Sipas vendimit të dhënë, Gjykata e Tiranës dënoi me 3 vite burg Mariela Berishën, vendim i cili zbriti në 2 vite për shkak të gjykimit të shkurtuar, ndërsa për Antonela Berishën u caktua 3 vite shërbim prove, masë që zbriti në 2 vite nga gjykimi i shkurtuar.

Ngjarja që tronditi opinionin publik ndodhi në një restorant në Tiranë, ku Klea Prenga po darkonte. Ajo u sulmua fizikisht dhe u godit me sende të forta nga motrat Berisha, për motive ende të paqarta por të cilësuara si banale.

Pas incidentit, Mariela dhe Antonela Berisha u shpallën në kërkim nga policia. Ato qëndruan të fshehura për rreth dy muaj, derisa u vetëdorëzuan në polici për të përballuar drejtësinë.

Ngjarja ndezi reagime të shumta në rrjetet sociale dhe u dënua nga opinioni publik, veçanërisht për dhunën e ushtruar ndaj një figure publike si Klea Prenga.

Aktualisht, pritet që të përfundojnë procedurat ligjore për ekzekutimin e vendimeve, ndërsa nuk ka ende një reagim zyrtar nga vetë Klea Prenga apo përfaqësuesit e saj ligjorë.

The post Dhunuan Klea Prengën, Gjykata e Tiranës shpall vendimin për motrat Berisha appeared first on Albeu.com.

Shkak ndryshimi i avokatit nga ana e tyre i cilli kërkoi kohë të njihet me aktet.

Tani ato do të përfaqesohen nga avokati Luan Hasneziri.

Motrat Berisha akuzohen për dhunimin e modeles Klea Prenga.

The post Dhu*uan modelen Klea Prenga, shtyhet gjyqi për motrat Berisha appeared first on Albeu.com.

Në llogarinë e saj në “Instagram”, Prenga e quan Antonelën “palaço, që nuk njeh as nder dhe as moral”, duke theksuar ndër të tjera se nuk ka qenë ajo që ka publikuar videot me Mir Pepën, por vetë motrat Berisha me qëllim për ta përfshirë atë në “lojërat e tyre të ndyra”.

“Ah dhe çuditërisht menjëherë pas publikimit të deklaratës sime, faqja që publikoi videot dhe fotot u fshi. Ky është një tjetër veprim dëshpërues për të më përfshirë në lojërat tuaja të ndyra. Por për fat të keq për ju zgjuarsia juaj lë shumë për të dëshiruar. Jeni aq të cekëta dhe të lexueshme sa çdo veprim juaj bie menjëherë në sy”, shkruan Klea Prenga.

Ndërkohë, theksojmë se natën e ndërrimit të viteve, Jetmir Pepa, i cili është dhe “molla e sherrit” mes Klea Prengës dhe motrave Berisha, Mariela dhe Antonela Berishën, qëlloi me armë zjarri në ajër në ambientet e club-it “Cinco Cavalli”.

Fatmirësisht nga të shtënat nuk pati të lënduar, ndërkohë policia shpalli në kërkim Pepën dhe po punon për kapjen e tij.

Pas kësaj ngjarje në rrjetet sociale, filluan të dalin video të Jetmir Pepës dhe Klea Prengës. Në një prej tyre Pepa shihej teksa në ambientet e një club-i puthte në ballë Klean.

Por, lidhur me këtë video doli vetë Klea me një reagim zyrtar, ku dhe tha se ajo video nuk është bërë natën e ndërrimit të viteve dhe se nuk është publikuar nga ajo.

Ndërkohë, pas këtij reagimi erdhi dhe një deklaratë nga motrat Berisha, kryesisht nga antonela Berisha e cila “shpërtheu” ndaj Kleas duke theksuar se video dhe kërcënime të tilla blogerja i ka dërguar disa herë motrës së saj, Mariela Berishës.

Reagimi i plotë i Klea Prengës:

Palacoja që nuk njeh as nder, as moral, tani bën share në story mesazhe “mbështetëse” ku unë degradohem me fjalët më të ndyra. E njëjta që pretendon të jetë një person publik që shfaqet në televizor tregon nivelin e saj të ulët duke publikuar mesazhe me fjalor rrugësh.

Je ti që kërkon famë nuk ke lënë emision pa shkuar duke treguar botërisht degradimin tënd. Çdokush që të sheh e di se skandalet janë identiteti yt dhe se je e gatshme të bësh gjithçka për pak vëmendje.

Tani vazhdo me jetën tënde të turpshme dhe skandaloze. Sa për mua jam shumë e lumtur që Zoti sheh gjithçka. Në fund të fundit ai i di mirë kriminelët dhe plehrat që jetojnë duke krijuar dhunë dhe pisllëqe. Të paktën, e bëre të qartë se askush nuk mund të të rivalizojë në nivelin tënd të ulët – aty je kampione!

Ah dhe çuditërisht menjëherë pas publikimit të deklaratës sime, faqja që publikoi videot dhe fotot u fshi. Ky është një tjetër veprim dëshpërues për të më përfshirë në lojërat tuaja të ndyra. Por për fat të keq për ju zgjuarsia juaj lë shumë për të dëshiruar. Jeni aq të cekëta dhe të lexueshme sa çdo veprim juaj bie menjëherë në sy.

The post Klea Prenga s`përmbahet ndaj Antonela Berishës: Palaço, nuk njeh as nder e moral appeared first on Albeu.com.

Pas sulmit që i bënë Klea Prengës, influencerja ka treguar detaje të tjera në lidhje me atë periudhë.

“Kjo çështja e Dubait… dua ta sqaroj një herë e mirë. Do të doja të kishim qenë atje, por nuk kemi qenë. Është një informacion që mund të vërtetohet. Nuk mund të udhëtojë askush nëse është në verifikim. Nuk kemi qenë në Dubai. Impakti ka qenë pozitiv edhe pse lajmet vazhdonin.

Kam pasur shumë mesazhe në imboks, për persona që kanë pasur të njëjtën situatë si unë. Më i errëti si mesazh ka qenë për motrën time, për të cilën thonin se ishte e kërkuar për vrasje e mbetur në tentativë në Itali, atje ku ne kemi nënshtetësinë. Nuk e kemi kaluar ende këtë trysni, duke qenë se hetimi vazhdim ne jemi nën masë.

Unë jam me detyrim paraqitjeje, ndërsa motra në arrest shtëpie. Ndryshe… do të doja të mos kishim qenë duke ngrënë darkë aty. Kam keqardhëse për çdo gjë që ka ndodhur. Njerëz jemi, bëjmë gabime dhe normalisht nuk do të doja të ndodhte kjo që ka ndodhur”, tha Antonela Berisha.

The post “Njerëz jemi, bëjmë gabime”, Antonela Berisha flet pas sulmit ndaj Klea Prengës: Nuk e kemi kaluar ende trysninë appeared first on Albeu.com.

I ftuar në një emision televiziv avokati deklaroi se sulmi ishte i qëllimshëm, aspak rastësi, pasi kamerat e sigurisë tregojnë që Mariela dhe Antonela Berisha nuk ishin duke darkuar në restorant.

Ai tha se modelja ishte e shoqëruar nga mikeshat e saj dhe nga një bashkëshort i njërës preëj shoqeve.

“Nuk ka pasur kontakte më parë, as mesazhe kërcënuese, asgjë. Ngjarja nuk ka qenë rastësi, sepse gjithë dinamika është regjistruar në kamerat e sigurisë në ambientin e lokalit. Dy motrat zbresin në ca shkallë dhe e sulmojnë direkt e në fytyrë. Klea më ka thënë se motrat Berisha nuk i kanë thënë asgjë, por thjesht e kanë sulmuar direkt e në fytyrë. Klea ka qenë e shoqëruar nga mikeshat dhe nga bashkëshorti i njërës prej shoqeve të Kleas”, tha Alfred Duka.

E pyetur nga moderatorja se nëse dyshohet se ndonjë nga mikeshat e Kleas ka bashkëpunuar me motrat Berisha, avokati tha se sipas dëshmisë së modeles nuk ka ndodhur diçka e tillë, por shtoi se mbetet për t’u hetuar.

“Kjo është një çështje që i përket hetimit nëse do të shtrihet deri këtu. Por, as Klea nuk ka hedhur hije dyshimi se ndonjë prej personave ka pasur bashkëpunim me motrat Berisha”, tha Duka.

Ngjarja e rëndë ndodhi më 6 gusht 2024, kur Klea, e cila ishte duke darkuar në një restorant, u sulmua barbarisht nga motrat, të cilat e goditën me sende të forta, përfshirë shishe qelqi, duke i shkaktuar dëmtime të rënda në fytyrë.

Ishte vetë e dhunuara Klea Prenga e cila denoncoi rastin në polici dhe madje në rrjetet sociale nxorri edhe fotot duke treguar tmerrin që përjetoi.

The post A ka marrë Klea Prenga mesazhe kërcënuese nga motrat Berisha? Ja si përgjigjet avokati i modeles appeared first on Albeu.com.

Gazetari Igli Çelmeta raporton se në dëshminë e saj para togave të zeza, Antonela u shpreh se gjithçka ka ardhur si pasojë e provokimeve nga ana e Prengës, duke e ccuar Marielën të shpërthejë në të tilla veprime.

Sipas saj kjo nuk është hera e parë që e motra përballet me provokime nga ana e Klea Prengës, pasi kjo është një situatë e cila vijon prej një viti.

“Më vjen shumë keq për çfarë ka ndodhur. Nuk ka qenë aspak qëllim i yni që të ndodhte një ngjarje dhe aq më tepër një pasojë e tillë. Kemi shkuar në restorant, të dyja me motrën për të darkuar. Në një moment ajo është ngritur rrëmbyeshëm nga tavolina, e provokuar nga sjellja e viktimës. Në gjaknxehtësi e sipër, aty në moment, ka rrëmbyer një gotë dhe e ka qëlluar viktimën. Kam ndërhyrë mes tyre vetëm për t’i ndarë, dhe mbi të gjitha për të mbrojtur motrën time. Ka një vit që nuk ndihet aspak mirë. E provokuar në mënyra të ndryshme. Më vjen shumë keq dhe nuk e shikoj dot motrën time në këtë gjendje. Kërkoj ndjesë, dhe jam e gatshme të bëj gjithçka për të normalizuar marrëdhëniet dhe për ta ndihmuar viktimën të rehabilitohet fizikisht, për sa na takon. Kërkoj ndjesë publike përpara Gjykatës”, shprehet ajo.

Ndërkohë në emër të klientes, avokatja u shpreh se kërkohet ndjesë publike për rastin.

“Ndihemi të keqardhura për gjithçka ka ndodhur. E pranojmë faktin penal, por A. nuk ka kryer veprime me asnjë qëllim për të dëmtuar dikë. Ajo ka ndërhyrë për të ndalur situatën dhe për të mbrojtur motrën e saj, e cila i ka kryer veprimet e saja në gjaknxehtësi e sipër. Asgjë nuk ka qënë, e planifikuar prej tyre. Nuk ka patur asnjë paramendim. Nuk ka patur asnjë qëllim për të dëmtuar fizikisht asnjeri. Ka qënë një incident i çastit. I momentit. Kërkojmë falje publike para Gjykatës, dhe shprehemi tërësisht pendues, duke qënë të gatshëm të përgjigjemi financiarisht për t’iu ndodhur viktimës në rehabilitimin e saj fizik.

Sa i përket veprimeve të A. mendojmë që nuk duhet të kualifikohen si fakt/ vepër penale, ndaj nuk ka asnjë arsye që ndaj saj të caktohet një masë sigurimi. Në të tilla kushte kërkojmë revokimin e masës së sigurimit personal “Detyrimi për t’u paraqitur në policinë gjyqësore, për shtetasen A. Berishaj”, u shpreh ajo.

Ngjarja:

Kujtojmë se Klea Prenga u dhunua në mënyrë barbare nga motrat Berisha, teksa darkonte në një restorant në Tiranë, më datë 6 gusht 2024. Teksa Prenga ka qenë duke ngrënë, motrat Berisha e kanë goditur me shishe qelqi në fytyrë, duke i shkaktuar dëme të shumta shëndetësore.

Dy motrat Antonela dhe Mariela Berisha akuzohen nga forcat blu për “plagosje të rëndë me dashje, kryer në bashkëpunim”.

The post “Klea e provokoi”, dëshmia e Antonela Berishës para gjykatës: Doja të mbroja motrën time! appeared first on Albeu.com.

Teksa ishte i ftuar në një intervistë për TN, avokati i Kleas, Alfred Duka ka deklaruar se edhe pse dy motrat u dorëzuan në polici, nuk ka pasur asnjë tentativë për të komunikuar. Madje, avokati shtoi se Klea ka marrë vazhdimisht kërcënime.

Dëmtimet në fytyrën e saj të shkaktuara nga dhuna e motrave Berisha, avokati tha se përcaktohen nga organet kompetente si shëmtim i përjetshëm.

“Blogerja vazhdon të jetë në gjendje të rëndë, është e tronditur. Dëmtimet përcaktohen si shëmtim i përjetshëm. Ka pasur edhe disa mesazhe pas ngjarjes që i ka kallëzuar. Unë jam avokati i saj, i zonjës Klea që pak ditë pas ngjarjes, përfaqësimin e kam paraqitur në organin e akuzës. Nuk ka pasur asnjë përpjekje apo tentativë për të komunikuar dikush me mua apo me Klean. Kërcënimet kanë dy natyra, nëse kërcënimi ndodh post traume, impakti është më i rëndë”– u shpreh avokati.

The post Avokati i Klea Prengës: Ka marrë vazhdimisht kërcënime, është në gjendje të rënduar (VIDEO) appeared first on Albeu.com.

Klea Prenga u dhunua barbarisht nga motrat Berishaj teksa ishte duke darkuar në një restorant në kryeqytet mbrëmjen e 6 gushtit 2024 dhe teksa ishte duke ngrënë motrat e kanë goditur me sende të forta, shishe qelqi, duke i shkaktuar dëmtime të konsiderueshme në fytyrë.

Dy motrat, Antonela dhe Mariela Berishaj akuzohen për plagosje të rëndë me dashje, kryer në bashkëpunim dhe rrezikojnë burg deri në 10 vjet. Fillimisht u dyshua se ato ishin larguar nga Shqipëria për në Dubai.

Klea Prenga pas goditjes ka dëme të pariparueshme në fytyrë, teksa i kanë rrezikuar punën e saj si blogere.

NJOFTIMI I POLICISË:

Tiranë

Në vijim të njoftimit të dhënë më datë 09.08.2024, ku në një lokal te Kodra e Diellit, shtetaset A. B. dhe M. B. (motra) kanë goditur me shishe qelqi në fytyrë shtetasen K. P., ju njoftojmë se:

Sot më datë 16.10.2024, rreth orës 19:00, këto dy shtetase janë vetëdorëzuar në Drejtorinë Vendore të Policisë Tiranë.

Në vijim të veprimeve u bë ekzekutimi i vendimit penal të Prokurorisë pranë Gjykatës së Shkallës së Parë të Juridiksionit të Përgjithshëm Tiranë e cila ka caktuar masën e sigurimit personal “Arrest në burg”, në mungesë, ndaj shtetases M. B., dhe masën e sigurimit “Detyrimi për tu paraqitur në Policinë Gjyqësore” ndaj shtetases A. B.

Materialet i kaluan Prokurorisë.

The post Dhunuan Klea Prengën, vetëdorëzohen në polici motrat Antonela dhe Mariela Berisha appeared first on Albeu.com.

Mbrëmjen e djeshme, nëpërmjet një reagimi të bërë prej të dhunuarës janë zbuluar ofendimet që e ëma e motrave Berisha, i ka drejtuar Kleas në momentin që ajo publikoi pamjet e plagëve në rrjete sociale.

Ky veprim i Kleas, ka ardhur pas një reagimi që e ëma e motrave Berisha, ka bërë në llogarinë e saj personale të Instagram-it.

Donika Marashi (e ëma e motrave Berisha), rrëfehet se ka denoncuar të gjitha adresat që kanë përdorur imazhin e saj dhe të Antonelës dhe Marielës, duke theksuar se as për mbështetje dhe as për të denigruar nuk pranon të hapen adresa për to.

Pra lë të nënkuptohet se po distancohet prej adresave të cilat shajnë të dhunuarën, Klea Prengën.

Mirëpo nga ana tjetër, Klea shprehet se Donika Marashi, ka qenë ajo që e ka ofenduar e para me fjalë, të cilat i keni të paraqitura në imazhin e mëposhtëm:

“Po i rikujtoj zonjës komentin e saj dhe fjalorin e përdorur”, shprehet ndër të tjera Klea teksa pretendon se ai koment është bërë në momentin e postimit të plagëve dhe është fshirë në mënyrë të menjëhershme prej Donikës.

The post Fjalët që nëna e motrave Berisha shkruajti për Klea Prengën, ja si përgjigjet blogerja (FOTO) appeared first on Albeu.com.

The post FOTO/ U dhunua barbarisht nga motrat Berisha, Klea Prenga publikon pamjet e reja, tregon gjendjen e saj dhe shenjën në fytyrë appeared first on Albeu.com.