Zgjedhësit nuk kishin zgjedhje të vërteta, pasi në çdo qendër votimi paraqitej vetëm një kandidat i përzgjedhur nga partia dhe qytetarët mund të miratonin ose refuzonin emrin e tij. Sipas Kushtetutës, zgjedhjet duhet të mbahen çdo pesë vjet, por ato u shtynë për t’u përputhur me kongresin e Partisë së Punëtorëve, një praktikë që ka ndodhur më parë vetëm gjatë Luftës Koreane dhe pas vdekjes së themeluesit Kim Il Sung në 1994.

Zgjedhjet e fundit pasqyrojnë edhe një tendencë të vogël ndryshimi: në zgjedhjet lokale të vitit 2023, 0.7% e votuesve refuzuan kandidatin, një rritje krahasuar me 0.1% më parë, por ende një nivel jashtëzakonisht i ulët kundërshtimi.

Asambleja e re do të mblidhet më 22 mars për të shqyrtuar planin pesëvjeçar të vendit, duke përfshirë zgjerimin e arsenalit bërthamor dhe zhvillimin e raketave me rreze të gjatë.

Ndërkohë, motra e liderit, Kim Yo-jong, është promovuar në një post kyç në parti dhe konsiderohet një nga figurat më të fuqishme të vendit. Ajo shihet edhe si një lidere e mundshme e përkohshme deri sa vajza e Kim, Kim Ju-ae, të marrë drejtimin e vendit në të ardhmen.

The post Kim Jong Un fiton zgjedhjet e radhës, votohet nga 99.3% e popullit appeared first on Albeu.com.

KCNA shtetërore tha se nën udhëheqjen e Kim Koreja e Veriut përmirësoi rrënjësisht parandalimin e luftës, me forcat bërthamore si shtyllën e saj. BBC shkruan se pavarësisht sanksioneve të vjetra ndërkombëtare, Koreja e Veriut ka vazhduar të ndërtojë aftësitë e saj bërthamore, duke testuar rregullisht raketa të ndaluara ndërkontinentale.

Kim, i cili mori kontrollin e regjimit pas vdekjes së babait të tij në 2011, ka investuar shumë në programin e armëve bërthamore, duke e kthyer Phenianin në një sfidë shumë më të madhe për Perëndimin, dhe veçanërisht SHBA-në. Ai pritet të shpallë fazën tjetër të programit të armëve të vendit gjatë Kongresit të Nëntë të Partisë së Punëtorëve të Koresë, i cili filloi më 19 shkurt dhe tani është në ditën e tij të katërt.

Kongresi është mbajtur një herë në pesë vjet në dekadën e fundit. Me rreth 5 mijë anëtarë të partisë të pranishëm, ai ofron një vështrim të rrallë në strukturën e pushtetit politik në Korenë e Veriut, e cila mbetet mjaft e paqartë edhe për vëzhguesit më të mprehtë. Takimet konsiderohen si ngjarja më e rëndësishme politike dhe ofrojnë një pasqyrë se ku qëndrojnë prioritetet e vendit, nga politika e jashtme deri te ambiciet e tij bërthamore.
Ndërsa Kim ka mbetur në krye të udhëheqjes së Koresë së Veriut, presidiumi i kongresit të partisë, ose komiteti ekzekutiv, është riorganizuar që nga takimi i fundit në vitin 2021.

Më shumë se gjysma e 39 anëtarëve të saj janë zëvendësuar, sipas mediave shtetërore.
Në fjalimin e tij hapës javën e kaluar, Kim u zotua të rrisë ekonominë e vendit dhe standardin e jetesës së njerëzve, të cilat ai i përshkroi si detyra të rënda dhe urgjente historike. Të gjithë sytë janë në faktin nëse vajza e Kim, Ju Ae, do të dalë në kongres.
Në fillim të këtij muaji, agjencia e spiunazhit të Koresë së Jugut tha se Kim kishte zgjedhur Ju Ae si trashëgimtarin e tij. Besohet të jetë 13 vjeç, ajo është bërë një figurë gjithnjë e më e spikatur në ngjarjet zyrtare, duke inspektuar raketat dhe duke marrë pjesë në paradën ushtarake të Pekinit me babain e saj.

The post Kim Jong Un riemërohet udhëheqës i Koresë së Veriut appeared first on Albeu.com.

Ish-presidenti kaloi nga kërcënimi i Kim Jong-Un me “zjarr dhe tërbim”, duke u takuar me të në një seri samitesh të paprecedentë dhe duke u mburrur se të dy “kishin rënë në dashuri”.

Tani, kjo miqësi e pamundur do të vihet në provë. Ish-presidenti do të kthehet në Shtëpinë e Bardhë në një moment alarmi akut, midis SHBA-ve dhe aleatëve të saj për Kim-in dhe kërcënimin e paraqitur nga regjimi i tij.

Pheniani besohet se ka dërguar mijëra trupa dhe ton municione në Rusi, ndërsa Moska po zhvillon luftë kundër Ukrainës, në atë që udhëheqësit perëndimorë e shohin si një përshkallëzim të madh.

Ditë përpara se Trump të fitonte zgjedhjet presidenciale në SHBA, ai hodhi një kërcënim tjetër, testimin e një rakete balistike ndërkontinentale me rreze, për të goditur kudo në Shtetet e Bashkuara.

Në gjurmët e fushatës, Trump tha se Kimit “i mungon” ai dhe la të kuptohej se vendi nuk do të vepronte kur të kthehej në detyrë.

Por administrata e dytë Trump, do të përballet me një udhëheqës të guximshëm dhe ndoshta më të rrezikshëm të Koresë së Veriut.

Kim dhe potencialisht arsenali i tij, janë forcuar tani nga lidhjet në rritje me Moskën dhe ai e ka ngurtësuar qëndrimin e tij ndaj SHBA-së dhe aleatit të saj Korenë e Jugut pas diplomacisë së dështuar të epokës së fundit Trump.

Kjo e bën arritjen e një marrëveshjeje mes të dyve, për të frenuar programin e armëve të Koresë së Veriut edhe më sfiduese dhe ngre pyetje nëse Trump, i njohur për politikën e tij të jashtme impulsive, mund të kërkojë të zhvendosë objektivat mbi atë që SHBA dëshiron të shohë nga Koreja e Veriut, thonë ekspertët.

The post A do të jetë e njëjtë marrëdhënia me Kim Jong-Un? Çfarë pritet mes SHBA-së dhe Koresë së Veriut pas fitores së Trump appeared first on Albeu.com.

Në një fjalim për të shënuar 76-vjetorin e themelimit të Ushtrisë së Koresë së Veriut të premten, Kim vlerësoi ushtrinë për “mbrojtjen e vendosur të sovranitetit dhe dinjitetit të vendit” nga “kërcënimet ushtarake imperialiste, shantazhet dhe rreziku i luftës” sipas tij.

Duke komentuar marrëdhëniet gjithnjë e më të tensionuara me Seulin, udhëheqësi i Koresë së Veriut tha se vendi i tij ka “përmbledhur historinë e ndarjes dhe konfrontimit të popullit korean dhe ka përcaktuar kukullat e Koresë së Jugut si armikun më të dëmshëm dhe të pandryshueshëm” të vendit.

Kim paralajmëroi se në rast të një “emergjence”, drejtuesit e lartë të Koresë së Veriut “kishin marrë një vendim për të pushtuar dhe qetësuar territorin e Koresë së Jugut”.

Paralajmërimi vjen pasi udhëheqësi i Koresë së Veriut përjashtoi ribashkimin midis Phenianit dhe Seulit në fund të dhjetorit, duke argumentuar se të dy fqinjët u përmbahen parimeve të kundërta.

Muajin e kaluar, Kim i bëri thirrje gjithashtu parlamentit kombëtar që të etiketojë Korenë e Jugut si “vendin numër një armiqësor”.

The post Një tjetër konflikt në krijim? Kim Jong-un paralajmëron: Duhet të përgatitemi për pushtimin e Koresë së Jugut! appeared first on Albeu.com.

Kim ka thënë se tri organizatat që merren me çështje të bashkimit duhet të mbyllen, sipas medias shtetërore KCNA.

Presidenti i Koresë së Jugut, Yoon Suk Yeol, ka thënë se do të përgjigjet “disa herë më ashpër”, nëse do të ketë provokime prej Koresë së Veriut.

Dy Koretë janë ndarë prej Luftës Koreane, që ka përfunduar më 1953.

Ato nuk kanë nënshkruar traktat të paqes, prandaj teknikisht janë në luftë qysh atëherë.

Në një fjalim të mbajtur para Asamblesë Supreme Popullore – parlamentin verikorean – Kim ka thënë se Kushtetuta duhet të ndërrohet për t’i edukuar verikoreanët që Koreja e Jugut është “armik kryesor”.

Ai ka thënë që nëse shpërthen lufta në Gadishullin Korean, Kushtetuta e shtetit duhet të reflektojë çështjen e “pushtimit”, dhe “inkorporimit” të Koresë së Jugut në territorin e vet.

Kim – i cili e ka zëvendësuar babanë e tij, Kim Jong-il, si lider verikorean më 2011 – ka thënë se Koreja e Veriut “nuk dëshiron luftë, mirëpo nuk synon ta shmangë atë”, sipas medias shtetërore.

Në një raport të publikuar javën e kaluar për North 38 – organizatë me bazë në Shtetet e Bashkuara, me fokus në Korenë e Veriut – ish-zyrtari i Departamentit amerikan të Shtetit, Robert Carlin, dhe shkencëtari bërthamor Siegfried S Hecker, kanë thënë se situata në Gadishullin Korean është “më e rrezikshme se kurrë më parë”.

The post Kimi verikorean braktis planet për bashkim mes dy Koreve appeared first on Albeu.com.

Udhëheqësi koreano-verior i tha presidentit rus përmes një përkthyesi se ishte i sigurt se ushtria dhe populli rus do të triumfonin në luftën në Ukrainë.

“Ushtria dhe populli rus me siguri do të arrijnë një fitore të madhe në luftën e shenjtë për ndëshkimin e një të keqeje të madhe, që synon të vendosë hegjemoninë dhe ushqen iluzione ekspansioniste”, tha ai, duke iu referuar perëndimit.

Më herët udhëheqësit e Rusisë dhe Koresë së Veriut vizituan kozmodromin Vostochny, ku gazetarët pyetën nëse Rusia do të ndihmojë Korenë e Veriut të ndërtojë satelitë. Sipas mediave shtetërore ruse, presidenti Putin u përgjigj: “Kjo është arsyeja pse erdhëm këtu”.

“Sigurisht, ne do të diskutojmë për bashkëpunimin ekonomik dhe çështjet humanitare, si dhe situatën në rajon. Kemi shumë çështje (për të diskutuar). Duhet të them se jam shumë i lumtur që ju shoh dhe ju falënderoj që pranuat ftesën dhe erdhët në Rusi”.

Agjencitë perëndimore të zbulimit dyshojnë se Rusia po kërkon të blejë armë nga Koreja e Veriut për t’i përdorur në agresionin e saj ndaj Ukrainës, por Moska dhe Pheniani e kanë mohuar një gjë të tillë.

SHBA dhe aleatët e saj në Perëndim dhe Azi, kanë paralajmëruar disa herë Korenë e Veriut që të mos i ofrojë Rusisë municione.

Në një takim të Këshillit të Sigurimit të martën, ata i përsëritën këto paralajmërime.

“Ne do të vazhdojmë t’i identifikojmë, ekspozojmë dhe t’u përgjigjemi përpjekjeve të Rusisë për të siguruar paisje ushtarake nga Koreja e Veriut, apo çdo shteti tjetër që do të mbështesë luftën e Rusisë kundër Ukrainës. I bëjmë thirrje Koresë së Veriut që të ndërpresë përpjekjet për të transferuar armë në Rusi”, tha zëvendës ambasadori amerikan në OKB, Robert Wood.

Ndërsa udhëheqësi koreanoverior viziton Rusinë, Pheniani lëshoi të mërkurën dy raketa balistike me rreze të shkurtër veprimi në brigjet e saj lindore. Ushtria e Koresë së Jugut tha se raketat u lëshuan nga afër Phenianit dhe fluturuan rreth 650 kilometra./VOA

The post Kim Jong Un shpreh mbështetje të plotë për Moskën në luftën kundër Ukrainës appeared first on Albeu.com.

“Peniani do të qëndrojë gjithmonë pranë Moskës në fronin anti-imperialist”, tha Kim në Rusi më 13 shtator.

Kimi, po ashtu, i quajtur marrëdhëniet mes Koresë së Veriut dhe Rusisë “prioritet i parë”.

Dy liderët u takuan në objektin e largët raketahedhës në Siberi, për të biseduar sesi interesat e tyre janë të përbashkëta përballë konfrontimeve të rritura dhe të ndara të vendeve të tyre me Shtetet e Bashkuara.

The post Kim i premton Putinit mbështetje të plotë për “luftën e shenjtë” të Rusisë appeared first on Albeu.com.

Në pamjet e shpërndara nga mediat ruse Kim Jong Un u pa në stacionin hekurudhor të Khasan në Lindjen e Largët të Rusisë.

Ai u prit nga ministri rus i Burimeve Natyrore Alexander Kozlov ndërsa në ditët në vijim lideri i vendit komunist do të takohet edhe me Presidentin rus Vladimir Putin, por vendi i takimit mbahet sekret. Mes Putin dhe Kim Jong Un nuk do të ketë ndonjë konferencë shtypi.

Ministria e Mbrojtjes së Koresë së Jugut që ndjek me shqetësim këtë vizitë raportoi se ka pasur lëvizje trupash ushtarake gjatë shoqërimit të diktatorit koreanoverior.

Ekspertët perëndimorë thonë se Moska ka të ngjarë t’i kërkojë Penianit predha artilerie dhe raketa antitank për luftën në Ukrainë. Si këmbim Rusia do të ofrojë teknologji të avancuar satelitore, nëndetëse me energji bërthamore, por edhe ushime për të cilat Koreja e Veriut ka mjaft nevojë pas saknsioneve ndërkombëtare.

Edhe SHBA po e ndjek me shqetësim këtë takim. Çdo transferim i armëve prej Koresë së Veriut në Rusi përbën shkelje të rezolutave të OKB-së dhe Uashingtoni paralajmëroi shtim të sanksioneve nëse ndodh një gjë e tillë.

The post Kim Jong Un mbërrin në Rusi, takimi me Putin mbahet sekret appeared first on Albeu.com.

“Pas ftesës së Presidentit të Federatës Ruse Vladimir Putin, Presidenti i Çështjeve Shtetërore të Republikës Popullore Demokratike të Koresë, Kim Jong Un do të zhvillojë një vizitë zyrtare në Federatën Ruse në ditët në vijim”, thuhet në deklaratë.

Agjencia Qendrore e Lajmeve të Koresë së Veriut (KCNA) gjithashtu raportoi për këtë çështje më herët, duke konfirmuar se Kim Jong Un do të takohet me Vladimir Putin gjatë udhëtimit të tij në Rusi.

“Kim Jong Un, me ftesë të presidentit rus Vladimir Putin, së shpejti do të vizitojë Rusinë. Gjatë vizitës, Kim Jong Un do të takohet dhe do të zhvillojë negociata me presidentin Putin ”, tha agjencia e lajmeve koreano-veriore.

Udhëheqësi i Koresë së Veriut duket se është nisur me një tren special për në Rusi, raportuan sot mediat koreano-jugore, duke cituar burime të larta qeveritare të paidentifikuara, por as Moska dhe Pheniani nuk konfirmuan orarin e saktë të vizitës./Albeu.com

The post Konfirmon Kremlini: Kim Jong Un do të vizitojë Rusinë “në ditët në vijim” appeared first on Albeu.com.

“Jam i bindur se falë përpjekjeve tona të përbashkëta, ne do të vazhdojmë t’i forcojmë marrëdhëniet tona dypalëshe në të gjitha frontet”, tha Putini në një mesazh dërguar Kimit, sipas Kremlinit.

Ai shtoi se “kjo i plotëson në tërësi kërkesat e popujve tanë” dhe ndihmon në garantimin e “stabilitetit dhe sigurisë në Gadishullin Korean dhe në verilindje të Azisë”.

Putini theksoi se Bashkimi Sovjetik ishte vendi i parë që e njohu regjimin e Koresë së Veriut dhe tha se “që nga atëherë marrëdhëniet mes dy vendeve tona gjithmonë kanë qenë të bazuara në parimet e miqësisë, fqinjësisë së mirë dhe respektit të ndërsjellë”.

Raportohet se Kim Jong Uni dhe Putini mund të takohen së shpejti për të biseduar për furnizimin e Rusisë me armë në luftën e saj kundër Ukrainës.

Shtëpia e Bardhë paralajmëroi më 5 shtator se Koreja e Veriut do ta “paguajë shtrenjtë” nëse e furnizon Rusinë me armatim për luftën e saj në Ukrainë.

Rusia, e goditur nga sanksionet, është e etur për të siguruar më shumë furnizim me armë nga aleatët e vet, në mënyrë që ta përforcojë ushtrinë e vet në një kohë kur Kievi po e vazhdon kundërofensivën për ta çliruar territorin e vet.

Këshilltari i presidentit amerikan Joe Biden për siguri kombëtare, Jake Sullivan, tha të martën e kaluar se Peniani dhe Moska synojnë “bisedime në nivel liderësh, madje takim kokë me kokë” për nevojën e Rusisë për armatim.

Ministri i Mbrojtjes i Rusisë, Sergei Shoigu, udhëtoi drejt Koresë së Veriut në korrik në kërkim të sigurimit të municionit shtesë për luftë, tha Shtëpia e Bardhë./rel

The post Putini i kërkon Kim Jong Unit forcimin e marrëdhënieve “në të gjitha frontet” appeared first on Albeu.com.