Tërmeti me magnitudë 6.3 ballë goditi prefekturën Haixi në provincën Qinghai, sipas Qendrës së Rrjeteve të Tërmeteve të Kinës.

Shërbimi Gjeologjik i SHBA-së tha se tërmeti ndodhi në një thellësi prej 10 kilometrash.

Inspektimet janë duke u zhvilluar për të numëruar viktima të mëtejshme dhe dëme materiale.

Rajoni përjetoi dridhje të tjera të regjistruara brenda 40 minutave në vijim.

The post Tërmet i fuqishëm në Kinë, raportohet për të vdekur appeared first on Albeu.com.

Sipas South China Morning Post, shpërthimi shkaktoi një operacion të madh shpëtimi pasi qindra punonjës mbetën të bllokuar nën tokë.

Ngjarja ndodhi të premten në qarkun Qinyuan, rreth 520 km në jugperëndim të Pekinit, pak pas një alarmi për monoksid karboni në minierë.

Në momentin e shpërthimit, 247 punonjës ndodheshin nëntokë. Autoritetet nuk kanë bërë ende të qartë nëse ka minatorë të tjerë të bllokuar.

Presidenti kinez, Xi Jinping, ka urdhëruar shpëtimtarët që të bëjnë çdo përpjekje për të gjetur punonjësit e zhdukur dhe të sigurojnë që pasojat të trajtohen siç duhet.

Ai gjithashtu kërkoi llogaridhënie, duke deklaruar se përgjegjësit për aksidentin duhet të mbahen përgjegjës.

“Të gjitha rajonet dhe departamentet duhet të mësojnë nga mësimet e këtij aksidenti, të jenë vigjilentë për sigurinë në vendin e punës, të hetojnë dhe korrigjojnë të gjitha rreziqet dhe rrethanat e fshehura, dhe të parandalojnë me vendosmëri aksidente të mëdha dhe serioze”, tha Xi.

Ai gjithashtu paralajmëroi për rreziqet sezonale të motit, duke theksuar se Kina po hyn në sezonin e reshjeve dhe duke kërkuar nga autoritetet të forcojnë masat për parandalimin e përmbytjeve.

The post Tragjedi në Kinë/ Raportohet për 82 viktima nga shpërthimi në minierën e qymyrgurit, dhjetëra të bllokuar nën tokë appeared first on Albeu.com.

Komentet e Trump shkaktuan shqetësim dhe pasiguri në Tajvan, ku zyrtarët theksuan se ishulli është tashmë një entitet sovran nën emrin e tij zyrtar, Republika e Kinës.

Sipas William Yang, analist i lartë në Grupin Ndërkombëtar të Krizave në Taipei, udhëheqja tajvaneze ka shmangur vazhdimisht çdo deklaratë zyrtare të pavarësisë, e vetëdijshme se një veprim i tillë mund të provokonte një përgjigje të ashpër ushtarake nga Kina.

“… është në thelb një konsensus në të gjithë bordin se duke vepruar kështu do të krijonte vërtet një konflikt potencialisht katastrofik “, tha Yang për DW. Komentet e Trump vijnë pas diskutimeve me Presidentin kinez Xi Jinping , të cilat thuhet se përfshinin edhe çështjen delikate të shitjes së armëve amerikane në Tajvan./DW

The post Trump paralajmëron Tajvanin pas vizitës në Kinë: Mos shpallni pavarësinë appeared first on Albeu.com.

Ceremonia e përcjelljes u zhvillua me tapet të kuq, ndërsa Trump kaloi pranë rreshtave të ushtarëve kinezë që qëndronin në pozicion nderi dhe studentëve që valëvitnin njëkohësisht flamujt e Kinës dhe të SHBA-së.

Gjatë përshëndetjes me zyrtarët kinezë, Trump u pa duke kapur miqësisht nga supet ministrin e Jashtëm kinez Wang Yi, të cilit i dha një përshëndetje miqësore para nisjes.

Presidenti kinez Xi Jinping e cilësoi vizitën si “historike dhe me rëndësi të veçantë”, duke deklaruar se dy liderët kanë krijuar “një pozicionim të ri për marrëdhënie konstruktive, strategjike dhe të qëndrueshme” mes dy vendeve.

“Presidenti Trump dëshiron ta bëjë Amerikën sërish të madhe, ndërsa unë jam i përkushtuar të udhëheq popullin kinez drejt rilindjes së madhe të kombit kinez”, tha Xi, duke shtuar se të dyja palët duhet të zbatojnë “konsensusin e rëndësishëm” të arritur gjatë takimeve.

Nga ana tjetër, Trump e përshkroi vizitën si “shumë të suksesshme, të njohur në mbarë botën dhe të paharrueshme”. Ai e quajti Xi Jinping “një mik të vjetër”, duke shtuar se ka “respekt të madh” për presidentin kinez.

“Jam i gatshëm të vazhdoj komunikimin e sinqertë dhe të thelluar me presidentin Xi Jinping dhe pres me kënaqësi ta pres atë në Uashington”, deklaroi Trump.

The post Përfundon vizita e Trump në Kinë/ Xi Jinping: Historike, të zbatohen dakordësitë e arritura! Presidenti i SHBA-ve: Takim i suksesshëm appeared first on Albeu.com.

Skandali ka shpërthyer në qytetin Tianshui, ku drejtues të çerdhes Heshi Peixin kishin lejuar që personeli i kuzhinës të përdorte pigmente jo të ngrënshme në përgatitjen e ushqimeve, në një përpjekje për t’i bërë ato më tërheqëse vizualisht. Boja, e cila përmbante sasi të mëdha plumbi, rezultoi fatale për shëndetin e fëmijëve.

Hetimet nisën më 1 korrik, kur u raportua për raste të shumta të fëmijëve me simptoma të pazakonta. Nga 251 fëmijë të regjistruar në kopsht, 233 u testuan me nivele jonormale të plumbit në gjak. 201 prej tyre ndodhen aktualisht nën kujdes mjekësor në spital, ndërsa autoritetet nuk kanë dhënë ende një vlerësim të plotë mbi dëmet afatgjata që mund të shkaktojë ekspozimi i tillë.

Ndërkohë, 8 persona janë ndaluar, përfshirë drejtorin dhe një bashkëpunëtor financiar të institucionit, të dyshuar për përfshirje në prodhimin dhe shpërndarjen e ushqimit të rrezikshëm. Zyrtarët thanë se qëllimi i tyre ishte të rrisnin regjistrimet në kopsht duke ofruar ushqime “tërheqëse për syrin”.

Analizat laboratorike treguan se në disa mostra ushqimore, si një tortë me hurma të ziera në avull dhe një role misri me salçiçe, niveli i plumbit ishte mbi 2,000 herë më i lartë se norma e lejuar. Kovat me bojë, të cilat u sekuestruan nga autoritetet, ishin të etiketuara qartë si të rrezikshme për konsum njerëzor.

Zemërimi publik është përhapur me shpejtësi në rrjetet sociale kineze, ku shumë qytetarë kërkojnë ndëshkime të rënda dhe masa urgjente për përmirësimin e sigurisë ushqimore. Shumë prindër pretendojnë se kishin vënë re shenja të çuditshme në sjelljen dhe shëndetin e fëmijëve prej muajsh, por nuk kishin marrë asnjë informacion nga institucioni.

Rasti ka rikthyer në qendër të vëmendjes një plagë të vjetër në Kinë: mungesa e kontrollit të duhur mbi cilësinë e ushqimit dhe transparencën institucionale. Zyrtarë vendorë janë zotuar për trajtim të plotë për fëmijët e prekur dhe hetim të gjithanshëm të çështjes, ndërkohë që ekspertët paralajmërojnë për rrezikun e një krize të besimit ndaj sistemit të sigurisë ushqimore në vend.

The post Skandal në një çerdhe në Kinë/ Mbi 200 fëmijë me gjak të kontaminuar nga plumbi pas përdorimit të bojës në ushqim appeared first on Albeu.com.

Ngjarja ndodhi pak para orës 08:30 të mëngjesit në Shanzhou Fireworks Co, pranë qytetit Changde. Forcat e emergjencës reaguan menjëherë, duke angazhuar 28 cisterna uji dhe dy automjete kullimi për të përballuar situatën. Megjithatë, operacionet u vështirësuan për shkak të rreziqeve dytësore dhe mundësisë së shpërthimeve të tjera.

Autoritetet e Hunanit kanë ngritur një komision hetimor për të përcaktuar shkakun e aksidentit dhe për të mbajtur përgjegjësit ligjërisht.

Ky është incidenti i fundit në një varg aksidentesh industriale që ngrejnë shqetësime serioze mbi sigurinë në vendet e punës në Kinë. Vetëm muajin e kaluar, një shpërthim në një fabrikë kimike në Shandong shkaktoi 5 viktima dhe 19 të plagosur, ndërsa në prill, 22 persona humbën jetën nga një zjarr në një restorant në Liaoyang.

The post Tragjike në Kinë! 9 të vdekur dhe 26 të plagosur nga shpërthimi në një fabrikë fishekzjarrësh appeared first on Albeu.com.

Presidenti kinez, Xi Jinping, ka bërë thirrje për “përpjekje të jashtëzakonshme” për trajtimin e të plagosurve dhe hetimin e plotë të ngjarjes. Ai e cilësoi zjarrin si “një mësim tronditës”, duke kërkuar identifikimin e shkakut dhe ndëshkimin e përgjegjësve.

Sipas autoriteteve lokale, në vendngjarje janë dërguar 22 automjete zjarrfikëse dhe 85 zjarrfikës. Operacioni i kërkim-shpëtimit është përfunduar, ndërsa shkaqet e zjarrit mbeten ende të paqarta.

Media shtetërore Xinhua raporton se hetimet janë në vijim dhe pritet një analizë e detajuar mbi standardet e sigurisë në vend, teksa Kina është përballur shpesh me aksidente industriale për shkak të infrastrukturës së dobët dhe mungesës së masave mbrojtëse.

The post Tragjedi në Kinë: 22 viktima dhe 3 të plagosur nga një zjarr në një restorant appeared first on Albeu.com.

Ky ishte mesazhi që kompania, Shandong Shuntian Chemical Group, u dërgoi punonjësve të pamartuar së fundmi, në një njoftim që u përhap gjerësisht në mediat sociale.

Ai i udhëzoi ata të krijonin familje deri më 30 shtator, ose ndryshe: “Nëse nuk mund të martoheni dhe të krijoni familje, kompania do të ndërpresë kontratën tuaj të punës”.

Shandong Shuntian, nuk ishte kompania e parë që u përpoq të diktonte jetën personale të punonjësve të saj mes shqetësimeve në rritje për rënien e martesave dhe lindjeve në Kinë. Javë më parë, një rrjet i njohur supermarketesh, i kishte thënë stafit të tij që të mos kërkonte dhurata për fejesë, për të ulur koston e dasmave.

Të dy urdhrat u kritikuan gjerësisht, për shumë nga të njëjtat arsye që njerëzit refuzojnë të krijojnë familje në radhë të parë. Përveç kostos ekonomike për të pasur fëmijë, shumë të rinj kinezë përmendin një dëshirë për autonomi personale. Ata refuzojnë idenë tradicionale se familjet e tyre duhet të drejtojnë jetën e tyre dhe sigurisht që nuk janë të prirur t’i lënë punëdhënësit e tyre të thonë fjalën e tyre.

Vitin e kaluar, 6.1 milionë çifte kineze u martuan – një rënie prej 20 për qind nga një vit më parë, dhe më e pakta që kur qeveria filloi të publikonte statistika në vitin 1986. Popullsia e Kinës ka rënë për tre vjet rresht.

Autoritetet janë përpjekur t’i kthejnë këto tendenca. Zyrtarët kanë vizituar gratë në shtëpi për të pyetur nëse planifikojnë të mbeten shtatzënë. Qeveria gjithashtu, botoi një propagandë që pretendonte se shtatzënia mund t’i bëjë gratë më të zgjuara dhe bëri thirrje për krijimin e një “atmosfere sociale miqësore për fertilitetin”, përfshirë në vendet e punës.

Disa kompani duken të etura për ta zbatuar propagandën.

Njoftimi nga kompania kimike, e cila filloi të qarkullonte në internet muajin e kaluar, u drejtohej punonjësve të pamartuar midis moshës 28 dhe 58-vjeç, përfshirë punëtorët e divorcuar.

“Të mos i përgjigjesh thirrjes së vendit, të mos martohesh dhe të kesh fëmijë, është pabesi”, thuhej në memo.

Me rritjen e talljeve në internet, kompania u tërhoq shpejt. E kontaktuar me telefon, një grua në selinë e saj tha se njoftimi ishte tërhequr dhe se qeveria lokale kishte urdhëruar kompaninë t’i nënshtrohej “korrigjimit”.

Ajo nuk pranoi t’u përgjigjej pyetjeve të tjera. Zyrtarët lokalë të punës nuk mund të kontaktoheshin për koment.

Megjithatë, ka pasur sugjerime se qeveria mund të ushtrojë presion më të drejtpërdrejtë mbi punonjësit e saj.

Vitin e kaluar, një draftdokument nga Komisioni Shëndetësor i Quanzhou, një qytet në Kinën jugore, u përhap në internet. Ai u bënte thirrje punonjësve të agjencive qeveritare që “të merrnin drejtimin në zbatimin e politikës së tre fëmijëve”.

Dokumenti nuk specifikonte se çfarë nënkuptohej me zbatimin. Por komentuesit tërhoqën paralele me një letër të hapur të famshme nga autoritetet qendrore që shihet se ka nisur politikën e një fëmije në vitin 1980.

Ajo letër i nxiti anëtarët e partisë që të “merrnin drejtimin” për të pasur një fëmijë. Një zonjë që iu përgjigj telefonit në Komisionin Shëndetësor të Quanzhou konfirmoi ekzistencën e draftit.

Por ajo tha se qyteti po priste udhëzimet e nivelit më të lartë, përpara se të publikonin udhëzimet përfundimtare.

The post Letra e çuditshme për punonjësit nga kompania: Martohuni deri më 30 shtator, ose do të pushoheni nga puna appeared first on Albeu.com.

Gjegjësisht, filmi “Seven Years in Tebet” e shtyu qeverinë kineze të ndëshkojë aktorin e famshëm dhe ai bazohet në një ngjarje historike nga mesi i shekullit të njëzetë.

Filmi u ndalua nga zyrat e censurës së Pekinit dhe nuk mund të shfaqej në Kinë për shkak të portretizimit negativ të vendit dhe ushtrisë.

Gjithashtu, aktorit të njohur i është ndaluar hyrja në Kinë nga viti 1997 deri në vitin 2014.

Filmi, i drejtuar nga Jean-Jacques Annaud, është një adaptim i autobiografisë së Heinrich Harrer, një alpinist austriak që la familjen e tij në 1939 për të shkuar në një ekspeditë në Himalaje. Kur shpërtheu Lufta e Dytë Botërore, Heinrich dhe miqtë e tij u kapën nga ushtarët britanikë.

Vite më vonë, në 1944, ai arriti të arratisej dhe arriti në kryeqytetin e Rajonit Autonom të Tibetit, Lhasa, ku u takua dhe u miqësua me të riun Dalai Lama.

Të dy u bënë miq para pushtimit të Ushtrisë Çlirimtare Popullore Kineze në 1950.

The post Brad Pittit u ndalua të hynte në Kinë për 20 vjet për një arsye appeared first on Albeu.com.

Ditën e djeshme, Tibeti u godit nga një tërmet i fuqishëm me magnitudë 7.1 ballë.

Të paktën 120 persona humbën jetën dhe qindra u plagosën nga tërmeti që goditi dje Tibetin.

Shumë njerëz të tjerë kanë mbetur nën rrënoja, ndërsa rreth 1000 banesa u shkatërruan.

The post Kina nuk gjen qetësi, goditet nga një tjetër tërmet, sa ishte magnituda appeared first on Albeu.com.