Gjasula numëron 29 ndeshje me Kombëtaren, duke debutuar më 7 shtator 2019 në ndeshjen Francë-Shqipëri, ndërsa ishte pjesë e Shqipërisë në Kampionatin Europian “Gjermani 2024”, aty ku gjeti edhe rrugën e rrjetës për herë të parë me fanellën kuqezi në sfidën e paharrueshme Kroaci – Shqipëri, që përfundoi në barazim 2-2.

Sakaq, me anë të një postimi në rrjetet sociale futbollisti ka bërë të ditur vendimin e tij, duke u shprehur se për të ka qenë gjithmonë një ëndërr të luante dhe të përfaqësonte denjësisht Shqipërinë në arenën ndërkombëtare, ndërsa shton se është vendimi i duhur për t’u hapur rrugën të rinjve.

“E kisha ëndërruar gjithmonë të luaja me Kombëtaren dhe e realizova. Isha në një Europian, shënova një gol dhe u ndjeva njeriu më i lumtur. Nëse kthej kokën pas, kam plot momente të bukura me fanellën kuqezi, që nga grumbullimi i parë, te ndeshja debutuese ndaj Francës në “Stade de France” dhe tek ajo e fundit ndaj Kroacisë në Europian. Edhe kur e mendoj tani ende dridhem nga emocionet.

Gjithsesi, me ftohtësi kam gjykuar dhe kam marrë vendimin për t’u tërhequr nga Kombëtarja. Është vendimi i duhur për t’u hapur rrugën të rinjve, që Kombëtarja jonë fatmirësisht ka shumë. Unë e realizova ëndrrën time dhe tani është koha për të tjerë që ta plotësojnë dhe ta jetojnë atë ëndërr.

Pas pesë vitesh do të kem mundësinë të vij në stadium dhe ta mbështes Kombëtaren tonë si tifoz. I jam falënderues Zotit, familjes time dhe të gjithë njerëzve që më kanë qëndruar pranë në çdo moment dhe kanë besuar tek unë.

Në veçanti dua të falënderoj edhe Federatën Shqiptare të Futbollit, Presidentin Armand Duka, trajnerët më të cilët kam punuar, Edoardo Reja dhe Sylvio Mendes Campos Junior, stafin teknik të Kombëtares dhe të gjithë bashkëlojtarët që ndamë këtë rrugëtim, që për mua është më i veçanti.

Sukseset e arritura nuk do të ishin të mundura pa tifozët më të mirë në botë, ata të cilët na kanë mbështetur gjithmonë, si në humbje, fitore apo barazim. Faleminderit nga zemra të gjithë tifozëve kuqezi. Për mua ishte nder dhe krenari të vishja fanellën e Kombëtares!” – shkruan Klaus Gjasula.

Federata Shqiptare e Futbollit e falënderon dhe i shpreh mirënjohjen mesfushorit për kontributin e dhënë në fushën e lojës me fanellën kuqezi në gjithë këto vite, ku ka spikatur gjithmonë për grintën, profesionalizmin dhe përkushtimin e tij të pakursyer në çdo sfidë.

https://www.instagram.com/p/C_NTpKKtUf6/

The post Klaus Gjasula vendos të tërhiqet nga Kombëtarja shqiptare! appeared first on Albeu.com.

Nedim Bajrami është tani rekordmen për golin më të shpejtë në historinë e këtyre kampionateve, ndërsa Klaus Gjasula ka shënuar golin më të vonshëm të barazimit në historinë e tyre.

Për më shumë, Gjasula ka thyer edhe një rekord tjetër. Ai është bërë lojtari i parë në histori të ndeshjeve ndërkombëtare që realizon gol dhe auto-gol në po të njëjtën ndeshje.

“Golit të Klaus Gjasulës, i shënuar në minutën e 94 dhe 23 sekonda të ndeshjes, i është akorduar titulli i golit më të vonshëm të barazimeve në historinë e Kampionateve Evropiane, pa llogaritur vazhdimet”, thuhet në shkrimin e UEFA-s.

“Ky sukses i shquar shënon një moment të rëndësishëm për futbollin shqiptar dhe historinë e tij në skenën ndërkombëtare”.

Natyrisht se Gjasula tha se ndihet shumë i lumtur, pasi është momenti më i mirë deri më tani në karrierën e tij.

The post Gjasula futet në histori të Kampionatit Europian me dy rekorde appeared first on Albeu.com.

“Normalisht që tani jemi në fazën përgatitore dhe tashmë po bëhemi gati për këto dy ndeshje. Atmosfera është e mirë, por sigurisht kapiteni i duhet çdo ekipi. Tashmë do vijë me një fitore të rëndësishme dhe ai do të vijë me frymëmarrje të re dhe të mirë ashtu siç na duhet. Ne po e presim.

Unë në përgjithësi jam mesfushor, por do të vendosë trajneri sa minuta do të na japë. Ai do t’i menaxhojë të gjitha këto gjëra, por unë jam këtu për të dhënë maksimumin dhe për të ndihmuar ekipin. Le të shohim se çdo të ndodhë në të ardhmen.

Kemi prap ndeshje bashkë, nuk ka rëndësi se çfarë kundërshtarësh kemi. Në mars kishim rivalë të fortë, tani s’janë aq të fortë. Por objektivi në këto dy ndeshje është të shohim se çfarë kemi përgatitur në këto stërvitje të zhvilluara.

Europiani është gjithmonë diçka e veçantë. Mezi po presim ditët që të kalojnë. Jemi përgatitur mirë, po stërvitemi që të jemi gati. Në Gjermani kam tifozë më shumë, pasi kam edhe shokët e skuadrës që do të më ndjekin”, është shprehur Klaus Gjasula.

The post “Mezi e presim Gjimshitin në ekip”, Klaus Gjasula vlerëson miqësoret: Objektivi është i qartë appeared first on Albeu.com.

Shqiptari ishte i pafat teksa u detyrua të linte fushën e lojës në minutën e 43-të të pjesës së parë për shkak të një dëmtimi. Vendin e tij e mori futbollisti Myler.

Gjithsesi Gjasula duhet të ngushëllohet me faktin se skuadra e tij arriti të triumfonte në transfertë me rezultatin 0-2 falë golave të Klarer dhe Vilhelmson, duke mbajtur gjallë shpresat e mbijetesës, edhe pse situata duket shumë e vështirë, pasi diferenca me Bohumin e vendit të 15-të është 10 pikë, kur kanë ngelur edhe 4 javë nga fundi.

Në duelet e tjera të paradites në Bundesligë, Lajpcig mposhti Heidenheimin me rezultatin 1-2, Hofenheim ia doli në shtëpi ndaj Mynshenglabah me rezultatin 4-3.

Në sfidën tjetër Volfsburgu mposhti minimalisht 1-0 Bohumin.

The post U aktivizua titullar në ndeshjen e Bundesligës, mesfushori i Kombëtares lë fushën e lojës i dëmtuar appeared first on Albeu.com.

Në konferencë për shtyp ditën e sotme ka dalë veterani Klaus Gjasula dhe talenti Kristjan Asllani.

Gjasula, i cili luan për Darmstadin në Bundesligën 2, është shndërruar në qendërmbrojtës, ndërsa sa i përket mungesave ai shton se edhe ekipet e tjera kanë probleme.

Para pesë vitesh e kemi mposhtur Izraelin ne transfertë, mendoni se mund ta përsëritim këtë sukses?

Sigurisht që po. Edhe në ndeshjen e parë u pa qartë që kishim rastet tona për ta fituar takimin. E dimë gjithashtu se sa e rëndësishme është për ne. Duhet të japim maksimumin dhe të marrim tri pikët.

Çfarë ka ndryshuar në kombëtare në krahasim me dy ndeshjet e para?

Kemi disa mungesa, por edhe ata kanë hallet e veta. Në ndeshjet e fundit kanë ardhur shumë çuan të rinj, duhet pak kohë, por ne kemi cilësi për t’i fituar.

Mungon sulmuesi që na shënoi dy gola, ndoshta ky lajm na ngushëllon duke pasur parasysh edhe mungesat?

Është e vështirë të thuash shyqyr që mungon ky lojtar, sepse pranë nuk e dimë cili do të luajë, si do të luajë, ndaj duhet të shohim ekipin tonë, të japim maksimumin ditën e ndeshjes.

Sa besoni se mund t’i marrim gjashtë pikë duke pasur parasysh problematikat tona?

E dimë që janë ndeshje shumë të rëndësishme. Të përqendrohemi tek Izraeli me gjithë gjithë forcën tonë, pastaj të mendojmë për Islandën.

Te Darmstadti jeni aktivizuar edhe si qendërmbrojtës, sa janë mundësi të luani në këtë pozicion edhe në Kombëtare?

Kishim shumë mbrojtës të vrarë, ndaj trajneri më aktivizoi në qendër të mbrojtjes. Që nga ndeshja e dytë nuk më ka hequr më nga aty, sepse është i kënaqur. Për mua nuk ka rëndësi ku luaj, për këtë duhet pyetur trajneri, nuk e di se si i ka planet me mua.

Do të konsiderohet dështim për Shqipërinë nëse nuk e përfundon në vendin e parë në grup?

Edhe ekipet e tjera janë të mira, duket që jemi në të njëjtin nivel. Ne do të provojmë t’i fitojmë të dyja./albeu,com

The post Dy ndeshje vendimtare, Gjasula: Do tentojmë dy fitore, edhe ekipet e tjera kanë probleme me dëmtimet appeared first on Albeu.com.

“Ndihem gjithmonë gati për Kombëtaren. Është e rëndësishme të kemi minuta në fushë. Për këtë arsye kam kaluar të një klub më i vogël për të luajtur më shumë. Ndeshjet e fundit kanë treguar se po rritemi bashkë. Më e rëndësishme është që t’i fitojmë ndeshjet. Frymëmarrja është e mirë, miksimi i lojtarëve veteranë me më të rinjtë.”

Mesfusha e Shqipërisë: Kemi mesfushë të mirë, secili ka cilësitë e veta. Nuk e kam ndier që jemi dobët në një repart të veçantë. Ndeshja nuk fitohet duke qenë mirë në një repart. Duhet të punojmë bashkë e të japim maksimumin.

Polonia si kundërshtarja e radhës: “Polonia ka shumë përvojë dhe cilësi, ka lojtarë që luajnë në ekipet më të mira në botë. E dimë që është ndeshje shumë e rëndësishme për ne. Duhet të kemi respekt, por frikë asnjëherë. Duhet që gjithsescili të japë maksimumin, i kemi mundësitë për të marrë rezultat të mirë. Duhet ta kemi mendjen te vetja, jo te kundërshtari.

Kthimi i tifozëve: “Çdo futbollist është i lumtur kur vijnë tifozët, kështu e kemi mësuar futbollin. Sidomos për ne është shumë e rëndësishme të kemi tifozët dhe të bëjmë paraqitje sa më të mira. Shpresojmë ta lëmë grupin të hapur, pra të kemi mundësi për t’u kualifikuar. Duhet të marrim sa më shumë pikë, pastaj të shohim.

Kalimi te Darmshtadi: “Darmshtadi ka historinë e tij, ka qenë më herët për dy vjet në Bundesligë. E bëra këtë hap për të luajtur në vazhdimësi dhe për të pasur mundësi për të luajtur në Kombëtare. Në tri ndeshjet e fundit kemi marrë rezultate të mira, gjithsesi është herët për të folur për objektivat sezonalë.

The post Ndeshjet e shtatorit, Gjasula: Duhet të japim maksimumin, i kemi mundësitë për të marrë rezultat të mirë appeared first on Albeu.com.