shoqëruar në Spitalin e Gjirokastrës për ndërhyrje kirurgjikale.

Sipas informacioneve të para, arsimtari është thirrur nga tre persona të cilët kanë dashur të sqarojne një bisedë me të dhe me pas e kanë dhunuar në menyrë barbare.

Plagët e marra në trup janë përqendruar kryesisht në kokë, fytyrë dhe pjesën abdominale.

Ai është jashtë rrezikut për jetën, ndërkohë që policia është vënë në kërkim të autorëve./Albeu.com/

The post EMRI/ Dhunohet barbarisht mësuesi në Tepelenë appeared first on Albeu.com.