Ish-drejtori Xu Yao kishte helmuar ushqimin e kreut të kompanisë Lin Qi në dhjetor 2020 pas një debati për mënyrën e menaxhimi të biznesit, u tha në gjykatën e Shanghai.

39 vjeçari Lin kishte vdekur10 ditë më vonë dhe police arrestoi Xu pas disa ditë hetimesh.

Katër njerëz të tjerë ishin përfshirë në helmim por mbijetuan, pasi Xu kishte helmuar pijet e tyre në shtator deri në dhjetor 2020 përsëri për debate të ngjashme, u tha në deklaratën e gjykatës.

Kompania Yoozoo zotëron të drejtat e serialit më të njohur fantastik në Kinë “Problemi i Tre Trupave,” ndërsa Xu drejtonte një degë të kompanisë që menaxhonte biznese të lidhura me të, sipas mediave kineze.

Në shtator 2020, kompania i dha të drejtën Netflix të realizonte një përshtatje të trilogjisë kineze, sipas raportimeve vendase.

Yoozoo, ka krijuar gjithashtu lojën interaksive “Game of Thrones: Winter Is Coming,” bazuar në serialin e njohur.

The post Dënohet me vdekje biznesmeni që helmoi themeluesin e rrjetit teknologjik në Kinë (FOTOT) appeared first on Albeu.com.

Shpërthimi u shkaktua nga një rrjedhje e një rezervuari të gazit të lëngshëm brenda restorantit dhe ndodhi rreth orës 20:40, sipas transmetuesit shtetëror CCTV.

Nga shtatë të plagosurit, një person është ende në gjendje kritike për jetën. Gjashtë të tjerët po trajtohen në spital për lëndime të lehta, djegie dhe prerje xhami.

Autoritetet lokale të zjarrfikësve dërguan 20 automjete dhe më shumë se 100 personel në vendngjarje, me operacionet e kërkim-shpëtimit që zgjatën deri në orën 4 të mëngjesit të së enjtes, sipas medias shtetërore, transmeton CNN. 

Fotot e postuara nga media shtetërore tregojnë ndërtesën e dëmtuar, me pamje të jashtme të nxirë, mbeturina në tokë dhe tym në ajër. Zjarrfikësit janë parë duke hyrë në katin e dytë në një shkallë dhe duke nxjerrë njerëzit me barela.

Udhëheqësi kinez Xi Jinping e quajti shpërthimin “zemërthyes” dhe tha se ishte një “mësim”.

Intervistat nga policia dhe zjarrfikësit në vendngjarje zbuluan se dy punonjës të restorantit kishin ndjerë erë gazi rreth një orë para shpërthimit, tha qeveria Yinchuan në një deklaratë të postuar në internet të enjten.

Dy punonjësit gjetën se valvula e rezervuarit të gazit ishte thyer dhe dërguan një tjetër punonjës për të blerë një të re. Shpërthimi ndodhi teksa po ndërronin valvulën.

Policia ka arrestuar nëntë persona, përfshirë menaxherin e restorantit, punonjësit dhe aksionarët, sipas medias shtetërore China Youth Daily.

Restoranti ndodhet në një rrugë të frekuentuar, raportojnë mediat shtetërore. Incidenti ndodhi pak përpara se Kina të fillonte festën e saj kombëtare tre-ditore, nga e enjtja deri të shtunën, duke shënuar Festivalin e Varkave të Dragoit.

Vendi është tronditur nga një sërë incidentesh sigurie këtë vit. Një shembje në një minierë qymyri në Mongolinë e Brendshme në shkurt la 53 të vdekur; më pas në prill, zjarri më vdekjeprurës që goditi Pekinin në dy dekada, vrau 29 njerëz në një spital./Albeu.com/

The post Tragjedi në Kinë, 31 persona humbin jetën pas shpërthimit në një restorant appeared first on Albeu.com.