“Kompanitë dhe biznesmenët që garantojnë transportin e personelit ushtarak dhe pajisjeve me hekurudhë në emër të “shtetit sulmues” janë ndër objektivat e sanksioneve”, njoftoi Zelensky.

Ai tha se burimet e sekuestruara do të përdoren për mbrojtjen kombëtare të Ukrainës. Lista përfshin kompani bjelloruse që ndihmojnë transportin e pajisjeve dhe personelit ushtarak rus.
Në shënjestër ishin edhe kompanitë që prodhojnë dhe eksportojnë kimikate, përfshirë plehra.

Sipas Zelenskyt, Kievi po punon për të siguruar që edhe shtetet e tjera të ngrijnë burimet e këtyre kompanive dhe individëve.

Ndër të tjerë ai falënderoi “të gjithë ata që kontribuojnë në forcimin e sanksioneve kundër Rusisë” dhe ata që hetojnë dhe ndjekin penalisht manovrat ruse për të shmangur ndëshkimin.

Gjithashtu, presidenti ukrainas përsëriti kërkesën e tij që Rusia të përjashtohet nga Lojërat Olimpike të Parisit.

Duke iu referuar zhvillimeve në vijën e frontit, Zelenskiy foli për sulmet me raketa ruse në blloqet e apartamenteve në Kostanivka, rajoni Donetsk të shtunën, të cilat vranë tre persona dhe plagosën 14 të tjerë.

Kreu i shtetit ukrainas këmbënguli se ushtria e tij ka nevojë për raketa me rreze më të gjata për të zmbrapsur dhe parandaluar sulme të tilla./albeu.com/ 

The post “Ndimhuan pushtuesin”, Kievi sanksionon 185 kompani dhe tre individë appeared first on Albeu.com.