20-vjeçarja shqiptare humbi jetën në aksidentin hekurudhor në Tempi.

Rruga do të jetë në zonën Nea Smirni, afër kishës së Shën Dhimitrit, ku u rrit Klaudia.

Vajza ishte studente e shkëlqyer e Mjekësisë në universitetin Aristotelis të Selanikut.

Mësuesit e Klaudias e kujtojnë si një nga nxënëset më të veçanta të shkollës, ekselente në të gjitha vitet.

Klaudia humbi jetën pas përplasjes së së trenave në Tempi, natën e 28 shkurtit 2023, duke u kthyer nga karnavali i Patrës në Selanik.

Prindërit e Klaudias në një prononcim për median kujtojnë se si i kërkuan të ndalojë pak ditë në Larisa për t’u çmallur, pasi nuk do të kishte leksione, por Klaudia refuzoi sepse donte të studionte.

Klaudia Lata është një nga 4 viktimat shqiptarë dhe ndër rreth 60 të rinjtë që humbën jetën në aksidentin e frikshëm, për të cilin akoma nuk ka asnjë të dënuar nga drejtësia greke./albeu.com

The post Humbi jetën pas aksidentit hekurudhor në Tempi, një rrugë në Larisa merr emrin e vajzës shqiptare appeared first on Albeu.com.

21-vjeçarja e lindur dhe e rritur në Larisa, humbi jetën në Tempi, në atë natë të errët të 28 shkurtit për në Greqi. Me lajmin për vdekjen e saj prindërit dhe partneri i saj mbeten të shkatërruar.

Për të renë që po planifikonte të kalonte Pashkët 2023 me të dashurën e tij Klaudia, aksidenti në Tempe ndërpreu ëndrrat e tyre të përbashkëta. Vassilis Netheridis, partneri i vajzës së ndjerë që mbeti i vrarë nga përplasja fatale mes dy trenave, thotë se është i shkatërruar.

“Nuk kam plane. Nuk kam asgjë. Thjesht ulem dhe ditët kalojnë. Nuk më pëlqen të shoh askënd, as të bëj asgjë, as të largohem nga shtëpia, asgjë. Thjesht gjithçka u prish”, thotë z. Netheridis, duke folur për Alpha-n, i shkatërruar nga aksidenti që e privoi nga Klaudia.

“Ngjalljen dhe Pashkët do t’i kaloj vetëm. Do ta fik celularin për pak dhe do të ulem këtu në shtëpi. Çfarë të bëj tjetër që më prishën gjithçka gjithsesi. Nuk kam çfarë të festoj. As e dashura ime nuk është duke festuar tani, as ajo nuk mund të bëjë asgjë, sa herë që jam me të”, trondit partneri i Klaudias.

“Ai donte si dhe si dhe fëmijët dhe propozimin për martesë të paktën ta dëgjonin dhe të mos ndodhte në kishë e të tilla. Por nuk e dëgjoi…”, thotë i prekur.

“Kam lënë pak kohë nga Greqinë. Erdha këtu për të marrë vesh për veten time por nuk më ndihmon aspak. Mendova se do të ishte më mirë por nuk kam asnjë shok këtu për të folur dhe po mbyllem në veten time. Mendoj shumë për atë që ka ndodhur dhe nuk është mirë. Shumicën e kohës jam në shtrat dhe thjesht qaj”, thotë partneri i Klaudias. /albeu.com

The post Humbi të dashurën në aksidentin e trenave në Greqi, partneri i shqiptares prek me fjalët: Thjesht ulem dhe ditët kalojnë appeared first on Albeu.com.

Xheni Lata, pas vdekjes së motrës ka folur për Alpha duke kërkuar drejtësi për Klaudian, pasi në këtë mënyrë do t’i qetësohet shpirti.

“Motra ime nuk kishte ardhur në Athinë por në Patra. Ne ishim bashkë për tre ditë në karnavale. Ne rezervuam biletat e autobusit dhe donim të rezervonim kthimin, por nuk mund t’i gjenim. Kështu përfunduam në tren. Kohët e fundit, motra ime kishte provime dhe nuk erdhi në Larisa, por as në Patra për të më parë. Ajo donte të ishte vetëm në shtëpi sepse kishte detyrat e shtëpisë”, tha Xheni Lata.

“Kur ishte në tren folëm në telefon dhe më tha që ishte në Paleofarsalo dhe se u vonuan. E dija saktësisht se ku ishte ulur. Dhe nëna ime pati një video telefonatë me motrën time. Nuk kishte sinjal të mirë. Ajo ishte ulur në mensë me të dashurin e saj”, shtoi ajo.

“Në momentin e fundit sikur ndjeu diçka dhe i tha të dashurit të gjente një vend në makinat e pasme se treni ishte plot. Kishin orë të gjata në mensë dhe ai ndihej i lodhur. I dashuri i saj u largua dhe ajo qëndroi atje. I dashuri i saj bëri 10 hapa dhe aty ndodhi përplasja”, ka shtuar Xheni Lata.

“Patjetër që ishte krim, këto gjëra nuk ndodhin. Sa më shumë trishtim të ndiejmë, aq më shumë zemërim kemi. Ne duam që çështja të mos harrohet”, përfundoi ajo.

/Albeu.com.

The post Humbi motrën pas përplasjes së trenave, Xheni Lata e shkatërruar: Ndjeu diçka dhe i kërkoi të dashurit të ndërronin vagon appeared first on Albeu.com.

Mes tyre ishte edhe 21-vjeçarja Klaudia Lata, e cila po udhëtonte me të dashurin e saj.

Ky i fundit ka treguar minutat para përplasjes fatale dhe komunikimin që pati mes partneres së tij para së aksidenti të ndodhte.

“I thashë se do të kërkoj vende për 10 minuta. Ajo më pa në sy dhe më tha “shko tani”. U habita nga mënyra e të folurit të saj dhe pa u menduar u ngrita. E pashë që më buzëqeshi, i buzëqesha dhe bëra 15 hapa. Më pas ndjeva një zhurmë, u hodha disa metra mbrapa në shpinë”, tha i riu për Alhpa.

“As nuk e kuptova se çfarë kishte ndodhur, ndjeva vetëm një masë hekurash që më vinin dhe më binin sipër. Fatmirësisht nuk u lëndova. U zgjova nga tymi. Aktualisht kam probleme me frymëmarrjen. Filluan të më godasin disa këmbë nëpër hekura. Në një moment mbylla sytë dhe thashë se do të digjem i gjallë”, shtoi ai.

“Në të njëjtën kohë po mendoja për Klaudian. Nuk e kuptova se çfarë kishte ndodhur sepse gjithçka ishte e errët. Unë thjesht isha i tronditur. Disa bërtisnin se po digjeshim”, shtoi partneri i së resë shqiptare.

Klaudia Lata ishte mes 6 shqiptarëve që humbën jetën nga përplasja fatale e trenave në Tempe, Larisa të Greqisë.

Numri tital i vitkimave ishte 57, ndërkohë që Shqipëria mbajti të dilën ditë zie për tragjedinë në shtetin fqinj. /albeu.com

The post “Më buzëqeshi”, partneri i së resë shqiptare tregon momentet para përplasjes fatale: Më pa në sy dhe më tha “ik” appeared first on Albeu.com.

Mediat fqinje shkruajnë se Klaudia ka lindur në Larisa, ku ka marrë nënshtetësinë greke. Prindërit e saj kanë një dyqan mishi në të njëjtin qytet.

Ajo vetë ishte një studente e shkëlqyer dhe vazhdonte Degën e Mjekësisë në Shkollën Ushtarake të Korpusit Oficer dhe ka studiuar në Fakultetin e Mjekësisë të AUTH-së.

Studentja shkoi në Patra dhe hipi në tren për t’u kthyer në shkollën e saj.

Prindërit e saj, të cilët jetojnë në një fshat të Larisës, i kërkuan asaj të kalonte edhe pranë tyre.

Megjithatë, ajo nuk pranoi, për të shkuar më shpejt në Selanik. Siç u shpjegoi, donte të pushonte edhe disa orë, për të filluar leximin. Por fati kishte plane të tjera.

Klaudia kishte dy vëllezër e motra, motrën e saj Xheni dhe Elvisin. /albeu.com

The post “Prindërit i kërkuan që t’i takonte”, 21-vjeçarja shqiptare viktimë e përplasjes së trenave, mediat greke: Studente e shkëlqyer appeared first on Albeu.com.