Ashtu siç ka tendenca të caktuara në botën e modës (megjithëse ato hynë në një fazë stanjacioni gjatë pandemisë), ka tendenca mjaft ambicioze në shumë sektorë; në dizajnin e brendshëm, peizazhin, dekorin, madje edhe në ushqim. Dhe sigurisht, edhe në bukuri.

Imagjinoni ndryshimet që kanë përjetuar gratë në 15-20 vitet e fundit. Së bashku me furinë e modeleve anoreksike në vitet ’90 dhe 2000, vajzat e reja përballeshin me çrregullime të ndryshme të të ushqyerit për të qëndruar jashtëzakonisht të dobëta.

Më vonë, u shfaq një tendencë me një trup të shëndetshëm dhe me forma nga një mënyrë jetese më e shëndetshme, me yoga, sporte dhe pilates, së bashku me një mënyrë të re të të ushqyerit. Dietat vegane dhe pa gluten fituan popullaritet dhe produktet e qumështit u lanë mënjanë.

Më pas, të lindurit në vitet ’90 filluan t’i kushtonin më pak rëndësi pamjes së tyre fizike. Edhe një formë trupore proporcionale nuk konsiderohej më e nevojshme. Ijet dhe vithet e mëdha, gjoksi i madh, thonjtë jashtëzakonisht të gjatë dhe zgjatimet e flokëve, papritmas u bënë trend.

Dhe sigurisht, me këtë trend, operacionet për zmadhimin e gjoksit dhe procedurat e zmadhimit të ijeve filluan të diskutohen shpesh. Një grup personazhesh të njohur si Kim Kardashian dhe familja e saj u bënë simbole të këtij imazhi dhe një brez punoi për t’u ngjarë atyre. Me rritjen e mbushjes së buzëve dhe fytyrës, gratë në mbarë botën shpenzuan miliona dollarë për të arritur një pamje që ishte larg pamjes natyrale.

Megjithatë, një epokë e re ka filluar dhe të gjitha këto tendenca janë lënë pas, sepse natyraliteti është përsëri në rritje. Disa aplikime estetike po konsiderohen të vjetra tashmë dhe gjithmonë e pak po regjistrohen operacione që shkojnë përtej pamjes natyrale.

Viti 2024 i dedikohet tërësisht pamjes natyrale.

Po, e keni lexuar saktë. Viti 2024 do të jetë viti kur të gjitha aplikimet dhe operacionet e ndryshme estetike të përmendura më lart, do të marrin fund. Tani është viti i përmirësimit të lëkurës sonë, për të pasur një pamje më të shëndetshme dhe për të ruajtur bukurinë natyrore.

Kirurgia plastike Dilek Avsar, në një intervistë të pak javëve më parë për “Daily Sabah”, parashikoi se i gjithë trendi estetik do të ndryshojë: “Covid-19, i cili ka prekur jetën tonë prej dy vitesh, ka ndikuar edhe në këndvështrimin tonë për estetikën. Çështje të tilla si qetësia, realizmi, sporti dhe ushqimi i shëndetshëm kanë dalë në plan të parë”. Ajo thekson rikthimin tek thelbi dhe thjeshtësia.

Çfarë do të thotë kjo?

Tani, gjoksi i madh, implantet e silikonit, protezat e vitheve dhe buzët e ekzagjeruara të Mickey Mouse kanë humbur popullaritetin e tyre: “Kemi ndjekur konceptin e bukurisë natyrore pa ekzagjerim. Ishte një kohë kur të pasmet e Kim Kardashian ishin të njohura dhe njerëzit injektonin yndyrë sipër protezave. Silikoni 500 cc është futur në gjoks. Hundët u ngritën më shumë. Duhej që procedurat estetike të ishin evidente. Qëllimi ishte që të tjerët të vinin re se ishte bërë punë estetike…. Tani, ai imazh virtual nuk ekziston më. Sot, ka dhënë një pamje natyrale dhe realiste”.

Çfarë na pret në vitin 2024?

“Të ruajmë atë që kemi. Të përdorim mirë atë që kemi. Më pas, ne hyjmë në një epokë më të thjeshtë, ku çdo shtesë e shikojmë si një “Plus”.

Ne do të qëndrojmë larg ekzagjerimit dhe qasja jonë ndaj estetikës do të jetë modeste. Do të shmangim kryerjen e procedurave të shumta në fytyrë dhe në trup. Nëse është e nevojshme, do të zgjedhim një sasi të mjaftueshme aplikimi pa kompromentuar natyralitetin. Viti 2024 është viti i pastrimit dhe veçanërisht i kujdesit qelizor. Ky do të jetë trendi kryesor i këtij viti.

“Qëllimi kryesor është të hamë mirë, të pimë ujë, të ushtrohemi dhe të ruajmë mirëqenien tonë psikologjike. Koncepti i moshës po zhduket. Njerëzit tani mendojnë, ‘Unë do të jem në moshë të mesme pas 65-ave. Prandaj, duhet të kujdesem mirë për veten tani.’ Ky vit ka të bëjë me ekzaminimin e asaj që kanë nevojë qelizat. Përmirësimi i cilësisë së lëkurës do të jetë qëllimi ynë kryesor. “Nëse ka nevojë pas përmirësimit të cilësisë së lëkurës, atëherë do të shqyrtojmë ndërhyrjet estetike”,- shton Avsar.

The post Tendenca e bukurisë në vitin 2024, kirurgët plastikë: Ndërhyni me elegancë në estetikë! appeared first on Albeu.com.

Ekziston kuadri i nevojshëm ligjor kundër korrupsionit, por zbatimi i ligjit është i dobët dhe shkalla e dënimit, shumë e ulët. Mitdhënia aktive dhe pasive, si dhe mitdhënia për zyrtarët e huaj, sipas Kodit Penal të vendit, konsiderohen të paligjshme. E po njësoj, edhe dhënia e dhuratave apo pagesave për favorizime, megjithatë këto praktika janë të përhapura gjerësisht” (Albania Corruption Report, përditësim gusht 2020, https://www.ganintegrity.com/portal/country-profiles/albania/).

Citati i mësipërm, fatkeqësisht, është njëri nga të shumtët që lexon në raporte ndërkombëtare në lidhje me Shqipërinë. Dhe kur flitet për korrupsionin, kemi parasysh një fenomen që përfshin një spektër të gjerë aktesh e veprimesh, ku përfshihen zhvatja, mitdhënia, mashtrimi, trafikimi i ndikimit, nepotizmi, përvetësimi dhe favorizimi. Korrupsioni kategorizohet si korrupsion kërkese (pasiv) apo oferte (aktiv); i madh (ku përfshihet korrupsioni politik dhe kapja e shtetit) apo i vogël; tradicional apo jotradicional, si dhe korrupsion publik apo privat. Korrupsioni mund të përshkruhet edhe si sistemik apo individual; ose korrupsion me përfitim përkundrejt korrupsionit në formë mosveprimi.

Po ashtu, jemi më se të qartë teorikisht mbi dëmin që sjell korrupsioni në të gjitha aspektet: ekonomike, institucionale, shoqërore e deri në nivelin e lirisë e të demokracisë. Sa më i përhapur korrupsioni, aq më me pasoja është ai dhe aq më afatgjatë është ndikimi. Të gjitha këto kategorizime të korrupsionit dhe përfundime teorike për terrenin shqiptar nuk mbeten në rrafsh teorik. Ato janë më se të njohura, të përjetuara dhe të vuajtura në aspektin praktik e të përditshëm. Jo më kot, Shqipëria konsiderohet si vend me problem serioz për sa i përket korrupsionit. Ajo çka e ndryshoi këtë herë është “kirurgjia plastike”, që kërkohet t’i bëhet përmes konferencave antikorrupsion.

Evidentohet me të drejtë se një nga problemet e theksuara janë tenderat jo transparentë dhe në shkelje të ligjit. Paralajmërohet se “do të ngrihet një strukturë e posaçme, me ekspertizë të jashtme për të bërë tenderat”. Pra, zgjidhja e problemit jepet pikërisht, duke paralajmëruar forma të ngjashme me PPP-të, të cilat gjerësisht janë paraqitur problematike dhe janë përdorur si instrumente favorizimi e korruptimi.

Duke u munduar të zbukurohet me shprehjen se “korrupsion ka në të gjithë botën”, konferenca, në fakt, jep një mesazh të qartë pranimi se strukturat shtetërore nuk kanë më imunitet mbrojtës ndaj korrupsionit. Theksimi i ofrimit të shërbimeve publike me zgjidhje dixhitale, qendërzimi i mëtejshëm i këtyre shërbimeve, apo delegimi i tyre te palë të treta të jashtme, nuk e përforcojnë domosdoshmërisht imunitetin antikorrupsion. Përforcimi i tendencës qendërzuese, tashmë e shtrirë edhe në gjyqësor, nëpërmjet reformës së shpallur të gjykatave, rrit kostot e aksesit në drejtësi dhe shton edhe më tej risqet.

Lind pyetja, përse nevojiten edhe formalisht institucionet, kur jemi në një proces të qendërzimit të kompetencave dhe delegimi të funksioneve shtetërore te palë të treta të pazgjedhura?! Çfarë garanton që veprimi klientelist dhe korruptiv nuk do të shtrihet edhe në marrëdhënien qeveri – palë, që kryen me delegim funksionin shtetëror? Një delegim funksioni apo dixhitalizim procesi, nuk e luftojnë thelbin e problemit, sa kohë që nuk transformohet thelbi i vullnetit politik, përmes shprehjes së qartë të fortë antikorrupsioni, nëpërmjet ndjekjes së parimeve të forta të transparencës së aktivitetit të institucioneve shtetërore dhe, mbi të gjitha, përmes rrëzimit të ledheve mbrojtëse për të korruptuarit e strehuar në institucione.

Por deri sa qeveritë shqiptare të gjejnë kurajën për të tilla veprime, Shqipëria do të vijojë të trajtohet si në vargjet e Fishtës, do të rrihet nën thundrën e korrupsionit, por që tashmë nuk duhet të ankohet (qajë) e ta perceptojë si korrupsion, por si e servirin konferencat antikorrupsion./Monitor

The post Kirurgjia plastike nuk i shëron sëmundjet e korrupsionit! appeared first on Albeu.com.