Specialisti i moviolës, i ftuar në emisionin “Super Gol” të RTSH-së, analizoi incidentin e veçantë të regjistruar në sfidën Laçi–Vllaznia, e përfunduar 2-0 në javën e 4-t të Abissnet Superiores.

Sipas tij, futbollisti Mehmeti u godit fillimisht nga një tifoz me shapka në pjesën e parakrahut. Pas këtij veprimi, lojtari u kthye dhe pati një reagim verbal ndaj tifozit.

Eksperti shpjegoi se arbitri iu afrua situatës me synimin për ta mbrojtur lojtarin, ndërsa Mehmeti vijoi komunikimin me tifozin. Ai shtoi se tifozi vijoi me veprimet e tij, ndërsa për pjesën që lidhej me tifozët, Cjapi mori masat përkatëse.

“Arbitri ishte shumë pranë Mehmetit dhe, sipas mendimit tim, e dëgjoi kur lojtari ofendoi tifozin. Duke qenë aq afër, nuk mendoj se arbitri do të jepte një karton të kuq pa arsye”, u shpreh ai.

Eksperti e konsideroi të drejtë ndëshkimin e futbollistit me karton të kuq për ofendimin e tifozit. Megjithatë, përballë sjelljes së tifozëve, ai tha se loja duhej të ishte ndërprerë për shkak të mungesës së sigurisë dhe se personat përgjegjës duhej të nxirrnin tifozët jashtë stadiumit.

Sipas tij, menaxhimi i situatës duhej të ishte krejtësisht ndryshe. Në rast se arbitri vlerësonte se nuk kishte garanci sigurie, duhej t’i dërgonte të dyja ekipet në dhomat e zhveshjes, të boshatisej stadiumi dhe vetëm më pas skuadrat të riktheheshin në fushë.

“Mendoj se lojtari është goditur 2-3 herë nga tifozët me shapka”, përfundoi specialisti i moviolës.

The post Mehmeti u godit 2-3 herë nga tifozët”, eksperti i moviolës: Arbitri duhej të ndërpriste ndeshjen dhe të largonte ekipet appeared first on Albeu.com.

Specialisti i moviolës në RTSH, Klajdi Kola, analizoi momentet e diskutueshme të sfidës Elbasani–Egnatia, e cila u mbyll 2–1 në favor të verdhebluve të drejtuar nga Ivan Gvozdenovic. Vëmendjen e moderatores Hygerta Sako e tërhoqi veçanërisht komenti i tij për aksionin e minutës së 53-të.

Sipas Kolës, në minutën e 12-të Albanese kërkoi penallti, por rasti nuk përbënte shkelje, pasi mbrojtësi nuk kishte mundësi të vepronte ndryshe. Për episodin e Grudës, ai vlerësoi se nuk kishte penallti, ndërsa kartoni i verdhë për stimulim ishte gjithashtu i panevojshëm. Kola e cilësoi si të gabuar edhe mosdhënien e një goditjeje nga këndi në minutën e 37-të.

Për aksionin e minutës së 53-të, Klajdi Kola deklaroi: “Ishte një kontakt normal loje në zonë dhe nuk bëhet fjalë për penallti”.

“Si mund të quhet kontakt normal loje në zonë?!”, reagoi Hygerta Sako. Kola shpjegoi se të dy lojtarët ishin në lëvizje të shpejtë: “Diallo e kthen topin, ndërsa Sota e pret. Të dy përplasen si pasojë e inercisë së lëvizjes. Mbrojtësi nuk kryen asnjë gabim, sepse nuk kishte ku të shkonte. Ishte një përplasje normale”.

The post Hygerta Sako kundërshton vlerësimin e Klajdi Kolës për episodin e dyshimtë në Elbasani–Egnatia appeared first on Albeu.com.