Policia e Lushnjes, ka ngritur dyshime të forta se shkak i vendosjes së tritolit, mund të jetë bërë mosmarëveshjet e lindura mes Klea Gjatës dhe të dënuarit me burg përjetë Laert Haxhiu, me të cilin vajza është ndarë.

Divorci mes Klea Gjatës dhe Laert Haxhiut, ka ndodhur sapo vajza nga Lushnja, ka mësuar se një modele nga Kosova e quajtur Ziza Pajaziti, ka frekuentuar në takim special në burgn e Drenovës të dashurin e Kleas, Laert Haxhiu.

Ziza Pajaziti Laert Haxhiu

Pas zbulimit të tradhtisë, Klea Gjata, ka refuzuar takimet e mëtejshme në burg me Laert Haxhiun, duke çuar në një konflikt të vazhdueshëm me të.

Klea Gjata, ish-e dashura e Laert Haxhiut

Sipas burimeve të policisë së Tiranës, kjo pistë dhe ky konflikt mund të jetë bërë shkak për vendosjen e tritolit në banesën ku jeton nëna e Klea Gjatës, e cila fatmirësisht nuk ka pësuar dëmtime nga shpërthimi I tritolit.

Kujtojmë se emri i Klea Gjatës doli në media si e dashura besnike e Laert Haxhiut, kur njëri nga anëtarët Artan Tafani, shfaqi pendësn dhe foli për prokurorinë e Elbasanit, disa nga krimet e kryera nga banda e Laert Haxhiut.

Pas dëshmisë së tij, policia dhe prokuroria urdhëruan arrestimin e Klea Gjatës për akuzën e “Moskallëzimit të krimit”, e cila ka qëndruar 6 muaj në burg dhe njëherësh ju sekuestrua një automjet tip “Benz”, me të cilin lëvizte herë pas here Laert Haxhiu, gjatë kohës kur ishte në kërkim./ Nga Elton Qyno

The post Shpërthimi me lëndë plasëse pas divorcit mes Klea Gjatës dhe Laert Haxhiut, lidhja që u kris pasi në burg hyri në takim special Ziza Pajaziti appeared first on Albeu.com.

Shpërthimi me eksploziv është raportuar në orët e para të mëngjesit pranë një banese, në lagjen “Gafurr Muço”.

Burime bëjnë me dije se eksplozivi është vendosur në shtëpinë e Shaqe Gjatës, nënës së Klea Gjatës, e cila kjo e fundit ka qenë e dashura e Laert Haxhisë.

Nga shpërthimi deri tani, raportohen vetëm dëme materiale, ndërsa policia ka misur hetimet për zbardhjen e motiveve të kësaj ngjarjeje.

The post Shpërthim me lëndë plasëse në banesën e Klea Gjatës, e dashura e Laert Haxhiut appeared first on Albeu.com.

Gjykata vendosi t’i kthejë makinën Gjatës raporton gazetarja e Top Channel Anila Hoxha, pas një padie të dorëzuar nga e ëma, shtetasja Sh. Gj që kërkoi “Kthimin e sendit të sekuestruar sipas procesverbalit të datës 01.10.2023, ora 17:55, mbajtur nga oficeri i policisë gjyqësore pranë Komisariatit të Policisë Elbasan”.

Makina luksoze e sekuestruar gjithë këto muaj, nuk ishte e Klea Gjatës, por e nënës së saj. Këto kërkesa ishin bashkuar në një të vetme në seancën gjyqësore të datës 10.07.2024.

Gjykata e Posaçme e Shkallës së Parë për Korrupsionin dhe Krimin e Organizuar ka vendosur Pranimin e kërkesës të paraqitur nga nëna e Klea Gjatës, për kthimin e automjeti tip Mercedes–Benz, deri në përfundim të gjykimit.

Gjykata ia ka rrëzuar kërkesën Klea Gjatës e cila kërkoi të njëjtën gjë pasi makina luksoze sipas shkresave nuk rezultoi të ishte në emër të saj.

27-vjeçarja Klea Gjata nga Lushnja, pjesë e grupit të Laert Haxhisë u arrestua gjatë operacionit të koduar “Never Forget” një vit më parë.

“Klea Gjata, 27 vjeçe, banuese në Lushnjë, dyshohet për veprat penale “Përkrahja e autorit të krimit” dhe “Moskallëzimi i krimit”,” u tha gjatë njoftimit të policisë. /tch/

The post Kush është Klea Gjata, pjesë e grupit kriminal të Laert Haxhiut që GJKKO i ktheu makinën (FOTOT) appeared first on Albeu.com.

Në bllokimin e mjetit kanë marë pjesë dhe efektivë të komisariatit të Lushnjës, të cilët kanë zbatuar urdhrin e tre prokurorëve të çështjes, Kreshnik Ajazi, Hektor Mushi dhe Artur Ismajlukaj.

Pikërisht kjo makinë përdorej nga Klea Gjata, e cila në shumë raste ka transportuar Laert Haxhiun dhe bashkëpuntorin e prokurorisë, Artan Tafani nga njëra bazë në tjetrën. Makina aktualisht ndodhet në ambjentet e policisë së Elbasanit.

Ora news raporton se automjeti është survejuar disa herë nga agjentët e policisë së Lushnjës, me shpresën e lokalizimit dhe arrestimin e Laert Haxhiut, por në asnjë rast nuk ka sjellë asnjë rezultat.

Për këtë automjet ka folur dhe bashkëpuntori i prokurorisë Artan Tafani, se ka lëvizur i armatosur së bashku me Laertin në disa qytete të vendit.

Bashkëpunëtori ka treguar se e dashura e Laert Haxhiut, ka dijeni thuajse për çdo lëvizje dhe krim të Laert Haxhiut, ndaj dhe prokuroria urdhëroi arrestimin e saj për akuzën e “Moskallëzimit të krimit” dhe “Përkrahjes së autorit të krimit”.

LEXO KËTU TË GJITHA LAJMET

Implikimi i Klea Gjata me vrasësin Laert Haxhiun, lidhet jo vetëm nga dëshmia e Artan Tafanit, por dhe nga telefoni i saj.

Në momentin e arrestimit, Klea Gjatës, i janë sekuestruar dy aparate telefonike ku nga kqyrja e tyre rezultoi se vajza nga Lushnja atë ditë dhe në ditët e tjera, fliste në telefon në mënyrë të vazhdueshme me Laert Haxhiun.

Haxhiu nga burgu në Greqi ku ndodhet aktualisht thuajse çdo ditë ka folur me Klea Gjatën që qëndronte në Tiranë dhe Lushnjë. Për t’u mbuluar rreth aktivitetit të saj, vajza kishte hapur një dyqan shitje rrobash në Lushnjë.

Të gjitha këto biseda të bërë në aplikacionin “Whats app” dhe aplikacione të tjera, janë në dorë të prokurorëve dhe administruar në dosjen hetimore, ku pritet që ti kalojë për hetime të mëtejshme prokurorisë së posaçme SPAK.

“…nga materiali hetimor i administruar rezulton se personi nën hetim Klea Gjata, ka patur dijeni për veprimtarinë kriminale të personit nën hetim, Laert Haxhiu, si dhe të personave të tjerë.

Nga ana e saj nuk është kryer asnjë veprim për kallëzimin e këtyre krimeve në organet kompetente. Rezulton se nga kqyrja e telefonit të sekuestruar kësaj shtetase, ajo ka komunikime me personin nën hetim Laert Haxhiu.

Po ashtu rezulton se Klea Gjata, ka lëvizur me të njëjtin automjet me këtë person nën hetim dhe ka pasur dijeni mbi faktin se ai ka qënë i armatosur. Klea Gjata, rezulton që ka qënë në të njëjtin automjet me Laert Haxhiun, në momentin kur kanë marrë në makinë autorin e këtyre veprave penale të quajtur Artan Tafani…”-thuhet në dosjen e prokurorisë së Elbasanit.

The post FOTO/ Bllokohet në Lushnjë benzi “GLK” i Klea Gjatës, policia i gjen celularin: Fliste çdo ditë me Laert Haxhiun në burgun grek appeared first on Albeu.com.

Në një intervistë ekskluzive për gazetaren e Report Tv Keti Banushi, mamaja e të resë, Shaqe Gjata, tha se pas arrestimit të vajzës së saj, një grua me emrin Shpresa, i ka shkuar në shtëpi dhe i ka thënë se vajza e saj i ka vrarë djalin. Ajo mohon që vajza të ketë lidhje me vrasjet.

“Unë po pija kafen në një lokal lagje. Po ça faji kam unë? Erdhi një grua, e ka emrin Shpresa, mbiemrin nuk e di. Ka ardhur edhe këtu, edhe tek shtëpia, më tha le të fshihet sa të dojë, vajza e saj më ka vrarë djalin. Vajza ime është një engjëll nuk ka lidhje me vrasjet! Të pyesësh në gjithë Lushnjën s’ka lidhje! Vajza ime ka që vajzë e re që ka punuar në shtëpitë e Zvicrës duke pastruar.’- tha ajo për Report Tv.

Nëna e 27-vjeçares, tregon se vajza ndihej e frikësuar nga Laert Haxhiu e se kishte frikë që këtë të fundit ta refuzonte.

‘Klea ka mbaruar administrim biznesi. Unë atë dritë syri kam. Vajza fle me mua. Jam tepër e shqetësuar, na ndihmo të lutem. Unë atë vajzë kam nuk ka bërë asgjë. Më ndihmo të lutëm. As nuk e ka takuar, vetëm të atin i njoh çunit! Ne kemi parë hallin tonë. Kam turp kam sedër pse ta pësoj ajo që është e drejtë. Unë e kam frikë atë më thoshte që t’i bëj bllok.’- tha ajo.

Me Laert Haxhiun, tregon se ka komunikuar vetëm në telefon me të dhe se njeh si fytyre. Për 8 mars të këtij viti tha ajo, ai i ka sjellë një tufë lule të cilat vajza ka refuzuar që t’i pranojë.

‘Në telefon me mua është sjellë mirë ai. Nuk e kam takuar kurrë! Unë e njoh si fytyrë që jepet në media. Nuk e njoh djalin vetë. Kur ishte 8 Marsi i këtij viti i erdhi një buqetë ishte pa emër… Vajza nuk e pranoi buqetën… Se nga i gjeti numrin dhe i tha ta kam sjellë unë buqetën (Laert Haxhiu). I tha ta kam sjellë për shenjë respekti. Vajza tha mos u merr me mua. Kam frikë më ‘tha ti bëj bllok’. Shkëputej rrinte dy javë, por e merrte vet ai. Për të bashkëjetuar jo e jo! Kur ka ardhur buqeta me lule jam shtangur, tha nuk e njoh se kush është.’- tha ajo.

Shaqe Gjata tregon se bashkëshortin e ka të paralizuar e se në momentin kur policia zbarkoi që të arrestojë vajzën e saj, ajo kishte menduar se mos kishte bërë ndonjë aksident.

‘Unë atë ditë që më morën vajzën unë u gdhiva në spital me tim shoq, pasi e kam të paralizuar. Vajza shkoi të marrë ilaçe në atë kohë kur erdhi policia. ‘Kërkojmë Klea Gjatën’ më thanë. Mua me vajti mendja mos ka bërë aksident. Unë se kisha fare lidhjen. Erdhi vajza e mori policia, i thanë do të marrim në pyetje.’- tha ajo.

Vajza me çfarë merrej?

Nëna e 27-vjeçres: Kishte një dyqan rrobash në Lushnjë. Dhe mendoi do të iki në Gjermani tek motra, se i thoshte nuk nxjerr gjë me atë dyqan. Po shikonte për vende pune dhe mendoi se do të shkonte në Gjermani…

“Kurrë mos harro” është megaoperacioni që çoi në pranga 12 persona, 4 në kërkim që akuzohen për 6 vrasje, 5 shpërthime me tritol, grabitje me dhunë dhe 3 tentativa për kryerje vrasjesh. Policia e Shtetit i zbardhi këto krime falë të penduarit, Artan Tafani, 39-vjeçari anëtar i grupit të Laert Haxhiut, kundërshtar i Aldo Bares./ shqiptarja.com

The post “Ai i solli lule për 8 Mars”, flet nëna e Klea Gjatës: Vajza e kishte frikë Laert Haxhinë, s’ka lidhje me vrasjet appeared first on Albeu.com.

Policia ka kryer disa operacioni dhe deri më tani kanë rënë në pranga 12 persona, e mes tyre edhe një femër, e identifikuar si Klea Gjata, 27-vjeç.

Dyshohet se Klea Gjata, nga Lushnja, pjesë e grupit të Laert Haxhisë, është e përfshirë në një vrasja, por mbetet e paqartë se cili ka qenë roli i saj.

Së fundmi avokati i saj, pretendon se familja e Gjatës ka marrë kërcënime nga familjarë të viktimave.

Sipas avokatit, Detar Hysi, policia dhe prokuroria kanë tejkaluar kompetencat, pasi nuk kanë kryer verifikime dhe konfirmime thëniesh të një të penduari për 3 ditë.

Ai ka kërkuar të merren masa ligjore për sigurimin e jetës së qytetarëve.

The post U arrestua si pjesë e grupit të Laert Haxhisë, kërcënohet familja e Klea Gjatës appeared first on Albeu.com.

Mësohet se numri i të ndaluarve për ngjarjet e zbardhura është 20, mes tyre edhe një vajzë.

Bëhet fjalë për 27-vjeçaren Klea Gjata, nga Lushnja dhe shoqe e Laert Haxhisë.

Kujtojmë që Artan Tafani, i cili ishte shpallur në kërkim për grabitjen e një exchange në zonën e Astirit në Tiranë u bë i penduar i drejtësisë pas arrestimit, duke dhënë informacione mbi ngjarje të ndryshme kriminale, dhe për pasojë janë zbardhur 6 vrasje, 2 në Greqi, në Tiranë, Elbasan dhe Berat. Krahas vjedhjes në Unazë të Re, nën kërcënimin e armës, Tafani është dënuar më parë për të njëjtën veprimtari kriminale

The post Artan Tafani zbardhi vrasjet e bujshme, kush është 27-vjeçarja e arrestuar, shoqe e Laert Haxhisë (FOTO) appeared first on Albeu.com.

Mes të arrestuarve është edhe 27-vjeçarja Klea Gjata, nga Lushnja, shoqe e Laert Haxhisë.

Artan Tafani, i cili ishte shpallur në kërkim për grabitjen e një exchange në zonën e Astirit në Tiranë u bë i penduar i drejtësisë pas arrestimit, duke dhënë informacione mbi ngjarje të ndryshme kriminale, dhe për pasojë janë zbardhur 6 vrasje, 2 në Greqi, në Tiranë, Elbasan dhe

Berat. Krahas vjedhjes në Unazë të Re, nën kërcënimin e armës, Tafani është dënuar më parë për të njëjtën veprimtari kriminale

Grabitja e 2015-ës: Më 13 gusht 2015, do të njoftohej arrestimi i një të riu të të shpallur në kërkim nga policia për grabitjen e Western Union në Lushnje. Policia në atë kohë theksoi se arrestimi i 31-vjeçarit në atë kohë Artan Tafani, me banim në lagjen “Xhevdet Nepravishta” të Lushnjes, ishte bërë një ditë më parë, pra më 12 gusht 2015.

Ai ishte anëtar i grupit të Laert Haxhiut dhe ndër emrat që ai ka përmendur para hetuesve për vrasjet që janë zbardhur është edhe emri i Haxhiut. Laert Haxhiu akuzohet për masakrën e Lushnjës në vitin 2017.

Të vrarë mbetën Zamir Latifi e Jurgen Hoxha dhe u plagosën Bujar Turku dhe Marius Xhepexhiu, por shpëtoi shënjestra e tyre që ishte Xhulio Shkurti, nipi i Aldo Bares, kreu i bandës së Lushnjës.

Laert Haxhiu dyshohet edhe për vrasjen e Besmir Hidës në 2019-ën, baba i dy fëmijëve, që u ekzekutua teksa pinte kafe në një lokal në qendër të Lushnjes.

Haxhia është dënuar me 18 vjet burg nga Gjykata e Lushnjës për masakrën e 11 shtatorit 2017. Autor i masakrës së Lushnjës, është arrestuar në Greqi dhe pritet të ekstradohet drejt Shqipërisë.

.

The post EMRI/ I penduari i drejtësisë zbardhi vrasjet e bujshme, shkon në 20 numri i të arrestuarve, mes tyre një vajzë appeared first on Albeu.com.